喜來稀肉 (登龍街)

营业中

休息中

最近追看韓劇，追到好想食韓燒，就約好友去銅鑼灣食「喜來稀肉」，好耐之前已經嚟過，當時覺得水準幾好，而且地點好就腳。我哋今次嚟到，發覺餐廳多咗一個「自助區」可以讓顧客自行選擇幾款泡菜、汁醬、生菜等，好方便，食幾多就夾幾多，減少浪費。食物方面，我哋點咗：招牌「喜來稀肉」、 牛五花、海鮮豬肉泡菜餅、豬肉泡菜湯喜來稀肉: 醃得非常入味, 肉質依然保持在高水準, 份量剛好足夠兩個人吃 牛五花: 帶有醬汁嘅牛五花,肥膏較多, 油份充足, 燒得好香海鮮豬肉泡菜餅:略帶酸的泡菜煎餅很開胃, 一點都不覺得油膩豬肉泡菜湯: 不太辣, 泡菜亦唔酸, 味道唔錯

喜來稀肉都食過幾次有質素保證，今次去港島區分店，地理位置係巴士同地鐵都好易去，係聚會就腳嘅好地方。出面有自助吧，有齊韓式配菜例如泡菜同醃蘿蔔咁，而爐邊蛋有泡菜蛋同芝士蛋兩款。💡牛五花 $158牛五花薄薄一片，燒起嚟最方便，唔洗等太耐就食得。本身醃料都好夠味，可以就咁食都好味。我自己就會包生菜，加埋佢提供嘅泡菜、蒜頭等配料，菜都中和咗油膩感，牛五花嘅油香真係好正！🥩💡牛肋骨肉 $150牛肋骨肉比起另外兩碟比較有咬勁，牛味濃郁，個人覺得可以加黃芥末都幾夾。💡真雪花牛肉 $228雪花牛肉賣相好靚，燒完好軟身又腍，配Wasabi 牛肉鮮味突出，又對油味可以解膩少少。💡牛肉大醬湯叫咗個湯飲下，非常夠味，有海鮮又有牛，仲要熱到冒煙咁上，食到咁上下飲返啖湯呢排做緊推廣，只要like 喜來稀肉嘅社交平台就可以免費拎一杯雪糕作為飯後甜品，烏龍茶味茶香解膩，芒果味最襯夏日清涼。

最近試嘅一間係登龍街好食又抵食嘅韓式燒肉佢可以自助式攞前菜佢個泡菜好明顯就係自家製好好食唔會太辣唔會太酸甜甜地啱晒我口味跟住生菜都係無限拎佢嘅肉類都幾多今次試咗起來喜來燒肉同埋五花腩兩個都是先醃咗所以好好食肉質口感都幾好包埋啲生菜就冇咁漏佢令我最驚喜嘅係佢本身就係有芝士嘅蛋喺個爐側邊一路燒肉等20分鐘就可以食埋佢嘅燒蛋係一個好傳統嘅韓國體驗我覺得佢個西冷都好食嘅不過就記得要攞定啲調味料點燒肉汁會更加入味個豆腐湯就不過不失最好就係最尾仲有維他命C嘅飲品同埋dreyers嘅雪糕作結係一個好圓滿嘅結局同埋啲Staff都幾好不停咁幫你換盤不過燒嘅時候記得要用嗰舊油搽滿晒個盤先燒如果唔係好容易黐底

喜來稀肉空間寬敞，店內設有自助區,可以任意取用各式各樣的泡菜、生菜、黑豆做的前菜和醬汁,非常方便。肉類我們點選了牛肋肉,肉質非常優質👏。店員會幫忙開爐烤肉,煮熟後可以搭配芝士、泡菜爐邊蛋,非常美味。😚除了燒肉,我們還點了韓式冷面、牛肉拌飯和海鮮煎餅作為主菜,全部味道都非常不錯。其中，拌飯的醬汁更可以自行調整,讓人能掌握合適的口味。😎三個人的人均消費不到$200,所以我覺得這家店的性價比非常高,可以說是非常實惠好吃的韓式燒烤店。

