嘉寶漢堡 (和益中心)

营业中

休息中

有朋友外國返黎🫶帶佢食我最鍾意嘅本士burger店-嘉寶burger。之前每次黎我都忍唔住嗌牛堡，d漢堡扒勁juicy每次食完都好想encore😍今次終於的起心肝試下唔同包。蜜糖芥末菠蘿豬堡🍔結合蜜糖嘅甜、mustard嘅微辣同香甜菠蘿，仲有鮮茄，生菜，味道同口感同樣豐富，而且非常搭配！香辣煙肉蘑菇芝士牛堡🍔朋友嗌左呢個，比我慫恿左佢嗌，因為就係我平時嗌開又覺得好正嘅！牛非常的juicy!香辣超岩我朋友口味，煙肉蘑菇芝士配搭又係大大豐富左口感～真心推介～！小食係都必嗌，兩條友嗌三個小食😛有炸燒賣，薯條，薯餅，全部都好味！

我叫咗個日式芥辣蝦堡🍔🦐蝦堡炸得幾彈牙 食到一嚿嚿嘅蝦肉同埋加埋日式芥末好清新 唔會覺得漏💛而且仲有大大塊生菜同埋蕃茄🍅跟住叫咗個特別嘅薑蒜味噌鴨堡🍔牛豬雞羊平時都見過 鴨肉漢堡真係未見過😧😧呢個漢堡有濃濃薑蒜嘅香氣同味噌嘅醇厚，而塊手打鴨肉扒好入味，而且好多汁必晒出嚟成個感覺都好特別！轉套餐可以有唔同款式嘅小食😬最基本就有薯條 加錢就可以轉到🍟凱撤沙律🥗 啲菜細細塊夠新鮮好爽口仲有凱撒沙律醬 夠清新另外一個就叫咗煙肉芝士薯波 🥔一個薯仔波入邊有流心芝士而且仲見到啲薯仔係一絲絲 新鮮咁樣炸出嚟一共有四粒呢度最好就可以配熱飲☕️ 而且唔使額外加錢我嗌咗個薑蜜 暖入心又可以潤喉☕️另外一個叫左椰青水 係樽裝🥥🌴選擇非常多🤗🤗🤗

✨Impossible • 素肉芝士漢堡口感相近與傳統burger，塊素肉嘅仿真度好高 勁似真肉😳😱不過食食下會有啲膩🌱～而漢堡中嘅芝士量剛好，增添到香濃嘅風味🧀麵包皮幾好食，有啲焦香 食落仲軟軟地🍞.✨芥末蝦漢堡蝦扒大大塊又厚身‼️外層微脆，咬落緊實之餘 仲食到一粒粒嘅蝦肉，味道上好似麥樂雞味 少少黑椒香🤣同芥末醬幾配💚.✨薯條係粗薯嚟～外脆內軟，帶有鹹香🍟💛.✨千里烏龍茶就好似冷泡茶咁～有少少解膩嘅作用🤏

雖然很久沒去嘉寶了，要吃漢堡，嘉寶永遠是我不二之選🙋。其用心的出品有別小朋友喜歡的 McDonald's。 由設計漢堡包的款式、小食和飲品的多款選擇，極盡心思，讚!  最近發覺還有生啤，正👍👍👍👍👍呀!  下次約好友晚上於嘉寶共聚，可大懐暢飲🍺🍻😚😚😚了!漢堡的款式有牛、雞、豬、蝦、羊🤩、鴨、素; 羊🤩是我的至愛!  重要的是有孜然香辣羊堡。我好辣，相信因要合大眾口味的關係，只是輕微的小辣而已😅🙋。此漢堡永遠是我必定之選!  至於老人家，我通常替她點 BBQ 菠蘿🍍雞扒堡，既有生果又有肉吃🙋。今次轉新口味，還特地加多一個蝦堡，成了雙層蝦堡😍🥰，才發覺一口根本咬不下😅，要取出其中一件蝦堡才能連包一起咬下😅呢!小食方面，永遠點我們至愛的 i) 不油既脆的番薯條和 ii) 香脆栗米片雞塊，十分推介。比起 McDonald's 乾噌噌的麥香雞，嘉寶的栗米片雞塊值100分-滿分👍👍👍👍👍，伴醬更好味。天婦羅鱈魚塊也不錯，總覺得若魚塊大些，變成魚堡，漢堡種類就齊全了😂🙋!老人家曾問為何在街頭那集團式的漢堡店永遠少客😅，該店大多時間則永遠坐滿! 我的回答是該店的食物好食好食好食😋😋😋😋😋! 相信 M

