影片
食家推介
第一次嬲到想写食评，希望大家唔好中伏。鸡蛋仔最紧要够脆&热，但佢哋既鸡蛋仔系淋啤啤+冻既好似一早整定咁（但餐牌写要等，误导食客系即时整），唔明白点解咁都可以卖比客
继续阅读
买完嘢饮，佢俾枝幼饮管我，我想要支粗饮管换咗支。拎完先见到写住话额外每枝饮管要收钱（提示唔显眼)，见佢望住我，我就即刻问一问可唔可以拎，其实只不过系客气讲声，个店员即刻劲臭串咁讲下次唔好自己拎。真系笑死人，开咁大间舖头，每枝饮管收一蚊。唔想俾人自己攞就收埋佢啦，又要摆出嚟又要话人。正常人都会下意识去拎，佢个提示又唔摆得明显啲。而家我由幼饮管转去粗饮管都俾人西，点做生意？咩服务态度？𠮶个女店员仲系后生女，有啲感叹依家啲人细细个已经咁西。我相信依间舖头嘅老板见到咁多负评关于态度问题，都仲系咁，都睇得出管理不善，对员工嘅培训唔够，又或者佢自己都系咁嘅人。如果唔系依一条街，得佢呢一间，佢做独市生意，咁嘅服务态度咁，咁度缩，水准就一般，仲摆出一个高高在上嘅态度，我谂真系冇人做佢生意。另外，成间舖头一望上去全部都系尘，作为食肆依种卫生情况真系不堪入目，希望多啲同类型舖头开喺依边，依间就长做长冇。
继续阅读
买左抔黑糖珍珠鲜奶茶微甜少冰，职员话少冰唔满杯，比完钱，望住他整，倒7成奶茶落杯到，再专登放几粒完整的冰，完成𢓭9成制成品，制作奶茶个杯，𥚃面仲有3成奶茶及冰，好奇怪点解少冰要咁样处理，一D都唔好饮，下次不会再买
继续阅读
饮管充满白点（甩胶or尘）尖啄位仲有藕断丝连嘅胶丝，我见隔离果位女士都用纸巾不停抹，咁咪攞过支，正当我已经用紧第支时，店员离远突然大大声声咁讲：我地饮管俾自己攞𠮶㖞~ 我话你哋啲饮管甩胶，我先攞过支；佢仲要啄住我唔放：但你都唔可以自己攞㗎~ 我话你喺我攞完先嚟讲‘’佢仲要再驳嘴，好似想煮死我咁款‘’ 跟住佢都系讲噃话：咁你都唔可以自己攞㗎！我真系服咗个店员，嘴人排紧队都仲停唒手喺度同我顶嘴。我转数唔够快，唯有满肚气咁走💦ps:当时铺头都有些少人，一嚟佢提示标语唔显眼，二嚟其他客阻挡左我啲视线，我亦急于求证系咪其他胶饮管都系咁嘅状况。讲真就算我一时无为意到，都唔洗咁样秋后算帐，唔知真系以为自己做贼比人捉住，可况佢支支饮管都独立包装，天仁茗茶都摆唒出一任人攞，好多铺头诸如share tea𠮶啲有时你自己攞咗都唔会讲啲咩，呢度啲店员成支顶心杉咁，讲野串柒柒，锐心锐肺😡🤬🔪💔讲真过门都系客，先不论我买杯野饮都真系几贵吓$35，𠮶度啲嘢饮整体都偏贵我又唔系啲贪心奥客攞你成堆嘢。唔使咁嘅，饮管有问题，我换过支，我都用紧，你先嚟啄住我讲，一支饮管洗唔洗，咁唔知仲以为我搬咗你成间舖。真心强烈建议执L咗去‼️不要在香港为祸人一间了。🥺😢😥by: 23-12-2022
继续阅读
因系屋企附近， 所以都会经常帮衬。 饮品其实唔差， 但态度就真系差喇！ 特别有位女士。 每次态度都唔好。 问多句都要黑面。 本身叫热饮。 当一睇张单见到冇入热饮， 我即时出声。 但收钱小姐讲个位女士已冲紧。 我强调我唔饮得冻， 当时女士继续冲好似冇谂住要冲过杯。 我都唔想浪费， 咁我都建议不如走冰算啦！点知仲要比人黑面讲「你下次要热讲呀嘛！」其实我有讲， 可能而家戴住口罩， 听得唔清楚。 但可以大家揾方法去解决。 并唔系完全唔了解件事就黑面。 仲要埋怨客人。点解唔谂下系咪自己听唔到呢？讲返杯嘢饮。 有茶味， 唔会系奶水感觉。 珍珠口感适中。
继续阅读