影片
必试招牌牛油曲奇🍪酥松感简直绝！浓郁牛油香劲纯正，好似闻到师傅手工搓饼嘅温度～曲奇纹理整齐，入口即化但又有啲咬口，甜度啱啱好，唔会漏喉！其他隐藏好物🥜除咗牛油曲奇，罐装嘅杏仁脆饼、花生酥都好值得试！杏仁脆饼带住坚果嘅香脆，花生酥满满花生醇厚香，件件都系传统点心嘅「正字标准」，咬落啲口感同味道，简直系老香港饼食嘅灵魂还原
继续阅读
今日路经呢间小店，买左半磅曲奇$60, 3款混合曲奇(腰果，杏仁，蓝莓), 好松化，同埋一个软芝士面包$10, 面包好食过连锁店既好多。以前帮衬过禧利街分店，买过芝麻饼，好香口;永和街分店系熊仔曲奇隔离，2店人流好大对比，希望大家都支持小店啦
继续阅读
星期日，完咗event收工，已晚黑10点几。平时极少去呢头，作为新界人，对呢间饼店认识亦唔多😅本来只系hea下浑下吉，所以问老板收工未，怕阻佢，老板几亲切话等埋人先收。望下望下，醒起过两日去台湾探朋友，咁不如买啲手工嘢做手信。本来想买曲奇，但又好似冇乜特别，又怕碎，最后买咗几重嘅花生朱古力。又见到鸡蛋饼及凤凰卷，童年回忆返晒嚟。返到屋企急不及待开鸡蛋饼食，好脆口、浓浓蛋香又唔太甜，好正。凤凰卷就未食。出年过年，贺年食品，又多一间选择。
继续阅读
Farewell移民嘅朋友，谂住买啲嘢送俾佢，谂起公司附近有一间好好味嘅曲奇，等佢怀缅下香港滋味。曲奇种类，总共有六至七款口味，同其他唔同，佢系太大块，牛油味适中，松脆适中，觉得好味过连锁面包舖半磅都要$50 ，唔算好平，另外有其他铁盒装可以选择，送俾人应该得体另外，亦有其他中式嘅饼，价格比较相宜，一包大卷都系$25 ，食落几有质感，唔同奇华𠮶啲得个脆字另外试咗黑糖马仔同埋凤凰卷，都算好味，会继续试埋其他产品
继续阅读
合桃酥好松脆，但系唔系好觉有合桃味🤔牛油曲奇都好食，不过相比合桃酥就冇咁松脆，同隔离𠮶间小熊曲奇相比，牛油味冇咁浓同重，同埋都冇咁散，感觉好似健康啲同冇咁有罪恶感（ ？）😂
继续阅读