喜惶點心專門店

营业中

休息中

太痴線呢間野真係！！！首先我同男朋友今日4點正踏入呢間野點左兩份$35有兩個既點心，即係一共4個點心：竹炭流心奶皇包、皮蛋瘦肉粥、山竹牛肉球同蟹肉唔知咩燒賣仲再單點多個叉燒腸同一個白豆漿一個黑芝麻豆漿。落完單好快就上左一黑一白既豆漿，我地兩個飲住等野食，等左20分鐘左右覺得有d耐就叫一個後生仔店員追追d野食，因為真係一樣都冇黎過。個店員追完仲過黎叫我地唔洗擔心，野食一陣就會黎。好，我地再等多20分鐘，即係已經4點踏8，我頂唔順出左櫃枱問另一個店員幫我睇我地d野食係幾點落單，佢睇完電腦竟然話冇落過單！！！！！！！！！！咩都冇！！！！！我完全係著哂火，等左40分鐘，只上左兩支樽裝唔洗沖既豆漿，明明第一次追過d野食個陣個店員仲叫我唔洗擔心！！！好離譜！！！最後咩都冇食就成肚火飽住走。係唔係好抵呢，咩都唔洗食又唔洗錢淨係呆等40分鐘就可以飽，非常之推薦要減肥既人黎食野，呀唔係，係等野食先啱。

同我老豆去飲下午茶，特登前一晚上網搵下邊間好，之前響花園街通菜街都見過d點心專門店好多人排隊，諗住睇下揀邊間好⋯點知兩間d comment 都麻麻，唔止質素下降，而且態度勁差⋯⋯後來見到呢間comment 唔錯就試下！我同老豆叫左六碟（不過無影相，因為我太餓同極少寫食評）1）鮮蝦腐皮卷：油左d，但味道几好2）蝦蛟：蝦的比例多，而且爽3）好像叫魚肚綿花雞之類：魚肚爽，不油膩，雞肉滑（我其實由細到大食綿花雞，雞扎，都唔食舊雞，因為通常又油又鞋，但呢個我真是會食而且食左兩舊，最讃是個魚肚，真是又爽又唔膩）4）燒賣：好味，而且新鮮，唔會好多肥豬肉，我對燒賣比較敏感，如果d肉唔新鮮，我會食得出）5）叉燒腸：几滑，唔錯6）牛肉燒賣：我唔食牛所以唔知，不過我老豆要求好高，佢話幾好，咁應該ok總括味道比之前響第二度食過的點心專賣店或酒樓好，而且services幾好，價錢平，6碟$165，重點係我老豆都話几好，下次會再嚟，最撹笑係佢見到隔離枱嗰碟雞扎，響度眼甘甘，話好似几正，不過我地真是太飽，下次再去試啦係喎！佢哋茶的選擇較少，得鐵觀音同普洱，我們飲鐵觀音，茶味就真是比較淡

難得旺角有好食既點心鋪兩個人叫左7樣野，啲野都黎得幾快，職員好主動去跟佢地招牌自家養牛，出左幾款至少我出面睇唔到既菜式，例如乾蒸牛肉燒賣，都幾好食Xo 醬炒蘿蔔糕，個糕可能係自己整 唔夠粉，比較林，但夠味蜜瓜炸奶一碟有三件大大件，好好食 無太實靚靚竹炭奶黃包，好重煉奶味，有咸蛋黃粒最後仲有個飯作結

通菜街的點心店大部份已經執晒，之前俾店裡招牌吸引寫住'牛肉世家' , 第二次去食，今叫左燒汁牛肉蝴蝶餅，虎皮尖椒，海苔香煎蘿蔔糕，叉燒腸粉，玉子海鮮菜苗餃，別不同糯米雞，食物質素：煎牛肉肉餅，好有牛肉味，真材實料唔會好粉， 虎皮尖椒，好大隻，魚肉溝左辣椒銀和芫茜， 蘿蔔糕一般，玉子海鮮菜苗餃沒有特別， 叉燒腸粉料比較但腸粉夠滑，糯米雞爽口，醬汁少， 但d肉比較老，上次試過老火湯，飲完唔會口渴， 冇落味精，總括來說， 點心質素係好， 冇酒樓咁油膩， 茶有普茸和鐵觀音選擇，值得一讚！！！

