喜相逢 (砵蘭街)

营业中

休息中

<好味既四川水餃涼皮>🌶️呢間喜相逢 係同晉家門 share同一間鋪 初頭見到西餐裝修以為行錯😆原來入面有得點喜相逢既食物 menu川菜為主 有各式粉麵涼皮水餃等 全部自家包 十分出色 值得一試！🍴麻辣水晶涼皮中辣36 蚊🌶️凍食既水晶涼皮 芝麻 花生 葱花 青瓜等等 🌶️🥒夠香又有口感 水晶涼皮晶瑩剔透 闊身十分有口感😍 爽口又煙靭 醬汁 夠麻香 辣得黎惹味 亦帶有 d酸味 十分開胃 推介🍴重慶小麵 中辣 36 蚊🌶️🍜都係四川式撈麵 麵身都係凍食 麵類似粗上海麵甘 夠爽口 芝麻青瓜 仲有煙靭肉味濃既雞肉🐤 雞肉切成絲好有口感 佢既醬汁夠酸辣香 食到尾就帶有少少麻味 十分入味🌶️🍴雙拼餃🥟韭菜豬肉餃 西洋菜豬肉餃 🐷中辣既湯底 充滿葱同辣椒香 酸辣入味🌶️ 餃皮夠爽彈厚度適中 韭菜豬肉既豬肉 juicy夠新鮮🌿 而西洋菜嗰款佢既菜夠香甜 十好正🍴雙拼餃 🥟香菇芫西豬肉餃🌿🍄 雲耳椰菜豬肉餃🌿湯底係充滿辣香同葱既麻辣湯 香菇芫西既芫西味唔算勁 但佢個菇切成碎好有口感 juicy夠新鮮🍄 雲耳椰菜除左豬肉 juicy外 佢既 椰菜都好香甜 雲耳令到 餃更爽口 都好味#涼皮 #粉皮 #

鬧市的一角，藏著一間四川風味小食店， 這天和他喜相逢。餐牌沒有很多花巧，都是比較常見的四川食物。餐桌上有清水，可自由飲用。西洋菜豬肉煎餃，一客六隻，季節限定。 大小適中 ，外皮煎得微微金黃，香口而不會太過熱氣；內裏是滿滿的西洋菜和豬肉，口感爽脆，味道不是太濃，可以加一點辣油，集合香、麻、辣，更加刺激醒神，也更體現四川風味。雞絲湯麵味道相對較為平實，味道清淡 ；豐富的雞絲以及細滑的麵條，增添了飽足感，清淡的口味相信較為適合南方人。

門面走中國風，店舖與另一西餐廳共用，日頭係喜相逢時間，夜晚就賣西餐。一張餐牌搞掂晒，想食乜自己劃。餃子製作需時，先黎一碟涼皮當前菜食住先，涼皮軟滑，少少涼唔會雪到好凍，撥開先發現有雞絲，一d都唔鞋，撈埋麻辣汁同其他配料好香，微微酸辣好開胃。煎餃望落唔似煎過，同出面食到ge半煎炸餃好唔同，呢度係先煎香底部，再加水焗熟，底部香脆之餘餃身亦保持軟熟，唔油，亦唔會得個硬字。芫茜味洽到好處，唔會蓋過香菇同豬肉味，平衡得好好，佢地自製ge辣汁酸酸辣辣，好味。湯底有d似雲吞麵湯，清清地。餃子即叫即包，皮薄餡靚，好鮮甜。平時d菜脯多數勁辣，但呢度ge菜脯只係微辣，不過就好香，原來加左花椒，妙！雞絲湯麵好大碗，麵條煙韌，可惜湯底比餃子湯淡。紙飲管又靚又環保。

好耐都冇食過餃子啦，於是同家姐去咗太子一間餃子店食餃子。我哋點咗白菜豬肉餃拼西洋菜豬肉餃，每款4隻，呢一碟餃子係煎嘅。個皮煎到脆脆地，另外啲餃子因為係自家製嘅，所以比出邊連鎖餃子店好食。另外點咗，芹菜豬肉湯餃。呢款餃子裏邊有湯，湯裏邊有啲生菜。水晶皮蛋辣辣地唔錯，夠鹹香啊。豆漿就係大和豆漿，都幾香口。雞絲湯麵，冇乜特別，如果唔夠飽先叫都仲可以。間餐廳因為佢夜晚做酒吧生意，所以佢裝修係比一般嘅餃子店靚，同埋坐得闊落啲。

