喜來軒 (已結業)

男友話呢間野ok 架咁咪同佢一齊入左去食個tea都幾抵食geh~不過唔好味d undo 湯底好好好咸!!!!杯野就甜到可以1杯變2杯 本身覺得閒野ok geh 男友覺得今次好失準..不過我唔會陪佢再黎架喇><等野食期間睇到個餐牌好好笑!!麵豉湯變左surface soup

食得多譚仔,,想轉轉口味就過左黎隔離呢間= P好抵呀好抵呀!晚市有$25拉麵既set!!仲包埋野飲*0*而我就叫左一個自選2款送既定食`要左生薑豚肉同蔬菜天婦羅...都不過不失丫''不過生薑豚肉好多油@口@

同友人行左一陣apm然後想去譚仔食結果2間都咁多人 廢事等好肚餓-0-就過左喜來軒食!岩岩好2點有下午茶下午茶都唔平照燒雞扒拉麵 + 珍珠奶茶 (珍珠奶茶另補3蚊) 28蚊個餐本來包一杯14蚊既野飲!珍珠奶茶17蚊!所以補3蚊事關有朋友黎過依度食話依度既珍珠奶茶好好飲!所以點都加3蚊轉 試下係米真係咁好黎啦黎啦!好大杯平生第2次飲珍珠奶茶奶茶好奶 如果少d奶重番d茶味會好d珍珠唔夠多我覺得拉麵個湯幾濃味 友人話鹹左少少 各有各口味啦!口渴都唔覺既!入面d料都唔差!especially有好多芽菜 我鍾意係價錢貴左丁丁

下午兩點左右, 打波前醫肚. 裕民坊一帶的食肆不少, 但就是找不到一家合適的, 就快要放棄的時候, 就給我找到這間喜來軒.下午茶兩點開始, 一碗日式拉麵加一杯台式飲品, 承惠$25, 價錢合理, 可以一試.老實說, 在這類"一店兩制"的食肆內, 是不會期望吃到很地道的日本拉麵. 果然端來的京蔥叉燒拉麵的賣相是港式多於日式, 不過味道又令我喜出望外. 配料毫不吝嗇, 海帶, 粟米, 蔥花份量十足, 還有叉燒雖不是日式, 但香辣的味道很不錯. 珍珠奶茶呢? 都算不過不失, 珍珠煙韌, 不過奶的比例多了點, 要加$3就不太值了.o係一般茶餐廳粉麵套餐都要$22之際, 這個$28的台日式下午茶都算物有所值.

在觀塘打滾多年!都從未光顧喜來軒,門面看似十分昂貴加上不起眼,每每都只是擦身而過,今次終於鼓起勇氣一嘗如何!地點:沒什麼不方便可言,處於觀塘中心地帶!環境:可能門面如我所說因為看似貴而不起眼,所以儘管店舖細小,但經常有空位!不曾有等位情況食物:進去後,看看餐牌,細心一看原來喜來軒原來是屬於"日台"式的混合店,食物以日式為主打,而飲品則是台式,價錢算普通,在眼花瞭亂的情況下,小弟和友人選了"生薑豚肉飯定食" "日式蒜片牛柳粒定食"和"茉香奶茶""生薑豚肉飯定食":其實是以五花腩肉配上甜燒汁,汁的味道頗帶甜,十分好,五花腩肉雖香口,但卻過於膩,配菜有麵鼓湯和中華沙律感覺不錯,份量屬普通,男孩子可能未能飽足"日式蒜片牛柳粒定食":惹味炸蒜配上牛柳粒的味道十分惹味,牛柳粒有牛肉味也不算"un"口,汁較生薑豚肉飯定食為淡,配菜和份量與豚肉飯不相伯仲"茉香奶茶":十分驚喜的一環,奶味濃郁,和一些出色台式飲品店的出品差無幾!挺好的!,份量看似大杯,但其實底部佔的位置頗高,有點掩人耳目之嫌....總結:結帳共35個大洋通脹年代算普通,個人認為味道不錯,加上環境十分好,適合愛聊天慢嚼之人,不過份量可能未

估唔到呢間唔多比人留意到既食店都會有成廿個comments咁我都要留番個啦上次同朋友夜晚十二點係kuwn tong搵野食...apm又關晒門...只好行黎呢間試試叫左個定食係拉麵搭sushi食物水準不錯,拉麵既湯底食得出係豬骨湯唔似有d食店得色而冇味既湯。飲品水準很好,台式野飲好好味叫左個芒果紅茶夠凍之餘又唔會太甜,抵讚。

