四季‧悅 日本餐廳 (遠東金融中心)

营业中

休息中

今次去四季‧悅日本餐廳食任點任食日式放題！食物包括刺身壽司、炸物、串燒、天婦羅、鍋物、飲品及甜品等, 仲可暢飲清酒~餐廳環境舒適寬敞！2025優惠價$248, 仲送新口味卡樂B薯片一包, 性價比好高！🍣時令刺身有三文魚、油甘魚、帶子刺身等，三文魚魚油香盈；油甘魚肉質鮮嫩富有彈性；帶子鮮甜口感鮮嫩滑順，款款都好新鮮！🍤炸物點左外脆內嫩嘅炸吉列蠔、香甜蟹膏嘅軟殼蟹、金黃酥脆嘅天婦羅蝦、款款都香脆可口！🍢燒物點左軟嫩多汁嘅慢煮厚燒牛舌、口感彈牙嘅燒大腸串、香口惹味雞軟骨，野菜及燒物水份夠唔會好乾身，相當唔錯！🥤飲品點了四洲烏龍茶同檸檬茶！冰涼又解膩！🍮甜品有多款味道嘅雪條，大滿足嘅一餐！四季‧悅 日本餐廳📍金鐘夏慤道16號遠東金融中心UG樓A1號舖

位於金鐘的「四季•悅 日本餐廳」，中午時段設有午市套餐；晚市則供應任飲任食的日式放題。為慶祝2025，最近仲推出左放題2重賞，成人每位優惠價$248，每人仲可獲贈卡樂B薯片一包合共有5款期間限定新口味卡樂B薯片～四季悅有齊晒咁多味我同朋友就揀咗威靈頓牛柳味及蕃茄羅勒意大利麵味薯片✨薯片卜卜脆，口味非常創新又獨特，唔會太鹹，好似食緊牛柳味嘅薯片～蕃茄羅勒味就比較清新開胃，正呀自選刺身拼盤多款日本空運新鮮刺身：帆立貝、八爪魚、赤貝、北寄貝、吞拿魚、熟蝦及三文魚。鮮甜肥美吞拿魚黑松露帶子壽司 & 海膽醬燒赤蝦壽司壽司、軍艦及日式卷物等等都好高質～我個人最推薦係海膽醬燒赤蝦壽司及吞拿魚黑松露帶子壽司，用料充足，鮮甜美味麻辣燙食放題竟然有四川麻辣燙，仲有日式配料可以選擇。麻辣燙湯底頗濃郁，又麻又辣，配料揀咗蟹柳、豆腐、帶子及肥牛，吸收晒湯底嘅麻辣精華煎鵝肝&蒜茸燒半殼元貝&鐵板燒牛柳&蒜蓉牛油焗青口&椒鹽燒賣鵝肝煎至外層微脆，充滿油香，肥美邪惡！元貝同青口都幾大件，鮮甜味美！燒賣炸到脆卜卜，配上鹹香椒鹽，好惹味青咖喱軟殼蟹配薄餅軟殼蟹炸得香脆可口，吸收晒青咖喱汁嘅精華～配上充滿油酥香的蔥油薄餅，

放題$248/位好味指數：😋😋😋😋抵食指數：💲💲💲💲💲環境舒適：😌😌😌😌😌環境衛生：🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️我一向好喜歡吃不同味道的薯片，所以每次見到一些期間限定口味的薯片，都一定會買。但有時要買齊各款口味是好難做到。好多時走遍多間便利店🏪及超級市場，也未必齊貨。知道最近Calbee推出了幾款限定口味薯片，又開始走遍多間店，就是買不到我好想試的鮑魚味及蝦子拌麵味。有天經過金鐘這間日式餐廳，發現他們放題做優惠，原價$388，優惠價$248，超值！最重要是餐廳有齊各款限定口味薯片！每位食客可自選一款薯片🤩！2個人去，就剛好選到2款我買不到的口味了！放題食物種類頗多，刺身、壽司🍣、熱食、甜品、飲品都有。刺身要了油甘魚、三文魚、八爪魚🐙、帆立貝、北寄貝等。加了食用花裝飾的刺身拼盤好美。壽司方面，最喜歡是吞拿魚黑松露帶子壽司及海膽醬燒赤蝦壽司。前者黑松露味香。後者的蝦大隻爽口。壽司飯捏得好，沒有散開。比較特別的是麻辣燙。自選食材，一鍋上。辣🔥得過癮。煎鵝肝味道濃郁豐厚。蒜茸燒半殼元貝滿滿蒜蓉味。元貝原身又不韌。青咖喱軟殼蟹配薄餅的青咖喱微辣，好惹味。比貝魚西京燒燒

