影片
今次我打卡食乐城，行到饱时遇见了这间好评如潮嘅喇沙专门店。当天，我拣了一个煎猪扒喇沙。猪扒煎得啱啱好，外皮微脆，啖啖肉，咁juicy嘅肉质真系要赞一赞👍！喇沙汤口感幼滑，椰奶香甜夹带咗少少辣，几劲呀！加上辣度可以另外加，真喺食客友善。面条系手工𠮶种，Q弹得滞，唔会太过腍。佢地嘅料理做法都几细心，料丰富得嚟，汤底味道重又唔会腻，真系正到我食唔停口！就连平日唔咁钟意食辣嘅朋友都话，个辣味咬合得刚刚好，令到成碗面都唔觉得闷。而家食完都觉得口里边好似仲停留紧𠮶种椰香同麻辣感，感觉好满足，好过瘾🍜！总之，呢间店嘅喇沙经济实惠，味道又一流，喺西九龙中心算系揾食嘅好选择，下次我一定会再黎光顾架啦😊！
继续阅读
试过好多间喇沙(唔包括几间排大队既网红店)，唯独是得呢度系满足到我对椰香味既要求...星期日一支公lunch，成年无帮衬，就的起心肝搭半个钟巴士黎买个外卖；担心小店生意唔好会执，所以临走时口多问一起生意o唔ok，老板虽然覆我还可以，但另一个恶号系，做到12月中约满就会结业。再追问系咪relocate，但唔系搬，所以唔会再开...无再追问原因喇...总之要食的话，大家就把握呢个半月既尾班车。讲番个喇沙，因为我专登加底想食多d(加5蚊系良心过好多粉面店)，但由于外卖，个碗系得咁大，加左粉就未必够位加咁多汤，加上搭半个钟巴士番屋企，米线又吸汤，所以番到去，基本上得番个底既两啖汤。所以如果大家外卖加底，考虑下问老板再加外卖盒钱分汤。汤就无退步到，米线都系我钟意既口感，唔会太过淋，而牛脷都系无臊味，食到本身牛脷既香味，无加其他调味，够淋。BTW，大家要食就衬早...12月中好快到，无几多时间
继续阅读
深水埗嘅food court有好多唔同类型嘅特色餐厅，每间睇落都好吸引。今次选咗喇沙专门店呢间餐厅，我企喺远远嘅地方就畀佢个醒神黄色招牌吸引住喇 😛😛😁我叫咗一个猪扒喇沙面，喇沙汤底好香好浓，但唔会过咸。椰香味浓，令汤底饮落好舒服，而且唔会好辣，只系轻轻少少辣啫。豆卜完美吸收咗喇沙汤底嘅汤汁，每一啖食落去都食到好重嘅椰香味。猪扒食落都好嫩滑，老板仲帮手切开咗做几小块，咁就可以好轻易食到喇😋😋😋😁👍🏻跟餐仲包咗一盒纸包饮品，都系50蚊，都几抵㗎😆😆🤤
继续阅读
天气湿湿地，食辣嘢祛湿是常识吧🤣一于食位于平民food court中嘅牛脷喇沙汤面！！入面有三大片厚切牛脷，预先煎香过，好香口，软腍度刚好！入边嘅豆卜索晒啲汤，每啖都食到惹味喇沙浓汤。汤底好重椰香味，唔会太辣，辣到差唔多系谭仔10小辣。豆卜同面份量面量都多，够晒一个男人食。另一加分位系芫荽、辣椒同葱系自己任加嘅，可以自制劲辣重茜喇沙汤都得🤪🤪喇沙汤面附送纸包或罐装饮品，$50 食到厚切牛脷绝对抵食！！
继续阅读
系89美食既9叔度买左半只口水鸡,再系喇沙专门店买症个牛舌喇沙返去同同事开心share.因为怕两份分会唔够食,于是叫喇沙仔帮我加底XDDD跟住我仲贪心地狂加芫荽XDDDD虽然系运送既过程有D捩弃,d喇沙汤又漏左出黎,口水鸡个碗盖又松左,差d 搞到一袋都系汁,但最后都安全到达XD 牛舌喇沙,配料有豆卜,芽菜,鸡蛋,配埋香浓喇沙汤底.正呀.同事试左啖喇沙汤底就系咁话好味,话好香虾汤味,话d 汤再多d 就更好啦,咁加左底汤更系少左啦XD佢话下次要自己食一碗仲要多汤㖞~
继续阅读