喜茶 (時代廣場)

营业中

休息中

芝芝莓莓+芝芝芒芒2杯果味都好濃，水果唔係假甜味，飲落好清新，同茶底好配合。因為外賣所以選擇芝士另上，要加$1。我覺得加唔加芝士都好味~oreo bobo因為本身已經係黑糖珍珠，oreo本身又係甜的，所以選擇走糖。果然冇揀錯走糖，甜度剛好，可惜珍珠太淋冇嚼口芝士桂花烏龍香港未有喜茶之前，我一直係其他珍珠奶茶店都係鍾意飲芝士桂花烏龍，所以今次都唔例外。芝士好味，但茶底比其他店較淡，我自己比較喜歡濃茶底所以覺得喜茶的桂花烏龍較遜息。繁忙時間唔可以用wechat落單，不過其實排隊買野飲唔洗等好耐，反而係等拎野飲等左1個鐘。

話說新年前嬲爆地寫左一遍「喜茶」既劣評，好快後就收到佢地誠懇既回覆及邀請，所以決定再一次光顧。今次依舊約幾十人排隊等待畀錢買野飲，唔同既係再聽唔到買完要等2個鐘😏。問過下d職員，由於之前係新年前夕，突然爆多人光顧，所以先至出現人手勁不足，野飲要等勁耐既情況。不過依家已回覆正常，平均一杯只須等15分鐘就有。今次試飲「芝芝莓莓」，平時其他鋪頭既芝士奶蓋飲到最後總會打冷震，但難得今次唔會，甚至想追飲芝士。如果下次唔多人排隊，會再試其他芝類飲品。😋

今日行行下街，想飲珍珠奶茶於是就去咗喜茶，排左10分鐘左右落單叫左杯雙拼波波，之後等左40 分鐘左右就ready。講真，比預期中少人，所以心情都唔錯。攞咗杯茶第一時間當然要先影相打一下卡，之後搞一搞，滿心期待咁飲咗第一啖，之後個心情超失落，啲珍珠煮太耐，一啲咬口都無，個奶涷又好粉。佢哋嘅芝芝系列同波波系列之前喺上海飲過覺得好OK，點知香港店就中伏。我覺得一間買飲品嘅鋪頭，特別係有珍珠系列，如果啲珍珠唔好食杯飲品已經冇咗七成分。

排队半小时等到买单，怎么知道买完单又等了一个多小时还没有拿到茶！去问门口的服务员，得知还要再等至少十五到三十分钟，果断弃单。墙上的app说可以手机买单不用排队，点进去根本就买不了。为什么不把饮品单贴出来呢？每个排队的人都要到买单的时候才看得到有什么选择。另外最好加块电子屏显示正在买单的号码，如果知道买完单还要等将近两个小时那我一开始就根本不会去排队。感觉时间被无理的浪费了，以后应该不会再光顾这家店。

香港島終於都開喜茶，本來想來喝試芝芝系列，但每杯都$40以上，所以便試了喜茶menu上最便宜的產品—茶王雪糕（$12）。埋完單，店員就會叫你在旁等一下，好快就會唧俾你，唔似買嘢飲甘再要等一餐。一上手，都幾有份量，所以食完都幾飽肚。食落去，都有咁上下奶茶味，甜度適中，哩個價錢來講其實好唔錯。同天仁嘅雪糕相比，天仁吃食去係茶味，喜茶食落去係奶茶味。價錢嘅話 ，喜茶嘅茶王雪糕係比天仁嘅便$11蚊，但份量就差不多。但係，如果要為一枝雪糕排10-20分鐘，就見仁見智啦！

喺大陸出哂明嘅喜茶，小妹我都飲過幾次。喜茶出名嘅芝士奶蓋，出名到喺香港嘅飲品店都淨住賣。而呢排大陸喜茶終於著陸香港🇭🇰。味道同大陸差唔多，但等候嘅時間就真係超越大陸啦。我足足等咗成半個鐘先有得飲😢😢

啱啱經過#喜茶 見唔係好多人緊係去試下啦🤤.芒芒雪糕($23)➕港式奶茶雪糕($19)➕西柚果粒($8) = 50💸上ig search #喜茶隱藏菜單見呢個幾特別 又無orea嗰個咁#漏#甜有啲#芒果#西柚 中和返🤤🤣店員話佢都係第一次整呢個/👉茶王味雪糕真係好出 #茶味好香 #亦唔失奶味反而香港限定嘅奶茶雪糕 奶味重得濟🤔 亦都明顯甜啲 #普普通通👉佢個cone好薄身 可能無俾啲雪糕浸著 所以都幾#脆 #唔硬食完都唔會#飽飽濟濟👉啲配料落得一啲都唔輕手🤤芒果、紅柚、脆脆波都好多♥️啲味好真 唔會#太酸太甜第一次食脆脆波 以為佢係嗰啲#甜到漏 嘅爆珠原來佢係好爽口嘅啫喱🤣🤙相比之下 奶茶味比茶王味嘅茶味明顯弱好多.‼️如果大家想嗌就最好show幅圖俾店員睇啦🥳.👯‍♀️最好2-3個人一齊先好挑戰吖👨‍👩‍👧下次去再試下其他combination先🤤

