影片
服务态度差不在话下，越做越衰，永不帮衬..晚饭得几台客，员工当你透明，屋村酒楼都系做街坊生意，收钱仲要受气，千其咪去，帮衬出面好过，食物水准奇差，唔知换左师傅定咩，总之好差嘅一次饭局，简直一肚火。
继续阅读
食物其实唔错，但侍应态度越嚟越差，永远见唔到你交单、冲茶，你走埋去比单佢，佢可以好似发脾气咁掉张系枱面，真系令人好火滚！唔做就返屋企啦！比钱饮茶仲要受气，佢老细真系多得佢唔少！唔系一个半个态度唔好，系大部份都唔好！其他分店唔知，翠林呢间真系好唔掂！
继续阅读
今日难得同屋企人撑枱脚，由于屋企人想去饮茶 所以就决定左去喜悦皇宫。平时都有食开，点心味道都可以、唔太差。一路都有帮衬开，都知屋村茶楼无咩服务可言，但今日一遇，无服务之余仲要睇啲员工面色。其实我都唔系期望有服务😹，只不过想问姐姐拎碟辣椒油，佢点心车下面有，但系佢话：你等下一个比你（语气仲要几恶）。同佢讲你车下面有。佢：我都话唔得闲，你叫下一个比你。😰佢答我唔得闲叫我自己拎我都可以，但唔需要咁恶，屋村生意，唔洗下下都黑口黑面挂？🤔另外有碟百花酿鱼肚等左大半个钟都未有，打算揾经理讲取消张单，明明个男经理已经同我对到眼神，仍然都可以视而不见，当我透明........一间餐厅除左食物味道，其实服务态度都好重要😓😓唔系得熟客先要好好对待，情愿去集团式酒楼都唔会黎呢度，真系好失望，食左一肚气。
继续阅读
翠林间喜悦皇宫都算有保证 之前饮茶都觉得点心唔错 今次就过嚟食下晚饭见到有孖宝套餐就试下 叫咗条沙巴龙趸仔再加陈皮蒸鲍鱼 食完饭仲有糖水送条鱼都够我哋四个人食 蒸得啱啱好 好滑啲鲍鱼就普普通通 好似蒸得过火咗有啲硬同埋真系同屋企𠮶啲好大分别 睇落好似完全冇洗过咁 𠮶边黑蚊蚊 意大利黑醋骨个味酸酸甜甜咁 好开胃 个餐牌好似系 一字骨咁 但系哩都就好似肉排咁 啖啖肉都好嘅鲍汁花胶珍菌豆腐都几足料大大煲总括嚟讲下次叫孖宝就唔会再叫鲍鱼 可以试下其他 喜悦个厨房煮嘢都几好食 可以再试其他菜式
继续阅读
上星期第一次踏足呢个比较偏僻嘅商场时一抬高头见到有间酒楼，外墙嘅皇宫设计好触目，忍唔住望多两眼，走𠮶阵留意到入面贴嘅广告，见价钱都都几街坊，所以今次同朋友嚟饮下午茶。一到去见酒楼都几大，人唔算多，好多位，职员叫我哋随便拣位，好快冲好茶，我哋两个人叫咗六个点心，一碟炒河，埋单$200有找。点心味道可以，下午茶又唔使同人逼，职员有笑容有礼貌，价钱合理，感觉唔错。蜜汁叉烧肠，每件都胀卜卜，几足料，皮都几滑。鲜竹牛肉球，唔系好有牛肉味，但又唔会腌到好松无晒肉嘅口感，口感唔错。蜂蜜蛋散，每次见到都必点，唔系好多酒楼有，可以再松化啲。萝卜丝酥，食嘅时候系暖，可能系炸定烘住保温，外面稍为有少少干，无入口即溶嘅酥，馅嘅味唔错，整体都可以。奶黄流沙包，流沙做得好好，唔会太稀，馅甜咗少少，奶皇味重。喜悦虾饺皇，呢个麻麻，皮同馅好易分开，虾肉亦唔爽口。干炒牛肉河，少油，味唔重。
继续阅读