囍雲軒 (雙子匯1期)

营业中

休息中

係附近返工，今日揀左新開冇幾耐嘅sogo搵食，行來行呢間裝修最有特色，好有東南亞嘅風氣，入黎試吓嘢，lunch set全部75蚊一個，都有唔同嘅嘢食。今次試咗海南雞，味道正正常常，但唔算超好食，對得住呢個價位，性價比還好。

SOGO上面開咗茶樓，襯一班人嚟到就上嚟飲下茶試吓啲點心。環境寬敞舒適，裝修好靚好光猛，枱與枱之間有段距離不會逼夾。價錢比普通酒樓貴一點，食物點心就較為精緻，味道就覺得普普通通😬，而服務就還不錯。💚中點>香煎蘿蔔糕 $32正正常常💚精點>流沙熊貓包 $52創意可愛 內餡微甜流心醬 但唔夠熱 感覺還好而已💚特點>鮮蝦脆皮紅米腸 $48脆脆的 口感不錯💚特點>鮮蝦蟹鉗餃 $48皮薄 吃落去好清新 內餡豐富 尾部帶點蟹肉💚特點>西芹鮮蝦長春卷 $48夠脆 內餡豐富 但偏油膩💚中點>蠔皇流汁叉燒包 $32正正常常💚中點>鮮竹陳皮牛肉球 $32食落覺得有種怪味 一般般💚中點>上海小籠包 $32細粒 皮厚 個湯都好少💚大點>豉汁蒸排骨 $38味道偏淡💚大點>豉汁醬皇蒸鳳爪 $38味道可以再濃啲 普通💚午市優惠孖寶 $208>瑤柱帶子福建炒飯很一般 主要系啲飯唔靚 >黃金涼瓜條（小食）最驚喜的一道炸物 外層脆口鹹蛋黃味 內餡涼瓜很爽口又不苦💚茶位$16 > $112 (7位）

阿妹最鍾意周圍搵食，新開啟德嘅雙子薈 就成為咗佢最新嘅焦點。我哋去到差唔多兩點見到門口，明明有好多人等因為但係我哋就即刻入到去「冇book位㗎喎」 後尾先發現原來佢哋係等緊下午茶啊。 好彩我哋都唔執輸問返去攞張下午茶點心紙。平時我都好少join佢哋，因為主要係婆婆想見吓啲孫姐 同埋有一日姨甥同我講：你唔join我哋遲啲冇機會㗎啦😢 諗深一層都係嘅 遲啲佢哋越嚟越大都唔會跟你啦。同埋之前都會同我阿媽兩個人去飲茶，諗住放假同佢去食吓嘢，但係兩個人真係食唔到啲乜，好似夾硬強迫對方食自己想食嘅嘢 多啲人就可以嗌多啲嘢食啦呢間茶樓原來之前我都睇過尖沙咀嗰間，亦都有諗過去試吓 咁就啱晒啦點心都唔錯，又有好精緻嘅熊貓🐼造型奶皇包，啱啱貼合而家咁熱嘅主題。，吸引佢哋去嘅原因就係嗰籠點心拼盤入面有蝦餃、燒賣、馬拉糕、奶皇包、潮州粉果。一個大籠裏面有好多個細籠仔，每個細籠仔有一粒點心。最鍾意mini嘅嘢。另外我哋仲嗌咗春卷、牛肉腸粉、蘿蔔糕、煎蓮藕餅等等。我最鍾意反而係佢個類似潮州粉果嘅物體，應該係用咗紅菜頭汁整嘅皮染成紅色 好似即刻健康咗

