嘉年華海鮮酒家 (已結業)

今日有新同事返工，一班人同佢食welcome lunch，老闆仲專誠由沙田來到香港仔join我們，都算俾面。我因為要開會，最遲一個到，到達時成友仔已經叫到成檯都係餸，好豐富咁。只見眼前又牛肉，又鮮竹卷，仲有燒賣、鳳爪、咖哩豬皮魚蛋、菜、炸豆腐、糯米飯和高力豆沙。餸就真係好多，可是冇樣好味，咖哩豬皮魚蛋和菜一點味道也沒有，鮮竹卷梅梅地，炸豆腐是凍的，鳳爪都唔得，唯一可取的只是個高力豆沙，認真弱到不堪。埋單$150，幾CHEAP。當然唔係話怪個老闆同班靚去食cheap野，老闆亦唔係一個孤寒既人，只是大家其實都對香港仔都唔熟路，所以才求其搵一間酒樓食。不過下次真係要做下功課，提議去間好味ｄ既食肆。

話說我地一家係以前釭寶石的常客，過時過節一定訂一圍食飯。自從改左為嘉年華都冇變，但真係估唔到咁差...當我地第一次去訂台做節，諗住新開去試下菜，冇食餐，散叫，由第一碟食到最後一碟上台，終於等左三個鐘，其間仲不斷叫伙計跟單....眼見隔離台食套餐差不多時間入單都食完走了好久，催都催到氣咳。d 伙計仲話，你地散叫係要耐d 架....諗下....都有理既，但都唔駛等3 個鐘呀？到第二次又係做節食飯，有上次既經驗，我地就order 套餐啦~~~ 結果，一樣！又係睇住隔離散叫既食完走左好耐我地都未上齊送，最後，媽叉完又係食左3 個鐘。到最後一次，唔係節日，只係屋企有老人家生日出去食飯，應該唔多人啦~~~ 廚房唔繁忙啦~~~~ 叫套餐冇走雞啦，應該快d 啦~~~ 點知！都係3 個鐘！呢次成家都火燒，仲話唔駛只意再黎食晚飯！P.S. 等佢地埋單計數都要15 - 30 分鐘起！

話說有一次同幾位朋友去飲夜茶叫左一個福建炒飯佢竟然上了一個唔知係咩o既炒飯正確d講係楊洲炒飯加豉油... ...我地同個侍應講話我地係要福建炒飯而唔係呢個楊洲炒飯加豉油個侍應拿了碟飯去同幾個部長研究... ...過左10分鐘，個侍應拿回呢碟已經凍左o既飯番泥話碟飯係福建炒飯，叫我地照食... ...我地當然唔肯，個侍應話佢地d福建炒飯係特制o既d"福建"汁已經係碟飯到炒干左... ...我地話唔要，個侍應起初不應承經過5分鐘理論之後先肯取消碟飯... ...真係一肚氣~

今日去左拜山,行到隻dog咁,實在無力煮啦,9個人出街食~ order左個$438餐,冬瓜荷葉玉竹鮑魚湯,真係有鮑魚仔架,不過d湯無乜味道.燒鴨d皮脆卜卜,又夠熱,轉個圈就俾班小魔怪挾晒lu~ 但d叉燒就麻麻.上湯中蝦e麵,上湯e麵都幾入味,算ok.翡翠花枝珊瑚蚌就咸左d. xo醬海皇豆腐煲,基本上辣就唔係好勁,得個咸字,尤其墊底o個d豆腐,吸晒~ 最正條青斑,夠晒大條,蒸得都可以.最大問題係侍應又唔夠,落order呀,搵人加水都視若無睹,連找數都要等左成10分鐘~ 連糖水都無得送

本人各得這間嘉年華環境不錯,可以稱南區之最,最舒服,最乾淨,最衛生,最大間,不過都有好多缺點需要改進,第一:招呼,第二:態度:第三:出品,嘉年華如果可以改善的話,都會係香港仔之最,招呼,樓面一些專業都冇,全部都係新移民,都沒有受到專業訓練,我最記得早幾日,即是星期日中午到問個樓面鑽石廳係邊道,佢話唔知道,我諗佢係唔係呀,態度,部長完全唔惦,我都唔想講,食物方面有些好有些唔好,點心唔好食,同隔離新光金稻比較,佢真係差好多,放係大排檔既點心款色多但係就凍冰冰,一句講唔好食,廚房方面都係一般啦,但係我最欣想佢個燒味外賣,我聽d街坊講初初最轟動都係20蚊1斤叉燒,但係好多人都話麻麻,但係依家又好似好d,不論色香味美形這五點都有,好似我常常見到有個師傅唔知係乜水,著唔同衫褲,經常整理果個棚架,真係好好,我以前係到買的野拿到返屋企,打開之後就氣餐死,好似垃圾咁,依家唔知係唔係換左人呢,好多野都整齊既,起碼打開個盒知道自己買d乜啦,e度d燒腩仔好似唔同,以前食講真,d皮真係好硬,但係e家到叫一碟,d皮真係好化皮,好鬆,18蚊衹食您地去到不妨試啦,最後嘉年華真係要改善一,雖然可能係我一個人的意見,但可

