四川重口味

营业中

休息中

生日飯朋友訂在喱間店食飯，一行6人，訂左個海鮮鍋4人份量。味道其實就好似張D海鮮用麻辣炒晒佢之後一層層放返好。無咩特別，但份量其實算多。出面炒兩隻蟹都要喱個價錢。佢D小炒真係幾好食，小食不過不失啦。我特鍾意食海鮮的，我對佢地個水煮桂花魚大讚，真係超級好食。

岩岩食完，比新假期昆左，伏中之霸。什麼推介既手掌咁大既蝦，BB手掌咁大，鮑魚細到蚊子咁，蟹又臭又唔新鮮，d蜆全部訓哂覺，得d配菜免強可以入到口，下面呢牒又係乾到咩咁。

之前睇新假期有一個叫做「抵食既海鮮鍋」，$388 4人份量，果樣都幾吸引下，咁就同朋友一齊黎食！點知黎到根本唔係個回事，寫就寫每人一隻膏蟹，黎到得兩隻，問啲職員佢竟然話呢度咪4隻囉！下！2隻斬開一半都叫做4隻！啲態度超級差！蜆有沙又臭、蝦又梅又唔新鮮！真係冇下次呀！

經過門口，見到大大banner寫，坐低叫餐，阿姐先話6點前先有，埋單仲加一，後來比錢出門口睇番，banner根本無寫加一同6點先無飲品送，我覺得誤導客人。至於味道，我預左四川菜館食越南河係無水準，湯底一般，牛肉碎上，餐廳除味道外，誠信也重要

口水雞：少少辣，先開胃豬耳：清清地，幾爽脆牛喉嚨：味道唔錯，值得一試炒蓮藕：可以要黎中和下，唔使全部都係肉炒蟹：一隻辣、一隻唔辣，有啲似新加坡食嗰啲，幾好食雞煲：叫左BB辣，應該辣啲會更好食肥牛：唔知邊嗰部位，但牛味幾重，唔只得個"淋"字註：個名又四川又重口味，本身唔太愛辣，原本有啲怕，但食落有啲驚喜，每樣餸都有特色結論：四川麻辣、口味不重

見FACEBOOK有朋友Share張雞煲相 ,見到好似幾吸引 ，涼涼地就去整個雞煲食下。 一行4人 8點幾去到 ，門口又有錶位 ，都幾方便 。 叫左幾個小食 泡椒雞腳 ，雲耳，鍋筍 。味道都可以 ， 夠晒辣。再叫左兩個雞煲，同酸菜魚，一個乾身， 一個就有湯嘅麻辣雞煲 ，辣味夠 ，夠香 。味道不錯 ，可以再食。  

突然好想食辣野，求其搵左間四川菜食，等左大約5分鐘就有位😎，乾淨一般，禮貌都可以，叫左個水煮魚、涼拌萵筍絲、麻辣肥腸......味道都釣幾好😋煮魚d魚夠滑，味道都算夠辣但不過唔夠麻，涼拌萵筍絲夠蒜味，麻辣肥腸夠味夠辣，下次都會去再食過👍🏻👍🏻