來自韓國🇰🇷嘅烤肉店，唔使親身去到韓國，都可以食到當地嘅美食，每張枱都有獨立嘅燒烤爐同埋抽氣系統，所以唔需要擔心油煙味。🫶🏻餐廳設有自取醬料及前菜🥬，前菜有泡菜🌶️、醃蘿蔔、韓式醃青瓜🥒、韓式生菜沙律🥗等等。爐邊更有無限添加嘅芝士&泡菜蛋漿。🥚🐄壹頭牛🐄各位牛魔王，一定唔可以錯過呢個🐄壹頭牛🐄，一個set包左喜來烤肉、牛五花、牛頸、牛肋骨肉、調味牛排骨，令各位花心嘅牛魔王，可以一次過試唔同部位🫶🏻🐷韓式烤豬皮🐷預先醃好嘅豬皮，經過烤爐烤完之後既可入口，個人認為唔需要再另外加任何醬料，完全唔會有豬嘅臊味，香脆嘅外皮，加上滿滿嘅骨膠原😍，必食推介🫶🏻另外，而家只需要like咗佢哋嘅社交平台，就可以📣免費📣有一杯意大利🍦雪糕🍦，食完韓燒之後食一杯冰凍嘅雪糕，簡直係一大享受🥰

📍喜來稀肉有三間分店：旺角、尖沙咀、銅鑼灣今次去銅鑼灣呢一間，要上一樓，空間都幾大平日夜晚都好多人食成個餐廳氣氛都好有去左一轉韓國韓燒感覺入面有自助區，可以自己無限夾泡菜、蘿蔔、幾款涼伴小菜同埋包肉食既生菜泡菜唔會太辣太鹹，幾好食生菜又好新鮮，好爽脆要特別推介護心肉～好鍾意食呢Part，燒完之後肉味好出，又幾爽口👍🏻可以點幾款燒肉汁食或者用生菜包埋泡菜、生蒜頭一齊食食燒肉有另一個重頭戲！就係爐邊蛋🥚😆有兩款：泡菜爐邊蛋同埋芝士爐邊蛋留意返係任添！

講起韓國燒烤，就一定要提「喜來稀肉」，佢係真正嘅韓國過江龍。但原來佢晏晝係有午餐定食，咁就有動機去試吓，試吓真正嘅韓國口味。原來款式仲要唔少有雪濃湯，又有冷麵，今次就試佢哋嘅午餐盒，食我最鍾意Bulgogi，即係韓式烤牛肉。午餐盒包咗伴菜、泡菜、韓國大醬、生菜、湯同埋白飯。除咗可以就咁餸飯，又可以包生菜一齊食。最緊要係個味道非常之好。就算唔係食燒肉都一樣好食。個韓國人伙計服務都非常周到，香港都有好服務嘅餐廳。

當你苦惱緊Happy Friday唔知食咩好嘅話🙈銅鑼灣或者灣仔係一個覓食好地方~而呢排開始鍾意咗食韓國🇰🇷嘢食+不嬲鍾意食肉🥩嘅我，揀咗食韓燒🤣男朋友話佢有排好鍾意去 #喜來稀肉 ，特別推介佢個護心肉❤️.我哋分別叫咗護心肉、韓豚五花肉、真雪花牛肉同埋水冷麵🙌🏻當中覺得護心肉個口感唔錯，不過就要考大家燒嘢食嘅技巧，唔可以overcook，如果唔係就會太乾，影響口感，我哋就燒到一邊有金黃脆邊先會反轉，唔會不斷反佢，防止佢水份流失得咁快💧另外，覺得韓豚五花可以喺夾起前，啲油仲滋滋聲嘅時候加少少鹽，然後加少少韓式辣醬再用生菜包住食👍🏻雪花牛個樣都唔錯，啲雪花幾均勻，厚薄適中✨而水冷麵係我第一次食🤣本身諗住佢係酸嘅我未必鍾意，但係原來食肉+水冷麵係可以咁解膩~感覺就好似喺你食緊邪惡嘢食嘅時候畀自己個胃同埋口腔抖吓🤣正所謂休息是為了食更多嘅肉

