四寶食堂 (兆安廣場)

营业中

休息中

[🇭🇰香港- 銅鑼灣].越開越多茶記, 有時質素會好參差! 幫大家試左, 呢間唔會伏! 必食”喜哥蔥油豬扒煎蛋飯” 豬扒大塊嗰隻手掌又厚身😍 加杯“檸檬桂花蜜糖冰茶” 滿足曬! 📸1️⃣ 喜哥蔥油豬扒煎蛋飯 2️⃣ 板燒美國頂級封門牛柳3️⃣ 燒雞扒撈黑蒜蔥油公仔麵4️⃣ 炸雞翼薯條.🔻🍽 四寶食堂📌 地址: 銅鑼灣謝斐道482號兆安廣場地下1-3號舖.

四寶食堂四寶一向是我同男朋友飯堂，上一份工在times square 返，都成日去食個蔥油豬扒飯做lunch 轉了工後大半年無食啦，今次見到新出2人晚餐set 超抵$198又正（包曬出名架菜式）湯，白汁蘑菇湯，蘑菇原粒salad 意粉（2選1）卡邦尼/蕃茄肉醬意粉，點了卡邦尼，由煙肉炒出油香再加白汁同蛋。主食（2選1）有牛扒/豬扒拼雞扒，豬扒好厚又大件，伴以蘑菇汁，來四寶食豬扒準沒錯。甜品 雪山西多士，西多士上灑了cream 同朱古力醬，中間抹了花生醬，明知熱量高，但真的引唔住。飲品upgrade $8 朱古力雪山，擠了很多cream,甜又滑你話係咪勁豐富又抵呀！"#四寶食堂 #香港美食 #香港茶餐廳 #香港茶記 #香港探店 #港式餐廳 #香港必食餐廳 #銅鑼灣美食

今日約咗兩個朋友去銅鑼灣四寶食堂食下午茶。好彩我哋三個唔使等位，侍應安排咗我哋坐喺舒適嘅卡位度。我哋三個人叫咗一個下午茶餐同一個二人下午茶。七味椒鹽炸雞中翼配美式薯條（$42）：雞翼size適中，唔會太細隻，所以炸出黎唔會乾爭爭。七味椒鹽惹味。薯條份量好多。仲配有啲沙律菜，感覺冇咁罪惡感。凍檸茶（+$3）：有4片檸檬。茶味濃。以下係二人下午茶（$108）所包括既食品：芝士肉醬意粉：肉醬夠多。食到最尾都仲有肉醬淨。肉醬有好多肉碎喺入邊，配埋酸酸may may嘅蕃茄醬同芝士粉，味道不錯。意粉質地唔會太腍，有咬口。北海道咖喱照燒雞扒飯: 雞扒幾大塊。肉質嫩滑。煎過嘅雞皮好香口。咖喱係日式咖喱，唔係辣嗰種，香甜惹味。雪山西多士：雪山即係有cream同埋朱古力醬喺西多士上面。西多士係有搽花生醬嗰隻（我鐘意）。西多士炸得香口。鳳梨百香果冷泡高山烏龍（+$8）：有幾舊罐頭菠蘿肉喺入邊。百香果汁酸酸美美，好開胃。冷泡高山烏龍，茶味清香。蘆薈西柚梳打（+$8）：梳打口感清爽。蘆薈粒感覺健康。

四寶食堂 (銅鑼灣)銅鑼灣謝斐道482號兆安廣場地下1-3號舖。茶仔對我黎講永遠都係快靚正之選，自從興起左冰室之後，茶仔嘅格局都升格不少，裝潢都唔再求求其，而四寶食堂仲有幅打卡花牆tim 😯。二人套餐（$198）套餐就最好，有餐湯有野飲，揀左西冷牛扒（+$38），估唔到仲有得揀幾成熟，切開睇睇又煮得唔錯wor，另外仲叫左意式蕃茄肉醬意粉，同樣有驚喜，意粉唔係其他茶仔咁煮到淋曬，仲留有口感。套餐仲跟個甜品，就係雪山西多士，一聽就知係邪惡之物，但愈邪惡就愈好味 😝。紅酒野菜燴羊膝（$148）呢個價錢食到咁大舊羊膝真係抵到爛，自己買材料煮都分分鐘要呢個價，羊膝已經煮到淋曬，輕易離骨，淡淡肉好正 。#gpigcwb

