影片
以上资料只供参考，请与餐厅确认详情
今朝去上水做嘢，老细话十点先有嘢做，叫同事带我去食早餐先，同事带咗我去新康街一间小食店，同事仲话附近最好食系呢间，我问佢有咩食，同事话正常早餐呀～猪扒𠮶啲啰，讲咗几次猪扒但我无理，店员问食乜？我要沙嗲牛肉面加煎蛋，热咖啡。转头同事话呢到啲猪扒好食，牛肉麻麻地，我真系无言～中伏了。的确沙嗲牛肉好唔掂，腌到过晒龙腍晒，仲要好多筋，又无沙嗲味，汤底无乜味，面就火喉啱啱好。好彩杯咖啡够翻唔少分，够香够浓无酸味。
继续阅读
一早谂住出黎上水食早餐 又唔知食咩野好 就见倒这间地方小小 但又好多人既铺头 叫左份沙嗲牛肉 肠 出前一丁。加个火腿奄列 热柠水个奄列 入面既火腿系热 好热。方包好软熟D沙嗲牛肉好好味 最用心制作系果条肠。佢介开佢 仲要有煎过 而家茶餐厅好多地方都无lee间咁有水准 👍🏻👍🏻👍🏻虽然地方细坐得唔舒服 但下次都一定会再黎食💪🏻💪🏻💪🏻
继续阅读
天气好冻去上水食早餐，本来想去附近食肠粉，点知无开，就近拣咗呢间外表平实嘅小食店，白底红字，装修好简陋，折枱胶櫈，店内已满（只有4张枱）店外行人路放咗枱，不过实在太冻，店内有位即入，地方颇油腻，因为开放式厨房不停煎炸食物！早餐都系普通港式早餐，落单后厨房厨师摩打手出菜！红肠福面（$34）红肠煎得香脆，福面爽口，汤底惹味！火腿奄列净方包：奄列滑，火腿丝热正常，方包松软！热柠茶：茶底够热整浓微涩！正常同事食：沙嗲牛肉面（$32）五香肉丁餐肉米粉（$32）热奶茶：食物本身好简单，不过因为即叫即做，每样都热辣辣，呢样在天寒地冻下加晒分！唔会系煎好一堆放埋一边摊！从店员有礼，好爽手！我哋转枱都无问题！无祈望下的惊喜
继续阅读