在網上看到這個主打牛肉點心的點心專門店 就心思思想試 今天既然來到旺角 就去拜訪一下竹炭熔岩奶皇包 $23黑色的奶黃包 上面印有金色的掃印 賣相有高級點心的風格 包皮鬆軟 有點點的竹炭味 奶黃餡流沙程度挺不錯 奶黃味道突出 有粒粒鹹蛋黃每個包不是太大 一個人吃一籠也不會覺得太膩鬼馬免治牛肉腸粉 $26腸粉粉皮很滑 能嚐到米漿味餡料方面 牛肉醃得入味 調味到位 牛肉味也很濃 是挺不錯可惜腸粉整體的餡料不多 粉皮就感覺厚了點總結：能吃到小店做點心的心思 牛肉是出色的 我看到旁邊的那個太陽蛋牛肉飯好大一份 也只是$28 下次來會試試

在旺角女人街發現這間「喜惶點心專門店」，外表平平無奇，但覺得是牛魔王之輩必定喜歡。店子位於女人街排檔的側邊，真的會很容易錯過。但入內後發現「牛肉世家」這個牌匾，直覺話比我的此店的牛肉類出口品應有料到。原來店主是牛肉賣手世家，所以牛肉類點心至少在來貨上會有品質保證。最終我點了一個太陽蛋牛肉飯、燒汁牛肉蝴蝶餅同乾蒸牛肉燒賣，看看他是龍是蟲。食物頗快便出來了。太陽蛋牛肉蒸飯賣相OK，蛋唔會過熟，肉餅夠厚身有肉味，具質感，不像大部份店子般成塊肉「軟pat pat」，飯亦算蒸得乾身，粒粒分明，整體而言相當不俗。燒汁牛肉蝴蝶餅其實只是用薄身饅頭夾煎肉餅，用的牛肉冇咁厚，但煎得幾香口，加埋上面的燒汁，吃起來有點像吃中式漢堡包呢。牛肉點心中，此店的乾蒸牛肉燒賣最啱我心意，手切牛肉吃得出牛肉的筋，吃來很紮實，肉味夠濃，讚！至於非牛肉類點心中，我吃了一個銀蝦蔥花炸兩腸粉，銀蝦算多，油炸鬼上桌時仍相當脆口，腸粉皮夠薄，唔錯。一個人最終吃四樣東西連茶錢收$104，在旺角區來說不算貴了。唯有有點問題是我坐在二樓，店員在上完我的東西後有好長一段時間無影，要加單比較麻煩，看來坐地下會方便一些。

好吃😋～晚上没吃晚餐，路过就进去吃了～点的牛肉粟米饼、牛肉肠粉、牛肉球、可惜牛肉烧卖卖完了～～牛肉很嫩，肠粉很滑，加点辣椒酱就更美味了～忘记照相～下次会再帮衬

本來坐低感覺都唔差，我坐係對住出菜運輸位，就比我見到啲唔應該見到嘅嘢，個肥仔心急拎啲點心出嚟，放頂位有籠黑色嘅包跌咗落地，係倒轉跌，所有包貼地的，佢夠膽死執番上籠照出比人，我即時反眼，實在無法接受🤮🤮🤮，恕我怕事無即時出聲，希望四眼哥哥食完無事啦!講番食物，都好一般，蝦餃$29唔算平，細粒皮又唔靚，小籠包都麻麻，咩菇义燒腸，雖然滑但啲菇有少少變味，係個飯叫過得去，但面頭2條荷蘭豆有啲啲”宿”味的，總知又算唔發生跌包事件都唔會再去。

我對點心頗有要求 以前同屋企人寧願坐半個鐘去觀塘嗰間煌府飲茶 因為我食過周圍幾間分店都不及觀塘分店又試下添好運 龍太子 功夫點心 稻香 等等 一些都唔記得咩名的點心店男朋友知我鍾意食蜜瓜 今次帶我嚟旺角點心店食蜜瓜炸鮮奶 十分鐘左右食物到齊，藜麥奶凍漏單 😂埋單先知竹炭奶皇包：流沙湧出來仲食到有粒粒鹹蛋黃 與坊間點心店叫貨有區別 脆皮韭菜餃：脆卜卜 中間係有韭菜同肉汁 好得！非常好味！蜜瓜炸鮮奶：同添好運炸鮮奶不相伯仲 層皮夠脆裏面熱，軟綿綿，入口即溶，少少甜，蜜瓜味重過奶味 下次來我會在encore芥末沙律汁三文魚春卷：青瓜微微熱 脆卜卜春卷加上沙律醬 中和了油膩感 姬松茸高湯鮮竹卷：份量細少少 有高湯 唔似平時食嘅有啲汁咁結身 幾滿意玉子海鮮菜苗餃：上面係魚蛋片 下層菜同蝦 成個組合都夾到 我地兩個都一致認為非常抵食，暫時係我食過最滿意嘅點心服務態度亦很好，非常貼心！沒有不推薦的理由

