嘉豪酒家 (已結業)

老老實實 ＄130都唔使嘅打邊爐，任食兩個半鐘，當然你都唔使期望高質素，但係都絕對擺得落口，而且有啲配料都唔錯我覺得水餃幾好食，好似出面食雲吞麵嗰啲雲吞一樣，入面蝦肉都幾大隻，而且鵝腸都好爽脆！最重要係唔會走單 你嗌幾多俾幾多你！打邊爐最重要嘅肥牛，都係冷凍牛，好彩都有啲牛味，但係肥肉太多，通常我會咬開佢！湯底叫咗 胡椒豬肚湯底 感覺都可以，有酸菜 都有唔少豬肚！但係唔算好濃郁，加湯 之後更加冇左陣味！配料都有唔少嘅，但係唯獨欠缺我最鍾意食嘅 芫茜！😩 順便一提呢度嘅辣醬同埋沙嗲醬幾好食，配料旁邊有部橙汁機 ，味道普普通通啦 都係食用色素加糖水！好嘅就喺呢度啤酒同埋汽水任飲，有百事有雪碧，啤酒就有藍妹啤酒！一百幾蚊 你去酒吧飲酒都 差唔多呢個價錢 呢度仲要有得打邊爐 任食，仲想點！至於衛生方面，碗碟就唔係好乾淨啦，所以最好自己帶紙巾抹下，平平哋又飽肚嘅打邊爐都可以選擇呢度嘅！啱晒糧尾人士！😂

今晚突然之間好想試吓酒樓野....去完個客度約埋個同事去食餐飯其實依家為咗競爭...好多酒樓都會出一啲特價套餐....或者特價小菜我見呢一間嘉家酒家有特價海魚仔所以決定走去試一試睇吓乜家火餐牌來講都有幾多選擇.....而且都有好多唔同嘅特價孖寶套餐又有魚又有肉都揀到我花都眼亂未食飯前食返個小食先你睇吓細細妙🤔🤔🤔佢好似已經好肚餓不過呢個拼盤嘅燒豬都幾脆....雖然138..但份量都好足呢條沙巴仔就細條左少少....不過特價貨已經算係好好味如果係酒樓用呢個價錢食到兩個人嘅份量都已經係唔錯嘅選擇都算值得一試

陳皮燉鴨湯飯，有1/4一邊鴨，有大碗飯，夠兩人吃，鴨肉及骨非常“林“,有鴨肉味，不試你的損皮，但有點咸，如果陳皮味厚一點更好，個人意見。咋喳有油麻地源記風味，可多一點椰汁。蝦餃及燒賣可口，可以多吃，叉燒腸粉不錯，叉燒有鲜味。馬拉糕，蛋味濃原，味道okay，不試可能是你的損失。可以encore, 一定會再來，但食物偏咸，多飲水。服務態度一般，但有問有答。老人家上來亦是不錯的選擇，可以慢慢吃。不過，車來車往，小朋友要小心。

先唔講啲服務有幾差。叫個片皮鴨，啲餅皮竟然少到唔夠包，問啲服務員，一個話就咁食鴨皮得喇，一個就話唔知點解釋……蠔餅鹹到咬到啲鹽粒粒，雜菜煲得一種菜一種菇，條蒸魚腥到呀。

新正頭年初二同外家一家人廿幾人預訂左兩枱食開年飯，7點鐘落好晒單，年紀大既一枱叫圍餐，而我地後生一枱就散叫。7點3叫起菜，叫圍餐就好快黎晒，而我地得青瓜海哲，滷水掌翼，同燒味到左。等呀等…等到8點隔離枱都就食完咪追單，位部長話「得」 。然後等到8點3依然音訊全無而隔離枱食晒，我地再追一次。個部長今次完全無理過我地，望都無望過我地 。原來之前漏晒單，佢跟本無追過純粹灑我地。45分鐘第一次扮幫我地追，第二次1個鐘追就直情唔理我地。最後問經理先知漏單根本無落過…初二差d想同個部長開年 ，呢間野永不錄用！

放工後相約家人到深水宇宙商場側邊的酒家(金利豐海鮮)食晚飯，這間酒家價錢都合理及小菜款式都多過某些集團式酒家。尤其是用 $1 就可以享用全隻脆皮雞 (1-3人半隻) (4人以上全隻) ，今日點了 4 款小菜1) 椒鹽九肚魚 (炸得好鬆脆、脆到連骨都可以食埋，不過將條魚開邊，睇落去好似大條)2) 燒汁手切肥牛粒 ( 嘩 ..... 肥牛切成四方粒，粒粒都稔到入口即溶感覺，正呀!!! )3) 錦江海鮮豆腐煲 ( 煲內有好多材料，有幾件大炸豆腐，豆腐已索入了少許辣汁、 蝦2大隻、花枝3 - 4件、尤魚3 - 4件、珊瑚蚌、荀及菜花，不過d材料切得較為細粒 ， 基本上呢個煲味道 ok , 不過有少 ... 少 ... 少 ... 微辣，怕辣人都會入到口的， 不過唔知點解呢碟菜名叫做錦江? )4) $1脆皮雞 ( 雖然細隻，但好有肉，炸得皮脆肉滑，掂 ..... )飯後有糖水奉送

