四寶食堂 (華凱大廈)

营业中

休息中

新鮮出爐菠蘿包好好食(⁎⁍̴̛ᴗ⁍̴̛⁎)好幸運可以遇到剛出爐既時間同室溫相比，新鮮出爐熱辣辣好食100倍！（而且個菠蘿皮無咁易甩）脆皮內軟值得等到佢新鮮出爐先買！（＾ν＾）

午餐：原條龍脷柳配西炒飯，拎上檯係兩條細龍脷柳都係冷既，同著有領恤衫既哥仔講，佢話換食其他野，咁我想食炸龍脷就費事煩改其他野。西炒飯係暖既，味道OK，但龍脷柳就好唔得啦。之前見其他顧客係一條大龍脷，賣性好好多，熱唔熱就唔知啦。但以往呢間野既出品係新鮮整既，煎豬扒係好熱唔上，今次唔知點解失手，個伙記又唔太在意我的反映，咁就算啦。希望今次係個別事件，如果真係就咁差左，就非常可惜啦！咸牛肉炒蛋熱狗：味道OK，咸牛肉唔係好多，不過下面藏有腸仔，份量足夠，不過都唔係好熱。伴碟既粗身炸薯條就熱辣辣，非常好食。凍奶茶：少冰少甜，叫過好多次，少甜的凍飲同一般茶記的正常甜相若，大家要留意。就今次體驗，無可避免要差評唔好食都要清碟，唔浪費

每次提到港式餐廳不得不提「四寶食堂」，餐廳裝修以Tiffany blue作為裝修主調顏色，主色調用上湖水藍，色調柔和舒適，感覺清新舒服，座位都好寬闊，有唔少卡位，屬於新派茶餐廳。門口位還保留最大特色……麵包櫥窗，係半開放式做麵包外賣。因工作關係在這附近食早餐，看到評論不錯就來試試……招牌餐（香濃沙嗲牛肉麵+嫩滑炒蛋+每日精選餐包）四寶食堂嘅沙嗲牛麵真係一絕，出面好多嘅沙嗲牛麵通常都係落味精蓋過沙嗲味。但四寶唔同，佢嘅沙嗲牛麵未食已經聞到濃郁嘅沙嗲味。食物好快就上枱，牛肉有咬口唔會嗱到鬆晒，份量甚多，麵條煮得爽彈，沙嗲汁香濃有花生粒，將啲麵撈勻落去沙嗲汁度味道啱啱好，讓人忍不住大快朵頤，比起一般茶記質素高。煎雙蛋就正常，麵包係比較少見嘅墨西哥包，頂層嘅白霜奶味濃郁，甜甜地仲要係實心包，幾好食又特別，真係無得輸。我個人覺得呢個早餐真係好抵食，牛肉份量多，炒蛋仲可以轉做煎雙蛋。總結：環境十分乾淨整潔，侍應服務非常週到，性價比極高，咁嘅價錢有咁嘅份量仲要係高質素，難怪人氣鼎盛排長龍。

其實我食左幾次先打呢篇食評 一如既往咁穩定呢茶餐廳 我最鐘意食佢既 瑞士雞髀蔥油撈面 色水靚 面質剛剛好夠煙韌 唔會太腍 滑蛋都炒得好滑 佢沖既野飲都好穩定 唔會好水 雞髀肉質軟 唔會太硬 同個蔥油夾到飛起 西多士都勁正 夠厚 好食 紅豆冰都好穩陣 超多豆 椰汁同糖水比例啱啱好，唯一缺點就係好多時lunch時間都勁多人 要排隊等大概10至15分鐘先入到 不過入到去都好快上枱 超級推薦呢間餐廳 環境尚算OK乾淨企理 會推薦比朋友 自己都會多啲嚟食

嚟到咗這家食堂，率先點嘅係招牌奶茶，啖啖都係滑嘅口感，仲有一種熟悉嘅茶香，真係夾硬。不過講真，最掂嘅竟然係魚香茄子鹹魚雞粒煲，辣勁適中，鹹魚同雞肉夾杂嘅香味，呢谷就讓人回味無窮。同埋，佢嘅酥皮蛋撻，外酥內滑，吓吓脆口，一啖咬落去，滿嘴都係幸福感覺。豆腐就係出乎意料嘅好食，好多餐廳弄唔好嘅柔軟口感，佢居然做到外皮脆脆，入口即化，真心推介！至於呢個阿華田特飲，喺頂層加咗忌廉，令個飲品即刻提升到另一層次，濃郁香濃又唔膩口。有新穎嘅飲品選擇同埋小吃喎，雖然我遲咗點去，賣晒啲包，但下次一定要早啲去搶先試！正呀👍！總括嚟講，食味精彩，口感層次豐富，真係標準港式味過癮。 🍜🍰🍵

