影片
今日三点钟去到见到个包柜只系净返几个包，问个比较后生嘅女店员仲有咩包？佢完全唔想理我咁， 只系悔气地重复我既问题俾另一个年长啲嘅同事，𠮶个年长啲嘅同事先答我，完全唔想做生意咁！后生员工收钱𠮶阵唔讲几钱，唔问用咩方法俾，又唔讲多谢，全程无同我讲过一句野，即系算点？！我坐低食果阵见到佢同其他男士(黎押款同埋商场员工)好好笑容倾唔停！食物方面，南瓜包算松软，里面嘅南瓜好香亦都好甜，但放落个纸袋度痴住晒啲皮，想人点食？！结果我要拎返底下张面包纸夹住食。整体十分差极度需要改善！
继续阅读
自己本身不嬲都几中意食中式包，公司搬左黎呢附近之后发现到有呢间包点原本都几开心但系上次下午5点左右好肚饿谂住黎买个包食，结果全部款都卖晒。。。谂住今次早Ｄ去买实无死，下午一点几去到想买流沙奶皇包，点知又卖晒。。。。🙄得返其他5-6款，结果我拣左未食过既鸡球大包试下～话明鸡球大包所以都真系特别大个，佢要$18其他都只系卖$10（其实$10都比起出面贵$2-$3一个, percentage黎讲都贵几多。。。但系佢堂食都有几个位坐，可能贵在呢度吧）大包既外层面包唔算好松软，里面有咸蛋黄，腊肠，鸡肉同一旧草菇～咸蛋黄唔系特别香亦无乜漏油，普普通通腊肠唔算肥，但蒸得太耐好淋一Ｄ都唔香，我食左一啖就掉左。。。鸡肉就ＯＫ既，口感滑同调味适中草菇好薄身爽口但唔香，同冬菇既香味相差好远整体其实好一般但又不至于难食咁啰，可能只系无选择之中既选择😅
继续阅读