嚐越 (已結業)

店名：嚐越地址：灣仔道138號明豐大廈地下好味指數：7.5／10價錢：$34南越蒸粉包+順化烤肉蝦片+迷你橯檬 配巨峰提子梳打粉包嫩滑多餡,橯檬味道不錯。提子梳打味道不錯，夠解渴！店名：嚐越地址：灣仔道138號明豐大廈地下好味指數：7.5／10價錢：$39香茅雞翼越南湯金邊粉 配巨峰提子梳打湯底分清湯和牛湯兩款，今次選擇了後者。湯式味道不夠鮮味，金邊粉質感較粉。香茅雞翼厚肉入味，炸得來脆脆的，非常惹味 。提子梳打味道不錯，夠解渴！店名：嚐越地址：灣仔道138號明豐大廈地下好味指數：7.2／10價錢：$39鮮黃牛脊湯金邊粉 配巨峰提子梳打湯底分清湯和牛湯兩款，今次選擇了後者。湯式味道不夠鮮味，金邊粉質感較粉。牛肉份量很少，味道一般。提子梳打味道不錯，夠解渴！…查看更多

檬粉是香港的越南菜餐館常見的涼麵，形狀近於米粉，佐以甜酸辣的渃蘸，通常跟串燒或越南卷一起食用。越南野最重要係魚露，夠辣同夠酸先可以撈檬。特式越南湯粉絲+炸雞翼 清湯加上蔥香味道令更濃郁更香味撲鼻 粉絲滑溜入口，順口。炸雞翼炸至金黃色的脆皮及雞翼肉最嫩。鹹鹹的配粉絲吃，不錯的下午茶選擇。豬肉片撈檬 蘿蔔絲，加上花生粒，香口又有不同的口感 魚露一定要加，豬肉片炒得好香囗，加上越南餐魚露先最正啊，有青檸或檸檬魚露味道加上辣椒仔切開一絲！又辣好開胃。下午茶也不錯，價錢中等，服務也不錯評分：7.5/10…查看更多

呢間餐廳真係贏在環境，雖然稱得上好華麗，但真係估唔到四十幾蚊既一餐，都有咁既環境，同埋餐廳都幾靜，令我感覺好舒服。但話時話間餐廳真係唔似食越南菜，但其實食物都品差，幾有水準！個麵就一般般啦！:)但要讚既係佢地啲既雞翼同越南炸春卷，食落好脆但唔會食到成口油都唔再講，兩樣都好香口，特別係越南炸春卷裡面都好足料。不過如果佢地有得比埋甜酸醬就更加good啦！…查看更多

This is my first review on openrice. After going to the Wanchai Deli Viet last Saturday, I wanted to write down what happened.My mom and I went there at around 6:30. There was an option of ordering a noodle soup and then getting an appetizer / small dish at half price. We both went for this option, and the small dishes we picked were ??蒸粉包 and 蔗蝦菜巻. The first one was actually pretty good, but I mainly want to say something about the second one.The original price of 蔗蝦菜巻 was $38, so half price meant $19. When it arrived, there were four pieces of prawn meat, which we thought was a good bargain. Only when the bill came I realized that was actually two orders. I asked and was told the dish could only be ordered with a minimum quantity of two. As I left, I looked at the menu again, seeing there were indeed some fine prints like that. I didn't blame anyone but was not happy about being tricked.…查看更多

網上食評給予這店評價不錯·所以試下·下午茶生牛河餐包一杯飲品·但因選青檸梳打·所以加五元·共四十四元·先嚐一口湯·不滾燙·扣分·全無牛味·只得肉味·香料味全無·以形神俱備來形容·徒有形而無神·這碗粉不能稱上越南湯粉·粉是瀬粉·更加無越南風味·這碗粉不合格·尚幸牛肉嫩滑有肉味·…查看更多

琴日同愛人由上環慢慢開始行，行到灣仔諗住食晚飯。想試下越南野就入左呢間。愛人係食肉獸就叫左個牛柳粒紅飯，一直以為紅飯係糙飯，點知係蓄茄飯黎！好特別！個到寫係辣既，食落又唔覺辣，不過好惹味，牛柳粒好嫩！南乳吊燒雞個皮非常脆！火侯控制得唔錯，肉燒得好嫩滑，有少少肉汁加雞油！第一次試左上角既水晶軟殼蟹米紙卷，好新鮮！用米紙包住香脆既軟殼蟹，裡面有新鮮爽脆既雜菜絲吸走油膩，加埋粉絲既質感，口感好豐富！最後以地道啦爺糕為結尾，唔會太甜，甜同班蘭味既比例唔錯，值得一試！好可惜佢有個堂肉香蒜焗大蝦既包無啦，下次黎我一定要食到！…查看更多

