喜聚火鍋雞煲專門店

营业中

休息中

今日點了兩轉澳洲和牛 但睇起來好似不太似和牛😫唔知係俾錯定係點、求其影左張相。本來都無打算寫食評的關係 所以都無咩點影相。店員都好似超忙咁 點左兩轉都差不多咁上下，點牛小排好食好多。調味料方面，醬油好不鹹，大家都好懷疑自己係唔係拎錯左豉油見到蔬菜選擇上有冰菜 拿了兩三條後 就沒有再補過了 好多食物都一樣沒再補過 都明白是晚市不能補咁足既另外咁岩拎中個雪糕係好似溶過咁 上面個層雲呢拿味已有點起泡 下面就分層左一層透明硬啫喱狀嘅物體，不過朱古力味就無事…

之前睇You Tuber介紹過88蚊無限時午市火鍋, 好吸引啵, 所以約埋朋友試下先搭𨋢上一樓, 一出就係, 但門口無人帶位, 企咗一陣, 入面有職員揚手叫我哋入去, 有我哋至愛嘅卡位坐入到去我們表明食火鍋, 可惜嗰日冇酸菜魚, 我哋揀咗胡椒豬肚雞鍋, 午市火鍋跟一份什錦蔬菜(紹菜, 生菜, 菜芯, 鮮東菇和甜粟)和一份美國特級肥牛(兩款牛肉各兩片, 4件好薄嘅牛舌), 份量比You Tuber有啲距離。湯鍋已經好夠味, 幾好味添, 而且個鍋有好多雞肉, 估計大约有半隻雞嘅份量, 咸菜和豬肚都有多件最好係唔使每人一份, 我哋可以share叫一份火鍋, 再加其他野食嘛, 最啱心多多或者細食嘅朋友跟餐食咗牛就加份羊肉試下, 羊肉太(蘇), 唔啱我哋, 好彩只係有4薄片仲可以叫埋點心食, 一次過滿足晒不同口味You Tuber 有提過依個 , 我哋照跟, 初時以為入面包油炸鬼和蝦膠, 一食就知唔係, 入面好脆好熱, 應該係米網包蝦膠炸咗之後包紅米腸, 真係幾好食, 我哋無點過跟埋嘅豉油, 蝦膠已經夠晒味, 不過食完有啲口渴。總括一下, 我哋好滿意, 價錢好貼地好抵食, 味道都好好, 點心價錢

做完嘢！咁啱經過旺角豉油街,見到一間喜聚火鍋雞煲專門店。仲以為淨係打火鍋和食雞煲。原來早市、午市和下午茶都可以食到中式點心,就入去試下。入到去,地方幾企理,茶客亦不少,店員態度親切,冷氣十足.坐得舒服。我哋order咗🥢喜聚蝦皇餃一籠有四粒,蝦餃大大粒,皮薄餡多,蝦肉又鮮甜。🥢花膠浸時蔬花膠爽滑又入味,生菜清甜,仲有杞子點绝,簡直色香味俱全。🥢叉燒包外皮都算鬆軟,义燒餡料亦多,唔錯。🥢蛋散有蛋香味道,鬆化,好食。

朋友好想食牛，因為大家都係牛魔王，便到這間餐廳食雞煲、牛肉、海鮮火鍋放題。一個麻辣雞煲，小辣。味道調得好入味，雞肉唔韌好嫩滑，嘴唇還有點麻痺。牛肉，擺放得好靚好似一座小山丘，有各式各樣嘅牛，好juicy，肉質嫩滑。還有蝦、貴妃蚌、象拔蚌、墨魚、雞子、豬潤、鵝腸、鴨血、咖哩魚蛋豬皮、雪糕等等。任飲、任食，座位又寬敞，放便，用QRCode 點菜。這食肆最好就是沒有限時。香港好少餐廳沒有限時，大部分食肆都限時。所以這間雞煲專門店真係唔錯嘅選擇。

現時餐廳環境冷氣足夠自助部份有熟食 火鍋材料 甜品 飲品區域不同價目提供不同放題食材 半自助型式 肉類海鮮則需要QR code 下單火鍋湯底有幾款選擇是次選擇了椰子雞刺身不要期望太高 海鮮品種反而頗出色 蝦及蜆都新鮮若然是食肉獸的話 呢個價位都相當合宜

選擇了4號歺無限時任食，手機QR code 落單簡單方便，牛肩胛，生蠔，生蝦，象拔蚌片，花膠，連刺身都可以任食自助吧的食材亦跟一般的放題任食不同，有鮮牛，鵝腸，豬潤，魚頭，自家鮮炸響玲，魚片，小食有咖喱魚旦豬皮，拍青瓜，酸蘿蔔清新可口……樣樣新鮮美味。飲品種類亦有不少選擇如罐裝啤酒，杯裝生啤亦有提供，汽水及自家飲品，雪糕，甜品一行4人每位$339無限時任食，相對上次食xx 一家大x好得多，呢個價錢值得再次encore, 大推