知道最近呢度新開咗中菜餐廳所以同屋企人嚟呢度慶祝生日同埋試一試佢哋嘅晚餐。當天預備咗生日蛋糕，少有嘅中菜餐廳係唔收切餅費，非常友善！我哋單點咗幾款招牌嘅菜式，份量唔小，而且都幾好食。大龍躉兩味 $298分別係翡翠炒龍躉以及清蒸班頭腩翡翠龍躉係用西蘭花炒，食落乾爽同香口。熱清蒸班頭腩，以雲耳及香蒜蒸，特別鍾意佢個魚皮，膠質好厚，好重身，超嫩滑！魚肉厚身，多肉多汁。明爐叉燒王 $198以火山石隻燒叉燒，食法相當招積！上菜有一個火爐承載住，叉燒厚肉鬆脆，蜜糖汁包圍着叉燒，香甜又多汁，微微燒焦包咗喺叉燒面層食落脆口，相當滋味。上湯澳洲龍蝦仔伊麵 $348澳洲龍蝦多肉多汁，肉質爽甜，入口啖啖肉，但又海水鹹鮮，超級正！ 蝦嘅肉汁配上上湯撈埋落伊麵度，食到停唔到。果皮蒸大連鮑魚 $148鮑魚共有六隻，每隻都大大粒，好厚肉。上面鋪上好多果皮，以及蒜蓉金菇粉絲墊底，索晒啲汁。鮑魚肉質紮實彈牙，唔錯！乳鴿 $116乳鴿略嫌細隻，唔多肉，肉質唔夠結實。

星期六午餐，等了個半小時。等候期間，點心姐姐穿插人群送點心，期間點心是沒被蓋着的。奇怪的設計。大堂的冷氣強勁，坐到大約三點（？）感覺再不離開，會患上感冒。點心雖不錯，可惜環境太冷了吧，很快便吹涼了，浪費。我也去過The One分店，The One的較好。在The One分店吃過蘿蔔酥和紅米腸，所以再點。怎料，完全不一樣。紅荳沙是不錯的，但完全不熱，是不是送點心姐姐要穿過人群才送上來？所以，完全放涼了。哎！薑汁糕夠「薑」，還算是熱騰騰上的，所以，要快快吃，否則，兩分鐘後一定變凍糕。😅

呢間位於啟德新開嘅酒樓真係令我大開眼界！裝修新淨企理，最啱一家大細周末飲茶！必食推介 TOP 4 菜式：🥇 家鄉海鮮蒜薄撑 點解咁好食？一句講晒：蒜蓉香噴噴，海鮮新鮮爽口！啲蝦仔彈牙到癲，配埋香脆薄餅，簡直係傳統同創新嘅完美結合！推介度：❤️❤️❤️❤️❤️🥈 秘製藥膳雞腳真係冇誇張，入口即溶！啲雞腳軟淋淋，入晒味，連平時唔食雞腳嘅女士都話好食！藥膳香氣逼人但唔會搶味，仲有養生功效添！推介度：❤️❤️❤️❤️🥉 盆栽小蘿蔔呢個賣相真係打卡一流！整到好似真盆栽咁，小蘿蔔清甜爽脆，醬汁夠香，連個「泥土」都係用朱古力做，創意十足！推介度：❤️❤️❤️❤️👑 必食脆皮珊瑚球皮薄餡靚！一咬即爆！裡面係滿滿蟹肉同蝦膠，外皮炸得金黃香脆，蘸埋特製醬汁，絕配！推介度：❤️❤️❤️❤️❤️💡小貼士：✓ 周末要提早訂位✓ 建議12點前到達✓ 最啱4-6人同行✓ 記住影相打卡💰消費：人均$150-200以創新點心嘅水準嚟講，呢個價位真係抵食！🌟總結：創意點心＋靚裝修＋合理價錢，絕對值得專登去食！話說個侍應服務態度都一流，等左15分鐘有位，成個用餐體驗都好舒服！記住要like同收藏呢篇食評！等你都可以食到呢啲矜貴嘢！😋

新開sogo…行到攰攰地見有酒樓黎試下…環境光猛坐得舒服…價錢唔算貴…食物質素ok…服務態度好…舉手好快有人黎…唔似平時去開果d扮睇你唔到舉到手攰先黎…會主動加水…會主動收野…走既時候會有人同你講…多謝光臨…歡迎你下次再黎…byebye希望良好既服務態度可以keep住點心拼盤$118…功夫湯係羊肚菌螺頭燉湯…足料$68…仲叫左牛肉球同埋珍珠雞…總括黎講幾樣野都好食…全部都係熱辣辣好新鮮既感覺…兩人食到飽…埋單$320…