星期六早上到了炮台山四寶食堂（北角分店)吃早餐A，食物包括有火腿通粉，太陽蛋，芝麻包和熱奶茶，其食物質素良好，通粉軟硬度剛剛好，火腿亦多，圖中的火腿數量不多是因為我給了我老公，奶茶的奶味濃郁，芝麻包亦是新鮮製造，包的款式會變的，之前試過菠蘿包和蝴蝶酥，值得推介！

又到開心share茶餐廳系列😋四寶食堂炮台山分店幾受街坊歡迎，星期日午市要排隊，條龍好快清，等咗10分鐘左右就入得👍🏻 餐廳座位坐得舒服，唔會好逼🤫 最緊要嘢食好好味！！1️⃣ 喜哥蔥油豬扒太陽蛋飯🍳🍚（$65）Menu招牌菜之一完全被蔥油豬扒所驚艷🤣 豬扒大大份，大過隻手蔥油味好香，豬扒口感好嫩滑熟得嚟一啲都唔「柴」好啱送飯😋😋😋2️⃣ 黑蒜油叉燒滑蛋飯🍳🍳（$60）大份足料 超多叉燒飯量多 細食嘅話可以叫少飯滑蛋鬆軟好滑 叉燒肉質軟熟黑蒜味就好似唔太出🙊整體係好啱胃口嘅家常飯🍚———————————————————

一向唔敢喺茶記鋸扒，次次嗌5成都比8 9成我🫠食咗幾次四寶，覺得質素唔差，個個咕嚕肉食極唔厭，見到個新鮮菠蘿都覺得滿足🤣今次比次機會佢，食塊西冷，依然係5成，點知估佢唔到喎，今次真係5成，入面仲係粉紅色，厚得嚟肉身都好嫩🥩本身見到佢個餐又包又蛋，我已經知自己一個人唔會食得晒，咁岩見到個大家姐🤣（我估，因為得佢係粉紅色衫，而且次次都見到佢）忍唔住問可唔可以咩都唔要，淨係要扒同薯條，大家姐都超好人，估我一個女仔食唔晒，都轉比我。點知塊牛扒真係厚到爆炸，我最後都係食唔晒。因為我食薯條一條要食沙律醬，但一般茶餐廳都唔願比沙律醬我，又話要加錢，但呢度都好捨得，大家姐仲話唔夠出聲🫶🏻香港好小高質茶記，四寶係一個幾好嘅選擇，雖然定價比普通茶記高，不過質素同價錢成正比，由早價已經係大大份，仲有招呼有服務👍🏻

四寶食堂 - 北角識我嘅人都知我係呢頭大，睇住呢間嘢係富利來搬去AIA再搬去冰室果個位，店鋪越嚟越大，仲越嚟越多分店🤭食物❤️❤️❤️❤️食物幾好，炒蛋好食～一嚟果陣都熱嘅～但即時入到口果啲，菜單變化都幾大嘅，食物可以單叫嘅，果日突然想食雞髀，原來可以就咁單叫，另外唔要佢個麵包轉做菠蘿包都係加$8 ，我覺得呢個安排幾好🥰份量正常茶餐廳嘅份量，性價比可以，夠晒飽 👍🏼👍🏼👍🏼環境環境裝修靚，好新嘅，好多卡位可以坐不過好好生意超多人，成日要等位🤭冷氣岩岩好唔會覺得熱服務好好生意，侍應都做到好忙，唔好要求有咩服務喇，過得去就算喇🤪價錢價錢計返都合理，唔算特別平但食物ok嘅，值得幫襯！🤭#hkfoodie #hkfoodies #hkfoodieblogger #hkfoodieyiki #四寶食堂 #香港美食 #香港茶餐廳 #香港茶記 #香港探店 #港式餐廳 #北角美食

