影片
其实.....食海鲜去过好多地方，三圣都系第一次去食，上openrice睇下，都唔知边间好，由于一大班人去食海鲜，唔想有咩差错，所以保险d，都系去酒楼稳阵d好。嘉彩绝对唔系富丽堂皇，感觉有d旧旧地添，哩点其实我唔多介意同理会，反而我最担心冷气不足嘅问题亦无发生，佢地冷气好足够。拉大队去买海鲜，多得其中一位系其他餐厅嘅大厨，由佢发办就啱哂！辛苦哂！其中有两道海鲜特别要提吓，第一道系蒸果两条班，查实自己唔多好食鱼，细个试过被鱼骨卡过喉咙啰，唔多唔少有D 童年阴影，所以除非好吸引同贵价鱼，否则有阴影唔食，蒸哩两条班，厨房时间掌握得好好，蒸到啱啱好熟，肉质好滑，相信功多艺熟，赞！更加要大赞系清蒸鲍鱼，都唔知食过几多次蒸过哂笼嘅鲍鱼，但今次食嘅蒸鲍鱼一d都唔靭，大喜！最后埋单连料前后加埋十几个人每人三百几，又饱又好味，抵！绝对无黎错！
继续阅读
今日庆祝寿星仔生日嚟到屯门三圣邨食海鲜餐，我哋冇拣充满风味嘅大排档，拣咗喺商场入面嘅酒楼加工。酒楼就系普通屋邨商场嘅旧式酒楼，上到去攞咗位后，就落咗海鲜街嘅海鲜档拣海鲜。两个人咩都想试啲，每样要少少，我哋拣咗半斤虾，较细嘅象拔蚌，扇贝两只，一份龙趸，而鸡，乳猪拼海蜇，寿包就系酒楼嘅菜。白灼虾几好，无灼得太耐。象拔蚌切得好薄，刀功好。味够，但有少少过火。呢个整得唔错，无抢咗鱼嘅鲜味。鸡系唔够饱再加，普普通通，中规中矩。乳猪脆卜卜，海蜇爽口。有人生日梗系要食大大个寿包啦。送水果盘。
继续阅读
今日有长辈生日，特登去到三圣食餐好嘅中午大约12点去到，海鲜档已经好多海鲜，价钱例牌唔平，不过质素取胜。在海鲜档拣咗彬班 （呀叔话又滑又有鱼味）、圣子、大大只嘅虾、扇贝同埋象拔蚌就去咗酒楼。Book咗间房，可以静静地食，仲要免开瓶费，免切饼费中午时分嚟到酒楼，仲有点心食！呢度仲有明档，可以见到姐姐喺度煎糕、煎薄撑等，仲有点心车可以攞蛋挞仔、咸水角等等，成个感觉好怀旧，毕竟今时今日好少酒楼有咁样了。我哋叫咗煎甜薄撑、豆沙饼、沙翁、卤水猪仔脚，卖相虽然一般，但味道真系几好。讲返重头戏海鲜，师傅建议豉椒圣子加煎米粉底。今日啲圣子唔算大只，但新鲜饱满又冇沙，豉淑汁好够味，加埋个煎米粉真系好正跟住就到象拔蚌刺身！大大碟！非常新鲜爽口仲拎咗个煲俾我地堂灼，不过大家都话刺身好味d, 净系灼左个胆既位置。再来就系煎大虾大虾煎到金黄色，啖啖肉，小小辣，非常香口惹味！跟住有蒜蓉粉丝蒸扇贝呢个蒸得耐左少少，如果唔系就更好啦！之后仲有蒸鱼，条鱼蒸得啱啱好，老人家食到停唔到口仲有烧鹅，都烧得唔错，可惜太饱食到净哂 （有打包的，无做大嘥鬼）。呢间酒楼装修一般，但侍应服务周到，频频换碟同俾热毛巾，最后仲送一盘饭后水果，绝对系经济实惠之选唯一美中不足的地方，就系酒楼一定要行楼梯，对长辈来讲有少少唔方便啦～
继续阅读
三圣一向是吃海鲜胜地，这次约了一班朋友来食好西。大家都不懂选海鲜，随便找了一档，又随便买了大虾、蛏子、龙虾、桶蚝、扇贝和响螺，每人才$135。马路旁泊了很多红色的士，由此得知很多人特地从九龙乘的士过来吃海鲜。今晚来到较平民的嘉彩酒楼，环境没其余两间那么堂皇。我们放下海鲜点了菜，蒸煮炒焗都齐了。先点了一支天地壹号苹果醋开开胃，不用很久便上菜了～烧鹅海鲜制作期间，先吃一只店员推介招牌烧鹅，，但味道没特别，烧鹅也偏瘦，不够啖啖肉。豉椒炒蛏子一开始店员让我们选蒜蓉焗或豉椒炒两种煮法，她说焗会连壳焗，看起来多一点，炒则会缩小变弯。还好我们还选了后者，因为豉椒很香很惹味！蛏子亦炒得爽口。谁管看起来多与少呢，吃起来还不是一样。芝士焗龙虾配伊面煮法除了芝士焗还有嘉彩招牌芝士炸龙虾，不过后者需要多点龙虾来制作，所以选了传统的焗烤。龙虾肉质鲜嫩，以伊面衬底，味道不俗，但没啥芝士味，只有牛油味。豉油皇大虾中规中蚷，炒得不够咸香，虾肉倒是颇嫩滑。蒜蓉粉丝蒸扇贝蒜蓉粉丝和扇贝永远是不败的组合，也是我的最爱！实在很难煮得不好吃，如果多点蒜蓉汁会更香。姜葱桶蚝不爱吃蚝的我尝了一只，姜葱炒得蛮香，桶蚝亦香滑多汁。盐焗响螺回归平凡用盐焗更能突显响螺的鲜美，而且非常耐吃，一碟可以吃很久。日本豆豉唐生菜 店员又说这是招牌，但味道有点淡，可能是日本豆豉的特色，用来清一清肠胃也好。吃完主菜轮到饭后小食～店员先送了个果盘，我们再另点了一打马拉糕和一客黄金大饼。马拉糕 又是另一个不败之选，马拉糕非常松软，香味四溢，每人只分到一件实在不够，差点想多叫一笼。黄金大饼传说中的黄金大饼原来是芝麻大饼，像炸鳗头般，口感扎实，蘸炼奶来吃很配。结帐时发现每人只需$130海鲜加工费！连同买海鲜的$135，合共才$265！比想像中便宜很多很多，但已经吃得舔嘴咂舌，心满意足。嘉彩跟旁边两间海鲜酒家相比，环境略显陈旧，但味道和价钱更胜一筹，绝对会再来！
继续阅读
8月29日自带花锦鳝15斤，做出来蒸的冻，炆的只有吃到炸粉浆，带来花竹虾变细了，肉质变硬，赖尿虾未炸熟没有味道，姜葱炒蟹太没水准无味的，炒菜是做好的，送出来是冻的，绝对超失望，以后咪搞我，重要山长水远入去，还比深水埗大排档差
继续阅读