連續幾個星期打完波去幫襯樓上XX餐廳都留意到有間越南餐廳，自己都喜歡食終於呢個星期試下。地方好坐，睇價錢就知租貴要走較高檔例如一般生牛肉湯河佢叫做牛脊肉(sirlon)湯河收$53，唔可以話抵食。終於叫牛脊肉湯河，香茅豬扒湯檬，燒猪頸肉同蒸粉卷，青檸梳打. 叫正價粉，小食或飲品半價，不過飲品正價係$32，相對其他越南餐廳其實平得1-2蚊。值得一讚係侍應態度很好。可惜食品就令人失望，個別係未入流. 豬扒無香茅味， 燒猪頸肉鹹得很過份(陰謀論就係要客叫飲品)，所謂牛脊肉係一般牛肉仲得細細件的三塊，湯底又係鹹，青檸梳打好淡；唯一可以係蒸粉卷不過得細細件兩塊。本來冇打算寫食評，但係食完後真係希望呢間餐廳可以做好D，所以D相都係食晒之後影o既。我唔介意比貴D，畢竟似樣o既越南餐廳真係好少，但係真係要對得住個招牌!今時今日，飲食真係難做。…查看更多

因為朋友生日，我地事前又無諗過食咩，就周圍行下搵間野食，朋友佢自己都無咩所謂。 求其入左呢間，左手邊就係紅酒櫃，第一次見食越南野都可以配紅酒咁雅致， 我地幾個第一時間好似鄉里出城咁影相XD 跟住坐低無無聊聊睇下個環境，環境好舒服，感覺好開揚～ 而且設計好貼心，張櫈下面個籃可以放袋叫左好多野食，有香燒甘蔗蝦，軟蓋蟹，法國牛油蒜蓉雞翼，南乳雞 樣樣都好有水準，諗番起都留哂口水啦最難忘佢個香燒甘蔗蝦，咬落滿口蝦味，而且一d都唔乾身，好juicy 同埋最搞笑係我地叫左四隻，黎到就有八件，嚇親我地以為落錯單， 點知解釋返先知原來一開二，真係笑大人地個口XD 椒鹽軟蓋蟹(唔記得影相)都好唔錯，份量好足 上枱個時熱辣辣，咬落個皮好脆，裡面好多汁，個層炸粉夠薄 調味可以再重d～我好鐘意佢個青檸梳打，佢個梳打水夠氣，又冇落糖水唔會甜過頭， 青檸分量又適中，宜家呢個天氣飲就係透心涼 總括黎講～成晚服務都好貼心…查看更多

