喜悅皇宮

麻辣鸡煲 ，鸡肉嫩滑 ，麻辣香浓， 好惹味。 浓汤云吞鲜鸡煲 ，云吞好多好大粒好食 ，鸡肉嫩滑，煮得好入味，挪威大圣子，肉质鲜甜嫩滑，台山生蚝， 生蚝肥嘟嘟，好新鲜，食到停不住口 ，龙趸斑片 ，鱼肉好有鲜味 ，口感啖啖肉。…查看更多

星期六总共十个人嚟晚饭，喜悦皇宫而家做紧$138鸡煲火锅任食任饮不限时，性价比大镬全胜！食物质素就普普通通啦，同朋友六点半食到十点，已经系100分，抵过去连锁快餐店打边炉啦！…查看更多

$138 一位，任饮任食，不限时，仲要免加一，免茶芥，真系好抵食。鸡煲有三款可以拣：麻辣鸡煲、白胡椒猪肚鸡煲、浓汤云吞鲜鸡煲，唔想食麻辣，所以要咗白胡椒猪肚鸡煲。鸡煲一上枱，个锅已经好大个，用筷子撩吓啲料，劲多鸡，应该至少有一只鸡嘅份量。鸡肉肉质算唔错，啲肉有质感，唔会好梅好烂，味道亦可以，白胡椒味浓，猪肚份量就相对少咗啲（约得四件）。火锅配料唔系咩贵价食材，都系啲一般普遍嘢。大部份都系要自己出去拎（如丸类、菇类、菜类、瓜类、粉面类），亦有小部份就剔纸仔入单（如肥牛、牛柏叶、水鱿、鹅肠、熟虾、粉肠、响铃）。饮品包罐装汽水、盒装维他奶及盒装果茶，啤酒（狮威）就$15三罐。总括嚟讲，收费激抵，食物质素符合预期，住附近得闲都可以帮衬吓。…查看更多

之前系青衣街坊平台见到有人讲138任食鸡煲，劲平，就去试一试，仲要系5点半食到10点，可以慢慢叹叫咗浓汤云吞鲜鸡煲，认真个云吞麻麻哋，但系鸡煲好有药材嘅味道，我好似食紧药膳鸡煲咁，我自己本身都好钟意药膳鸡煲，所以觉得呢个汤系好好食，好浓郁。有啲款式要落单，有啲就要出去拎我好早5点半就到，可能啱啱开始，人手未够啦，我落咗两次单都冇食物嚟，到6点几7点开始咗多人入座，啲职员就好似热晒身咁，就冇漏单，总括系入咗第三次单先嚟齐啲嘢食，好彩系可以出去攞嘢食食住先其实佢饮品都多元化嘅，但系对一个戒糖嘅人嚟讲，系连一杯茶都冇啰，问啲职员，佢答我138冇茶饮㗎，我都系想饮盒无糖嘅纸包茶啫，不过职员都好好，喺厨房拎咗罐无糖可乐俾我，如果呢度改善下就好总括嚟讲，呢度做街坊生意，138全包宴，由5:30食到10点，食物又多元化，除咗个云吞之外，其他食物都冇任何意见，都算好食，会再帮衬👍…查看更多

呢区冇咩海鲜酒楼所以谂住就吓啲老人家就拣佢啦，点知啲菜嘅质素呢差到一个点，牛肉乸到冇牛肉味😤菜就得个油，一行四人食咗四碟𩠌埋单七旧水，个套餐四只蒸扇贝加脆皮烧鹅啲鹅有啲臭添黑鼆鼆，感觉上系头头尾尾，总之个$700不如去楼下麦记嘅肥仔餐😢…查看更多