我最愛既燒肉飯堂🤍以前有兩款泡菜，依家得番比較受歡迎既喜來泡菜，好彩我都系中意食呢一款多啲😙最愛呢間燒肉既原因系因為佢醬料夠款式多、配菜多，而且鍋邊芝士蛋同泡菜蛋又好食🤤🌸牛護心肉中意食比較有口感啲牛可以簡呢一款～🌸豬五花肥肉既部分雖然唔算多，但系食落好彈牙完全唔鞋，今次覺得佢好食過牛添😋仲有少少軟骨更加有口感。🌸海鮮拉麵海鮮味辛辣麵🤫入面有蝦有青口，食燒肉一定要碗番碗熱辣辣既拉麵先爽⭐️🌸韓式雪花冰新推出產品，一定要留肚食！本身以為細細碗，點知個碗大過個頭。冰底系入口即溶既牛奶冰，表面舖滿黃豆粉、粟米片、紅豆蓉，多左脆脆既口感更加分🤍

呢間韓國人品牌的烤肉🍖🍗非常好吃，而且午餐🍱都好抵食，跟多款韓式前菜，十分開胃😋———————-🐷烤豬肉定食：跟湯及飯，跟多款前菜，配上韓式辣醬點埋烤肉，包住生菜🥬吃，又是另一番風味———————-🐮石鍋牛肉拌飯：差不多吃完還是熱辣辣的石鍋飯🍲，實在吃得十分滋味————————大麥茶：冰冰凍凍的大麥茶，夏日解喝又解油膩的飲品——————-午餐🍱好滋味，韓國人品牌🥰其實開心簡單就在你身邊❤️⋯⋯😋食….拍…寫.. 已經成為我生活中的一部份鍾意食..鍾意拍…鍾意寫..留下美好回憶—————

今日要去到銅鑼灣出差， 心血來潮想食個韓式Lunch. 於是就去左登龍街喜來稀肉食啦。 之前黎過應該未裝修， 而家裝修完， 光猛左， 乾淨左， 感覺好好多。Lunch 可以揀燒肉同定食， 一條友當然簡單定食就算。 揀左牛排骨湯同柚子汽水。牛排骨湯會配飯的， 送到黎重係滾緊， 食嘅時候真係要小心d，唔係燙傷個咀就唔好啦。牛排骨份量多， 牛味香濃， 肉質有筋膜， 非常好食。 牛排骨亦都煮到好軟， 有入口即化感覺。柚子汽水-超多柚子肉， 食完個熱辣辣湯飯， 配一杯冰凍飲品， 食完就要繼續返工啦。

晚上去了銅鑼灣的喜來稀肉吃晚餐。附有圖片的menu 😍檯面滿滿的食物 😍牛五花肉質鮮嫩多汁，口感十分出色。每一口都能感受到牛肉的鮮美滋味。牛肋骨肉搭配著獨特的韓式調味料，讓牛肉更加香濃美味。海鮮拉麵麵條彈牙，湯頭鮮甜，海鮮的鮮味完美融合其中，給人一種滿足感。海鮮豬肉泡菜餅不會很辣，但仍保留了泡菜的獨特風味，非常適合喜歡泡菜口菜但又怕辣的朋友。此外，餐廳還提供了泡菜、生菜和醬料供客人自由取用。你可以隨意搭配這些配料，增添菜品的風味。