越南菜連鎖食店之中, 嚐越可算是我經常會幫襯的一間. 之前最經常吃的是葵芳的分店, 今次換湯不換藥, 走到灣仔去試試. 一直都說過喜歡平日晚上在灣仔區揾食, 灣仔的日與夜大不同, 午餐想在餐廳找位子真不容易, 經常滿座; 晚上就完全是兩回事, 人潮散去後回復住宅區的寧靜, 愛逛的人都跑到銅鑼灣去, 這個時侯留在灣仔晚饍可算是明智之舉.嚐越灣仔分店位於熙來攘往的灣仔道, 位置很易找. 晚上七時多到來, 各人並不多, 只有數枱食客, 這裡的分店較其他地區的更寛敞, 甫入門有一個大酒架, 放了數十支紅酒白酒. 大家都很少吃趆菜會飲酒嗎? 不過想一想, 越南曾給法國統治, 精緻越菜混合法式烹調方法, 吃越菜品紅酒, 又不是什麼出奇的事了.店內簡潔小品式佈置, 座位和座位之間並不擠迫, 也有很多卡位和四人位, 讓食客大可享受寧靜和有私癮的用餐時間. 一向也很重視用餐環境, 無需瑰麗堂皇, 只要有種舒適愜意的感覺已很足夠, 這裡就絕對能給我忙碌後放鬆好好享受美食的感覺了.餐牌的食物種類繁多, 不過今天急急趕來, 已出了一身汗, 熱氣未過, 看見平常很愛點的生牛肉湯河一類已感熱氣上冒, 所以最後點了一籃子乾身的食物. 先來有沙嗲牛肉串燒($18/串) , 還有豬和雞選擇, 不過我們都鐘情牛, 所以點了3串全是牛. 牛肉燒得夠稔, 仍保持肉汁, 不會太乾. 尤其喜歡那醬汁, 不太辣, 是充滿花生醬香的沙嗲汁, 惹味非常. 3串之中有一串燒得不夠熟, 咬下去還是紅色的, 侍應得悉也立即幫我們重新換一串燒熟的.鐵鍋牛柳粒脆麵($85) - 忽然想吃香口的脆麵, 看見這一個既有心愛的牛柳粒, 又有炸麵底就點了. 用鐵鍋盛載, 上菜時仍發出喳喳聲的, 熱呼呼尤其令人垂涎. 面層鋪了洋蔥, 青椒, 蕃茄和如骰仔般方正的牛柳粒, 掛上橙紅色獻汁, 下層是炸脆企身的麵餅. 本來已十分愛吃中式的炒麵, 這個應不會令我失望吧.味道酸酸甜甜的, 有點像中式牛柳, 很是開胃, 牛柳粒夠稔肉味濃. 加上半淋半脆的炒麵, 惹味又有咬口, 十分的滿足和美味.椒鹽蟹糕軟殼蟹($85) - 曾經在其他分店吃過這道菜, 軟殼蟹沾了鹹蛋黃一起炸香, 外脆內軟, 加上蛋黃油香, 惹味至極. 伴碟還有炸香的米粉碎和炸蒜, 夾雜一起吃口感更豐富. 不過由於全碟都是油炸的, 吃得多就會較滯和膩.椒鹽大叻豆腐($72) - 原先忘記了會點炸軟殼蟹, 又點了近乎一樣的炸豆腐, 上菜後就有點後悔了. 配料也近乎完全一樣, 只是主角變成豆腐. 這大叻豆腐是什麼東東呢?原來跟琵琶豆腐差不多, 是豆腐蓉加上甘筍粒, 再以簡單的胡椒和鹽調味, 豆腐的味道偏淡, 味道全來自伴碟配料和外皮, 口感外脆肉嫩, 味道其實也很不錯, 只是剛巧跟軟殼蟹太相似, 顯得失色了. 而且兩碟炸物的確吃來有點飽滯, 這次負責點菜的我是有點失策@@東南亞菜式一直也較濃味, 飲品少不了, 我就專一地鐘情最愛的青檸梳打($28), 老公就點了椰青($35), 份量也夠大杯,不用就住就住飲,是解渴的佳品.吃完味道濃郁的餸菜後, 當然要來個飯後甜品解解膩啦. 一向甚少吃越式甜品, 看見餐牌上有賣相精美的漢堡香芒黑糯米($52), 忍不住就點了一客試試. 其實這一款甜品都幾飽肚的, 侍應端來層層叠的黑糯米漢堡, 最底層是綠色的斑蘭醬, 然後一層黑糯米一層芒果的叠成有2,3寸高的甜品, 層次分明, 面層再鋪上白色椰絲做裝飾, 外形已相當吸引.夾層的黑糯米煮得得軟糯, 米香充足之餘一點也不甜, 夾上微酸又很香濃的芒果茸, 口感非常匹配, 黏黏的在咀裡溶化, 面層的糯米留有點點嚼勁, 侍應說這是他製作的, 問我們味道如何, 我還反問面層是否刻意用上較生的米, 見他有點尷尬, 原來並非故意, 我想他定誤以為我們在挑剔, 其實我倒是覺得有點嚼勁的糯米粒, 令整體口感更好更豐富! 反而底層的斑蘭醬就完全不是我杯茶了, 個人認為可放在碟邊作裝飾, 喜歡吃的點來吃, 不喜歡的可以閒置不用更好.這晚整個用餐過程也很寧靜, 食客不算太多, 後來翻看食評發覺眾多分店中這間的評論最少, 甚為出奇. 以環境, 服務, 食物質素, 上菜速度而言, 這裡比其他分店有過之而無不及, 可能因為開店不太久加上地點問題, 晚上人流不算多. 2小時用饍過程中, 也有不少外國人來進食, 整體氣氛休閒舒適, 也不會有種急急忙忙要趕住交枱的情況. Fine Dining 不一定是高級餐廳才可以, 平民價錢也一樣可以享受.…查看更多

