嘆杯茶 (已結業)

第一次嬲到想寫食評，希望大家唔好中伏。雞蛋仔最緊要夠脆&熱，但佢哋既雞蛋仔係淋啤啤+凍既好似一早整定咁（但餐牌寫要等，誤導食客係即時整），唔明白點解咁都可以賣比客…查看更多

買完嘢飲，佢俾枝幼飲管我，我想要支粗飲管換咗支。拎完先見到寫住話額外每枝飲管要收錢（提示唔顯眼)，見佢望住我，我就即刻問一問可唔可以拎，其實只不過係客氣講聲，個店員即刻勁臭串咁講下次唔好自己拎。真係笑死人，開咁大間舖頭，每枝飲管收一蚊。唔想俾人自己攞就收埋佢啦，又要擺出嚟又要話人。正常人都會下意識去拎，佢個提示又唔擺得明顯啲。而家我由幼飲管轉去粗飲管都俾人西，點做生意？咩服務態度？嗰個女店員仲係後生女，有啲感嘆依家啲人細細個已經咁西。我相信依間舖頭嘅老闆見到咁多負評關於態度問題，都仲係咁，都睇得出管理不善，對員工嘅培訓唔夠，又或者佢自己都係咁嘅人。如果唔係依一條街，得佢呢一間，佢做獨市生意，咁嘅服務態度咁，咁度縮，水準就一般，仲擺出一個高高在上嘅態度，我諗真係冇人做佢生意。另外，成間舖頭一望上去全部都係塵，作為食肆依種衛生情況真係不堪入目，希望多啲同類型舖頭開喺依邊，依間就長做長冇。…查看更多

買左抔黑糖珍珠鮮奶茶微甜少冰，職員話少冰唔滿杯，比完錢，望住他整，倒7成奶茶落杯到，再專登放幾粒完整的冰，完成𢓭9成製成品，製作奶茶個杯，𥚃面仲有3成奶茶及冰，好奇怪點解少冰要咁樣處理，一D都唔好飲，下次不會再買…查看更多

飲管充滿白點（甩膠or塵）尖啄位仲有藕斷絲連嘅膠絲，我見隔離果位女士都用紙巾不停抹，咁咪攞過支，正當我已經用緊第支時，店員離遠突然大大聲聲咁講：我地飲管俾自己攞嗰喎~ 我話你哋啲飲管甩膠，我先攞過支；佢仲要啄住我唔放：但你都唔可以自己攞㗎~ 我話你喺我攞完先嚟講‘’佢仲要再駁嘴，好似想煮死我咁款‘’ 跟住佢都係講噃話：咁你都唔可以自己攞㗎！我真係服咗個店員，嘴人排緊隊都仲停唒手喺度同我頂嘴。我轉數唔夠快，唯有滿肚氣咁走💦ps:當時鋪頭都有些少人，一嚟佢提示標語唔顯眼，二嚟其他客阻擋左我啲視線，我亦急於求證係咪其他膠飲管都係咁嘅狀況。講真就算我一時無為意到，都唔洗咁樣秋後算帳，唔知真係以為自己做賊比人捉住，可況佢支支飲管都獨立包裝，天仁茗茶都擺唒出一任人攞，好多鋪頭諸如share tea嗰啲有時你自己攞咗都唔會講啲咩，呢度啲店員成支頂心杉咁，講野串柒柒，銳心銳肺😡🤬🔪💔講真過門都係客，先不論我買杯野飲都真係幾貴吓$35，嗰度啲嘢飲整體都偏貴:(我又唔係啲貪心奧客攞你成堆嘢。唔使咁嘅，飲管有問題，我換過支，我都用緊，你先嚟啄住我講，一支飲管洗唔洗，咁唔知仲以為我搬咗你成間舖。真心強烈建議執L咗去‼️不要在香港為禍人一間了。🥺😢😥by: 23-12-2022…查看更多

因係屋企附近， 所以都會經常幫襯。 飲品其實唔差， 但態度就真係差喇！ 特別有位女士。 每次態度都唔好。 問多句都要黑面。 本身叫熱飲。 當一睇張單見到冇入熱飲， 我即時出聲。 但收錢小姐講個位女士已沖緊。 我強調我唔飲得凍， 當時女士繼續沖好似冇諗住要沖過杯。 我都唔想浪費， 咁我都建議不如走冰算啦！點知仲要比人黑面講「你下次要熱講呀嘛！」其實我有講， 可能而家戴住口罩， 聽得唔清楚。 但可以大家搵方法去解決。 並唔係完全唔了解件事就黑面。 仲要埋怨客人。點解唔諗下係咪自己聽唔到呢？講返杯嘢飲。 有茶味， 唔會係奶水感覺。 珍珠口感適中。 …查看更多