今日行到落太子搵野食，見到間叫喜相逢既食店。 外面睇落去似酒吧晚市頂多做下西餐。望下餐牌就發現係食餃既地方。入面既格局的確係比較似酒吧，唯一令我吸引既地方係竟然有餃子食。坐低就發現燈光比較昏暗同有啲閃閃下，不過無阻我搵食既興趣！😂😂😂😂我地初頭唔知每樣野既份量大少，所以只係叫左8隻餃子🥟白菜豬肉餃同西洋菜豬肉餃，再加幾款小食我地叫既湯底係微辣，我自己就覺得唔係太辣，可以再辣啲😂餃子皮薄，食落感覺非常新鮮。一啖湯一啖餃子冇得頂👍🏻👍🏻👍🏻👍🏻小食之中，不得不介紹水晶皮蛋，佢不旦皮蛋味十足而且仲有辣醬喺面，一啖放入口味道層出不窮，值得一試！另外一個推介麻辣水晶粉皮，今次叫咗個小辣。入口唔覺得佢係好辣，但食多兩啖辣味慢慢浸出黎食得辣嘅朋友不妨嘗試下呢一間可以叫辣啲👍🏻👍🏻👍🏻👍🏻

同朋友睇戲前搵左呢間特式小食醫肚仔，自從上年6月開始，已經好耐無翻過大陸食涼皮，所以今次係特意過來試下我最想食既涼皮～小食選擇都ok，唔係真係好多，但係都唔少。我地叫左醉雞，泡淑豬手，同埋水晶涼皮。醉雞都幾入味，比我之前食過既，酒味再重啲，不過雞肉略嫌唔夠滑。豬手同醉雞一樣好入味，而且爽口彈牙，我都幾鐘意呢個！不過食豬手比較困難。。。夾得好辛苦。。。整到我好想出手揸住食。。。不過而家呢個環境咁危險，我都好努力繼續用筷子食。。。但係泡淑既辣又整到我食到個咀唇紅哂！水晶涼皮配料有芝麻，花生粒，少少雞絲，青瓜絲。用既涼皮都唔係平時食到，比較煙韌個款，而係滑嘟嘟，好似jelly咁既口感的。我覺得口感食落去幾得意，而且撈得幾夠味，不過我同朋友都係比較鐘意食煙韌啲個種涼皮！另外就係，呢到裝修都幾靚，雖然係外面望入去比較黑，老實講有啲驚驚地，但入到去係好有鄉村風味既裝修，而且企企理理，坐得幾舒服。加上筷子都係即棄既，係呢個時候就更加安心啦！

喺旺角行街行到太子，真係由天光行到天黑，有啲肚餓，見到呢間餐廳有餃子食，即刻入去坐低食嘢，貪佢餃子可以好快熟，可以快啲醫肚。叫左香菇🍄元茜豬肉湯餃(8隻)，四十蚊、韮菜豬肉煎餃(6隻)，三十三蚊丶秘製醉鷄(例牌)，七十八蚊丶同埋可樂一罐，八蚊。餃子同預期一樣，好快就可以熱辣辣咁放喺我面前，餃子皮好滑，餡料就冇乜特別，不過都好食，廚房前面見到一盆盆包好嘅餃子，原來餃子都喺佢哋自家製，唔怪之得餃子皮特別滑，唔同外面食開嗰啲餃子皮嘅感覺。煎餃子上枱時都喺熱辣辣，餃子皮底部煎到有金黃色，賣相都幾吸引，入口之前再點左啲醬汁，更加野味，好快就已經KO埋佢。秘製醉鷄有濃郁酒香味，肉質結實同埋鷄皮好薄，冇多餘脂肪，正。

