喀什米爾咖喱屋

营业中

休息中

本身就幾鍾意食薄餅, 所以對薄餅係有d要求. 佢新開時候, 好快就留意到, 見佢裝修簡陋, 仲以為係d短期租約, 點知到依家都仲係度wo.好耐之前就已經試過芝士薄餅$10啦, 但感覺就麻麻. 佢d薄餅係一早整定, 買時候係塊煎pan度翻熱一下. 其實一早整定除唔新鮮之外, 我仲覺得好污糟lor, 因為舖頭面對住條大街, 好多車係門口經過, 好大塵, 而且只係"係咁二"翻熱下, 一d都無新鮮時鬆脆, 多油就預ga la. 食落心又唔熱, 仲見到中間仲係麵粉,根本就未熟. 芝士味又唔重唔濃. 只可以話十蚊好大件下, 抵食夾大件, 所以好多人排隊lor.

本人本身喜歡食咖哩, 星期六放工後去深水步食lunch, 上openrice發現此食店, 故到此一試!去到見到此店是喀什米爾的當地人駐守,心想一定正宗! 又見鋪面有做外賣, 而且都keep住有人買薄餅, 應該味道都唔錯!見入面有位, 故入內叫了薯仔雜豆咖哩套餐($30), 跟薄餅及奶茶! 另外, 再叫一份香蕉薄餅及印度咖哩角!咖哩味濃, 夠熱, 點薄餅食一流, 但略嫌汁少, 只剛夠薄餅點, 若想再回味, 叫多一塊薄餅都唔夠汁點!奶茶唔錯, 唔似港式奶茶, 因未飲過印度奶茶, 故不知是不是印度奶茶, 但飲到最後有好多黑色一點點的茶渣!香蕉薄餅($10) 簡直一絕, 好味到不得了!! 原來煮熱了的香蕉是如此好味的, 一上枱己蕉香撲鼻, 下次路過也要再試!值得一提, 眼見餐牌內的咖哩角$10 3隻, 但店內張貼的就$10 2隻, 心想既然想食就點啦, 不理幾錢了, 點知落單時, 店員反問我們要$10 3隻的, 還是$10 2隻, 那我便問他有任分別, 原來$10 3隻的是港式咖哩角, $10 2隻的是印度咖哩角, 都幾攪笑! 既然來到, 無理由叫港式的吧, 所以叫了印度咖哩角, 上碟時咖哩角

朋友推介故昨天同bf來試吓, 經過見到裝修好簡陋, 門口有4位外藉人士叫賣薄餅同煮緊一些咖喱類食品.有十多個坐位, 電視當然播著印度電影, 叫了套餐:咖喱雞跟飯, 一客咖喱羊肉跟薄餅, 另加一客菠蘿薄餅, waiter 也是外藉人士, 識廣東話, 落單靠記不用寫, 故此見到隔離枱話漏單, 我們也不能幸免, 菠蘿薄餅最終沒有來. 咖喱雞沒有雞味, 好像煮熟才放進咖喱汁內, 汁也很稀沒有香味, 白飯不錯. 咖喱羊很好, 有羊味又夠so, 咖喱汁香濃, 薄餅外層香脆內層不夠熟, 好像吃半生熟面粉團, 外賣牛肉薄餅及吞拿魚薄餅俾家人試下, 但他們也說不內層不夠熟及分不開那件是牛肉那件是吞拿魚, 結果吃了一半便冇人吃了!!套餐$30包飲品, 拉茶有茶味又夠滑, 也可以選擇盒裝或罐裝汽水, 薄餅$5-$15, 抵食夾大件, 惜內層不夠熟! 及門外玻璃盒放了很多薄餅, 感覺不夠新鮮, 坐位也有些薄餅碎, 實在很多地方需要改善呢!

早兩日同朋友晚飯後路過此店,朋友推介榴槤薄餅勁好食,唯胃部實在再無力消化,改期今日去試.自問食過多次印度野再加報紙雜誌,都未見過印度薄餅有榴槤味,滿記既就食得多!!初初諗住攞走食,見入面無乜人又幾骨子,就決定入去坐低feel下,話好好坐就唔講得,不過空氣流通又有電視,亦都無異味.件餅送到,d榴槤香味已"爸爸"聲湧上,食落個皮薄煙un有咬口,Curry-in-a-hurry個隻,料分佈平均,一句講晒"正"!!好榴槤者必定鍾意.仲有如果想香口d就記住叫佢煎燶小小啦!

很少吃印度烤餅, 感覺好新鮮、好特別。食店主要供應印度薄餅外賣, 店內也有廿來個座位。起初還擔心言語溝通不來。不過店員拿來一張餐牌，指指點點之下也能夠點菜，原來店員也會說/聽少少廣東話。點了咖喱羊肉套餐和一碟芝士薄餅（套餐是一份咖喱配薄餅或飯），很快便上菜。先是咖喱羊肉，然後後薄餅。即煎的芝士薄餅，端上來的時候熱辣辣的！大概是很少吃印度薄餅的關係，撕薄餅的動作十分生硬和論盡。反觀另一台食客，看上去像是中東或是印度人，大手大手地撕，吃得津津有味。咖喱羊肉羶味不重，咖喱也不太辣，可能是為了迎合大眾口味而調校了配方。每款薄餅只售十元（兩塊），抵食！

4月7日18:30吃過水餃後，便到黃金和鴨記走了一圈。離開前到這裡來份咖哩牛肉薄餅。咖哩牛肉薄餅：餅薄而帶甜味，不會太油。咖哩牛肉香而不會太辣，還混入了幾顆熟透了，帶有澱粉質獨特甜味的青豆。店小而整潔，裝修簡單而有風味，放著印、巴音輕音樂，檯邊和屋角線都畫上了印、巴圖案。店員有禮而面帶笑容，其中一兩位還操溜利廣東話。堂食的客人不多，但等外賣的人不少。題外話：臨離開時聽到了熟悉音樂，播出了印巴版FIVE HUNDRED MILES ^m^