嘉寶漢堡香港本地小店, 仲愈做愈多分店，之前尖東返工都會叫外賣做Lunch! 今次第一次堂食! 堂食的好處是個包唔會比倒汗水整濕左. 個份量都好大! 跟餐只可以叫熱飲~ C3 BBQ菠蘿雞扒堡 + 炸燒賣 + 熱茉莉花茶  = $60, 小店來講唔叫平, 但價錢尚可~雞扒厚、菠蘿甜，包皮有牛油脆脆的. 炸燒賣上有黑胡椒, 有誠意! 仲有一盒滿滿的沙律醬比你點! 熱茉莉花茶是現成茶包，因為個杯好細，所女好濃~ 但收銀姐姐同出餐姐姐的態度都好差,佢地自己唔夠beebee機，就大聲喝我叫我去揾位等叫號碼! 但大堂食嘅位喺轉彎深深處，我點知你幾時出餐呀! 五分鐘後我再出去，我見到佢又派beebee機比新下單的客，我問beebee機等我知你出餐 ! 收銀姐姐好串: 出左單無得補~ 五分鐘後我再出去! 仲係無出餐. 出餐姐姐又叫我返去等…..真係黑人問號的用餐體驗! 下次堂食就不了! 

坊間雖然有好多唔錯嘅連鎖漢堡店，但冇乜邊個品牌比得上本土嘅港式漢堡店嘉寶漢堡，每次想食漢堡薯條，首先諗到嘅都係嘉寶BBQ菠蘿雞堡同牛堡，有菠蘿嘅set係我嘅至愛，大大片菠蘿，甜甜酸酸好開胃，包夠乾身，配料份量十足，雞扒大大件皮脆肉嫩，牛肉漢堡扒牛味香濃，加埋煎蛋，口感同味道都好豐富，大滿足跟餐炸物揀咗燒賣同薯條，即叫即炸，脆卜卜勁香口，又夠晒大份漢堡店嚟請，餐牌可供選擇嘅主食、跟餐小食同飲品種類都算多，最欣賞尖沙咀分店有有汽檸檬茶位置方面，店面光猛、乾淨同闊落，店員做嘢又爽手，係好高積嘅漢堡小店

呢間餐廳有多款漢堡選擇，雞，牛，豬，魚，蝦都有，又可以跟餐或者淨係買包都得，淨係買包既價錢好平又抵食，食物即叫即整，我地叫左一個布利牛肉漢堡，布利真係好厚同軟熟食落香濃芝士味，制作時間都好快，牛肉漢堡熱辣辣，我跟餐叫左多塊薯餅即炸脆卜卜好香口，飲品選擇都好多款，茶，汽水都有。另一個香辣煙肉牛肉漢堡，入面有辣醬配煙肉，牛肉，芝士，生菜同蕃茄，包面軟熟無平時食既甘硬身，辣辣地既口感，煙肉既香口好脆大片。

呢間嘉寶漢堡真係好多人氣，成日經過都見到排長龍！佢哋嘅漢堡種類真係多到揀唔晒，就算唔食牛肉，都有雞、豬、羊可以揀，啱晒唔同口味嘅人。加$18轉套餐仲抵食，有小食同飲品❤️烤菇芝士牛堡：個烤菇好香，芝士溶咗之後同牛肉好夾，口感豐富，啖啖都好滿足😆香辣煙肉磨菇芝士牛堡：煙肉嘅鹹香加埋辣味，真係好惹味，磨菇同芝士又增加咗層次感🥰套餐加配左粗薯條：炸得外脆內軟，新鮮熱辣，點埋茄汁食，好正👍🏻炸燒賣：外皮脆卜卜，有啲椒鹽味，好有驚喜❤️仲加咗原味雞翼，炸得啱啱好，外皮香脆，入面嘅肉仲好嫩滑😋

❤️黑松露芝士牛堡 黑松露很香口～熱溶了的芝士和牛的味道十分夾👍🏻😋！牛味香濃～🥰加$18升級做套餐。有檸檬茶。另加$5嗌個凱撒沙律。凱撒沙律🥗醬汁另外分開裝，讓客人自行決定落醬汁的多寡，很好👍🏻！❤️香辣煙肉蛋羊堡有蛋🍳、蕃茄🍅、生菜、煙肉、羊肉、洋蔥🧅，十分豐富！😍😋羊肉唔會羶👍🏻。加$18升級做套餐。有燒賣和熱薑蜜。另外加$16嗌左個牛油粟米杯。總的來說，包夠鬆軟～😍

星期五想去食，等咗近20分鐘都未出，原來漏咗單，難搞大啡菇包塊菇同當初完全唔同一回事繁忙時間唔好去，會等到發脾氣當你都快啲有得食，見到應該忙緊嘅廚房居然幾個係到望手機廚房職員個個都有有拎過部機出嚟㩒其實咁真係衞生？希望下次黎會有改善啦當新開樣樣都好好㗎講真呢個價錢呢個品質係係好好但如果咁落去，會唔會再可以向上走真係難講