朋友介紹經open rice訂座每位$248，訂4位減$100，仲有薯片送。今天1月1日也有8成滿。食品方面：刺身品質都不錯，唯獨欠蝦刺身只有熟蝦。燒烤類燒得比較乾，熟食方面：牛肉粒好淋好味。上菜速度快，唯獨甜品較慢。

依家放題好推介俾大家食！首先地點係金鐘，真係好少搵到一間抵食的日本放題而且佢係不定期舉行一啲優惠今次就係送一支梅酒$248依個價錢就算係旺角尖沙咀都未必食到咁抵，仲要有嘢送啊環境都好寬敞乾淨，唔會污糟上菜都好快 選擇的食物都比較多依度的魚生十分推介係鮮甜的仲要係厚切 唔係薄㗎仲有燒青葵同一口甜薯都係我好鍾意食 食咗幾轉呢個係瀨尿蝦同象拔蚌壽司 佢飯的方面其實普通佐口邊壽司係必食！雖然佢飯喺普通 但依個壽司魚燒得好鮮甜入口即溶！都係食咗好多碟特別推介燒鵝肝 好少放題有得食，仲要係好好味食到漏的話可以叫燒菠蘿解解油膩 都係好甜㗎又開胃沙律細細碗都唔錯 唔怕浪費食物清酒煮蜆整得一般 有少少沙其他熟食就普通啦，例如關東煮蒸水蛋唔建議大家叫應該係太少人食，所以啲嘢感覺擺得太耐唔新鮮椰奶燉雪燕 好重煉奶味 都可以試吓嘅糖水唔好等到最後先叫啊，到時有機會賣晒要預早少少 仲有雪條係蜜桃烏龍都好特別㗎

以金鐘地段食日式放題，只是$248（未加一）已經吸引了，限時2小時，第一個客入座開始計，咩時段既收款都是一樣，加1就收正價，所以埋單是$574 for 2食之前有睇過其他comments, 有好有壞，咪自己親身試下。出菜很快，樓面有3人，正常既香港服務態度，都回應到食客既要求，已經很滿意呀！食物選擇唔算多，有1成左右是已經售罄。飲品只有5款左右，有啤酒同清酒。食物尚可啦，最驚喜是那吞拿魚蓉軍艦（tuna蓉卷就已經售罄）朋友覺得冇平時食開既放題咁多選擇，亦冇咩食放題既氣氛。如果想靜靜地食平價既放題, 呢間可以一食。

久唔久都會去金鐘食飯，不過多數去PP好少過嚟遠東金融呢邊，呢間係第一次食。因為朋友介紹晚市放題有71折。餐廳地方幾大，枱又闊落，坐喺大窗旁邊卡位對出係政總同旁邊嘅公園，好舒服。食物係用QR code落單，上菜速度正常。魚生都幾新鮮，鍋物燒物都唔錯，煎鵝肝叫咗好多次，不過炸物就一般。另外清酒同梅酒都係任飲，叫咗好多枝豆送酒都唔錯。三個人食最後埋單平均每人$280，純計性價比相對坊間成行成市嘅日式放題未必最抵，不過考慮埋地方整潔闊落又係金鐘區，人又唔多唔會太嘈，限時食完重可以傾到收鋪，作為放工聚下有酒有食吹下水都算合格。

