四海魚村

营业中

休息中

假日到呢間四海魚村食午餐，午餐一點招牌食物都沒有，比普通茶餐廳還要普通。店員質素亦很差，連問都沒有問就給了一杯熱檸蜜比我地。等一個餐等了超過半個小食，食味又差，不會再來。

今日同A先生喺呢邊買電腦，見到呢間四川菜咁抵食就即刻入去試吓😍半隻雞煲只係$39!!!老闆娘話應該做到月尾就無架啦，快啲去試吓😍除咗雞煲之外，見到好多其他客人會嚟食烤魚，另外仲有好多川式小炒🔥座位都算闊落，有爐擺定係度前菜叫咗涼拌青瓜$38 酸酸辣辣，而且爽口，10分開胃，仲大大碟tim🤣秘製奇味雞煲$39(優惠價)奇味嘅意思其實就係唔辣，因為開頭怕會太辣，果然味道幾特別，有平時食雞煲嘅香，識落都好惹味，另外雞肉亦都滑，肉既份量亦多，洋蔥亦都清甜。A先生就覺得有啲辣會更加好味，於是問咗店員拎少少調味醬店員細心叫我地慢慢加，果然加咗少少之後，雞煲味道更加出，而且更加麻香惹味😋用雞汁撈飯亦都唔錯，由於飯都好大碗所以都係兩個人share一碗🤣蒜蓉炒生菜$58呢度嘅菜式都好有鑊氣而且比較大碟，生菜都比起平時香得多，仲俾我哋清晒添😛另外仲叫咗透心涼嘅凍飲配雞煲✌🏻

朋友前幾日經過見到呢間新開既川菜好多人排隊，然後佢見到門口有個牌寫住$39就有雞煲食，佢見到咁平，所以今晚就帶我黎試試。我們晚上7點半左右黎到，都要等半個鐘先有位！餐廳裝修簡潔，有點像內地食店的裝修，以白色牆為主。餐廳坐位都算多，但一直都人頭湧湧！既然來到，當然要點新張期內優惠價的雞煲和點了酸菜魚！秘製麻辣雞煲($39)，咁平既雞煲係香港真係第一次食，但味道絕不馬虎。我們點了小辣，麻辣味剛剛好！雞肉嫩滑，煲內還有洋蔥、蓮藕等吸味食物，所以味道特別美味！家鄉老壇酸菜鯇魚(例)($198)，冇諗過係咁大盤，鯇魚片都幾多，厚薄適中，魚片嫩滑，帶有少少骨。酸菜頗有酸味，湯帶有少少辣同埋小小酸，內裡還有紅薯粉，口感剛剛好唔會太韌！兩者用黎送飯都係一流！總搭黎講，食物味道都算正宗，雞煲雖然做緊優惠，但材料絕不馬虎！難怪每日都有咁多人排隊食啦！

去買個麵食,話比佢聽要中辣 仲有最緊要果樣要.....分湯啦!叫左龍蝦丸，金錢肚，生菜同肥牛 , 米線等呢碗野等左成大半個鐘 , 出到黎碗野都係無分湯既 ,激死人湯底得個油字中辣都唔算辣仲有係完全無辣既香味嫁米線既分量都多而送呢就好少金錢肚同肥牛可以都係完全無味難食到呀個湯底已經又油又無香味，D送仲要又係無味生菜就得三條無幫我分湯更加似食緊撈米線送左杯柚子茶 , 呢碗野接近60蚊甘難食既麵，我都唔會有下次難食難食難食

天氣潮濕濕最好食吓四川辣嘢 醒吓神。 今日去咗深水埗買電話卡， 而家嘅深水埗有好多新嘅餐廳駐紮， 唔單止淨係舊式 小店， 選擇唔少。今晚搵到嘅四川菜喺北河街， 地鐵站行過去都好近。 店舖光猛潔淨， 一入去就聞到陣陣嘅雞煲香味， 呢個唔叫唔得啦～餐牌好多特色嘅四川小菜， 牆壁上也貼滿好多新款限定菜式和大廚拿手小炒推介。另外，亦有特色烤魚鍋， 更可另點火鍋的配菜。特色雞煲 $138全場香味嘅來源。 熱辣辣聞到好香紅洋蔥味， 花椒，辣椒， 而醬汁亦非常美味， 雞件唔算好大件， 所以肉唔多， 但就真係好惹味！家常豆腐 $68睇唔到佢有辣椒嘅標誌， 原來都係辣嘅系列。 材料有西芹，蘿蔔，木耳， 家常豆腐切薄片再泡油，更加入味。 醬汁及各種材料經過爆炒特別香！叫咗碗白飯，非常大份量清炒蒿筍絲 $78好青嫩嘅蒿筍， 青炒都唔錯， 有獨特嘅荀香。 終於有一款係唔辣嘅餸😀咸檸七$18非常冰凍下火， 但稍嫌冰塊太多， 唔夠喉， 一飲而盡就係鹹檸。 七喜另上就更加抵飲了！星期日晚飯時間非常旺場， 下次再試其他地道四川小菜。

行過深水埗見有間新餐廳原來係食川菜，見門口都幾多人等位，應該唔差，一於放膽試下先。十五十六應該叫雞煲好定烤魚好，問店員推介邊款，佢就話兩樣都好食架！但見好多枱客都有食雞煲，咁就叫左雞煲尼試。麻辣雞煲（半隻）- 中辣$138個煲睇落幾骨子，估唔到放得落半隻雞。味道唔太辣。重慶辣子蝦-中辣$188出面小見，睇落好似好辣食落都唔係太辣。估唔到有十幾隻蝦，呢個價錢都算係咁啦。蝦肉比想像中爽口，唔係炒到乾哂。但諗諗下好似食烤魚好啲。

安逸，還有特價39元吃麻辣雞煲，，麻辣夠味，期待她們特價一直都有。菜單價位我能接受，酸菜魚份量吓人，味道一流，水煮魚也特別，一上桌麻辣味就征服我了。涼拌小菜我很喜歡，我們幾個有吃辣的有無食辣的都符合我們的口味，我在其它地方肯定吃不到這個味道份量和價位，這個地方就是位置太偏了，找了好久才知道。在深水埗做了這麼久，終於有自己喜歡吃味道和價位滿意的餐廳了。現在她們哪裡就是6點都等位了，10才有位，還不訂位，希望老板考於可以電話訂位的。可以規定我們就餐時間嘛，我希望改進。

見門口棟左個牌 39$有半份雞煲 就入去食喇食落好重口味 味濃 送飯一流！我地諗住唔好浪費啲雞汁叫多個薯粉 但雞油愈煮愈多 我地兩個女仔都係少食為妙另叫左一碟丈夫妻肺片 好足料 食得好過癮 要叫埋可樂緩和下啲辣感...兩人埋單160$，幾抵食

貼錢都唔會再幫襯‼️‼️‼️泡椒大腸完全冇泡淑，啲腸淋到冇牙都可以吞到落肚，又變成大雜燴大腸，重成158，出晒名嘅老字號都冇咁貴，個雞煲雞肉又乾爭爭，又話麻辣完全食唔到麻辣香味，一開始連爐都唔比，話唔係打邊爐就冇爐，但佢地連問都冇問過打唔打邊爐🤬🤬

正宗川辣，美味，推廣特價優惠$39，抵食，半隻雞煲，夠2人食用。乾香麻辣，另外也可以做香辣嫩滑的。加上其他配食，兩個人也$140左右，認真抵食兼好食！👍🏻👍🏻