喜來稀肉我幾年前係尖沙咀食過，記憶中氣氛好唔錯，而且有幾位韓國員工，感覺幾正宗。事隔幾年試第二間分店，今次係提早同呀媽慶祝母親節，帶左佢去銅鑼灣分店。呢到既前菜係自助任拎既，泡菜都有2款：一款係酸泡菜，另一款係喜來既自家泡菜，食落辣啲。仲有醃青瓜洋蔥、醃蘿蔔、沙律、生菜藍、蒜頭同各款醬料。另有2款爐邊蛋：一款芝士，一款係泡菜。建議芝士同泡菜落多啲會好味啲。當晚主要食燒肉，嗌左一款豬，二款牛，全部自己燒，狂包生菜食，食到最後捧住肚仔走人🤰🏻呢到既價錢同野食份量合理，人均二百幾蚊，而且味道又唔錯，可以再訪🙂豬護心肉 $158即係豬橫膈膜同肝之間既肌肉肌腱部分，屬於珍貴部位，無乜油脂食落柔軟而多筋。牛護心肉 $160牛既橫隔膜，略帶油花，肉質軟腍，肉味濃郁。牛舌 $158有十幾塊薄切牛舌，塊塊爽口。

銅鑼灣嘅喜來稀肉我已經支持咗佢哋好多年，正宗嘅韓燒氣氛仲有自助配菜任食真係好吸引💗▫️牛護心肉 🐮$160牛護心肉輕輕以椒鹽調味，油脂分布細膩之餘肉質細嫩，輕輕快速烤一烤已經好好味！▫️肉眼 🥩 $158肉眼扒份量超足，鮮烤至表面半熟，再快速把牛扒剪開輕烤側邊，完美把肉汁鎖於扒內💓▫️真雪花牛肉🐄 $238最值得推介嘅一款！完美嘅雲石油脂分布，厚度適中，不用調味料已經能品嚐到濃濃嘅牛肉味！值得一提佢哋嘅配菜真係好出色，又多選擇！最鍾意佢哋嘅泡菜同埋醃青瓜，仲有生菜任拎包住牛肉食，減輕罪惡感一流！喜來稀肉嘅另一特色係燒烤館旁邊會免費提供芝士味及泡菜味烤雞蛋，燒肉燒至尾聲雞蛋就剛剛煮好，好味又滿足！💬 環境氣氛一流嘅餐廳，香港韓式燒肉界嚟講算係最出名同出色嘅一間，好適合情侶拍拖或者朋友聚會💕I've been a loyal supporter of Joy Hing Roast in Causeway Bay for many years. Their authentic Korean BBQ atmosphere and self-service side dishes are really

老細話近日工作繁忙，用咗佢好多腦汁～🫣🤯所以今晚同佢食返啲高蛋白質，補補腦～韓式燒肉絕對係首選！！呢間係連鎖店，之前都有食過～佢個豬皮簡直係一絕！！必食豬皮豬皮：今日mvp！！彈牙！爽口！最緊要夠厚～一啖入口～滿滿的骨膠原！食完齒頰留香！🥰😍👍🏻豬護心肉：肉味香濃，夠曬肉汁，燒出嚟肉質好軟熟！好味！喜來烤肉：上次食套餐嘅時候已經試過，淨係知佢係牛肉，唔知係乜嘢部位，但係偏偏佢嘅肉質又非常好，十分之淋，十分之有肉汁，一啲都唔韌！所以今次一定要再食！海鮮拉麵：澱粉控嘅我…點都要食返碗麵嘅～辛辣麵底配上一隻大蝦同三粒青口當然有保證啦！柚子檸檬梳打：大大杯～配燒肉真係好夾！有自助前菜：泡菜、酸瓜、酸蘿蔔…仲有新鮮生菜，用嚟包肉先算係韓式烤肉嘛！！差唔多食完先望到張套餐menu～原來仲有醬油蟹set：兩隻醬油蟹、六件帶子、七件三文魚～先至$50？！超抵食！！下次一定要嚟食！！美味指數：😋😋😋😋😋人均消費：290