嚐糖

营业中

休息中

本來想去隔壁甜品，無奈人太多，就選擇了這家不用排隊，結果沒想到中伏，楊枝甘露完全沒有黏稠的感覺，味道也很一般，還有推薦的廣末涼子，好苦呀，除了抹茶冰淇淋味道還可以，不會再去！失望爆擊

係旺角食完晚飯時間尚早依間fd 話之前食過覺得唔錯，所以過來試下裝修似班房，連d 台凳都係學校個款menu 設計都有落過心思我叫左個腐竹男神好快就上，真心d 料真係偏少薏米，桃膠，白果都係勁少份量芋圓都叫有5-6 粒既，感覺似係筆糖水飲多過食，唔算好甜，芋圓唔係好夠味但fd 個碗紅豆先生反而足料少少豆腐花紅豆沙都幾好，仲有兩粒蓮子紅豆沙都有少少果皮味我地八點黎到唔算多人， 食到八點半出面就要排隊啦，但食完一次都未必番黎再食啦

講起芋圓，除咗台灣同之前介紹過嘅深水埗康瑞甜品外，最近仲試咗旺角呢間糖水舖。其實N年前中六畢業晚宴嗰晚都有同同學嚟食，過咗幾年又再嚟幫襯下。舖頭以學校為設計概念，客人用嘅都係學校枱櫈，好特別。#九份芋圓王 $42 7.3/10———————————呢個甜品有芋圓外，亦有豆腐花、涼粉、紅豆同黑糖糖水底。芋圓非常糯軟糯，同以前喺台北食過嘅好相似，可惜差花奶，只有黑糖味難免會有太甜嘅感覺。店名：嚐糖地址： 旺角廣華街13號廣輝大廈3號舖

食左個飽一飽既晚餐後，見時間中係9點幾，行到無野好行之下走去糖水街睇下有咩好食。係外面見到嚐糖既校園裝修幾懷舊，木製既枱凳好有以前上中學時候既感覺，就係甘吸引左我入去過下癮。餐牌都幾多唔同既選擇，傳統糖水、小食以及綿花冰等等都有齊。選左好耐之下叫左一個綿花冰同楊枝甘露試一試佢！黎到既綿綿冰可以自選配料、味道，都幾適合唔同口味。今次試左巨峰提子味既冰底，加左爆爆珠、火龍果、蘆薈同埋士多啤梨汁。由於個冰底唔會話太甜，所以加埋d配料既味道都唔錯。中規中矩，無咩特別，略嫌份量小左d，如果大碗d會更滿足！

6點後只准外賣，條街10點已經水靜河飛見有啲糖水舖無開，有啲就拍晒烏蠅，一心諗住支持下呢間嚐糖啦，叫左碗薑汁湯圓另加芋圓，留意番，加芋圓係要加$8個店員錢就識收，落單態度經已唔多好，唔知係落單果個問題定整野食果個有問題，碗糖水拎倒反屋企滿心打開，淨係得湯圓，一粒芋圓都無。留意番，係一粒芋圓都無。即是毛啦啦一碗糖水收多左$8外賣無得追，當我唔好彩，拎外賣果陣無check清楚佢有無加芋圓(真係唔知道pack好晒都有check既需要)不過唔緊要啦，都無下次咯，完。

係旺角食完飯想食甜品，就行左黎嚐糖，睇下個menu，發現所有野食既名都好過隱，最後兩個唔係學界冠軍就叫左兩杯學界冠軍。唔講野食住講左環境先，依到裝修好似小學咁，Ｄ枱同椅都好有以前既感覺，回憶番哂黎。雖然係有少少迫，但都唔影響心情。兩杯學界冠軍黎到既時候我地都忍唔住即刻試下。支飲管插到最底，一飲就飲到豆腐花，同時有Ｄ紫薯奶吸埋入黎，再加埋少少西米，每啖都好好味。紫薯奶夠西，豆腐花夠滑，西米夠咬口，最好既就係杯野唔會太甜，反而係好香，紫薯奶令人好想不停飲！下次一定要番黎再飲佢！

咦？我明明入咗間甜品店 點解會變咗番學校😱ohhhhhh原來係校園風裝飾嘅甜品店🤭同學校有一模一樣嘅枱櫈 有好比心機裝飾嘅壁佈版 仲有練習簿設計嘅MENU Locker同老師名嘅甜品...紅社楊老師涼校長益力多主席......一睇都知夠噱頭 不過有時落單都幾搞笑哈哈😂.🍴芒果小丸子 HKD$30講起芒果小丸子 係咪即刻諗起許留山一杯杯嘅芒果汁呢🤔不過喱度嘅芒果小丸子唔係飲品 而係改用芒果沙冰底 可以一匙匙不起嚟食 有驚喜😽芒果沙冰偏刨冰質地 好夠芒果味 但唔會太假又唔會好快溶曬 加上夠淋夠多汁嘅新鮮芒果粒 愛芒之人可以一戰💪🏻但對於煙韌控嚟講 美中不足一定係小丸子偏少...成兜得先得11粒...😭仲要某幾粒個心係硬咖 小失望😟.推薦度：6/10

初夏至初夏，一年了呢一年時間過得好漫長，原本熟悉既地方變得唔再熟悉。今日收工黎到旺角嚐糖，希望係人生中細味苦中一點甜. 如果沒有甜品，人生好似無希望. 所以一定要定時定候去嚐糖，找回生活樂趣. 今次叫左四社芭菲「黃社」，分別有好多層、上面有雲呢拿、芒果、可可米、忌廉、粟米片及莎莉蛋糕. 成個感覺好特別，又軟又脆. 上面仲要係唔係普通雪糕，係Mövenpick黎架！！希望下次再黎既時候，可以搵返我熟悉既地方.