今天到銅鑼灣,灣仔,行街,到了6點,有點兒肚餓,就去了嚐越食野。因為我地比較早,所以唔洗點等就有位了。看了看餐牌,食物的款式 種類很多,除了一般越南餐廳的食物外,還有些很特別的款式,樣樣都好想食,因為我地兩個人,怕食唔哂,好難選擇 。最後叫了 嚐越脆春卷, 又脆又熱,旁邊有啲菜可以包住春卷食, 包住生菜食又有另一番風味,春卷脆卜卜,生菜好清脆。 沙嗲牛肉串燒, 本來好怕啲牛肉會韌,但呢個一啲都唔會韌,好嫩,加上啲沙嗲汁,好好味蟹肉炒越南粉絲,上面啲蟹肉好鮮甜 , 隻蝦超正,好爽, 又大又鮮。粉絲內有上豆腐乾,牙菜,清清地,幾適合女士食。 原個菠蘿咖哩海鮮炒飯,外表睇上去已經好吸引,滿滿的飯裝在原個菠蘿內,呢個菠蘿有別於一般的切法,炒飯都幾足料。…查看更多

同朋友行開灣仔, 冇諗定夜晚食咩好, 見到呢間越南野好似新開, 就決定試試佢!本來想散叫一人一個粉, 然後再叫d小食既, 不過朋友懶諗, 於是叫個二人餐算~其實真係好豐富, 我地既選擇係雞、牛串燒每款2串, 漢堡香茅燒豬扒, 馬拉盞炒嫩菜, 開頭以為個牛脊湯粉係一碗兩人share, 原來其實係一人一碗既, 最後仲有一碗甜品, 當晚係黑糯米糖水!!率先上菜既馬拉盞炒嫩菜啲菜好鮮, 炒得都好惹味, 我本來對炒菜只係要求正常水準就算, 但呢碟係意外驚喜之作跟住就上個牛脊湯粉本來我都唔知同普通既牛肉湯粉有咩分別, 食落原來真係滑啲串燒係正常水準, 我諗因為掛住食其他野有少少攤凍左佢, 如果唔係應該會有更佳水準個豬扒呢, 真係稱得上係「抵食夾大件」, 比想像中真係份量多好多, 而且好食, 厚切得黎唔靭, 我諗成晚黎講我最like呢個最後一人一碗黑糯米糖水做甜品, 上面果碗係搞暈個樣, 下面果碗係未搞暈個啦。個人黎講我對甜品一般, 不過我朋友對佢好評!!總結黎講呢一晚算係驚喜, 本來只係隨意揀一個食店去試下, 不過呢如果兩個人其中一個食量細啲既話就建議散叫會好啲, 因為佢個份量真係幾足, 我朋友比較細食, 結果食淨左啲豬扒(我覺得幾可惜)!希望有機會可以試下佢其他菜式!!…查看更多

每日朝早坐巴士返工，都會經過嚐越，有次見到佢鋪頭出面有個好大個嘅早餐餐牌，心諗如果有時早返工，時間鬆動D嘅話，就抽時間去試一次嚐越嘅早餐。而尼一次就係今日發生了。門面細細，入面原來好大，行入入面仲有好多枱，不過坐底之後發覺，佢係枱與枱之間嘅空間闊落，但我坐緊嘅位其實又唔係特別大，可能佢地上菜會有好多人走來走去﹖定係D菜式會好大碟呢﹖睇睇個餐牌，感覺怪怪的，我本來嘅預期係會有D越式嘅粉麵食下，好似扎肉米粉，雞冀檬粉咁，但…原來全部都係港式早餐。而且設計餐單嘅人，應該都幾大食下… ABCDF餐都算係大路嘅選擇，H可以算係港式嘅歐陸早餐，而E同G個配搭係有D怪，尤其係G嘅魚柳+多士，兩樣都係偏乾嘅食物，點樣配搭得到呢﹖雖然個米粉係濕嘅，但你總唔會攞D米粉夾魚柳多士一齊食架嘛﹖不過為左證明我嘅諗法，我就叫左個充滿違和感嘅G餐($32)同一杯熱鴛鴦少奶。首先嚟到嘅係「熱鴛鴦少奶」，一睇個色就知無咩點少到奶，飲一啖就係心入面打左個交叉，佢係有奶香嘅，不過嗰D所謂奶香感覺有D人工…見佢有咖啡糖，落左兩包，都救唔番，都係返公司補番杯 breakfast tea 算了。跟住嚟嘅係「XO醬手切炸菜肉絲米粉」(其實有咩唔係手切嘅呢﹖)，但當時喺我面前嘅係一碗好大碗嘅米粉，米粉面有條菜同幾條炸菜肉絲。XO醬唔多覺有落…而且成碗嘢食唔到有咩味，只係一陣油味，條菜又老，又得嗰少少餸，點送到咁大碗米粉呢﹖D米粉仲要漲得嚟帶D硬…應該都幾「銀」胃。我唔算重口味嘅人，但佢尼碗嘢，落埋胡椒粉，都係食唔到有D咩味。係連胡椒粉味都冇。我碗米粉食到一半，都未見碟魚柳上枱，要返工嘅朝早，早餐時間分秒必爭，當時唔算多人，枱係坐唔滿嘅，而且全部都係SET餐，其實真係無咩原因會耐囉。叫侍應跟一跟之後有另一位侍應禮貌地回應番我個魚柳會好快到，同時，附近另一枱客人投訴佢地落錯單。等左一陣，魚柳嚟到了，多士真係好厚，魚柳都大件，但無咩驚喜，叫做唔難食，不過都唔出色，個吉列仲有d鞋口，雖然佢唔鯹，但都係嗰d正常雪藏味啦，無咩好講。多士都無咩特別，有烘底，厚，其他都無咩好講。…查看更多

