影片
喺上环行吓行吓，行到水坑口街，无意中见到有间面包店 <四季甜品面包>。店内雪柜放了不少甜品，当中包括有机甜品！ 听起来几吸引！况且 $5 已经有交易！真系好抵呀！有机甜品：有机马豆糕、有机红豆糕........ 有机马豆糕 $5可能系雪得太耐嘅关系，糕面 "巢皮"！ 讲真！味道与一般马豆糕无分别！有椰汁味，马豆有点硬！吞拿鱼鸡蛋包 $6估唔到夹住嘅鸡蛋唔系好似平时食到火腿蛋包果种蛋，而系半只烚蛋！ 但系又唔多觉有咩特别！: ) 吞拿鱼馅其实都几少！朱古力冻挞 $5比较少见面包店有冻挞卖！果然惊喜发现！朱古力部分食落似系混合大菜糕嘅口感！至于挞皮，尚算松化又有牛油香味！有曲奇饼 feel！ 不过系冻食！两者都几夹！ 全部只是 OK!
继续阅读
之前都有帮衬过呢间面色舖 ~佢d菠萝包 ...纸包蛋糕 ~好好味 (唔好意思 ~我比较偏食 ...食开就食果款 ...一系就试新野 !!)记得细个o既时候成日同阿妹去呢间包舖问佢拎免费方包皮 ...然后去荷李活道公园鍡鱼 (拿!! 唔知有冇转左手架)今次试新野 >> 朱古力奶冻挞 同埋 牛奶奶冻挞 ~个奶冻冇乜味 ...但系个挞劲香牛油曲奇味 做法应该同蛋挞差唔多 ~但系冻食 ~所以唔系蛋挞黎架!!有新意我钟意 !
继续阅读
某日因为水坑口附近面包店未开. 所以黎左呢间买.买左个鲜奶包 ＄３个包好软熟. 仲要系实心. 食落好松软. 个顶顶层皮好似墨西哥包顶个味.但就感觉冇咁油. 仲买左个纸包蛋糕 都系 ＄３不过呢个系俾妈妈食. 佢话蛋味唔太够. 觉得面粉多左点.佢有个袋仔袋住. 或者因为唔系即日做. 有些少变化挂.
继续阅读