今日嚟到太子嘅呢間喜相逢食手工餃子除咗餃子之外仲主打四川菜除咗有堂食之外仲有新鮮餃子可以外賣啱晒可以買返屋企打邊爐叫咗例牌口水雞分量都好多下，雞又夠大舊，唔會得啲骨好少肉雞嘅肉質都好嫩滑味道方面叫左小辣但對於我來講已經好夠，好夠麻再叫咗個麻辣水晶涼皮，好大碟青瓜，花生加埋芝麻食落非常之香口涼皮亦都非常之滑口調味唔會太咸但又不失辣味煎餃方面叫咗個韭菜豬肉煎餃擺盤擺得幾靚中間仲有個辣醬俾你點餃子皮做得幾好食，唔會好厚，煎完都仲保持到餃子皮嘅水分咬開就聞到濃烈嘅韭菜味再叫咗八隻湯餃西洋菜豬肉餃配雲耳椰菜豬肉餃湯底好清甜水餃嘅食材配搭亦都非常適合我特別鍾意雲耳椰菜豬肉餃食落去非常鮮甜同有口感配埋湯一啖餃就最好食

The decoration of the restaurant is full of Chinese feel~ It seems that we went in a very traditional Chinese restaurant. It is specialThere is a very cute cat 🐱 in the restaurant.It is delicious, a little bit spicy 🌶 but acceptable. The taste is strong, good👍🏻We ordered a fried dumplings 🥟, the sauce is yummy 😋 韮菜豬肉餃～ must ordered~ very mouth-watering萵筍絲 with onion ~ a healthy dish Soup dumplings 🥟 ~ good to give it a tryThe price is acceptable

話說男朋友鐘意食餃子，今日經過太子 砵蘭街發現左一間新開餃子店，好似日頭係食上海野夜晚係食西餐。門面裝修好有古代feel,入到去似西餐bar restaurant 咁，中西合璧！一坐低個店員好好服務好有親切咁介紹店入邊有咩招牌菜，仲推介我哋可以叫個雙拼餃子鴛鴦戲水減$5有個套餐就叫咗一支豆漿飲。雙拼餃子有八隻，我哋要咗韭菜豬肉同埋西洋菜豬肉餃配麻辣湯。食得出啲餃子好新鮮係老闆娘人手每日手包餃子，入邊餡料都好豐富，絕對唔會麵粉過厚！之後老闆娘仲推介我哋食糖心皮蛋，話香港唔係度度都食到！口感比較特別，皮蛋係半透明啫喱咁，入邊嗰個蛋黃係有少少糖心，好食過譚仔！之後服務員仲推介我哋叫個醉雞，醉雞淹得好香酒味，雞件嫩滑多肉。最後我哋仲叫咗個麻辣涼皮，佢啲涼皮似係薯粉咁樣煙煙un un撈埋啲麻辣汁好開胃惹味！整體價錢親民好大眾化，高性價比之選！

今天和朋友來到「喜相逢」，品嘗一下自家製煎餃同水餃。餐廳好近太子站，地點非常方便，旺中帶靜。小店亦有卡位，座位闊落，非常舒適。＜白菜豬肉煎餃 (6隻) $33＞煎餃隻隻煎得脹卜卜，餃子皮勁薄，煎得微脆香口，餡料非常豐富，裏面有滿滿既白菜同豬肉餡料，咬落去仲有鮮味既肉汁，非常好食。＜西洋菜豬肉湯餃 (8隻) $40＞湯餃隻隻都大大隻，熱辣辣上枱，餃子皮入口非常滑，餃子入面填滿了西洋菜同豬肉餡料，西洋菜完全冇揸，配合埋清甜上湯，非常鮮味。＜秘製醉雞 (例牌) $78＞自家秘製既醉雞份量不少，雞皮好嫰滑，雞肉充滿濃郁既花雕酒同自家製香料味道，仲有好多杞子配襯，美味非常。＜雞絲湯麵 $36＞呢個湯麵既湯底非常清甜，雞絲嫰滑，雞肉不少，拉麵麵質彈牙，食埋碗麵真係超級大滿足!!~小店無論餃子，拉麵等，全部都係自家人手炮製，食物全部每日人手新鮮製造，食材新鮮好味，值得推介!!~ ＜喜相逢＞,我地一定會再相逢呀！!~