啟德SOGO 新開業，已經冇左最吸引嘅 supermarket ，唯有試試入面開嘅酒樓/ 餐廳同銅鑼灣比較下。“囍雲天” 喺15/F， 暫時必須要喺G/F搭升降機 🛗先上到去。酒樓朝早10點已經營業，到訪當日係星期日10：30，第一輪茶客已經就座。由於茶客眾多，個個都撲去知客姐姐度，其實㩒飛仔等位就得咖喇。喺等嘅時候，見到有客人當日訂左6圍酒席擺百日宴 baby👶🏻🍼，大廳樓底夠高，落地玻璃亦顯得開揚光猛，黎緊我相信一定係區內嘅紅火酒樓；其他茶客被安排喺另外嘅VIP 房飲茶，環境都非常唔錯。講番野食，4個人叫左9個點心，大概$110-120/ 人，輪環境、裝修、點心質素、服務直頭係抵 （香港好嘅酒樓實在所剩無幾），長老們亦表示滿意。

我同屋企人一直都係尖沙咀 THE ONE 嘅食客 ,  最近喺屋企附近 開咗分店 即刻 去試!!果然不負眾望 分店 一樣食物質素保持水準, 而且環境舒適服務週到  好欣賞佢以新式嘅方式呈現舊式嘅酒樓. 尤其係特色同好味嘅手工點心 流金熊貓包 流金熊貓包真係一款好有創意嘅食品，包子外面做成可愛嘅熊貓樣，影相都好靚！內餡用上咗微甜嘅流心醬，口感真係層次分明。咬一口落去，流心醬就好似金色嘅溪流咁流出嚟，驚喜到你唔會停手，味道真係好正！喜馬拉雅山玫瑰鹽爆三層肉呢道喜馬拉雅山玫瑰鹽爆三層肉肉質好嫩，外面焦香，裡面又唔油膩。玫瑰鹽為呢道菜增添咗獨特嘅味道，微微嘅鹹香同豬肉嘅油脂真係好搭，令人一口接一口。流金增城掛綠流金增城掛綠係一道顏色鮮艷嘅素食，選用新鮮嘅時令蔬菜，再加上特製醬汁，感覺真係好清新。擺盤好靚，似幅畫咁，真係好吸引食欲。每一口都可以嚐到蔬菜嘅鮮甜同醬汁嘅微酸，食落去既健康又美味，特別啱清淡口味嘅朋友。家鄉海皇煎薄罉家鄉海皇煎薄罉將海鮮嘅鮮味同傳統烹飪技法完美結合，薄罉外皮金黃酥脆，裡面有新鮮嘅海鮮混合，鮮甜得令人陶醉。再加上特製嘅醬油同香醋，令整道菜更加有層次，真係感受到海洋嘅味道。

每天都外出吃飯，既然開在家附近便來試試。環境光光亮亮、整整潔潔的，員工的服務亦很務實，上菜的速度亦適當。功夫茶湯足料（有豬肉、雞腳、羊肚菌、螺肉、淮山），很香；份量亦有滿滿一碗的。叉燒我說要又瘦又腍的，來的正好如是，味道適中不太濃，質感亦不錯，份量足夠。椒絲腐乳唐生菜的份量很大，抵食。最要讚的是清蒸魚，時間拿捏得剛好，新鮮，很嫩滑。贈送的紅豆沙亦不太甜，剛好。一頓不錯的家常便飯。欣喜在家附近多了一個不錯的選擇。

新sogo開幕，唸住星期一冇咁多人行，就去八卦吓，見有新酒樓，就去試一試新派路線，有雀籠點心，$188，有點少貴，適合打卡😅價錢較普通酒樓貴一點，不過食物就普普通通，員工有很多，服務算一般三層雀籠有天鵝芋泥角，外皮很鬆脆5個點心包括兩粒燒賣兩粒蝦餃及一粒應該係奶黃千層糕，味道都屬正正常常中間一層是荔枝球，入面是流心奶黃，鐘意食流心奶黃包的應該會喜歡最後還叫了鮑汁鳳爪，埋單二人三百多。試了冇咩特別😅不會特別再去😅