嚐樂

营业中

休息中

食完晚餐後 一出門口就見到對面有間甜品店我地一班好齊心 一齊舉腳讚成話要食店不大場內只容納到5張枱左右相信店主係好鍾意動漫場內有不是動漫擺設而選擇好似好多，但味道我覺得好相似我就簡左黑炭頭有涼粉，曲奇雪糕，同餅碎曲奇雪糕味道一般天氣雖然涼左 但 涼粉如瑞冰多小小會更好

九龍城出名泰國菜外, 還是甜品糖水集中地今晚於九龍城晚飯後, 我們一行四人到對面甜品店再食過店舖位於轉角位, 比較易看見.本來偏愛中式糖水的我, 正打算落單時, 朋友說了一句, 來到這樣多的甜品店就叫西式甜品吧!再翻前幾頁看看, 甜品的配搭又真是比較新穎結果在眾多選擇當中, 我選了20號- 榴槤水晶涼粉榴槤肉混入了榴槤醬, 味道很濃, 很甜而除了'噗' '噗'聲的水晶珠增添口感之外, 原來還有煙靭的小丸子(餐牌沒有寫, 真令人驚喜!)份量剛好, 價錢尚算合理

九龍塘泰國菜, 糖水店多不勝數, 黎到呢區, 食完晚飯必定食個糖水先離開嚐樂店鋪位於轉角位, 有5-6張檯, 燈光光猛, 甜品選擇方面起碼有27款選擇以上, 作為綠色控既我當然點 04號- 紅綠花(綠茶雪糕/小丸子/豆腐花/甜紅豆), 主題貼切面層綠茶雪糕好大球, 唔會太甜, 當然要配埋紅豆, 但配埋豆腐花個味又夾到, 小丸子口感煙韌

在九龍城吃完泰國菜，窩夫與蝦子餅找地方吃甜品，最後選了嚐樂。嚐樂精選的選擇很多。窩夫與蝦子餅選了黃金島($38)，裡面有西柚果凍、鮮芒果和貴妃甘露，貴妃甘露用的是石榴汁，沒想過西柚、芒果和石榴可以走在一起而且很合我來，個人很喜歡石榴的香味，值得一讚的是西米口感非常煙韌，很少地方做得出這樣的水準。傳統糖水方面，窩夫與蝦子餅選了白雪腐竹薏米($22)，窩夫一向愛吃腐竹糖水，嚐樂標榜採用樹記腐竹，彷彿有了信心保證。白雪腐竹薏米果然沒有令人失望，黃豆味香濃，還有一塊塊香軟的腐竹，薏米的份量亦很多，誠意推介。

不是第一次光顧，這裡的選擇很多，但每次來我都選擇口爽爽。用透明玻璃杯上的甜品，由椰汁西米露、紅豆、椰果組成的口爽爽，份量剛好，不會太甜，很有咬口。下班的晚上，就是來一個簡簡單單的甜品就很滿足了。

嚐樂位於九龍城打鼓嶺道一個角位既甜品小店。 已不是第一回來此店吃甜品.【黑武士】ＨＫ＄４２今次選了我喜愛既朱古力甜品，黑武士賣相和MENU所見完全一樣 除了一球朱古力雪糕之外，杯內裡有好軟滑既朱古力MOUSSE, 最底層係BROWNIE粒粒 , 喜歡朱古力既一定要試試 !

天氣冷冷就同左朋友去左九龍城附近打邊爐, 食完之後見仲早就諗住搵間甜品店HEA下,而最後就揀左呢間嚐樂.桑寄生蓮子蛋茶 - 色澤較黑有亮澤嘅糖水, 食落唔會太甜, 而且仲有陣陣藥材味, 而隻蛋我覺硬左小小, 但整體味道都OK.

又食我喜愛嘅紅豆類甜品 ...一間小嘅甜品鋪在九龍城的一角, 不顯眼.口爽爽 ... 就係紅豆西米涼粉加蒟蒻加花奶, 其實好簡單, 但又配得適中, 好味又爽口, 個名改得幾好 

黑糖奶茶皇（$30）九龍城多糖水舖大家都知，司令都成日落尼食糖水架。今次介紹下嚐樂啦，佢位置就比較偏，加上舖位比較細，適合三四個人尼食，人多可能要坐出舖頭啦。店面細，個老闆係裝修上放左好多心思，抬頭望上去會有好多動漫擺設同明信片，成個氣氛好舒服。司令多數都係叫佢一杯杯既甜品，貪佢細細杯又靚。今次食既係黑糖奶茶皇，底係奶茶啫喱，上面有餅碎同埋雪糕，再加左少少黑糖提味。啫喱只係得淡淡既茶味，有少少似旺旺奶茶凍既味，各樣野配埋一齊都幾好食既，不過無奈下面係啫喱，筆雪糕食既時候好唔受力，最後會食到所有野都mix埋一齊，餅碎又濕曬咁，不過都唔影響味道既，下次試試其他甜品先。

如果到九龍城食飯, 就算食咗甜品都好, 都會到嚐樂外買碗腐竹薏米返屋企食. 一開始是朋友推介的, 話嚐樂嘅腐竹薏米好好食. 最初都半信半疑, 因為覺得食開嘅另一間糖水店嘅腐竹薏米已經好好食 ... 但一試之後, 從此轉店. 嚐樂嘅 白雪腐竹薏米 (堂食$22, 外賣要收盒錢, 唔記得$0.5 定$1) 強調係用樹記腐竹. 樹記腐竹出名豆味濃郁, 用佢哋嘅腐竹嚟煲糖水豆香四溢, 味道香濃.糖水可選冷或熱, 夏天喜歡吃凍的, 冰涼啲. 糖水呈米白色, 只係望都會覺濃而不稀, 因為選凍的, 甜感會比熱的減一些, 但香味亦會比熱的減一些. 糖水一飲, 就飲到濃濃腐竹味, 除咗飲到煲到溶哂嘅腐竹, 仲會食到一片片, 特登唔煲溶嘅腐竹, 加上煙煙韌韌嘅白果同薏米, 口感豐富, 又香, 又甜, 又好味.   