炮台山站附近嘅<四寶食堂>係一間好受歡迎，人氣高企嘅茶餐廳，成日都要排隊，今晚好好彩，等咗十分鐘就可以入座，仲要安排到坐得舒服嘅卡位，今晚當然要食番餐飽嘅！～晚餐叫咗<胡椒清湯牛拼盤>，套餐附送養生燉湯，只需加$28，仲有升級前菜，同埋飲品一杯，真係超級抵食！～今晚嘅養生燉湯係<排骨粟米舞茸湯>，呢個湯真係用料十足，成個燉湯盅入面放滿咗材料，而且呢個湯入口非常清甜好味。叫咗半隻<拔道腩水門雞>，上枱嘅時候真係畀佢嚇咗一跳，因為真係好大碟，分量超級足，水門雞已經去曬所有骨，入口啖啖肉，而且雞嘅肉質非常鮮嫩，附送嘅醬汁微辣惹味。前菜叫咗<蒜泥白肉黑毛豬>，黑毛豬嘅份量都好多，而且個人非常鍾意佢嘅蒜香醬油味道，又濃又香口。主角<胡椒清湯牛拼盤>出場，呢個餸真係非常足料，有牛肉丸、牛腩、牛脷、仲配有好多嘅白蘿蔔。呢個牛腩嘅清湯底非常清甜，而且牛肉嘅味道非常香濃，無論牛脷、牛腩同埋牛丸都非常之好食。<拔絲山楂汁菠蘿咕嚕西班牙黑豚肉>呢個咕嚕肉絕對係五星級嘅質素，餐廳用咗優質嘅西班牙黑豚

同朋友👩🏻‍💼一齊喺炮台山，想食啲地道嘢，咁諗吓有乜茶餐廳，記起呢間，咁就唔再諗啦，同朋友👩🏻‍💼一齊過去開餐🤣晚餐 $128「金銀蒜金菇粉絲大元貝蒸水蛋」，包「燉湯」，加 $28「升級前菜/飲品」，揀咗「蒜泥白肉黑毛豬」同「凍檸茶少甜少冰(+$3)」😋「金銀蒜金菇粉絲大元貝蒸水蛋」：有3隻「元貝」，肉質新鮮幾爽脆，仲加咗炒香咗嘅蒜蓉🧄同埋新鮮蒜蓉🧄去蒸，香口好食😋；「元貝」下邊係「粉絲蒸水蛋」，粉絲同水蛋吸收咗元貝汁，非常鮮味🤩「蒜泥白肉黑毛豬」：豬肉🐷幾爽口🤩$98「拔道腩水門雞（半隻）」，加 $20「燉湯」😋：半隻「水門雞」份量已經相當多，好多肉，不同部位有不同口感，幾好食🤩前後一共有兩個「燉湯」，係「紅蘿蔔粟米苦瓜瘦肉湯」，大熱天時，可以下吓火，相當合適🤣$68「蒜蓉炒時蔬」：時蔬有幾款可以選擇，揀咗芥蘭菜🥬，芥蘭菜新鮮爽脆，顏色嫩綠，加蒜蓉一齊炒，簡單好食😋「凍檸茶少甜少冰🍋🧋冰🧊」：大大杯，清新好飲😋$18「熱奶茶☕️多奶」：夠晒滑🤩

四寶食堂個名字簡直謙虛得很呢度又點會得四寶咁少是日路經砲台山畀呢個Tiffany Blue嘅顏色深深吸引住雖然已經係兩點鐘門口仍然有數位食客排隊我雖然係餓但兩點正仍然係午餐時間且剛剛出埋下午茶簡直啱哂我黑蒜油义燒滑蛋飯啲蛋多到睇唔到個飯叉燒份量非常闊綽煎完加啲蔥花淋上黑蒜油顏色得睇味道唔會輸蔥花咸牛肉炒蛋熱狗配薯條話雖叫熱狗查實叫潛艇都唔過份牛肉鹹香配埋剛剛煮好嘅蛋漿滲曬入包簡直一絕板燒美式薄牛扒配嫩滑炒蛋+胡麻醬田園沙律牛扒大到有啲驚訝熟得嚟又唔鞋口炒蛋睇相就已經知有幾滑$45嘅下午茶餐夫復何求人均消費💰 ： ＄ 50總結✍ ： 盡量何其大,品質亦值得一讚