🌸《四寶食堂 · 茶餐廳 · 銅鑼灣》-四寶食堂長期都見到有好多人大排長龍，小編七、八年前食過，記得係高質茶餐廳，今次過左咁耐，見佢人氣不減，就同屋企人叫左兩份下午茶同一份午餐，睇下質素係唔係真係咁好先‼️GO‼️-🔹 美式BBQ醬燒肋骨 $52燒肋骨醬汁足夠，醃製調味岩岩好，肋骨唔會唔夠肉，不過因為係茶餐廳，所以都唔會同平時西餐廳質素比較，只可以話呢個價錢食到呢個質素幾唔錯的✨-🔸招牌熱狗 $32招牌熱狗勝在佢有兩條香腸，麵包熱辣辣，外軟裡面烘過，再加上沙灘醬，食落酸酸甜甜，好開胃🙈-🔹 喜哥蔥油豬扒太陽蛋飯 $65小編以前就係食呢個午餐覺得幾好食，八年後食返覺得佢無退步👍🏻 豬扒比較以前好似仲大塊左，蔥油亦都比多左，令到每啖豬扒同飯都食到蔥油香✨再加埋蛋汁，無得彈🙈-📍 四寶食堂@soul.kitchen.hk 銅鑼灣謝斐道482號兆安廣場地下1-3號舖-Revisit: 🤍-#hkfoodie #foodbitxh #foodbitxh_cwb #香港美食 #香港好去處 #打卡餐廳 #相機食先 #香港美食指南 #香港美食日記 #香港美食推介 #香港打卡 #餐廳推介#假日好去處 #

四寶食堂今次要介紹銅鑼灣嘅茶餐廳叫「四寶食堂」，到下午茶時候仍然好多人排隊，我主要比佢哋門口Tiffany blue嘅顏色吸引住，行到入去見到有一幅牆身有好多花，茶餐廳有花牆都係第一次見，加埋見到下午茶餐牌完全明白點解咁多人嚟食，喺銅鑼灣嚟講絕對係性價比好高！輪椅人士如果要入呢間茶餐廳，就要自己準備帶斜板入去啦，因為門口有一級，所以呢間茶餐廳可以算係「高級」茶餐廳！1.百里香燒春雞（半隻）伴美式炸薯條+熱奶茶$52（9/10）呢隻燒春雞咬落超爆汁，真係一滴滴汁滴出嚟，肉質好嫩滑，仲有沙律菜同炸薯條，不過炸薯條就比較淋身，份量都ok！熱奶茶：夠滑，茶味夠出！2.芝士安格斯牛肉漢堡包+熱咖啡$45（8.5/10）呢個安格斯牛肉漢堡包入面材料都夠豐富，有芝士、生菜、兩大片蕃茄同一塊安格斯牛肉，牛肉肉質唔鞋，麵包鬆軟，好好食！熱咖啡：偏酸少少，都好飲！3.食堂招牌熱狗$32+凍檸茶$3（8.5/10）呢個招牌熱狗真係好正，入面除咗夾住兩條香腸，仲搽咗好多牛油，好邪惡！凍檸茶：未見過放咁多檸檬，放咗5大片，不過甜咗少少，茶味唔夠出，真係睇你想飲檸檬味定茶味，到時自己就住篤檸檬！2人總共價錢$13

今日約左係銅鑼灣做野嘅朋友食個tea短聚一下，記得四寶啲食物係幾高質，我地約左係呢度食，基本上好多時四寶都係好多人食，不過都好快有位我地叫左個二人下午茶餐，性價比又幾高，套餐包左兩個主食，一份西多士，兩杯飲品😍🥢照燒雞扒北海道咖哩飯雞扒飯份量好大，唔似下午茶咁少，北海道咖哩好香，雞扒好厚身嫩滑，食完好夠飽🥢芝士肉醬意粉🍝肉醬意粉蕃茄味道好濃郁，配埋落意粉到滋味感十足，另外加多小小芝士粉仲香口🥢雪山西多士西多士有一層cream係面頭😍食到花生醬嘅鹹香，好邪惡又好好味飲品我同朋友都揀左奶茶，茶記港式奶茶係無得輸，茶底夠濃奶香💯