雪糕芒芒是冇特別的新年流流呢排食得好濟，唔想飲最出名既芝芝，所以轉戰雪糕芒芒，諗住冇芝士冇咁漏，以為$38一杯應該點都有驚喜，點知係冇的，睇黎飲喜茶都係要乖乖地飲返芝芝系列，講完值得讚既係，雖然多人排，但人流管制好好，未有app，但買完都係等左半個鐘

叫了其中一款招牌奶蓋四季春，排左唔係好耐隊就買到，點知買完等足成粒幾鐘，當時心諗，唔好味真係冇下次！結果——賣相ok, 個杯都靚仔, 味道就真係見人見智！個茶底係ok好味, 不過芝士味好重，唔like奶類既真係唔好試！注意，此杯還只是輕芝士啊！經過今次，個人結論係三個字：冇下次。

銅鑼灣店開咗大半個月，因為前兩個星期不在香港，琴日終於有時間可以試吓……通過用手機Apps落訂單，但係要從朝早開始去留意店舖有沒有繁忙先可以落訂單，即係唔係你想落訂單就落訂單，要隨時留意住幾時可以落單，而且仲要留意出單時間，因為可能係兩個小時後或三個小時後...咁琴日最後我大概7點鐘落單，佢最初顯示係3小時之後可以取貨，咁我就同女友去食飯啦⋯⋯食飽之後仲係8點幾，我打開手機Apps睇下，仲顯示前面有30幾個訂單製作中，咁我就同女友去行花市啦，預計行到九點幾過去拎就啱啱好，反正佢話有訊息提示...點知行完花市9點半左右我再睇手機，佢8點幾顯示可以取茶但無提示結果我哋立即衝過去攞茶，當然杯茶已經好難飲...因為已經等得太耐同太多人，我地拎走去外面飲，先發現我杯奧利奧沒有奧利奧，我點比女友嗰杯金鳳茶王完全無糖又唔熱...女友問我依杯係咩黎？我我我...金翅呼佳鳥...香港喜茶相比其他內地地方真係差好多⋯⋯

試過很多次用Heytea Go app, 在不同時間試過，大部份時間都是店舖繁忙。如果一直有用微信支付，其實這個app是十分好用。第一次在早上10點幾下單，當時大概排第四位，因為住在附近渣甸山，坐的士去再買回來，只是用了半個小時多，凍飲還是冰的。之前在上海喝過兩次，覺得香港分店和上海的是一樣的，非常好飲！重點推介芝芝莓莓，芝士味濃厚和草莓味非常配搭，味道非常香滑。還點了季節限定多肉車厘，但味道一般，帶有苦味。

喜茶來到香港，終於唔洗上深圳先有得飲！依家有app訂單都幾方便，大概等左半個鐘到！飲左芝士奶蓋四季春，同大陸飲的感覺差唔多，奶蓋真係落足料好厚身好香濃，咸咸香香的芝士同茶味好夾，茶味香幽略甘，配搭下唔膩唔澀，真係好出色！難得排左隊就試埋焦糖布蕾，之前係內地未試過，分量唔算太多，布蕾的焦糖好香好重，略為蓋過蛋香味，焦糖熔得未夠仲見到粒粒糖的表面，分佈都不太平均，不過入面質地好滑身，呢個價錢都值得一試！

去喜茶最鐘意叫既飲品就係芝士四季春，雖然成日都好多人要等好耐，但係為左呢杯飲品，係值得既。芝士奶蓋好香好濃，啖啖芝士味，而且四季春茶味夠重，同芝士加埋係一個絕配。

從來未寫過食評，估唔到第一次就要畀劣評👎👎👎!! 一早已知「喜茶」需要等，但絕對無諗過當排完一輪隊，終於輪到我落單畀錢既時候，竟然話要再等2小時先可以攞到1杯「喜茶」!!! 🤬🤬🤬點解唔一早講明?! 其實喺排隊條line舉板又好，搵職員講聲又好，應該一早畀人知道排隊落單後需要再等至少2個鐘。排我後面那位人兄知道左之後都爆嬲，覺得咁樣安排係完全浪費人地時間，如果一早知要再等咁耐，我地根本唔會排隊買囉!! 😤😤

無相的食評，因為一取就掛住試，飲左一半才醒起未影相，下次會記得銅鑼灣新開店行過見只排十幾人，就走去排隊試，排緊已有員工俾定menu 讓顧客可揀定先，非常細心，所以落order都好快。落完Order, 員工話要等大概45分鐘，而號碼所見差30張單，就在商場閒逛住等。最後都唔使30分鐘就已經整好。員工手腳真係快。我要左芝芝莓果，雖然算是高價錢，要$49。但都真係好喜歡。一分錢 一分貨。首先，如店家建議先用蓋口飲一啖奶蓋，好有咸香味。 之後便飲到雜莓果汁，好新鮮的味道，而且正常份量都不會太甜。混合了之後是第三層次，又滑又fresh, 非常之令人停唔到口好快就KO 一大杯。