要小心呢間野，會無啦啦上啲你無叫既餸！趁我去左洗手間，送左碟魚黎，同行屋企人唔知原來無點過。我番黎，佢放耐左佢唔肯收番，就比佢昆左收多碟錢。大佬，係你自己夾硬迫，我無落過order，點解要收我錢。聽到隔離枱野食度有隻烏蠅，見個侍應一個道歉/解釋都無，就收走左。由此可見，服務同衛生都奇差。間野好似canteen咁，現場好嘈，同好混亂，野食普通，根本唔值呢個價位。呢間野咁多年都無改善，點解仲繼續做到？

四季、悅日本餐廳朋友推介金鍾食日本菜,餐廳位於港島繁華商業區金鐘遠東金融中心UG層,餐廳裝修簡約有啲懷舊感,餐廳主打日本菜。燒西京銀鱈魚配御飯Grilled codfish in saikyo sauce rice$268套餐前菜有前菜三點,海鮮三文魚籽茶碗蒸,大蜆麵豉湯,甜品和熱檸檬水,前菜三點有日式豆腐,水雲和沙律。吉列黑豕配魚飯 Pork chop cutlet,rice $248套餐前菜有前菜三點,海鮮三文魚籽茶碗蒸,大蜆麵豉湯,甜品和熱檸咖啡,前菜三點有日式豆腐,水雲和沙律。鯛魚薄切佐白松露海鹽(6切)Sea bream sashimi w /white truffle & sea salt(6pcs)$88

位於金鐘的「四季•悅 日本餐廳」，係一間已經開業接近40年的日本餐廳。店內裝潢舒適優雅，貴賓區設有獨立廂房，無論係二人晚餐或朋友聚會都適合晚市時段設有日式放題、極尚套餐或各種單點日本美食，選擇豐富多元化意式風乾火腿沙律沙律菜新鮮爽脆，意式火腿鹹香滋味吉列和牛配御飯金黃香脆的吉列和牛，炸至大約七成熟，合共有六件。外脆內軟，和牛脂肪分布均勻，肥瘦適中，牛肉味好濃郁呢！燒西京銀鱈魚配御飯銀鱈魚厚切大大件，燒得剛剛好，魚肉鮮嫩多汁，非常甜美，佐飯一流，勁好食！套餐包括前菜三點、茶碗蒸蛋、大蜆麵豉湯及甜品燒菠蘿、秋葵、翠玉瓜、阿波美雞翼額外單點咗啲串燒，每款都好出色！雞翼燒到脆卜卜，好juicy熱檸茶及凍檸茶

上次聽朋友講才知這橦大廈上面竟然有食肆，朋友食過這餐廳的放題抵食又好食，今日來試試這餐廳。今晚不想食太多，沒有點放題，每人點了一個main。•Dinner set 1 - 吉列和牛配御飯set $388意式風乾火腿沙律本人麻麻地愛食Parma ham，全碟交俾朋友食😂 •大蜆麵豉湯想不到入面真有大大隻蜆，增添了麵豉湯的鮮味，蜆肉是鮮甜的，並沒有因為滾久了而變得淡味，不錯~ 茶碗蒸心心眼😍 嫩滑的蒸蛋滿足感上升！•吉列和牛配御飯 $388賣相很吸引！件件吉列牛中間都呈粉嫩的紅色，吃下去金黃色的炸皮不厚，炸得酥脆，濃郁的肉香搭配上香氣十足的御飯，十分佐飯。•Dinner set 2: 御品8貫熟壽司 $338 前菜3點（豆腐，枝豆，中華沙律）豆腐夠滑嫩，枝豆夠鮮甜，中華沙律的青瓜夠甜夠爽脆，帶來清爽的口感！•御品8貫熟壽司 $338 看上去顏色豐富，材料滿滿: 有八款壽司 - 玉子、燒白鰻、火炙帶子、鮮拆蟹肉軍艦、銀鱈魚軍艦、煎鵝肝、炸蝦和火炙和牛🍣玉子壽司: 玉子嫩滑可口🍣燒白鰻壽司: 略嫌白鰻不夠熱，香味不夠🍣火炙帶子壽司: 帶子肉厚而鮮甜，經過火炙後表面略帶焦香，而內裡仍保持著柔嫩

