嘉嘉好宴會廳 (已結業)

嘉嘉好宴會廳 Joy and Harmory Banquet📍 元朗西菁街10號好順泰大廈1樓2號舖是日屋企無食水供應，於是全家總動員落咗元朗搵食，因為周圍都好多人，好多餐廳都排晒長龍，我個鍾意食中菜嘅老豆就話去酒樓食啦，又坐得舒服啲，於是就嚟咗嘉嘉好食啦。 💰$68七味蒜香九肚魚 🐟已經勁耐無食過九肚魚喇，嚟過元朗都知大排檔必食椒鹽九肚魚！呢間酒樓唔用椒鹽，選擇用七味粉撈炸蒜做調味，九肚魚嘅脆醬好香脆，每嚿都有返咁上下份量。佢嘅魚處理得唔錯，裏面嘅軟骨都可以食埋，魚肉好滑，點埋喼汁就一流啦！ 💰$98雪餅千島蝦球 🍤呢個菜式好搞鬼，以為係咩雪餅啦，點知上到嚟真係旺旺雪餅，我同屋企人都嘩咗一聲。唔好睇佢個樣咁搞笑啊，其實味道好好㗎，尤其係佢個千島蝦球，蝦肉好爽，千島醬鹹鹹甜甜咁，好開胃。佢每一嚿蝦頭上面都放咗一粒提子乾，成個combo睇落好怪、好似伏，但係真係唔錯㗎，如果價錢平返少少應該會有多啲人食。

週末元朗區間間酒樓都好多人，見依間相對唔係等好耐，一於試下。坐低之後好快落左單，同男朋友傾下計玩下電話 點知成廿幾分鐘乜野食都未有😩 以為成張單漏左 追下先慢慢上枱叉燒酥 賣相不錯幾大件 但一咬落去凍既，明明都係煮好曬夾比我姐？點解要等咁耐😩 諗唔明味道方面其實OK 但凍左 無左香口感覺煎牛肉餅 依個終於係熱既 似係煎既牛肉球🤣 不錯 幾好食 👍🏻特價既乳鴿 尺寸超迷你 不過食落又幾有鴿香，每人半隻都夠過下口癮～福建炒飯 味道不錯 咸淡適中 飽肚之選雜菜煲好有誠意，菜既種類好多 有埋金菇，蝦乾同埋魷魚等等都不少 仲有粉絲索湯，清淡得黎都有鮮味👍🏻埋單每人120，小小貴啦

6月9日午市時分，小弟到該店午膳，目測全場入坐率不到30%，共有十多名員工只在行行企企輕鬆吹水，有的還拉低口罩，舉手約25分鐘仍未有人前來協助。小弟乜都冇食就決定離開，失望到極

其實好少幫襯嘉嘉好外賣，我哋大多數都係幫襯佢隔離嘅牡丹金閣，點知嗰日好夜唔想叫家姐煮飯，於是乎就買外賣返屋企。 本來係想食雙餸飯，點知去到我哋又改變主意。家姐想食燒味飯，而我就俾佢啱啱拎上枱嘅焗豬扒飯吸引。 焗豬扒飯跟一個汽水$35，雖然話就話係啱啱焗起，而我返屋企嘅路程只係5分鐘，點知拎到返去啲飯已經係暖嘅，不過啲豬扒好入味，我覺得OK。 反而我家姐嘅燒腩仔飯完全唔掂，啲燒腩仔硬崩崩不特止，仲要仲要冇俾豉油或者醬汁，乾爭爭(攪到我家姐自己加豉油)，啲飯完全係凍嘅，好後悔！ 不過價錢嚟講咁真係平到飛起，燒腩仔飯$26，我個焗豬扒飯加嘢飲$35。其實我之前食過佢哋嘅外賣蒸飯係OK㗎，下次外賣，應該幫襯佢哋嘅蒸飯就好了。

今早同家人去飲茶，叫左6個點心！其中一樣係鹹水角，食到第二啖時，我咬到粒硬物！連我屋企人都聽到好大聲。我一睇疑似係石頭。然後有位著白色恤衫既服務員黎到。同佢講有石頭，佢就話幫我取消！我再問佢你可唔可以叫經理或者負責人黎？佢話呢到無負責人，經理比人炒左！問我咁你想點？當場燥左，真係好不負責任，態度極差！然後叫左個知客黎，知客了解左話會搵負責人黎。等左廿分鐘都係無人黎。我只好影相向食環投訴！

元朗朗屏呢頭不嬲都唔缺兩餸飯選擇，諗住酒樓質素應該比較好所以今日就嚟咗呢間嘉嘉好買，點知勁失望🤦佢每日大約有六至八款選擇，兩餸飯嚟講唔算多，我揀咗菠蘿咕嚕魚柳同埋鹹菜豬肚浸芥菜 ($32)～我叫左少飯，白飯正常粒粒分明，食得出品質唔係最差果種，都有輕微米飯香味我明白咕嚕汁隔咗一段時間變凍咗係會變成一pat野，但係店員打開啲餸既蓋幫我“不”果陣我已經見到啲汁好黏，賣相唔太吸引，保溫做得唔太好一食啲炸皮超級厚兼硬，裏面魚柳亦都係超級硬，而且皮係多過魚柳好多！我完全唔知食左啲咩落肚。。。👎👎👎豬肚亦都非常韌，唯一可以讚既係芥菜唔算好淋🤦呢間酒樓既兩餸飯可以blacklist🤦🤦