做嘢做到好Blue🌨，難得出去食lunch都要帶杯珍奶返屋企，諗起鳳凰村呢間手搖飲品店，有嘢飲有小食🍢，選擇都幾多。返到屋企見到杯身嗰句「做人最緊要識嘆」，忍唔住會心微笑。即使世界愈來愈反常🌒，香港人真係要冷靜啲，諗真啲可能有出路⋯————————————————👅炭焙烏龍珍珠奶茶（$25+$3加大）👉🏻大頭蝦唔記得叫微糖少冰，見店員加啲冰入壺shark完，隔冰倒入杯都差唔多滿🧊，再加少少冰，都幾均秤喎！呢款奶茶偏奶精味，飲純牛奶就記得揀貴啲嗰款🧋，不過都飲到烏龍炭燒香氣，珍珠本身唔甜但都好彈牙———————————————— 🚩總結：必須支持良心小店———————————————— 🌟注意：加$3加大，圖中size係加大咗————————————————📍 嘆杯茶地址：黃大仙蒲崗村道59號地下F2舖.🗺地區：#bem黃大仙📥分類：#bem飲品 #bem黃店日常💰人均消費：#bem_50蚊或以下…查看更多

呢間食店我都食過好幾次，質素唔錯。我同我啲小朋友都成日嚟嫁，我個大仔就好鍾意食佢朱古力雞蛋仔，佢好有朱古力味，亦唔會太甜。值得一讚雞蛋仔好好食，格仔餅有好多花生醬正杯黑糖珍珠奶茶非常之好飲，絕對唔會輸比啲大舖杯水蜜桃茉莉奶蓋茶，我抱住一個試嘅心態去飲，竟然一啲都唔伏，好飲佢仲有好多嘢食都好好食㗎，例如鹽酥雞，不過要等得耐啲，冇辦法啦人哋係即炸㗎！會唔會返食:一定會，我兩個小朋友都超愛食佢啲雞蛋仔。敗筆：係要等得耐啲囉！不過好嘢食係要等㗎啦。最重要果樣嘅，係佢價錢超平，雞蛋仔格仔餅第二仔仲要有半價添…查看更多

店員態度好差，當時無人排隊，我一路叫野食，佢一路行開騰黎騰去已經唔知想點，仲要反問我「你點完未？」當時聽唔到佢講乜，音樂好大聲，我就話咩話？佢態度極串甘話「你ok 未呀？」其實我黎幫襯，唔L係黎受氣！…查看更多

今次幫襯既係位於黃大仙既「嘆杯茶」！呢間其實我幫襯過2次，2次都非常高質！真正平靚正！自選mix and match $32 +2（1款雞蛋仔，1款雪糕，2款配料，1款醬料；抹茶雞蛋仔額外+$2）雞蛋仔揀左抹茶～同埋榴連雪糕（因為平時多數要加錢😳同埋比較特別～）配料揀左朱古力粒同m&m,醬就士多啤梨🍓先讚佢個雞蛋仔係即叫即整～整完即刻有個風扇仔幫佢降溫，所以keep到好脆得黎雪糕唔會溶哂😋個榴連雪糕榴連味好出～好香甜又唔假！同埋個雪糕算溶得慢，唔會去到後期得灘雪水。個配料就正路既，無咩特別～個士多啤梨醬幾好食～唔會太酸！不過要呻下佢有少少掛羊頭賣狗肉😂我望住收銀前既「自選mix and match 雞蛋仔」餐牌好耐，諗住揀開心果雪糕😳點知落單佢叫我睇番「嘆雪糕系列」既雪糕款，無開心果🥺咁我覺得新個menu雪糕款少d既，不過都有相對特別d既榴連揀～都收貨既特濃可可蜂蜜鮮乳 $26超好飲！個可可味好香～佢個奶係用日本3.6牛乳，奶味好出得黎唔會比可可味搶哂風頭😳超夾！同埋隻色勁靚～又唔會太甜！超好飲！最多飲完做運動減肥😂依家佢不準堂食只準外賣～我食個日天氣有點凍，個雞蛋仔雪糕係無溶的^^我覺得呢間平靚正！很推薦～…查看更多