　　禽晚本想去APM搵野食，可惜太夜，好多間都打烊，最後路過呢度，記得佢前身係仙字頭珍珠奶茶，如今改左名。　　半夜十二點入到去，所有食客都係貌似唔超過廿五歲嘅年輕人，再望下ＭＥＮＵ，果然食物路線都係日本台灣混合嘅香港版本。　　兩個人叫左兩個ＳＥＴ，另加一碟醋鯖魚壽司，埋單HK$69.00。　　珍珠綠茶－非常好飲！唔太甜，仙字頭細杯裝嘅價錢，大杯裝嘅容量，飲落味道冇分別，勝在珍珠少而茶，即係抵飲！　　珍珠奶茶－基本上同珍珠綠茶一樣，只係甜左ＤＤ。　　吞拿魚吐司－吐司麵包唔熱，睇黎無焊過；個吞拿魚醬就幾好味。　　燒鰻魚－現成交黎，基本上全香港燒鰻魚都係呢個水準，包冇甩拖。　　蜜糖雞翼－呢個有驚喜！食落味道非常接近ＢＢＱ嘅蜜糖雞中翼，外皮有蜜味，夠熱又夠脆。　　醋鯖魚壽司－叫之前都預左，水準唔會比得上壽司舖，純粹過下口癮。食落當然係難食果隻。

由中學開始就幫襯到依家.....基本上每個星期都會同D朋友去喜來軒小聚一下。服務方面好好..佢地既員工都好有禮貌&老板一家人都好Nice.食物方面都唔錯..值得推介一下既係定食同吐司, 真係唔錯仲要價錢平, 平均每埋單都係三四十蚊.....超抵!! 環境方面都幾好....地方清潔, 每當有人埋單離開左張檯之後就好快有人黎執野&沬檯...效率高!!相對出面既同類食市無論食物OR價錢喜來軒都VERY GOOD!!~

平野唔一定無好，貴野都唔一定好，好多野你自己唔試過真係唔知，但有時太部份人都覺得唔好既真係可以參考，星期日中午食飯時間，好多平平貴貴既食市都爆滿，就呢度隔離譚仔米線就排晒隊，但呢度竟然好鬼多位喎，因為實在好肚餓所以都決定試呢間，坐低睇個餐牌，d日式定食好似幾平，我呢個生薑豬肉飯定食，有飯有(食送)有麵豉湯有中華沙津仲有一杯散叫要十四蚊既飲品，都只係三十七蚊，睇落真係好抵，飲品就要芒果綠茶，等o左一陣就黎到，味道其實唔係太好不過叫做幾大飲，但係個定食就等o左成十幾分鐘先黎到，本來諗住如果係慢工出細貨既話都算，點知唔係.... 中華沙津同埋麵豉湯唔算乜野好貨色，跟住個飯擺明唔係日本珍珠米，不過佢又無寫明所以都唔算乜野問題，但最慘係非常之硬身，我本身已經係一個比較鍾意食偏硬身飯既人，但呢度真係硬得有點過份，我真係半碗都食唔落，個生薑豬肉飯定食記得味千都有個類似，果度仲幾好食，但呢度呢個，首先完全唔覺得佢係日式，d汁又唔係好味，d豬肉仲要相當之肥，本身係好肚餓但我真係好難食得晒呢個定食，無下次.....

這間日式餐廳平日提供壽司, 刺身, 定身和拉麵,本來服務不錯, 老闆娘和各侍應幾勤力有禮,可惜昨天去食刺身, 其中魚的刺身凍到變冰,口感真的像咬落冰一樣, 所以另一件要浸在拉麵的湯一陣才食到

其實住係官塘都成十几年羅....所以對尼一帶既野食都好熟...尤其d舊食肆....好似喜來軒咁...耐不耐就去食...一向都係几好食同埋平羅..有時會好掛住d吐司,雞亦,當然仲有佢d食野啦, 我最鐘意苿香珍珠...哈..都几鐘意去果度坐....但係就覺得佢應該几難生存到,因為價錢咁平,附近又咁多新食肆...唔想佢關門呀,到時就冇左一間咁好坐既地方啦!

頭先約左舊同事黎食晚餐. 叫左雞扒定食,牛扒定食,三文魚及魷魚壽司,杏仁奶茶同香芋珍珠. 可能同時有幾枱客點菜, 搞到我朋友個定食遲遲未到. 壽司料新鮮, 飯唔散. 麵豉湯好多豆腐同昆布. 雞扒好大塊幾好味(我見朋友無投訴), 牛扒就乾左少少. 最開心就係杯杏仁奶茶, 用啤酒杯裝, 好大杯, 一定夠喉. 整體上不過不失啦!

又唔係好又唔係差.唯一不滿就是原來加兩蚊辣就是加一湯匙辣椒粉係面,海鮮拉麵都幾足料,螺肉就麻麻,六元兩件壽司都唔差.如果係要講衛生此店都睿得上好滿意啦

有一日去觀塘食下午茶, bf話成曰都見呢間舖好多人食~ 咁我地就試下啦~ 都預左冇招乎ga la~都算~ 我食叫左日式豬扒烏冬, 照燒雞扒拉面, 蜜糖雞翼, 野飲就叫左薄荷朱古力同士多啤梨紅茶, 個日式豬扒烏冬d豬扒又'鞋'又乾, 烏冬又唔夠淋, 照燒雞扒拉面d拉面唔好食, 雞扒同蜜糖雞翼就一般~ 我個杯野飲就好似溶左既o者喱水... 雖然係平, (對唔住都要講句)平到零水準真係好少見...

珍珠奶茶好味道,可惜d珍珠太少~~