在金鐘看完展覽會，順道在附近開餐！四季．悅的門面甚吸引，相信應該是高質素的！環境甚俱氣派，光明几淨的壽司吧！先上前菜，分別有蟹籽胡麻醬豆腐、青瓜絲沙律及枝豆，簡單開胃。散點了一份御品8貫熟壽司 $338，有八款熟食壽司，分別有燒白鰻、火炙帶子、鮮拆蟹肉軍艦、銀鱈魚軍艦、煎鵝肝、炸蝦、火炙和牛。八款皆美味，不知從何入手，食那一件先 😂😂鵝肝壽司，外層微焦，內裏軟綿，肝香濃烈，配飯做壽司也挺不錯的 😋😋茶碗蒸，放了三文魚籽，美靚又美味！加入蜆肉的麵豉湯，味道特別鮮甜 😋另一份餐，點了岩鹽板A4薩摩和牛厚燒120g 配御飯 $358和牛油香滿滿，肉質嫩滑，廚師功夫了得，牛肉剛剛熟，好味道！配菜伴有車厘茄、菇菌及秋葵，精緻又美味。牛肉可以掃掃鹽板，吊一吊味、伴飯甚佳 👍一邊遠眺金鐘繁華夜色，一邊嘆高級壽司，人生一樂也！

同朋友慶祝生日，想揀一間坐得舒服啲嘅餐廳，就揀咗呢間位於金鐘遠東金融中心嘅四季.悅。 幸得職員安排了𥦬邊座位，很闊落。我哋點咗：龍蝦天婦羅御飯、清酒煮蜆、雜錦天婦羅、煎廣島蠔、鮑魚龍蝦天婦羅御飯：第一次食炸龍蝦，龍蝦肉質結實亦爽口，炸漿剛剛好，唔會太厚，味道好好，另外還有菇天婦羅、蕃薯天婦羅，都好豐富清酒煮蜆：蜆肉清甜，不過份量唔多，大概有十零隻蜆，如果多啲蜆，會更好雜錦天婦羅：最鍾意食蝦天婦羅，爽口，南瓜天婦羅都好甜炸廣島蠔：薄薄的煎得香口嘅廣島蠔，濃郁甘香。鮑魚：比較淡味，朋友覺得味道一般

1）門口職員態度惡劣，寸過澳牛阿叔2）大部分食物都難吃，好多都冇調味，例如叫咗碟燒雞翼竟然都係毫無味道3）材料入貨差4）食物款式種類少5）唯一優點係交通方便，鄰近地鐵站結論係冇下次，完！

今次行過呢間餐廳，真係有啲驚喜喎😲！初頭食邊款好煩惱，點左幾樣推介嘅嘢試吓先。北寄貝同燒大腸串，呀！口感真係夠晒彈牙、燒得啱啱好，又唔會咁易食膩。走餐牌上嘅火炙三文魚，外層微微焦脆，入口即化嘅口感夾埋魚肉嘅鮮甜，無話頂！👍講吓軍艦同卷物，蔥吞拿魚蓉軍艦幾正點，魚蓉夠味又唔會過於膩口，平衡得宜。至於炸物部分，明太子雞翼同炸吉列蠔就真係啱晒我胃口，雞翼香脆得嚟又有明太子嘅鹹香，而炸蠔又肥美多汁，食完又想再黎一啖！嚟到主食，迷你咖哩牛肉飯同咖哩牛肉烏冬味道剛好，唔會過重，個咖哩香濃得黎又唔會攝口，真係食到停唔到口。😋整體嚟講，節節勝利，服務態度又好，環境清潔舒適，一家人或者同三五知己嚟，都啱哂。下次有機會，一定再嚟添！🥢💯