食過銅鑼灣店嘅四寶食堂，覺得性價比高有水準，去遠城市花園探親戚，所以再encore四寶食堂；原來唔同店有唔同嘅餐牌，可能呢度近住宅區多啲，所以個餐牌多d中菜同住家飯菜式。見到個燉湯餐，眼睛發光，因為我好鍾意飲湯，個湯真材實料無味精，夠滋潤。主菜揀咗楜椒豬肚花膠大蜆湯，無諗過咁有誠意滿滿嘅材料，d豬肚+花膠+大蜆多到數唔到食咗幾多，非常足科，湯好飲好濃。另外，拔絲西班牙黑豚肉/咕嘮肉，真係好拔絲，皮脆，令人開胃，個菠蘿仲要係新鮮菠蘿。屋企人嗌咗個晚餐常餐，西冷牛扒，好正竟然係配菠蘿包，夠新意又啱哂我地口味。總括性價比高，大份抵食，服務好，推介！！

北角·四寶食堂之前已經試過呢間餐廳嘅將軍澳分店因為質素真係唔錯 今次嚟到北角再戰店舖外牆都係以Tiffanyblue為主色😇配返灰色間條牆身+木系枱櫈裝潢清新又富現代感 以茶記嚟講幾高質😉環境舒適 而且上菜速度好快 侍應服務幾周到有禮貌☺️😉大推佢地嘅養生燉湯套餐 多數都係$88起一個餐有齊燉湯+家常料理主食+白飯仲可以以優惠價$28加購前菜+飲品😎😎其實係個餐牌有嘅主食都可以變套餐只係要俾返唔同差價 平有平嗌 食豪啲亦得今次同朋友每一都叫咗個套餐再升級4款野食+2碗白飯+2碗燉湯+2杯飲品仲要份量唔少 食完非常滿足 兩人食到飽飽都係$250左右🤩🥳🌈養生燉湯套餐一:✨拔絲山渣汁菠蘿咕嚕肉真係做到作為Signature嘅質素🥰🥰賣相吸引 有青椒/紅椒/洋蔥配搭仲有新鮮菠蘿伴碟 好似架船仔咁插住枝旗仔暫時係我食過最好食😋👍🏻👍🏻👍🏻👍🏻👍🏻咕嚕肉用咗黑豚豬梅肉 肥瘦均勻 外脆內嫩 醬汁酸甜濃稠 咬落啖啖肉 做到拔絲效果下次嚟食必定Encore🤤🤤🤤✨蒜泥白肉黑毛豬唔好睇佢網裝喺個細碗仔實情係好多片曡埋咗 都有成10幾廿片腍嫩油潤肉味香 肉片夠薄配埋鹹香蒜泥更加惹味如果可以澇埋一齊先上碟會更

蔥花咸牛肉炒蛋熱狗賣相：🐧🐧🐧🐧🐧味道：🐧🐧🐧🐧🐧熱狗超級巨型，足足有半個碟大，內餡填滿厚厚的咸牛肉蔥花炒蛋，大件夾抵食😋熱狗包經烘熱製作，口感外脆內軟，入口熱騰騰非常美味。鮮嫩多汁的炒蛋與鹹香濃郁的咸牛肉完美配搭，加在香脆的熱狗腸上令整體更加惹味。點點蔥花令熱狗香味更加誘人。薯條份量相當可觀，佈滿半邊碟子，新鮮炸起，每條都金黃香脆，薯味十足，沾上酸香清新的番茄醬更加可口。瑞士汁黑毛豬炒公仔麵賣相：🐧🐧🐧🐧🐧味道：🐧🐧🐧🐧🐧炒公仔麵炒得夠鑊氣又乾身，油而不膩，麵條彈牙富口感，與香甜的瑞士汁攪拌炒香，滋味十足。黑毛豬片肥瘦適中，入口軟腍嫩潤，鹹香帶甘，令人吃不停口。酥皮蛋撻賣相：🐧🐧🐧🐧🐧味道：🐧🐧🐧🐧🐧酥皮蛋撻新鮮出爐，熱騰騰蛋香四溢，酥皮厚而鬆化，層次空氣感十足，蛋心細嫩滑溜，甜而不膩，到訪必食推薦❣️凍奶茶凍檸檬茶賣相：🐧🐧🐧🐧味道：🐧🐧🐧🐧🐧凍奶茶奶香味濃，帶有陣陣的茶香，口感順滑，甜而不膩，甘香不澀，絕對值得一試。凍檸檬茶茶味十足，檸檬香味四溢，酸甜少澀，入口帶淡淡的回甘，清新又開胃。環境：🐧🐧🐧🐧🐧餐廳採用迷人的tiffany blue 作主色調，配以簡約間條牆身以及啡木地板，