趁著紅日子不用上班，就約好了一些老朋友茶敘，這一群老友總喜歡嘆茶吃點心聊聊天，開心的時間就如此一閃而過，但也約好了下一次再聚的日子。 見面聊天為主，吃為次，所以地點也不考究，只是找一個大家也方便的地方便行，選嘉豪只是因為其中一員住在附近，由她負責找位子就不用多煩。點心種類跟一般茶樓沒有多大分別，如牛肉腸粉、叉燒包、珍珠雞，不過倒有一些懷舊少見的點心，如牛肉燒賣和鵪春蛋燒賣，現在吃到的乾蒸燒賣多是以豬肉入饌，故此以牛肉為主餡的燒賣怎何不點，牛肉打得鬆軟，肉味則普通，但也不錯；至於鵪春蛋燒賣就更令人懷緬，有點久別重逢之感，很久沒有遇上過，所以別起來感情大過味道。我們還點了一碟白汁粟米石斑飯，水準不過不失，白汁比較稠，還好是斑塊不太差，吃來沒有雪味！

很久沒有跟親戚一起飲茶了，雖然是星期天，但大家總是忙忙忙，親戚的小孩不是學英文，就是別的興趣班，趁暑假將快完結，卒之，找了一個星日一同嘆茶，選址就在附近的街坊酒家，方便大家嘛！雖然環境普通，又比較嘈雜，但到酒樓飲茶就是這樣，很有氣氛的。點心點了牛肉腸、馬拉糕、叉燒包、金錢肚、蝦餃、鹹水角、鳳爪，再加一個蝦醬乾炒牛河。食物可以算是不差，尤其蝦餃，飽滿足料，蝦仁大大粒；而馬拉糕也很鬆軟有彈性。平時，多數吃到的是乾炒牛河，而這次是一個加了蝦醬版的乾炒牛河，多了一份鹹香味，而內裡多添了蛋絲及翠玉瓜，都幾好吃的！

位置遠離地鐵站，而且座落於天悅廣場，這座較屋邨的商場，應份地是平民化水準入場後，望了望侍應身後的紅色牌子，著六十多元任食打邊爐，而伙記連忙更正，包飲品，小費，一共八十多元才對。我們點了鴛鴦湯底，沙嗲＆清湯，點了的餸菜沒有特色，也是來來去去平民化的幾款。脆肉鯇真的脆口，而玉子豆腐十分滑溜亦令友人讚不絕口，上次吃過牛丸有些臭味，今次醒目沒有叫，所以今餐吃的都尚算ＯＫ～可是來的份量叫一碟，來的卻是一個小箕裝載著，對於我們來說太多了。

我同d 朋友去嘉豪酒樓打邊爐, 不過真係好唔掂, 個d 汽水款式太少, 無咩簡, 食物好多點左都無貨要轉點另一樣, 好辛苦點左d 想食的食物, 但又唔太新鮮, 先講蟹柳同獅子狗, 一口咬落去完全係食一團粉團咁; 肥牛放左陣成碟變曬黑色, 應該係勁唔新鮮; 粟米又唔甜, 好似煲完湯咁; 我建議下次都唔好再去..............

其實我星期二同今日刀去左...2日刀覺得超正!!!!系我食過最好食既酒樓喎!!!<3(不過有長輩在場不便影相: ))首先我覺得d野食好新鮮!!大多數點心刀系熱既..有d仲系好熱!炸野如春巻、蜂巢芋角、明蝦角等等又夠酥脆!!(不過其實對明蝦角有少少失望...同出邊果d一樣咁多油)我印象最最最深刻系流沙奶皇包!!!流沙包有個傳說話有個人食到流到落背席(好誇張= =)同埋話入面好熱炙傷佢咁濟...但系我未食過流沙包系真系入面熱!今次就食到碌大對眼!!!雖然刀唔系幾"流", 唔會流出個包,但系入面真系有熱辣辣差d綠親條脷!同埋佢入面d蛋黃+奶黃好正!!個色好橙, 好吸引*v*成間野比我既印象真系very good!好似好多野刀比其他間好食好多咁!!!值得一試嫁!!!去果道食真系有幸福既感覺<3好開心XD我真系決定以後當佢飲茶之首選!!!!不過間野衰在唔系幾就腳喇...附近冇乜交通工具可以直達...又樓上鋪喎..但系依然幾多人下!!可見間野刀幾掂!XD衛生睇落冇乜問題...但系有關員工服務...我星期二去果次覺得麻麻地.d員工粗聲粗氣喇...可能果次下午茶忙d所以忟d???今次去

