喜多郎日本料理

营业中

休息中

啱啱上返Openrice先發現原來依間嘢利用蠱惑嘅營銷手法呃錢原來已經唔係第一次。話説前日我地一家四口經過門口 見到有個午市特價套餐(星期一至五) 大約有10款套餐, 而價錢大約$5x-$7x, 咁我哋就入餐廳就座。其後店員A呢 就拎咗一個正價餐牌俾我哋睇咁我就問佢 請問有冇門口嘅特價餐牌店員A答: 無, 你照樣叫喇, 大部份嘅餐都有做特價, 到你埋單嘅時候我哋會計返個折扣價俾你。咁我當時就已經覺得奇怪, 如果我揀咗啲無特價既餐 到時咪要收正價 貴好多, 感覺好似想音人揀啲冇特價嘅餐咁, 因為正價嘅餐 其實同特價係一樣 只係價錢上有差別, 而且部份更差一倍價錢。咁為免揀錯, 咁我就再問佢有邊啲餐係特價, 佢就只係答咗三四款(事實上有10款起碼),而佢當中答咗一款話: 哩度有個牛肉火鍋 特價$78 (正價$148) 仲可以轉豬肉。如是者我哋叫咗三個套餐, 包括上述豬肉火鍋。其後店員B, 就拎住一個不知名餐牌 同 我哋睇嘅正價餐牌過黎同我地講: 你地想要邊隻火鍋 因為一個可以轉豬肉 而另一個唔可以,咁我哋答話要可以轉豬肉嗰嗰餐, 因為之前店員A 曾經指出 正價餐牌內嘅牛肉火鍋套餐係$78

話說我一家三口去食(一個係小朋友) 有個阿叔侍應就對我地西口西面 好似欠左佢咁。問佢拎bb椅又西面 之後原來佢啲bb椅係廁所拎出黎，又勁污糟 咪玩啦 咪放埋一邊唔要 個阿叔拎返入個廁所，勁大力ban埋道門 我真係差啲想同佢開年 連坐我地旁邊嘅人都哇一聲。成餐飯勁無引 食完野人都未走 勁插隻手黎收野 趕客走咁嘅款。野食就貴同一般，無性價比可言。叫左個鰻魚飯，一個海鮮烏冬。個飯就正正路路，個烏冬所謂海鮮就係啲魚碎，似係刺身啲頭頭尾尾。 總結係你想挑戰下自己底線可以一試 👍🏼

今晚一行五人試呢家新店食晚飯，門口有個定食餐牌，覺得價錢不太貴就入座試一下。落單由一女侍應招呼，看上去像老闆娘或是較高級的。先點燒鯖魚定食，她表示今晚冇鯖魚，落力推介燒油金魚頭，還很趕急要我們馬上下單，因為那魚頭要燒，但被我拒絕了，改食其他定食。之後我的同行叫軟殼蟹拉麵，餐牌價錢$98，她隨即又表示今日返的軟殼蟹較大隻，價錢有變要$128。我們不虞有詐，便order了兩個軟殻蟹定食。但上菜後，跟平常食開的大小一樣，有誤導之嫌。另外原定我們再點一些餐牌後頁叫餐可特價加點嘅小食，她又表示晚上沒有，要跟原價賣出。但我看過餐牌上根本沒有註明，有欺詐之嫌，我們當然沒上當。之後食飯途中，聽到旁邊左右鄰桌也有相同問題，即當你點餐牌上的食物時，會像海鮮價突然提高，又或表示沒有那食材，介紹較貴的食物。像那魚生丼價錢跳級由$298變$398，當時聽到眼都突。雖知道現在自由行少了很多，但都不要把香港人當水魚。最令我氣憤的是，我們結帳後離開，發覺坐露天位置的其他客人正在吃燒鯖魚定食😡其實呢間日本餐廳味道是不錯的，但有咁嘅前台服務員，絕對浪費了廚師嘅心機，因為一定唔會再有下次幫襯。

喺一個星期日晚嚟咗食。成間店坐滿人，樓面十分忙碌。坐低咗十分鐘左右都未有待應斟茶，可以理解，不過當我哋叫佢幫我哋斟斟茶嘅時候，嗰位身型比較龐大嘅女待應好似不太願意咁就咁攞咗壺茶擺枱面。然後落單時又表現唔耐煩，態度極不友善。食物質素正常，不過如果閣下如果係頂得順差嘅服務態度先好嚟食。。。。。。。。。。。。。。。。。。。。。。。。。。。。。。

27/10/2019 星期日，天朗氣清，充滿假日氣氛，今次揀咗去西貢搵食。知道 「喜多郎」喺西貢重開，遇啱今日入西貢，一於決定去「喜多郎」食午餐。睇吓有冇keep到以前的水準。去到見室內坐滿人客，證明食物唔錯啦。嚟到西貢，天氣又唔熱，我哋選擇坐戶外，坐位寛敞，食得開懷。今日飲品有：日本運過嚟嘅白桃汁，另外亦叫咗茘枝梳打。食物有：雜錦刺身拼盤（夏），再加一條時令秋刀魚，而秋刀魚嘅 頭尾 就炸到脆卜卜，脆口到連頭連骨食晒😋跟著，叫咗兩個定食：-黑豚肉生薑燒石鍋飯鍋燒海鮮湯烏冬好飽飽呀！yummy 😋😋

開左唔係好耐已經黎食過好多次，所以下面既相唔止一次😛第一次黎之前有上網睇過食評好中平同埋話偏貴。不過試完之後可以好肯定咁講絕對值哩個價錢，刺身十分新鮮！其實係香港食到哩種質素價錢的確合理。種類亦都好多，相比之下熱食可能會遜色小小，但都好唔錯😋建議點餐之前可以睇睇板上嘅推介，特選刺身盛每次有唔同既刺身。要睇當日師傅嘅推介。如果想唔食太貴既可以叫佢地既套餐，性價比相對地高👍🏻至於服務態度其實幾好，只係經常性都滿座店員會有點忙。上餐速度都算快😄😄整體黎講食品質素絕對好好只係有小小貴，但合理的☺️小妹住係西貢哩度會變成食堂了😂😂😂

呢間日本野之前係西貢有食開，7年前執左，終於開返，今日同朋友一行4人去食，食物質素不過不失，食左天婦羅，手卷，燒生蠔等等，但落單果位女侍應既壓迫性銷售手法就令我同朋友個心唔係好舒服喇，而我地無比佢sell到後，竟然換黎一句"你地叫左好少野炸喎"😰而最後有如茶餐廳趕客既執枱方式，真係大開眼界埋單800蚊，明白香港租金成本好高，但咁做生意真係好趕客