影片
营业时间
今日营业
11:30 - 23:00
星期一至日
11:30 - 23:00
以上资料只供参考，请与餐厅确认详情
食家推介
羊肉咖喱-羊肉一啲都唔骚。虽然细细碗但系全部都系肉。冇薯仔。多咖喱汁。牛油鸡咖喱-乳酪浓郁，鸡肉免费变左做chicken tandoori，正。附近一带地道咖喱美食。难得。
继续阅读
我都帮衬左2年，琴晚买左咖哩羊，奶油鸡，炒饭，薄饼，牛肉卷返屋企食，食饱半个钟之后肚胀，济济地咁，再过多几个字手脚无力，发冷，想呕，如事者再过多一阵顶唔顺，冲左去厕所呕左一转，抖左一阵，又一路揽住个垃圾桶呕一路屙水。惊了，唔敢再食，唔知有无人同我一样有屙呕呢？宜家系零晨4点几肚痛醒，一路屙一路分享，唔想有下一个人同我一样贴钱买难受，谂紧唔知系咪佢厨房污糟而令到啲食物食左之后急性肠胃炎，真系好辛苦，唔会有下次！
继续阅读
作为香港人我哋嘅煮食主要都系食米，但生活上有阵时都想食吓其他嘅，今日我就选择咗食薄饼，呢一间位于深水埗嘅𠸉什米尔咖喱屋我已经食过好多次，对佢嘅质素亦都有保证。可以特别讲一讲𠸉什米尔其实喺地图上已经系被消失嘅国家，主要比印度巴基斯坦同埋中国瓜分咗。而呢一间出品嘅咖喱我觉得个口感偏向印度，纯香料调味多蔬菜碎。当然啦佢都系一个回教嘅国家，所以你唔好谂住可以喺度食到猪肉，主要嘅肉类都系鸡羊牛。而我今日就点咗咖喱羊肉薄饼，如果唔爱薄饼嘅朋友可以叫饭都冇问题，薄饼佢会比两块唔需要额外配都够饱，羊肉份量好足够，另外因为好肚饿，所以我叫多份牛肉卷，饮品我选择咗印度奶茶，佢哋嘅咖喱香料落得好足，味道唔会太过辛辣适合一般大众，始终系当地人开嘅餐厅出嚟个质素都有返咁上下，牛肉卷里面有好多嘅杂菜，食嘅时候加埋咖喱酱完美嘅配搭，至于印度奶茶只可以讲可以一试，毕竟我哋茶餐厅嘅奶茶已经饮到我哋个嘴刁，如果真系要叫嘅时候，记得要叫少甜，总的嚟讲，我会比80分
继续阅读
落单之后5分钟送到🫢但个咖喱又真系热架㖞😳Curry lamb有成7-8块羊，好抵食，完全冇嚡🤩不过偏咸🙈层次唔算好多，算系中辣，质地似系偏巴基斯坦嘅咖喱Paratha又系好大方咁比左8块😳好啱我口味🤩淡淡嘅麦味虽然唔算好条条分明，但佢唔系好油🤩Beef samosa🌚🌚唔钟意😕微温，皮有啲浆口😕重点系啲馅有啲怪味😨😨唔识讲🙈同埋好咸😕😕Indian tea🌚好甜，无乜茶同香料味😕
继续阅读
又是我们俩口子的咖喱时间了。而且，渐渐地，我们发现，深水埗既咖喱餐厅，虽然未必间间都坐得舒服，而且又好大排档 feel，但胜在是又平又抵食。搞到我地两个，除为了找全是素食的印巴餐厅之外，我们都是以深水埗一带既 Curry House 为首选了。这一次，我们来拜访这时常出现在我们眼前，但又从未入过去的《喀什米尔咖喱屋》一试。呢一间，就的确系好大排档 feel 啦。经常过门而不入的原因，就是因为这儿真系太过大排档，什么都放在门口，令我们以为这店没有堂食。有次，太太路过买咖喱角时，细心看见到店内的确系有几张台可以堂食的啊。于是，在某一天，我同太太二人来到深水埗时，就决定入来此小店，试下这儿的咖喱。我同我太太最喜爱的南亚小食，薯仔咖喱角 (Samosa)，绝对是第一位。酥香的脆皮已经是非常之吸引。饀只是单纯的薯蓉同青豆，内含咖喱粉所以吃入口时有点点的辣，亦因为有咖喱香料在内，味道非常之香，热辣辣地吃一个，香辣感十足。太太食咖喱角已经够，所以我只点了一个咖喱餐。我点的是羊肉咖哩 (Mutton )。这儿的咖喱，比起其他地方的跟餐咖喱更浓香。单看色水，就知道这咖喱多放了香料，再者，配合了羊肉，味道更加之浓香。跟餐是伴以一个炒饭的，吃起来，味道更浓香。单试饭是不够的，因为咖喱配包才是皇道。也许是根据不同地区饮食文化的关系，店员极力推介给我们的，是 Lachacha Paratha 油酥烤饼。这烤饼，入口时，烟韧感丰富，太太不沾汁食，味道酥香。我就沾上了咖喱汁，再夹一旧羊肉一起放入口，浓浓香香的咖喱羊，配合了酥香烟韧的烤饼，好味到难以用文字去形容。跟餐的印度炒饭 Biryani 也是非常出色的。首先，店方真系用上了印度米去炒，饭质一丝丝的，炒饭就是要这一种粒粒分明的口感。我加了咖喱汁同羊肉一起去吃，米香，肉香，咖喱香，一啖过，十分之可口。最后，是我们的餐后饮品。我同太太都要了印度奶茶。望后去，同香港的奶茶分别不大。但饮落口，就 feel 到此茶加了南亚的香料在内。比较之下，我更喜欢更香，味道带少少 spicy 的 masala tea。食物质素唔错，味道当然也不错。只是用餐既环境就真系大排档左少少。剔除呢一个因素，整体上，是吃得开心的。此外，suprise 地，当日同场用餐的，全是年青貌美的大学女生。
继续阅读