今日放工去咗太子附近食飯，諗咗好耐唔知食乜嘢好，於是我哋就去咗呢一間餐廳入邊食餃子，呢間餐廳都幾得意，有得食餃子，又有得叫酒飲，一邊食餃子嘅小食同埋涼拌，另一邊就可以飲酒傾下計都幾好。我哋叫咗一啲煎餃同埋湯搞黎食，煎餃方面我哋叫咗韭菜豬肉餃拼雲耳椰菜豬肉餃。兩隻餃都煎得幾香個，皮都唔算好厚。韭菜味都幾濃。湯搞方面，我哋叫咗白菜豬肉餃同埋芹菜豬肉餃，佢係將湯餃擺喺一個大湯碗入邊連埋啲湯一齊上碟，啲湯都可以飲埋，鹹鹹地都可以。另外，我哋仲叫咗小食。我哋叫咗口水雞（例牌）。口水雞辣辣地鹹鹹地，啲肉都結實，口水雞上面有花生、芫荽、辣椒，配埋啲口水雞醬汁，可以一試。

平時都好鐘意食川菜，辣辣地幾開胃。今日經過呢頭見到新店就去試試！有多款小食，仲有湯餃同煎餃。先叫左個水晶皮蛋，個蛋仲係唐心蛋！個醬好好味，唔會太辣！連d青瓜絲都好好食！餃子就叫左個西洋菜豬肉湯餃，好足料大大舊，個湯底清清地，可以中和一下小食的濃味！另外，叫左個手拍青瓜，呢個蒜味就比較濃d。仲叫左個麻辣水晶涼皮，個涼皮切開左，每條都較短，而且仲有d 雞絲，青瓜絲，好食！涼拌木耳食落就醋味濃d，睇相都見到雖然係小食，但個份量都幾多。食完已經好飽，下次黎希望想試埋個豬耳同埋口水雞！

喺呢個高興嘅年三十晚，與家人團聚嘅時刻，我哋一齊去咗喜相逢共進晚餐！我哋食嘅時間相對比較早，仲係未天黑，食完就可以去行下街啦店舖乾淨企理簡單舒適 ，令人坐得好舒服。餐牌有好多唔同種類嘅小食， 同埋各式各樣嘅餃子， 有煎嘅， 亦都有湯嘅 ，任君選擇。 同時亦都有唔同嘅飲品 ，每一樣都好吸引，我哋都揀咗好耐， 猶豫食邊一樣好 ，因為樣樣都好想食！！！ 最後點咗四個菜 ，有麻豬耳， 水晶皮蛋 ，韭菜豬肉湯餃， 同埋重慶小面。 率先送上嘅就係麻辣豬耳， 我同家人都唔太食得辣， 所以叫咗小辣， 賣相相當之靚！ 豬耳同青瓜撈埋一齊 ，上面就係佢嘅醬汁 ，同埋配料 ， 一流！ 我同家人最愛的豬耳， 因為好有咬感！ 佢嘅醬汁真係好正，小小辣， 酸酸地， 勁好味！呢個就係水晶皮蛋，同我平時食嘅皮蛋唔睇一樣， 平時食嘅皮蛋都係黑黑嘅，但係呢個皮蛋係超透明， 蛋黃橙黃， 仲有青瓜伴碟，黃黃綠綠， 好喜慶嘅感覺 ！呢個皮蛋好煙韌，配少少特製嘅醬汁，滋味動人！係煎餃同埋湯餃之間我哋選擇咗湯餃， 冇咁熱氣， 呢個韭菜豬肉餃， 我真係好鍾意食 ！香濃嘅韭菜味湧入鼻， 配埋濃濃嘅湯底， 好正！最後一碟菜係重慶小麵，我

就是想吃得清淡一點，於是便來了這家喜相逢，原來剛剛搬到新店，聽說是自家手工餃， 十分期待。韭菜豬肉餃由於可以雙拼的關係，我和朋友共選了四款水餃，最得我歡心的是韭菜豬肉餃，難得的是皮薄，而且經調味後的韭菜配上豬肉時，十分濃味， 很有媽媽的味道呢， 呵呵。香菇芫荽豬肉餃新鮮芫荽配上香菇和豬肉後，味道十分多層次，而且鮮味十足，還有些肉汁呢，確實是不錯。麻辣水晶涼皮煙煙UnUn的涼皮，配上特製辣汁，和香脆的花生後，吃起來很是滋味！而且還有股辣癮，令人一吃再吃！