我問朋友，點解每次出去食完晚飯，指定動作都要去吔甜品先覺得舒服呢？答案係: 因為好多食肆限時1.5小時，傾計時間真係唔夠，所以要轉場再傾過，咪唯有去吔甜品囉。呢一晚食完韓燒，就轉去九龍城試下未食過既甜品店【嚐樂】。店仔細細坐得唔係特別舒服，不過係okay既，店員服務很好很親切，加上好多figure吸引住視線，唔通係賣點之一 ? (笑)喺門口等位時已鎖定目標要點呢個紅綠花，雖然我唔係抹茶控，但被旁邊既丸子紅豆吸引住，加上底層既滑滑豆花，不會過甜，而且配合跟丸子紅豆起來入份外清新，幸好抹茶雪糕冇我討厭既苦澀味，抹茶味唔算濃，食起上嚟份外開心。另外一款唔記得咩名，係芒果系的 (笑)，芒果西米露加丸子，係啊...我最愛既丸子啊！仲有一球芒果雪糕加芒果肉，略嫌西米露太清唔夠濃口，其他材料算係唔錯，不愛太甜既朋友可能會中意呢款，整體冇乜特別，唔算突出喔！總結店員服務好，甜品做得用心，下次會再幫襯啊！ (笑)

食完泰菜，突然間好想食甜品，於是就搜尋下附近有咩甜品店，一搵見到呢間喺我地食飯附近，食完泰金國轉個彎行到街尾就見到呢間位於轉角位嘅嚐樂啦。店內得幾張枱，地方細細，但都睇得出老細幾用心去佈置，貼落旅遊地方嘅明信片同埋相片，一路食可以一路欣賞各地風景，都不失為一個好主意嘅。甜品方面，主要係雪糕嘅配搭，我不喜歡食雪糕，所以就叫了個楊枝甘露，朋友叫了黑炭頭和金玉滿堂。呢個楊枝甘露又幾清新，原來石榴汁嘅香味配合埋金柚同芒果出嚟嘅效果幾唔錯，唔會甜膩，比起其他食開嘅楊枝甘露味道更為突出。黑炭頭有齊晒朋友喜歡嘅曲奇雪糕，朱古力餅同涼粉，一次過滿足晒3個願望。金玉滿堂，就咁睇落已經七彩繽紛好吸引，裡面有鮮什果，芒果啫喱，椰果同埋小丸子，我試左啖口感也不錯。

"OK篇"兼龍城食記不經不覺已寫到近尾聲, 前幾篇分別介紹了泰菜、食腸粉、飲夜茶、西餐廳、茶餐廳 (潮州菜就較早前寫了南記)...中間又夾雜了去Smile Yogurt及去新開的Highfive 食雪糕, 寫開甜品不得不提兩間心水店食甜品, 就是今篇119嚐樂及120的小方糖.前言:  嚐樂在賈炳達道與打鼓嶺道交界口, 對著城寨公園, 算是龍城最靠邊的外圍區, 雖然店鋪細但因為位置較偏遠, 比其他在中心區的甜品店易搵位, 窗明几淨, 甜品細細杯十零廿幾蚊有交易, 街坊味濃單車友駕著'戰車'幫趁有優惠、幾位店主全部落手落腳做, 在玻璃窗上的告示就可見他們的生活態度, 招呼令人舒服, 幾'街坊feel'唔識點寫點形容, 店子細細但氣氛很好, 遠離繁囂不太嘈吵, 行遠少少又何妨?!  幾年前開始honey就間中帶我去吃一杯, 是我們撐枱腳的心水店之一.  今晚飯後又想吃點什麼, 近來吃得太多聯發的鮮油奶多, honey對我件鮮油開始多多意見, 所以今晚又來了嚐樂.今日: 一坐下, 點了我的例牌 - 金玉滿堂, 咬著啫哩, 椰果及珠珠, 味道純樸賣相一向簡簡單單, 乾淨企理, 感覺良好, 但吃

放工同朋友仔想揾地方坐吓，四點幾，啱啱開門就衝入去！選擇都幾多嫁！不過我係綠茶控，所以就揀咗依個星星茶莊，最底層係綠茶果凍，甜度適中，配埋個綠茶雪糕同蜜糖星星，好清新呀！而我朋友仔就揀咗個藍莓雲呢拿雪糕蜜桃杯，哈哈，我唔記得咗杯野個名lu！杯野入面有啲蛋糕仔，幾得意喎！一定會再去試其他野！

九龍城從來都不乏甜品店，不論身在何處，總能在附近找著一家店。這次都到了街尾一家小店，只有數張桌子，大概廿個座位吧! 這裡有中式也有西式甜點，但愛好綠茶的我很容易便作了決定!我選的是紅綠花，由豆腐花、小丸子、紅豆蓉及綠茶雪糕製成。豆腐花味道偏甜，感覺很像百福呢! 小丸子很有咬口而且煙韌，綠茶雪糕茶味不濃，但配上紅豆就就是無敵了!友人點的是大小球，由綠茶、曲奇及雲呢嗱雪糕組合而成，最後加上了朱古力脆脆，增添了不少口感。品份量真不少，但各種簡單材料配搭起來是不錯的，有空也可在家裡試試弄製!