去朋友家前經過這間茶飲店，發現裡面頗多小食，飲品選擇都很多，忍不住買了雞蛋仔和茶飲～～～極上炭燒烏龍奶蓋茶 $25烏龍茶茶底濃郁，入口真的有茶葉烘過的味道，濃郁甘醇的茶配上綿密有質量又不會太甜的奶蓋，比例調得剛剛好，所以很解渴，不喝無糖的話微糖也不錯～至於畫面沒有出現的雞蛋仔算是高質，蛋味香濃，裡面也很厚實，如果可以更脆就更加分，但同區而言算是中上～…查看更多

個奶蓋超好飲！係真點有海鹽咁既咸味，同埋佢個奶蓋飲落比較厚實既！❤️❤️❤️都飲到少少茉莉茶既茶香，不過真吾多！或者可能同個芒果味融合左咁！佢呢杯個芒果茉莉茶就一定無落到新鮮芒果既，因為我見吾到同食吾到有芒果絲或者芒果肉。🙈同埋係飲到芒果味，但應該就似係黎自佢個芒果糖漿或者濃縮果汁。我自己就叫左少甜，所以吾會太甜，我覺得就岩岩好，非常適合我自己！同埋你見杯野都有少少奶蓋沉澱左落個芒果茶底到，係因為我買完番屋企都放左一陣先飲，不過依然好飲！😂…查看更多

嘆杯茶平時食開的腸粉雞蛋仔店休息沒有開門， 走遠一點去到蒲崗村道的小食店 . 之前飲開多是杯裝台式飲料，已經很不錯，第一次嘗試她的小食。店鋪前有2大梯級， 今日推BB 車就比較不便。叫左原味格仔餅（$18）買第二件半價，不過就食午餐，叫左一件。製作時間7分鐘，即叫即製即食， 外皮厚身脆口， 蛋香味濃，口感厚重， 花生醬稠身， 無醬爆感， 所以唔會整到成手醬，牛油煉奶砂糖用量少，不會過甜，但有口感。。店鋪還有其他口味，還可以配雪糕， 但我還是喜歡傳統原味。下次試埋腸粉， $10咋。。…查看更多

原本係想試佢個章魚小丸子，因為真係好耐無食過！但要等15-20分鐘，而自己廢事等咁耐，所以我最後就揀左朱古力雞蛋仔，只需要$20，抵到爛！個朱古力雞蛋仔有一種淡淡朱古力味，但係沒有流心！$20仲想要流心就貪心左啦而且係即叫即整，等左5-10分鐘就有！食落口就真正外脆內軟，每粒雞蛋仔個接駁位係勁脆，輕輕一掂就會分開！所以食既時候要小心，吾好整到落地下！不過我堂食既時候，食到有少少碎跌左落枱面，最後我自己掃番落垃圾筒！好有公德心！佢得一張企枱，大約比到三個人響果度食野。而且佢個垃圾筒吾算大，如果吾係食完要扔垃圾，要扔自己既垃圾的話，最好就用番街道既垃圾筒啦！其實我係蠢左，只需要加多$12，即係Total $32，可揀多一球雪糕同兩款配料同一款醫料！用黎影港女相就至岩！同埋佢仲有個豆花珍奶我都想試，不過無錢，同埋要分散投資！…查看更多

之前去慈雲山嵐屋食飽飽，落去黃大仙行個圈，見有啲口乾，於是就去嘆杯茶買杯嘢飲吓。其實平時都無乜飲開呢類茶，但見其他黃大仙友都推介呢間，一於就試吓啦。去到先知原來唔係淨係得嘢飲，仲有雞蛋仔mix雪糕嘅新奇食品。呢間舖仲有得賣章魚燒，認真多花款。最衰食唔落，唯有下次再試。個飲品menu都好多嘢揀，諗咗一陣，最後都決定揀烏龍奶茶，喺舖頭度HEA返陣。…查看更多

本身都好鍾意飲黑糖珍奶，第一次試嘆杯茶既糖珍奶，竟然比好多大鋪好飲，如：老✖️糖，六✖️行，絕對值得一試，一定會再幫襯👍🏻黑糖珍奶粉絲，必試推介！祝小店生意興隆，開多啲分鋪…查看更多