嘉寶漢堡在尖沙咀吃過一次，充滿本地色彩的漢堡包，挺多元化，可選牛／雞／豬／蝦／羊／鴨／素。餐廳讓我感受到快餐店的感覺。在收銀處訂完餐，拿著收據和會響鬧的裝置，找個位置坐。響鬧裝置發出聲響及光時，代表你點的餐已預備好，走到取餐處認領。個人喜歡牛堡，也喜歡黑松露的味道，於是點了黑松露芝士牛堡$54，再加$18，配了薯條和可樂。小食還可以配燒賣／黑松露／蕃薯條／粟米杯／芝士薯波等等。我點的牛堡份量不算巨大，黑松露味道重的，薯條夠粗身。吃完漢堡薯條夠飽，$7X算是抵食。

想試嘉寶好耐啦，今日終於有緣 (其實想食韓國嘢嘅，點知人哋星期六未到2:30已收爐)! 首先要喺門口order, 收銀姐姐Mxxx 毫無笑容 ，不過都算有耐性，問咗兩條問題都冇趕客。 太肚餓求其就點了烤菇芝士牛堡 ($59) +$25凱撒沙律和凍伯爵茶。大概5分鐘食物已經ready, 等候時間好合理。 賣相正正常常，burger 其實唔大但就好厚身，好難可以食得斯文真係要擘大個口先咬到曬所有材料。 第一啖已經流晒啲汁落去個沙律度， burger was SO juicy! 漢堡扒有焦香，調味亦十足。烤菇冇另一家連鎖店烤得咁flavorful, 都算ok. 配料仲有烤洋蔥、生菜、蕃茄和車打芝士。 如果想食生洋蔥就要加錢喎。凱撒沙律嘅greens新鮮脆口，欣賞佢哋沙律醬另上。整體經驗唔錯，下次經過會再幫襯！

吃過無數次的漢堡店，每次想吃高質漢堡便會來，店舖寛闊明亮，桌面整潔每款漢堡都可任意搭配豬牛雞堡，或者追加配料烤菇芝士牛堡 $59+煎蛋 $6兩塊麵包柔軟，裏面炒香了焦糖化的洋蔥，蕃茄和生菜，配上濕潤的蘑菇，芝士和牛肉漢堡扒，推薦另外加煎蛋，蛋漿仍然流心，非常滿足BBQ菠蘿雞扒堡 $42+牛堡 $22完全另外一種風味，雞扒香濃BBQ味，菠蘿香甜，另外加了牛肉漢堡扒，兩種滋味混合，好吃套餐 +$18配薯條和飲品，我點了凱撒沙律+$5，店家貼心的將醬汁另上，薯條新鮮炸起外脆內軟，飲品同樣超多款選擇另外看到桌上有新產品，下次來試試

得廿分鐘時間食個快餐本身第一時間諗起嘅係老麥點知坐滿哂人就去對面睇下食咩好啦有茶記，有印度菜行多兩步見到嘉寶價錢方面其實同宜家嘅老麥差唔多以前老麥係窮人恩物宜家食個正常啲嘅包餐都50幾，其實呢個價錢有唔少選擇講返嘉寶先叫咗個b1芝士牛堡$42同埋c4菠蘿雞$42加咗一個餐薯條同支裝水$18埋單先$102麵包鬆軟，外皮香脆好味牛肉叫做食到肉先囉個味道上就正常發揮，唔好有太大期望一定唔會係好香牛味嗰啲但合格嘅菠蘿雞就正係試咗喺都係正常發揮食過最好味嘅菠蘿雞係倆口小吃可惜執咗笠薯條一定完勝老麥架啦唯一係亨士茄汁唔太啱口味😂😂

主打食burger嘅嘉寶漢堡，外賣就幫襯得多，今次終於可以坐低慢慢嘆。芝士牛堡（$48） - 呢個絕對係經典配搭，入面有牛肉、芝士、生菜同埋蕃茄，牛肉夠晒juicy，個包烘得好香，另外加配咗煎蛋一隻（$6），要讚吓佢嘅流心蛋，提升咗成個burger嘅味道。甜辣菠蘿脆雞堡（$42） - 雞塊炸得好香，入面同樣有生菜同蕃茄，個甜菠蘿真係係靈魂精髓，酸酸甜甜，配搭非常惹味。鍾意食炸雞嘅朋友一定要試下。點任何漢堡都可以加$18提升至套餐，套餐包裝小食及飲品。小食我哋點咗番薯條(+$5)及香脆粟米片雞塊（+$10）各一份，份量都好多，蕃薯同雞塊都炸得好香脆。如果嫌平時食得炸薯條多，番薯條都可以係一個幾好嘅選擇。飲品選擇都唔少，除咗汽水之外亦有茶飲、啤酒椰青水、檸茶檸水及柚子蜜等選擇。餐廳座位闊落，設計簡潔。好貼心咁設有洗手機，方便用餐後清潔雙手。