食物質素可接受，刺生,海鮮都唔錯！甜品麻麻哋，食物款式唔算多！最不滿喺入到去同岀面氣溫一樣,我真喺從未試過室內晚餐感覺像坐喺街邊食晚餐咁，汗水不斷流,我哋唔喺食辣野！但真喺好恨熱,最後熱到頂唔順無心機食落去.一個鐘都無已經離開，埋單500左右2個人。無下次，攞苦嚟辛！

我食4號餐，冇限時任食，食物正常既，刺身都可接受，畢竟3xx幾蚊又邊爐又雞煲又刺身，冇咩好投訴，但個冷氣真心唔掂，食到出哂汗，野飲又唔夠凍，搞到冇咩胃口食耐d.就算呢個價錢都唔會有下次，打邊爐打到出哂汗真係搞唔掂

今日之前食過，食物質素同服務都幾好，有80分(滿分100)。今日帶埋屋企人去食生日飯，坐係個場中間位，屋企人(女生)穿著背心都食到出汗。食物特別是牛肉質素甚佳，普通的肉同油花好靚，蜆也美味。個場已加開風扇同小型吹冷風機，但主要是雞煲同打邊爐，個個開著個爐炒雞同淥嘢食，熱氣騰騰，個場熱到好似係室外，猛對凍飲也擋不住汗水係髮邊同頸後流出。我哋食無限時，到晚上10點後，隔離枱開始走，無開爐情況下，仍熱辣辣，整晚成個人馨住，食得不自在，想快啲走，早知食限時兩個鐘。* 生日有88折，平日有優惠。@ 坐一頭一尾會正常有冷氣，好好多。# 真心希望老闆快啲攪攪個場的冷氣。

新開火鍋店。選擇了不限時的4號套餐$298，可由1730到0100。圖一牛小排，牛滋香給力，雪花紋平均。點了5次。圖二牛板腱，牛味十足。圖四精選刺身拼盤。點了5次。圖十一1664生啤任飲。飲品區有多達10幾款飲品，包括韓國樂天飲品，啤酒都有三款。小食都有幾款，不能盡錄。火鍋店剛開沒多久，各樣硬件配套，服務質素都不錯。推薦推薦。

服務態度非常好 雞煲既雞可以任加 味道都好食 同埋職員驚你d雞會燶 會主動keep住過黎幫你攪d雞 提你d雞熟未 牛都高質好食 吾似d勁cheap既牛 雖然配菜少 但整體都已經好好👍😝

旺角區既雞煲但唔算好多人, 特別想講佢地既服務態度真係一流 所有員工都好留意舖面 仲會幫手煮雞防炒焦 執碟快之外仲會好貼心收骨 味道above good, 仲可以無限加雞 任飲真asahi 同 1664 生啤呀 又有得食下刺身無咁寡 飲品種類都好多, 仲係coca cola 系列汽水而唔係什麼百事之類既汽水試業開始到依家各方面既質素都係有升無跌 座位距離好闊 唯一就係冷氣唔算好涼 但周圍好乾淨企理但價錢十分合理 任食雞煲+刺身+ 生啤top3 之選

路經豉油街，有一間雞煲專門店，以為淨係食雞煲，原來有茶飲便入去試試。我們柯打個點心拼盤加一個網𢇁鮮蝦腸粉，都係60蚊。拼盤有蝦餃、燒賣叉燒包、潮州粉果、創了搞燕麥糕各一 件。新鮮蒸起，味道都唔錯。鮮蝦網皮腸粉，好脆口、蝦好爽、粉皮都幾滑，唔錯還有少少蟹子喺面。還柯打了另一套餐HKD53.8，荷葉鳳爪排骨配上生菜一碟。生菜一般酒樓水準。荷葉鳳爪排骨飯冇諗到原來蒸籠都有八吋，但係好淺，熱辣辣剛剛蒸起，都幾好味。

這附近火鍋店選擇特別多😆這家新開而且點心下午茶有優惠🤭特意來朝聖🤣夜晚會變成打邊爐，早來就吃茶點。茶點普遍味道不錯，價格不算太高，很多街坊都來吃🤭春卷挺脆甜薄撐皮有啲軟這個有驚喜，墨魚丸口感

離地有點遠，大約行10分鐘，入口比較難搵公司開年飯一行約20人，訂左一間獨立房硬件新淨，分左3枱坐，每枱有兩個爐我果枱揀左雞煲，其他都係養生人，竟然無人食辣點左澳洲A5，又比相像中好食WO 刺身款食OK ，都正正常常，正常過極上大XX放題好多，定係果間太差....唔係賣廣告 🤣3百呢個價係幾抵嘅大堂人唔多，所以d野食都ok 唔會比人搶哂 勝在有獨立房可以開Party ，呢個比較難搵，又唔想book酒樓呢間係唔錯嘅選擇