窩夫與蝦子餅跟很多香港人一樣喜歡到茶餐廳開餐，「四寶食堂」已經光顧多次了。「四寶食堂」門面的顏色吸睛又易認。之前吃過早餐和晚餐多次，日前才第一次去吃下午茶。港式奶茶有茶香，茶和奶的比例剛好，叫人滿意。食堂招牌熱狗($32)屬港式熱狗，輕輕烘過的熱狗包夾著兩條熱辣辣的香腸，沒有生菜和番茄等配菜，只加了適量沙律醬，簡單美味，是童年回憶中的味道。另一份茶餐點了瑞士汁雞髀配菠蘿油($44)。瑞士汁雞髀熱辣辣，瑞士汁的甜度剛剛好，雞髀入味好吃。菠蘿包大大個，很少茶餐廳會將菠蘿包烘過才夾牛油，十分欣賞「四寶食堂」的誠意。

呢間冰室有好多分店，今次去咗銅鑼灣，裝潢設計完全唔似茶餐廳，以藍色為主調，仲有打卡花花牆、食物方面主打多款港式料理，早午下晚嘅款式都唔一樣，而且擺盤精緻，值得到訪😜晚市套餐二人套餐十分豐富，包括餐湯、沙津、主食、飲品同甜品！另外有一人餐，主食款式有更多選擇、個人最鍾意魚柳，三大塊，魚肉嫩滑，無雪藏味，以香草白酒調配，混合蕃茄沙沙同意大利陳醋，健康又好味道👅豬肋骨可以切成7-8條，望落去偏乾但估唔到食落好juicy，BBQ醬汁夠入味，越食越過癮！燴羊膝混合番茄野菜同紅酒，好大一塊，一咬即散，啖啖肉，滋味無窮！牛肉有封門牛柳同西冷牛扒，建議叫五成熟，粉粉嫩嫩，鹹度適中，讚👍每款主食都可以叫兩款伴菜，分別有牛油粟米、炒什菌、田園沙律、原個燒蒜、美式炸薯條、香烤蘭花台同德國薯仔沙津，賣相精緻，味道完全唔會hea你，食蔬菜保持健康飲食，唔錯🤣

要食下午茶茶餐廳一向都係唔錯嘅選擇呢間茶餐廳嘅下午茶有好多選擇，唔係淨係西多士嗰啲，佢仲有豬仔骨，扒，西餐嘅焗飯粉麵。今次我叫咗個蘭王蛋肉醬意粉流心蛋王撈埋落啲肉醬好食到停唔到口意粉嘅勒度剛點好，唔會太軟又唔會太硬不過份量就應該相對午餐細啲，我一個女仔食完飽度剛剛好。因為平時如果食午餐就一定會食剩一半。如果係男仔可能要叫多樣小食會好啲。至於呢度嘅侍應服務就一般啦，同大致嘅茶餐廳差不多。佢哋都唔會吹你走嘅～環境都算乾淨，唔會感覺張枱油油，未抹乾淨。價錢方面，相比起其他茶餐廳好似貴咗少少

四寶食堂，呢間係我慣常一人人快閃銅鑼灣嘅飯堂平時最常食佢嘅早餐或者滑蛋叉燒飯，熱奶茶今次試吓佢哋豬扒飯喜哥蔥油豬扒煎蛋飯黎到見到時真係嚇親豬扒嘅面積明顯大過手掌好多以女生嘅食量嚟講呢一個飯真係份量夠曬多，絕對飽肚，分分鐘都食唔晒蔥油係香嘅唔會太油豬扒啱啱好，唔乾唔鞋口

