囍悅酒家 (已結業)

最近有親戚獲分派秀茂坪附近公屋，今日特意和兩位大朋友前往探望。酒樓新開張半年左右，裝修新淨，環境光猛。位於在商場二樓，想不到坐在窗邊位置，竟然可以隱約見到維港和港島的高樓大廈。點左一份套餐：有點心、油菜、小食和炒粉麵飯。份量充夠四人食用。瑤柱蛋白炒飯炒得乾身香口，配料有干貝、鮮新小元貝，無因為套餐而減料。也不會過咸過淡，味道適中。小食點左蜜汁叉燒皇，肥瘦適中，肉質軟淋，味道賣相都唔錯。整體而言，屋村酒樓有如此水準，絕對不錯，怪不得見得唔少街坊幫襯。

下午茶時間，大約等左5分鐘。出面服務員俾左張78號枱既飛俾我，想問其中一個服務員張枱係邊，但佢掛住同個客吹水，完全冇理到岩岩入黎既我地。其實我地都係問78號枱係邊到，但唔理我地（因為我地知道呢間服務麻麻地，但點解要黎食係因為近，同埋寶達村個間酒樓執左，想落秀茂坪個邊，但上網搵唔到有酒樓，所以黎左呢到謂一一間）環境係Ok, 因為都算新間酒樓。野食唔差，可以接受！之前堂食漏過單，服務員冇覺得唔好意思。等左起碼9個字。外賣都要等半個鐘，仲記得望住啲姐姐，完全唔知自己做緊咩，唔知要做d咩甘，因為佢地自己都覺得亂😣所以都有少少怕黎呢間飲茶🙄但野食都算好味既🔹人手嚴重不足🔹$200以上先可以簽卡

唔知大家點理解呢個餐牌？我哋以為有一個小小冬瓜盅、一碟鷄同任揀三個餸吧？好，揀定咗開始叫，一講到第二個餸，黑色衫女侍應即話：「唔係喎！三寶嘅意思唔係咁！一個冬瓜盅、今日冇白切雞係鼓油雞！另外自己揀一個餸咋！」我有少少覺得取巧，不過都係禮貌回應：「哦，原來咁......。」黑女話：「妳自己慢慢睇清楚先啦！」我哋想了5分鐘左右決定照叫，加多一個特價龍蝦伊麵，黑女走來下單，說：「快快趣趣喇！咁耐先叫都唔知仲有冇！」我心諗，點解話我耐呢？妳叫我慢慢睇，我都只係睇咗5分鐘啫，好冤枉！無論如何忍下，反正都坐低咗。過了一會，第二個黑女手拿原子筆走來篤著餐牌說：「依家我話你知呀，你叫咗3寶個龍蝦要收番正價㗎！」我和丈夫異說：「咁我哋唔食啦，唔好意思！」她說：「好呀！」離開時黑女竟在門口跟同事大聲駡我們：「我話佢知龍蝦冇特價佢就走喎！」我當時有啲🔥，不過我唔想參與低級駡戰！食餐晚飯6佰幾蚊埋單冇問題，但點解要比人當乞丐呢？呢間安達臣商場嘅囍悅，真係要好好反省和檢討，否則今時今日咁嘅服務態度，仲向客人發洩私人情緒，恐怕好快被淘汰了！

以前係秀茂坪想搵間好D既酒樓飲茶都無，一般都要落觀塘但自從安達商場開左之後就多左呢間酒樓, 屋企人試過話吾錯，所以今日就來同屋企人試....星期六9點幾來到, 自已搵位, 好快就搵到位啦...睇左下, 價錢都幾大眾化合理, 點心紙仲有好多優惠配搭..牛肉球大大粒, 都算幾彈..鯪魚球又係大大粒, 我無食到, 屋企人話都吾錯鮮蝦菜苗餃, D蝦感覺吾似急凍蝦咁整體幾好...我第一次來呢間飲茶, 服務都算吾錯,  人手都夠, 上點心速度都快...住秀茂坪如果懶得搭車去第2度飲茶可以來呢度飲, 價錢合理, 質素吾錯。

一家二十人預訂兩圍晚宴，並已付一千元訂金，預訂7:30pm，經擾攘後等到8:00pm才能入座，經理安排失當，幾經催迫才願意直接對話，最後更疑似趕走一圍剛入座的客人以應付相應需求，食物水準亦非常一般。

7小福去完屯門返去小叔新居參觀後，就去左附近酒樓吃晚餐，叫了8款菜，第一上湯龍蝦E麵唔好食無味，沙爹肥牛粉c煲，楊桃金沙骨，海味什菜粉c煲都可以，啫啫雞煲，枝竹豆腐火腩煲，大龍等兩味，麻麻地，D魚皮有魚龍未整出，魚味都可以，兩味其中一味用木瓜湯做底，湯好飲，家人話下次有多間酒樓選擇!可能不選擇它，冷氣不久，叫他開大D都不夠，再叫多次都差不多吃完才充足冷氣，最後紅豆沙糖水!

開了不久嘅酒樓，裝修新穎，食物水準出眾，大家不妨一試👍🏼PS.今晚幾款海鮮小菜，店長話必須提前預訂必食推介「白雪藏龍」 🐲 （重約四斤多）另外罕有食到囍悅招牌銀絲雀巢「潮式脆脆反沙芋」！蒸到剛剛好嘅東升斑（約兩斤）金鈎蒜蓉蒸茄子秋葵炒牛柳粒潮式蠔烙 意外出奇地好食！水煮魚片味道唔錯今晚呢餐係鯉魚門/西貢食，點都要萬幾銀，不過呢度買單唔使7000！出品比眾多酒家出眾唔信不妨一試一大夥人食飯，可找經理提前寫菜單

開張不久。環境又夠靚。即管去試試。點心質素拍得住D高級酒店。點心很有特色。不像同區另外兩間hea做的酒樓。價錢十分便宜。味部小食才三十幾蚊。客飯款式又多。晚歺也去試了。一個字。正 ！出品可見系有心主理，不會是一般的行貨！很有質素。想不到屋邨也有像這種的高質酒樓

媽媽生日，就諗住去附近新開將酒樓食飯，勸大家等多兩三個月先好去食！因為我大概開將一星期後去食呢間，叫左半圍酒席，由19:50開始等，等左差唔多一個小時先食到兩碟菜，起碼半個鐘先食到一道菜😑😓其實食物水準係唔差，但等既時間實左太耐啦！！