平日甚少會去灣仔，但呢日陪朋友去整啲野，於是就係灣仔逗留左大半日。當處理好晒啲野既時候天色已晚，而我個肚亦都開始打鼓，行下行下見到嚐越，個名熟口熟面，望下個餐牌見食物款式幾多而且吸引，於是就決定試試呢間。點餐既時候遇到一大難題 就係得兩個人，但又樣樣都想試，好難揀！揀左一大輪之後，我地最後揀左以下呢幾款 網絲春卷籃－份量唔錯，一碟有5件，春卷炸得非常香脆而唔覺油膩，外層網絲皮好酥脆，而且真材實料，每件裏面都包有一隻完整既蝦 牛肉串－串燒另外有得揀雞肉串等等，但我地偏好牛所以就選擇左要牛肉串。串燒非常惹味！牛肉好入味，外層仲燒到有少少脆既感覺，而且完全唔覺燒到好乾，另外隨碟仲有碟汁，我覺得點同唔點汁都一樣咁好味！係必叫既一款小食。 安南炒金邊粉－炒金邊粉既配料有兩隻大蝦、扎肉條、紅蘿蔔絲等等，蝦頗爽口，金邊粉炒得好夠味，又唔會炒得過"淋"，令人食完仲想再食！ 香茅豬扒撈檬－豬扒比我想像中大件，檬粉既份量都幾多下，粉係撈枱上放係度支魚露，食起上黎清清地，可以中和番其他濃味既食物 軟殼蟹米紙卷－軟殼蟹雖然包係米紙內，但只要一上枱就食，都會食到裏面係脆口既，裏面仲包住粉絲同菜咁幾特別至於環境都幾好，幾有格調，位置鬆動，令食客們都有較有既空間進食同傾計。…查看更多

媽媽建議來這裏吃飯，她喜歡越式粉麵，貪其有湯泡浸著，濕濕的，吃起來不會太乾，而且她特別喜歡魚露，很開胃，這家餐廳開業已有一段時間，一直還沒有試過，所以我們會來這裏了。　　這裏環境清靜幽雅，因為有鏡子的緣故，所以看起來更見寬敞，加上裝修以淡綠色及白色為主，讓人感覺清新，圍板夠高，所以有足夠的私隱，牆上掛了充滿藝術感的掛畫，燈光柔和，店內播放著輕音樂，非常閒適，這家小店處在步伐急促而節奏緊張的灣仔，仿若鬧巿中的綠州。　　因為沒有套餐的緣故，食物與飲品要獨立要，而且選擇稍嫌太少。　　我們要了香茅豬扒檬粉，豬扒炸得很香，很酥很鬆脆，不會很乾，也不油膩，也不感到鹹啊，所以覺得經過處理，檬粉的份量夠多；至於咖喱牛腩金邊湯粉，咖喱汁一流，用了秘製咖喱汁，很惹味，沒有味精感，而牛腩也很鬆化，入口即溶，很稔，口感極佳，我幾乎把湯全喝掉了，而金邊粉的份量也夠多，讓我十分滿足。我們點了椰豆冰，因為是用的是椰奶，有椰汁的香味，而且不會太甜，不錯。　　服務方面也不錯，服務員很留意我們的需要，讓人覺得親切友善。　　雖然食物有點貴，但環境和服務都不錯，算是值回票價。…查看更多

十二月下旬•晴見佢新開，又來一試。一碗牛肉粉單點要五十幾，下午茶時段就只$37，仲有飲品附送。無得講，找天下午來。牛肉粉份量十足，湯頭清鮮，夠熱之餘也有牛肉味，交了功課的。牛肉雖然薄但也有肉味，下午茶價，算係咁。配料的羅勒葉及紅辣椒就少了一點，要再加。還有巨峰提疏打，算係咁。…查看更多