星期日嘅指定活動就係同媽咪飲茶，今次過咗嚟西菁街呢間嘉嘉好宴會廳飲下午茶。可能疫情關係，冇乜人飲茶，所以唔使等位⋯呢度環境寬敞，枱與枱之間都相隔幾遠，一啲都唔迫！我同媽咪兩個人叫咗四個點心，包括香茜牛肉球、千層馬拉糕、香煎蘿蔔糕同埋香菇千層腐皮。首先要讚一讚呢度啲姐姐真係好好禮貌，服務態度真係very good👍🏻先嚟嘅係千層馬拉糕，佢嘅甜度唔係太甜，但比較濕，口感有啲黏口⋯香茜牛肉球，夠晒爽口彈牙，加埋喼汁，唔錯！香煎蘿蔔糕略嫌煎得唔夠香口，但味道係唔錯嘅⋯最後就係香菇千層腐皮，腐皮比較實，唔夠鬆⋯總括嚟講，食物質素可以，但價錢真係幾平，而且坐得舒服。

上星期同家人廣告祝生日，一行8人到嘉嘉好酒家食晚飯，家人話燒鵝好抵食，所以未齊人我哋先點了燒鵝一隻。我哋左睇右睇最新點咗半席金龍宴，假日$1088六位用，免加一之餘還免茶介，仲包6罐汽水，非常抵食。有拼盤、龍蝦伊面、炒花姿蚌、墨魚餅、花膠雞絲翅、鮑魚花菰、沙巴龍躉、一品燒雞、蛋白炒飯及甜品。餐牌列朋每個餸的份量，非常清楚。有一板列明優惠菜式，2-5人選一款、6-8人可選兩款、9-12人可選3款，我哋揀咗燒鵝皇后一隻$188，非常大隻，入味之餘多汁好肉。龍蝦伊面有2大隻龍蝦，新鮮蝦肉彈牙。鮑魚花菰足料好味，沙巴龍躉鮮咪肉嫰。燒雞入味好食。食物太多我哋最後都打包唔浪費。

今日提早慶祝父親節，選擇咗元朗嘉嘉好酒樓。我們一行共有八人。職員提議我哋食一個六人的金龍宴套餐，一共有九餸+汽水啤酒及甜品！聲稱分量足夠八人享用！由於酒樓有很多其他優惠菜式，我們又有八人，故此我們特意加添了一隻$199特價燒鵝皇后！真的非常超值！套餐內的龍蝦伊面分量十足，龍蝦夠新鮮又多肉，非常美味。翡翠炒花枝蚌片，味道適中！黃金墨魚餅，香脆可口。花膠雞絲翅，味道一般。鮑魚花菇，鮑魚略為鹹！清蒸沙巴龍躉仔，肉質嫩滑！金瑤柱蛋白炒飯，不油不膩！甜品係椰汁桂花糕，好好味！分量足夠12人享用！埋單$1350！非常超值！

這間酒樓位於元朗千色商場附近，位置方便容易搵到，現在星期日去飲茶都多番好多人！如果兩位搭枱的會快好多等到位， 如果不搭枱要等好耐，今天搭枱等大概15分鐘到！上菜的時間都算正常，大概10分鐘到都有食物，有一啲孖寶優惠會平啲，三十幾元選二款🤣第一碟來的是鮮蝦腸粉👍🏻做得不錯，蝦夠爽，腸粉夠滑👍🏻豬腳薑，雞蛋太實，蛋皮有d硬....蘑菇叉燒包：外型好吸引，食落去幾特別香菇燒賣皇：味道一般，我覺得外面有一啲賣包點的好食啲草菇千層腐皮：厚厚的腐皮加啲菇🤣不過不失現在寫食評先發覺收多咗錢😰大家望張單，腐皮打後的其實我冇叫到，怪自己太大意，當時冇check單，都返到屋企了，不回去追番錢了，大家買埋要check單，不要好似我咁大意！

嘉嘉好，有很多晩餐優惠，$1蚊雞、6款特價小菜（2-6人可選1款、7人以上可選2款），但現在疫情期間，實行4人限制令，所以只能點選1款優惠小菜。我們選了一個套餐，非常優惠，星期一至四$268、星期五至日及公眾假期$298。我們選了粟米豆腐羹，份糧足料。五福拼盤，配合新款，青瓜與木耳有川菜風味，义燒入口鬆化，令人回味，豬手與豆腐，也是一絕。清蒸沙巴龍躉仔，非常新鮮，火喉剛好，肉食嫰滑。農家小炒肉，非常惹味，下飯絕配。梅菜蒸菜心，比平常的炒菜心，較為特別，新鮮蔬菜。美味及優惠的一頓晚餐