之前係繁忙時段經過銅鑼灣都見到呢間茶餐廳排晒隊，今晚同朋友見到不是太多人終於有機會去食。餐廳環境充滿濃厚港式風情，裝修明亮簡約雅致，上菜速度都幾快手，落單後好快有得食😋今晚同朋友點左個2人晚餐，大家都食到飽飽～二人套餐 $198份量幾豐富，有餐湯、廚師沙律、意粉、牛扒同西多士，絕對夠食！經典卡邦尼意粉份量多 上面有好多煙肉同蘑菇粒，仲有一隻流心蛋，蛋汁拌勻意粉一齊食更加滋味~香煎西冷牛扒 +$38大大塊 朋友不吃太生，點了七成熟度，估唔到肉質仍保留軟腍有彈性，肉味香濃。雪山西多士西多士變奏睇落更加吸引，多士炸得香脆，配埋忌廉同朱古力醬，口感又幾特別。套餐包含2杯飲品，另加錢可𨍭特飲蘆薈西柚梳打 +$8蘆薈白桃冷泡高山烏龍 +$8炸薯條伴黑松醬 $58薯條新鮮炸起，炸得香脆又不會油膩，上面嘅黑松醬好香濃，非常好食。

放工趕上堂，上堂同同學黎個快食，鍾意呢度卡位坐得舒服，價錢又抵食。叫咗二人晚餐，好快所有食物送到，啱我地趕時間。份量啱啱好，又有齊晒所有野食，湯，前菜，主菜，甜品同飲品，都係$200咋，仲要質素OK。是日餐湯，係白湯，忌廉蘑菇湯。廚師沙律夠健康。意粉二揀一：經典卡邦尼意粉或意式番茄肉醬意粉。卡邦尼意粉，味道好濃郁夠入味，同多火腿。扒可以揀：香煎鴽鴦扒或香煎西冷牛扒。之前我食過，所以我哋揀返香煎西冷牛扒，軟硬適中，有口感同牛味。最後仲有甜品，雪山西多士，超正！！ 夠飽，一個set有哂所有野，好味同滿足哂。飲品2杯，雪山紅豆冰同鳳梨百香果冷泡高山烏龍都好飲。非常滿意，快靚正，性價比高嘅選擇！！

今日同跳舞同學連跳兩場後去左附近呢間用Tiffany blue裝修既茶餐廳醫肚實在太餓兩個人叫左3個茶餐北海道咖哩吉列魚柳少飯$52魚柳好大塊～日式咖哩唔會好辣板燒美式薄牛扒配嫰滑炒蛋+胡麻醬田園沙律$48牛扒超大塊，肉質都唔錯，幾香牛味炒蛋嫰滑好香牛油味沙律菜爽脆好新鮮最鍾意胡麻醬夠多食堂招牌熱狗$32呢個真係大推，有兩條腸仔之餘，麵包有烘過好有誠意，厚厚既牛油好邪惡～不過好好食三杯凍奶茶少甜少冰，奶茶都唔錯茶味濃，真係有少甜到👍👍茶餐廳嚟講裝修唔錯，坐位寬敞唔會迫迫夾夾食完坐陣吹水都無人趕店員都好親切～下次想試下二人下午茶

銅鑼灣嘅｛四寶食堂｝係我少數鍾意食嘅冰室💕食物配搭比一般嘅冰室有新意，最緊要係份量多，質素好，價錢仲好合理👏🏻👏🏻✴️常餐｜蕃茄薯仔牛肉通粉✴️湯底望落同食落都好濃郁，有大大嚿紅蘿蔔、薯仔同蕃茄♨️除咗牛肉片外，仲有幾嚿牛腩同牛筋，所以湯底充滿牛味，鮮甜又唔膩口🫶🏻✴️常餐｜沙嗲牛肉公仔麵✴️沙嗲汁杰身，有花生味甜味亦夠，但差咗啲辣味～公仔麵麵質正常，軟硬適中🙌🏼✴️常餐｜煎蛋配厚多士✴️原本係跟提子酥，加$2轉咗多士～多士好厚身，食完個麵唔會食得哂兩件多士，好飽😅不過所賞佢嘅份量，食完有滿足嘅感覺💗