係openrice搵緊旺角有咩糖水舖發現呢間 menu都幾吸引就決定去試吓 堂食座位好少好逼 我地就嗌咗巨峰提子沙冰同埋夠薑辣妹 姐係芋圓+小丸子+薑汁 一黎到真係o晒嘴 碗嘢又細都算 芋圓仲要俾得幾粒個提子沙冰係超甜！勉強先擺得入口 唯一最好食係小丸子 糖水伏都算 店員嘅態度好差 唔休做咁 附近仲有幾間糖水舖都唔會揀佢 真係冇下次

🍧芒果益力多綿綿冰 配蘆薈+丸子$48🍧食冰怪嘅指定甜品 只有冰先消暑呀❄️呢個綿綿冰夠凍夠企身 仲好大份芒果益力多酸甜絕配 食幾多都唔膩🥰大推蘆薈+丸子呢個combo係天然滑溜彈牙嘅蘆薈 丸子亦煙韌🤣$48抵食👍🏻👍🏻.朋友食嘅芋圓 仙草 質素都唔錯 好足料🤓

今日同朋友係旺角食完飯之後想去食甜品，所以就嚟到嚐糖😚因為之前食過都覺得唔錯❣️一坐低就好似翻到去中學咁，無論係枱凳定餐牌都係充滿校園特色🏫係青春嘅感覺☺️好喇~緬懷完就即刻睇下食咩先😋選擇都幾多㗎，最後我就揀咗芒果西米撈🥭而朋友就揀咗心太軟配抹茶雪糕🍵呢到嘅雪糕係movenpick同HaagenDazs出品㗎😆芒果西米撈都係大路嘅甜品😂用咗椰汁芒果西米沙冰做底加上芒果同西米😚身為芒果愛好者嘅我覺得呢個甜品都唔錯，芒果都夠甜😋好味💛

今晚好有興致出去食甜品，都好耐無專登去做呢一件事🤔，因為疫情嚴重關係，而家搵間開得夜D既食店都好困難，行下行下見到嚐糖，真係好耐無幫襯過，見到成條廣華街食店得2、3間開，甜品店嚐糖都有開喎，我地就二話不說衝左入去🏃🏻‍♀️我地三人各自點左糕主教同2款自選綿綿冰🍧，好味道係不容置疑既本身我一心諗住主要係食甜品甜一甜自己，但入到黎就比呢度既裝修分散左我對甜品既注意力。呢度就係一個我以前讀小學時既課室，每樣野都一模一樣，連menu都好似以前既練習簿，一路食住野上堂以前緊係無機會啦😂，而家終於有機會試下喇

小編心思思想食芋圓 咁當然睇下幫襯邊間店舖裝修concept 我幾中意 校園做主題 仲有木枱木椅中學回憶即時湧上心頭💕 叫左地瓜小清新裡面有幾舊大蕃薯 芋圓 白色珍珠糖水薑味算出 糖水底唔算特別甜芋圓幾煙韌 不過無咩芋頭番薯香味 算係不過不失 珍珠相比之下煮過龍 芋圓起碼保持到咬口 蕃薯煲得算軟身 仲有咬口整體表現合格 可以繼續支持💛因為見到其他甜品賣相都唔錯😆 朋友叫木桶豆腐花真係原桶一人份咁上 配合桂花糖食幾有驚喜 無論新派定傳統少少甜品都做得唔錯👍🏻-

嚐糖係一間以課室做主題既糖水店，餐牌係超經典既練字簿📗，連坐既枱枱櫈櫈都係以前小學坐個種🪑，真係好似入左去間課室咁😆！佢地既甜品以科目分類，仲有一種特飲！-芒果芋圓小丸子 $40下面係椰汁芒果沙冰做底🥭，雖然芒果味幾濃，但我覺得個沙冰稀左少少，口感無咁好😛。小丸子同芋圓軟硬適中，煙韌得黎又夠Q彈😍，而且芋圓既芋頭味都幾出，唔錯😋！-芝麻糊豆腐花 $36芝麻糊質感都幾滑，但唔夠濃味；豆腐花香滑得黎食落都幾有豆味🤤，下次會試下個原桶即撞豆腐花😼！

又係食甜品既時候揾左呢間充滿學生時代風格既糖水舖！叫左2碗木瓜燉雪耳糖水！味道唔錯！而且餐牌好鬼有創意！同讀書果陣一樣，格仔款，想起以前嘅功課簿糖水方面，都係差唔多，無乜特別，下次去食，一定叫返杯攞硬5星星先得哈哈