真的很過分....今晚,係我爸爸60大壽,見佢重新開張後都未去過...於是決定去那裡擺酒啦...我地要左6圍2千幾既全包宴(每圍有14罐啤酒汽水,同埋一共4支紅酒).....開席前,佢地問我媽媽,如果一陣酒水唔夠時...會唔會再開...當然我媽媽唔想得失客人...就話"好呀,開囉"...全晚服務唔見得好好....想搵人加個位...結果就自己做.....冷氣位就凍死人...另一邊就咩冷氣都冇食到流晒汗...上菜又好似趕住收工咁....未食完就夾晒俾你...之後紅酒唔夠...佢就再問我媽媽開唔開...咁當然都係開啦....好喇...到埋單...佢就話我地開多左"40罐汽水"一打啤酒....嘩簡直係搶呀...我6圍人...有1/4係老人家...1/3係小朋友...有3個仲係細過5歲...有一圍只係飲酒...邊度可以飲多元)罐咁多呀...咁我地就同佢理論...佢就話開左飲唔晒都計數...咁我就話..你拎多一百幾十黎開晒佢,咁我都要俾囉???最初佢唔肯認有問題...仲話同我數罐...我就話你間酒樓咁大..一晚有幾多個罐呀...你拎幾多黎都冇用啦...之後佢就話.."盡量"減收一點...只係10罐

早上十點幾去到取位，不用三分鐘有位。上到一樓，發現很多四至六人桌，近窗的多數是八位以上桌，重有幾個大電視睇。一坐下就開茶，洗杯。還發覺這裡幾凍，所以之後食“口野”都要食快些，因為好快凍並起油膏。開始叫食物，叫食物大致可分為自己去食物桌取，或寫紙仔。不過寫紙仔就要小心些，因為埋單時，如有食物未送上桌，而你又冇追。咪以為不用付錢，因為這間酒樓是以入單計數的，小心，小心。開始講食物了，有京式小籠飽(特點，一籠六個，每個都幾多肉汁，皮厚，餡就軟淋淋，不好食的）、生煎飽（大點，一碟三個，飽皮一般，底部因為煎得太濃，所以苦的，餡就一般）、嘉年華蝦餃皇（特點，一籠四個，一般太細，皮厚，用蝦肉粒加馬蹄粒。真的差到冇人有，不值）、錦繡雞扎（中點，真的是豬皮代魚肚，少見）、金莎脆皮腸（大點，原來只是腸粉包著春卷，食落都可以接受，不過要快食，因為不是豉油另上，是一上桌直接淋落腸粉面）、鮮蝦腐皮卷（大點，皮脆，多油，餡只得少量蝦仔和幾片薄西芹）、千層馬拉糕（中點，普通三件裝，味道一般）、泰式魚旦麵（$13.8，湯底甜，魚旦硬，差）和椒鹽九肚魚（$18，這個是全餐最好的了，一碟有十幾條，幾脆，不過就咸了些，味精

周圍的waiter唔多落單後我地等佐20分鐘都未有野食於是就叫d waiter check 吓啦叫佐幾個,幾個都好似幫你check但係最後個個都冇check有幾個waiter係到唔知要搵d咩係每張桌到拿d黃色的紙但一個拿就得啦之後又有超過4個waiter又來搵真係浪費時間唔怪得個個都好似唔得閒咁真係氣死於是叫佐一個waiter同佢開刀叫佢無論如何都要即刻check佢check完先話俾我地聽之前那個waiter冇同我地落單這間野我唔會再去嫁啦奉勸大家都唔好去呀