嘉嘉好注重顧客的安全，我們一入店內已經幫我們去量體溫，有消毒手液供顧客用，經過又見到消毒的碗櫃，枱上有濕紙巾，乾淨又衛生，連廁所也有相關標語，提醒大家要注重衛生。脆皮燒雞燒雞味道佳、酥香肉軟，鹹淡適口、肥而不膩的特點。店員棒上枱仍熱騰騰，令人食指大動，無論之後放涼了，食之均余香滿口。它的造型美觀完整，色澤淺紅而帶嫩黃，肉質軟爛，味美鮮香清蒸沙巴龍躉仔新鮮的魚最好就是清篜，這是營養價值高的一種吃法，魚肉用筷子一抖，骨肉已經分離，魚肉一嚐，實而富魚鮮味 ，沒有腥味，一看已經知道是新鮮魚，食魚不能沒有飯，我們點了一客飯，一路沾上了蒸魚鼓油，特別滋味濃雞湯大碗翅金黃色的雞湯特別濃，富鮮甜味，除了雞油，特別健康。每一疏翅真材實料，可以數得出來，$68 一碗真是物超所值。

喺武漢肺炎嘅陰霾下，依家出街食飯真係要份外小心，所以揀都要揀一啲衛生質素高嘅餐廳，而屋企人實在太鍾意去酒樓食飯，所以我哋今晚就戰戰兢兢咁再去酒樓挑戰，估唔到係有驚喜，因為酒樓已經都做足準備，買入左唔少消毒碗櫃，全部餐具都經過高溫下消滅細菌，所以係非常辣手，仲有準備咗大量嘅消毒洗手液方便客人用添，真係夠晒細心又方便而係食物方面餐廳都落足唔少功夫，設計左唔同嘅對抗肺炎大優惠，$268就可以有四餸一湯，咁抵嘅價錢仲有邊度可以搵到啊如果套餐唔啱食，仲可以以一蚊愛條清蒸沙巴海龍躉添又或者以優惠價價錢換購唔同嘅菜式我哋揀咗個套餐，湯就要咗個螺頭燉雞湯，果然夠晒粥了湯渣有唔少雞腳、雞肉、螺肉、瘦肉、瑤柱等等燒味比平時嘅份量仲要多好多

現在晚市有6選2這個優惠，菜餚款式繁多，有濃湯雞煲翅、清蒸沙巴龍躉、脆皮 一品燒雞等等，能以各種優惠的價錢品嚐各式美味。燒味併盤(例牌)，例牌的份量也不少，燒鴨皮脆肉嫩，叉燒掛滿墨汁，令人滿足。 竹笙鼎湖上素，上素上面是鋪天蓋地的竹笙，結合雲耳、粟米芯與及鮮筍的味道，是集合了鮮、清、香的一道小菜。 荷香鴛鴦腸蒸滑雞，廚師把蒸雞的時間掌握得恰到好處，令雞肉嫩滑不在話下，最叫人難以忘懷的是雞肉 索盡鴛鴦雙腸的鹹香，有夠好味。蠔皇鮑魚一品煲，一品煲以煲仔呈獻，上桌的時候還滋滋作響，叫人食指大動。鮑魚個子不少，鍋裏還有花膠、冬菇及炆得極腍極入味的鴨腳，很久沒嘗了。芝士焗加拿大龍蝦伊麵，我是在網上看見食友的照片，衝著這一道而來的，它果然沒有令我失望，伊麵芝士味道香濃，配合高湯的加持，龍蝦的爽口彈牙， 是一道質素很高的芝士龍蝦伊麵。值得留意正門右手邊有一個出入口，是去另一間茶樓的，小心去錯。

沿著長長的電梯，直達《嘉嘉好》的正門，正是今天晚膳的地方。街坊酒樓，豐儉由人，正是它可愛之處。環境尚算企理整齊，欣賞它蓋滿天花的水晶燈，格調即時提升。晚市的六選二優惠，價錢非常吸引，可惜今晚未有選中！是夜三餸晚餐，有菜、有蝦、有雞煲，豐富得很！💖💖油泡韭黃蝦球 $128，蝦球質感彈牙鮮味，去腸去殼，乾淨俐落，配點彩色時蔬，賣相味道俱全。粟子香菇滑雞煲 $88，惹味的雞煲，粟子香甜，冬菇軟稔入味，雞件份量不少，扺食之選。瑤柱扒豆苗 $108，豆苗嫩滑，瑤柱金菇獻汁吊味，簡單又健康。飯後有甜品贈送，是杞子桂花糕，杞子大大粒，有桂花清香味，軟硬及甜味適中，討人喜愛。過往常常光顧，以後也會一如以往，因為街坊酒樓是為街坊而設的！