影片
招牌菜
是日是与前度男友(即我老公~)拍拖5周年, 两个半人去食上海菜.之前有次朋友聚会想去四川楼菜馆的, 但当时已结业. 今次见重开, 当然想去一试.两个半人叫了小笼包,三鲜锅巴,红烧狮子头以及上海粗炒. 份量大, 所以最后系要打包半份红烧狮子头及上海粗炒回家.:: 小笼包 ::虽不及鼎泰丰的皮薄, 但馅料鲜味, 汤汁亦十分充足!点些醋食吓食吓, 我食咗3只~~:: 三鲜锅巴 ::因要戒辣, 所以唔食酸辣锅巴. 三鲜分别有鸡片,虾仁,同火腿片. 味道较清淡, 自己食会加少少醋提味. 锅巴亦新鲜脆口, 唔会有油益味. 上菜时会细心问需唔需要代为淋个汁上锅巴, 我地当然唔使, 自己慢慢边加边食. :: 红烧狮子头 ::红烧狮子头个味就好似同我想像中不同, 唔系甜又唔系咸...不是我杯菜. 或者叫碗白饭去配, 效果会唔同啲?:: 上海粗炒 ::最后上的是后加的上海粗炒! 色泽平均, 又不会好油, 味道系我细细个试上海粗炒时嘅味道. 酱油的香同甜, 食得好开心. 唯独一样美中不足的, 系除椰菜, 重加多几条白菜去炒, 白菜没有椰菜的甜同脆, 所以系唔加好过加. 可惜. 但味道真系唔错~~价钱合理, 多谢前度男友请食饭~~ 我同bb食得好开心~~
继续阅读