堅好食！！！！！唔係吹！！！！！牛肉世家果然樣樣正！！你唔試真係走寶！個湯真係無得輸呀！日日唔同！銀花蝦炸兩脆到爆炸！果個金錢肚軟硬適中！！竹炭熔岩奶皇包啲奶奶流哂出黎！！平靚正！！你仲想點樣！米芝連咁既口味！！老麥咁既價錢！就正如龍咁威話齋！我都食到差唔多！！我都想比人食下！！！不過衰在個場太多靚女！有得睇冇得食！力推！！祝老闆開分店一間變兩間 兩間變四間！！四間變八間！！八間以後就上市！上市以後再集資！！到時唔好唔記得我呢個食神呀！！

細個成日飲茶但大個之後成日都要返工根本禮拜六日都冇時間陪屋企人飲茶所以久唔久都會搵啲點心舖食今次唔打唔撞見到有間店點心就沖左入去啦應該新開嘅裝修都幾好食食下好多旅客入黎食有中國同外國旅客點心紙咁啱見到有優惠足料既湯👍🏻👍🏻👍🏻👍🏻只係加$3 抵食呀賣相靚靚流沙包好滑既腸粉個腸粉粉厚度適中籠仔北菇蒸雞好大個足料之選係叫左排骨同燒賣正呀D 點心即叫即蒸所以每籠都係熱辣辣食左咁多野先$150左右堅抵！

朋友介紹說女人街內有不少好野食，其中「喜惶點心專門店」剛開業不久，掛著「牛肉世家」的牌坊，以供認新鮮牛肉來製作香港點心作招徠。其實我很喜歡吃點心，近年開了很多點心店，方便人少少都可以去飲茶，而且從早到晚都供應。這天剛好在附近開會有個下午茶空檔，便來到「喜惶」飲下午茶。餐紙上有乾蒸牛肉燒賣的相片賣相不錯，點來試試。牛肉果然新鮮沒有雪藏味，即叫即蒸，牛肉上面有些蟹籽，燒賣皮薄，餡料爽口。另外，點了兩個甜點，一個是蜜瓜炸鮮奶，炸脆皮內包著蜜瓜味的鮮奶醬，外脆內香滑。另一個藜麥椰香鮮奶凍，香滑的椰香奶凍上灑上一點藜麥，帶來健康新口味。

今日同老公見尼間點心鋪新開既就諗住試下，因為我地都幾鍾意飲下茶，食下點心，點知第一次食，叫左8個點心，每樣都令我-嘩！好好味。我老公一路食一路讚，佢好少會對一間食肆評價咁高，仲要加埋茶位都係$190，佢主力係賣牛肉，就算高級酒家都未有咁高既評價，但我地麻麻地牛，所以無試食過有牛既野，而且keep單下次仲可有9折好值得大家一試，鍾意牛肉既朋友記得試下，無牛肉成份既點心都咁好味，我會繼續光顧，不過坐位不多，遲下多人認識就有排等位了

十一點半仲要見客，死都要個friend 陪我食野，仲打算第三日繼續食牛，點知經過女人街，竟然遇到我未見過既新店。系點心鋪，望左menu, 就即刻入左去。最愛創新食品，嗌左粟米煎牛肉餅，乾蒸牛肉燒買，名醬蒸美國鳳爪等等不能盡錄🤣個friend 話我最後都系食牛😂鬼叫我系牛字派咩😋大愛粟米煎牛肉餅，我咬第一口果陣，覺得好爽脆，煎到恰到好處，望落去金黃色，五知仲以為是蛋醬，加上粟米既襯托，稱得上系色香味俱全，隔離個女人仲好wild 甘大叫這個好好吃🤣

本人鍾意去飲茶食點心，朋友介紹旺角有一間點心專門店，所以決定去試下。點心專門店位於旺角女人街，地點非常方便。點心專門店分兩層，環境光猛，主打牛肉點心。餐牌圖文並茂，點心賣相吸引。晶瑩鮮蝦餃皇，皮薄而且蝦肉爽口彈牙。蟹子燒賣皇，大大粒蝦同肉嘅比例恰到好處，加上鮮甜蟹子，味道一流。乾蒸牛肉燒賣，牛肉肉嫩多汁。蜜汁叉燒腸，腸粉皮薄，餡料十足，每一啖都食到叉燒。粟米煎牛餅，牛肉加上香甜粟米，食落非常香口。黑椒蒸爽肚，十分爽口，而且非常入味。榨菜牛肉飯，啖啖肉，肉味香濃，加上爽脆榨菜，飯粒分明。酥皮焗叉燒包，酥皮香脆，口感外脆內軟。黑糖蜂巢糕，甜到恰到好處，口感煙韌。點心專門店，點心味道一流，牛肉非常出色，果然係牛肉世家。