去同人應酬應酬，倒不如同好朋友去打打邊爐，又食得飽，又可以食耐啲傾傾計。因為當日先決定去的關係，連去邊度都唔知，只係跟住兩個地胆由深水埗地鐵一直行，行左成十五分鐘先去到。一個大好星期五既八點，酒樓水靜河飛，只係得十張枱左右。坐底揀左個湯底（要了皮蛋莞茜）之後，就即刻出去混醬。麻醬、沙爹醬、蒜蓉、辣椒醬等每次一定要既野都有齊，另外仲有腐乳、蔥花、生蒜、豆辦醬等等。混到杰撻撻之後，心滿意足便返埋位等食。來得食火鍋，個肚有一半既位都係用來食肥牛，於是一來就叫三碟先..點知佢淨係畀左一碟我地，所以之後又要encore多兩碟...。肥牛不錯，好大片，唔會淥完縮到呀媽都唔認得。肥瘦立適中，算係咁。但係encore個兩碟就未解凍晒，所以夾到啲牛肉有啲爛開左。丸類就有啲強差人意了。選擇唔算多，不過都有晒最大路個幾種。墨魚丸好林，但好彩有啲墨魚粒係入面，味道一般。貢丸又係唔夠爽口，冇咩香菇味，友人話味道好怪，我就覺得正正常常咁啦。豬肉丸大大粒，但味道一般。最好的係個牛筋丸，雖然都唔係爽，但味道叫做好啲。魚皮餃只係食左一粒，印象不深。豆卜唔算特別好，但我成日都覺得豆卜索晒啲醬汁，唔可以差得去邊。炸魚皮都幾

一向都有來這問酒樓飲茶, 因為近屋企, 食物一般, 都不至於難食, 但今次實在一定要批評這個貨不對辦的鮮蝦素翅餃!鮮蝦素翅餃: 見未試過就點一籠, 阿姐一放低就知真係出事, 再問之下肯定無錯, 唯有照食....表面好乾, 有好多好似雲吞的腦紋, 透着豬肉的顏色。咬一口, 有好多莞茜, 整口都是豬肉, 看不到通透的蝦粒, 也看不到像粉絲的素翅, 但這個有兩隻蝦餃size, 應該不但全是豬肉吧? 再食一口, 更多的莞茜, 好生、好難食, 吃完整個餃都只係發現這兩種材料......完全離普的貨不對辦 在這些街坊酒樓試新野真係要再三諗清楚!!!其他食物都ok, 有個擂沙芝麻煎堆好好味, 新鮮炸, 餡的甜味適中, 每次都會食!價錢唔貴, 4個人都係食咗一百蚊左右, 服務都可以, 但d碗碟洗得唔太乾淨

一直以黎嘉豪有好多負面既評語，但係經過我既親身體驗發現其實都唔係咁差環境方面: 衛生情況ok，因為人流唔算很多，所以唔太焗促食物方面: 款式尚算多，例如有肥牛、涮羊肉、鴕鳥肉、生蠔、炸魚皮、魚皮餃等三十幾款。最值得一讚係佢有一個混醬吧，有近十款醬任你混，沙爹、XO、麻醬都有。飲品任飲得黎，除左有汽水，仲有鮮搾橙汁等。服務方面: 上菜速度唔算快，但無咩漏單。整體而言，佢都算係一間唔錯而且幾抵既火鍋自助餐，收費連加一每位$90，可以一試。

同朋友講起老地方,一定諗起嘉豪,因為幾年前經朋友介紹,話嘉豪既白鱔片一流,本身唔食白鱔片既我,亦從此愛上左...我地都覺得,呢度三五知己,又或者為數唔少既朋友仔們想打下邊爐聚下舊,呢度的確唔錯,任飲任食,計晒全部都係90蚊落樓,就連啤酒,汽水,都係任飲,調味料都係任拎,生/炸蒜蓉,XO醬都有!!!出面雞蛋每隻5蚊,呢度都係任你拎...我絕對唔係係度賣廣告,我只係覺得,其實自己都打過唔少邊爐,比起旺角既某幾間火鍋酒家,平心而論,我絕對會搭多幾個站BUY呢一間...幾年前我第一次黎既時候,我已經好記得呢度係特別平...因為我期望既任飲任食,係乜野都唔需要加錢...呢度可以慢慢坐,唔會限時...而且人流較少,好多時都唔需要等位...至於白鱔片的確好味,無骨不特止,亦都非常爽脆,難怪每日一開始打邊爐時段一兩個小時之後就已經冇晒貨...不過其他既,都係咁上下啦,90蚊埋單,我唔期望佢俾到D咩高質素食物我既...每次我同朋友想平平地打下邊爐,搭多幾個站,黎到嘉豪酒家都的確係唔錯既選擇...因為我每次黎到,都係一味飲啤酒,食白鱔片,其餘既,都好少理...