新開之後第一次尼飲茶,詳情如下1. 千層馬拉糕(?)-同普通馬拉糕冇咩分別,三舊細細舊,冇咩蛋黃成分,仲要中點!唔抵!2. 墨魚燒賣(見圖)-成粒都系墨魚?但墨魚成分甚小,加塊薄薄的臘腸上去,完全冇味,用尼裝飾又唔見得好睇.3. 牛肉球-新鮮出籠,熱辣辣,軟滑,幾好.4. 炒米粉-味精超勁,食到好口渴,材料以菜為主,有小量尤魚及火腿,尚算豐富.5. 腐皮捲-新鮮炸好的,熱辣辣,皮脆,銜料有蝦同肉,腐皮捲內都有幾多汁,好!6. 叉燒包-太細個,其中兩個肥肉過多.懷疑由食品工場買回來蒸.7. 珍珠雞-明顯由食品工場買回來蒸,no comment!8. 雞扎-雞扎內居然用豬皮而唔係用魚肚,都系第一次見!9. 沙翁-唔夠鬆化,好似食粉頭咁.有好有唔好,但香港仔有咁多選擇,應該冇下次.

間野裝修左勁耐，開左一段時間，我都係剛剛上個星期先第一次去果度飲茶，的而且確比之前紅寶石多左野食，不過可惜味道唔係太好，仲諗住始終都係集團經營應該會好d，點先都係冇用，呢次去食左佢個乳鴒，係就係好抵食，16.8一隻不過得個咸字唔好食，仲有個墨魚燒賣以為有d新意，點先原來就係一粒墨丸加片蠟腸蒸，完全冇味，仲衰過去南記食墨丸，除左呢d都只係食左d一般o既野，不過都係冇特別可言，除左食物外，d服務又係唔得，我去果時係星期二下晝12點左右，一入大堂就有個支客攞位，我地6個人，佢叫我地坐房，點知上到去佢係比左張四方形桌，不過有一邊係貼牆，上到去個侍應都話坐唔到6個，仲話坐果度唔係淨係食點心，最小要叫一個小菜，其實要食小菜唔係問題，不過係個支客乜都唔問清楚又唔講清楚，結果我男朋友再走落去同佢講，要佢比過第二張桌我地，我覺得一個集團式經營o既都做到咁唔係好得囉，我地等果時都聽到有其他人都有咁o既case，好老實香港仔主要都係做街坊生意，如果佢咁做落去我相信有集團撐都冇用，遲早都係冇人幫襯，d人情願繼續去其他果幾間細酒樓迫，又唔洗比咁多錢但質素仲差過其他平d果幾間。呢間野唔會有下次囉，都係去番新寶好過

$28 貴妃雞半隻...唔單止無雞味, 直頭臭臭地$28 竹笙生根白豆腐...豆腐係凍o既, 衰過淋汁飯$12 擔擔麵...D麵超林, 變哂闊條麵

毋疑裝修是比原址的紅寶石酒樓好一點，但食物及服務質素卻沒有顯著改善！當日，友人提議到此新開張的嘉年華飲茶，我心卻有點猶疑，因為老爸曾說過，新酒樓的蒸籠太新，蒸出來的點心不會好吃，但盛情難卻，唯有奉陪到底．果然不幸被我言中．先試了薑汁雞包仔，聽落甚有特色，可惜味道失色，不錯是有薑汁味，但芫荽味太濃，兩者結合只能形容為～～怪味雞包仔．再試粟米蝦球，簡直失敗之作，超厚的粉漿黏著蝦肉和粟米粒，一口咬下去感覺就像食漿糊，而且蝦肉雪味重，明顯不是新鮮貨色．餘下的蝦餃和燒賣都不見得出色，獨是那碟蒸牛肉腸粉有點水準，腸粉皮又滑又薄，味道不錯．雖然我們沒有抱怎樣的期望去幫襯，但沒預計它會這樣子不濟，試一次就已經足夠有餘！

今天下午同爸爸去完釣魚就來呢間開左唔夠半個月的酒樓飲茶, 講真, 佢d 裝修同格局同以前差不多, 一樣係d好"密則則"的街坊酒樓.下午茶都唔係十分平, 大點都要$11.8 的~一開始我去拿左碟蛋撻仔$7.8/3個, 結果係.....超難食! 完全凍晒的, 又有陣酸味, d皮仲要痴實個錫紙殼的, 叫人點食呀! 係我有生以來食過最難食的蛋撻!之後叫左炸雲吞, 湯飽果d....冇咩大問題.最後叫左印度薄餅$12 (呢間野有泰式同印度野食的), 好鬼硬食到牙都軟....唉....一新開d 食物就咁, 趕客趕客....