影片
以上资料只供参考，请与餐厅确认详情
食家推介
相关文章
好耐之前试过油麻地老店的原味布甸面包，味道可以，但未至于非食不可，始终面包大又饱肚，加上拎到返屋企时，过咗气而「淋淋哋」，所以纵使热潮持续，都冇再买嚟食。行经见到呢间pinky的少女心饼店，近睇，原来同转角的嘉多娜面包舖系姊妹店。饼店装潢亮丽，主要出售西饼、甜品同嘉多娜的周边商品，如锁匙扣、磁石贴之类。喺转角面包店有售的麻糬布甸喺呢度亦揾到，价钱不变，以开心果麻糬布甸为例，$13/个，$25/2个。最后，拣咗2件迷你甜品，埋单$39，店员用白色蛋糕盒仔装起，都几有仪式感。开心果麻糬布甸：$13；好的骰，58克；麻糬唔知算系「烟靭」定「靭」，用叉好难扯开，用刀先切到，不过咁细件而出刀仔又有啲夸张；佢有3个层次：麻糬、开心果忌廉/慕丝同开心果酱，比例唔错，麻糬部分唔会劲多；麻糬包体质地较靭；开心果忌廉/慕丝轻身，口感轻盈，偏甜但可接受；开心果酱带2浓郁开心果味，份量唔算多，始终只卖$13；另外，仲有少量开心果碎，提供多一重口感；平平哋食到呢个甜品，性价比唔低；因为甜品轻盈，食后感觉似有还无，止到痕但又未系大满足开心果巴斯克芝士蛋糕：$26；蛋糕迷你、细件，85克；佢的蛋糕体有少少似开心果麻糬布甸中的开心果忌廉/慕丝，不过系挺身版，而且感觉低糖啲；蛋糕面的开心果酱同开心果麻糬布斯的一样，份量多啲。由于个酱系灵魂，份量亦足，所以，入口第一啖就已经觉得好「开心果」；狗狗爸爸的评价系开心果味足但层次单调，呢点系事实，因为中间的蛋糕体只得一个层次，冇流心效果，似一般芝士蛋糕，食落会觉得冇变化，佢有少少似家后的开心果巴斯克芝士蛋糕，唔系唔好食，但系唔惊艳；不过，平平哋买蛋糕嚟氹下自己绝对可以收货，食完亦觉得满足最后，想赞下佢的饼盒设计。佢唔似普通西饼盒咁，一般打开拎饼的方法有3种：（1）直接伸手入盒，将件饼向上抽出嚟；（2）拆开左右是但一边的卡位，然后将件饼逐少「吞」出嚟；（3）拆开左右两边的卡位，将盒铺平，然后攞出西饼。无论用边个方法，只要一唔小心，拎件饼出嚟时都容易整花。嘉多娜的饼盒系喺外盒中套入一个小纸盘，两边有手抽位（小圆洞），可以用手指抅住，然后将小纸盘向上抽出，佢攞饼的方式同（1）近似，方便懒人同粗人，同时毋须担心整花件饼，但就有少少唔环保，哈哈~
继续阅读
this is the 1st time I have ever been moved enough to write a review on OpenRice. I ran into a neighbour who told me to try the $28 pistachio gelato & she was right! 😋 yummy -- no pressing need to pay for overpriced Venchi pistachio gelato anymore 🤣 The staff saw me eye the canelé & gently suggested I might want to try it. wow! it's possibly as good as Daniel in Ashiya, Japan! As someone who is half-Japanese & having been to France & Japan more times than I can count, I was impressed. How terrible for my physical well-being that this patisserie is in easy walking distance, but what a boon to my mental health, hahahaha☺️
继续阅读
连续三四日都一样排队打卡的布丁包，又香又丝滑！！面包底是有少许韧性的，，大只的布丁包比小只的更好味！！！原味15蚊一只，抹茶红豆糯叽叽23一只而且不是时时有，下午4点半准时出炉
继续阅读
一直都好多人排队嘅手作面包店超受欢迎，而且种类仲非常丰富！！招牌嘅布甸面包需要系下昼16:30PM先会开售，未开售之前就已经系排长龙了🤩🤩✨黑芝麻布甸包黑芝麻布甸包佢绝对系我嘅心头好😍芝麻𠮶阵浓郁嘅香气完美融入咗布甸内馅入面。将佢放去雪柜雪一阵，口感简直正到痹！！雪过之后嘅内馅会自然分层，变得更加结实，咁样食嘅时候，内馅就唔会好似普通状态下咁容易流出嚟，每一啖都可以完整享受到黑芝麻嘅醇厚滋味，𠮶种层次感同满足感，真系正到冇朋友👍👍✨抹茶红豆沙布甸包钟意抹茶嘅朋友，呢款抹茶红豆沙布甸包你哋千祈唔好走鸡😜😜一开包装浓郁到霸道嘅抹茶味扑鼻而来。咬落去细腻嘅抹茶布甸喺口中散开，惊喜底部匿住一层软糯 Q 弹嘅麻糬，麻糬嘅软糯同红豆沙嘅香甜互相交织每一口都令人陶醉其中🎶🎶仲有其它惊喜嘅芝士吐司、开心果烧饼等等都非常唔错！！
继续阅读
第一次是依度嘅甜品，嗌咗个开心果雪糕。开心果味突出，亦唔太甜。雪糕都算滑溜，但溶得较快，影完两张相就见到开始流落嚟。如果夏天食的话，可能更加要把握时间。期待下一次有新口味推出。
继续阅读