唯壹肥仔茶餐廳

营业中

休息中

呢間既公司三文治係我食過最好食既！好驚喜既係佢既鹹牛肉煎蛋同午餐肉都係厚切既！我老公本身吾係太中意食菜，呢個三文治嘅菜都比較少😂所以佢都大讚！好吾好味見仁見智，但我就覺得勁好味！

呢間茶餐廳。 雖然交通唔算方便，鄰近錦田市中心，但佢門口就有好多自己嘅專屬車位。 所以去到都實，可以泊車。餐廳分開兩小間， 裝修有點舊 同一般舊式茶餐廳差不多， 服務態度一般， 餐牌種類算幾多，亦有各式套餐。價錢偏貴，但如果可以免費泊車， 計落價錢還算合理。我上次叫了一個菜遠排骨炒河加凍檸茶。排骨多， 鑊氣夠， 個汁亦恰到好處， 凍檸茶味道正常。埋單接近70蚊，屬於有點偏貴。

去咗元朗探朋友聽朋友介紹之下嚟咗呢度食下午茶聽講呢度嘅海南雞飯非常之出名，所以我哋都叫咗一份海南雞飯銀芽肉絲炒麵同埋兩個小食海南雞飯真係呢一度嘅招牌菜佢哋嘅雞係非常嫩滑 好鬼好食，令人一食愛上銀芽肉絲炒麵炸到非常脆 食落去聽到啲聲好過癮 唯一熱狗配薯角熱狗嘅精華就係酸菜裏面 酸酸甜甜好開胃沙嗲牛肉熱狗超足料 沙嗲味超香，又唔算太過濃味 所以鍾意食沙嗲牛肉，但係又怕太鹹太重味嘅話呢一個就啱晒啦總括嚟講呢度食嘢都唔錯㗎

睇小紅書介紹就同老公揸車過去食午餐，兜左兩次都錯過左入口，所以一定要慢駛，唔係好容易會錯過。泊車位頗多。茶餐廳有戶外座位但比較窄，我地選擇入內座，反正不吸煙。兩個人叫左一個午餐A,即海南雞飯，一個銀芽肉絲抄麵，兩杯凍飲，成為134蚊，價錢合理。海南雞飯賣相一般，可能係用膠碗載的緣故吧，雞滑但我覺得有雪味，醬汁太細碟但味道都幾好。銀芽肉絲抄麵無論賣相及味道都好正呀，啲麵炸到裏裏外外都鬆脆，配以瘦肉絲同草菇再加玻璃芡，味道好夾，食到不能罷口😂下次會約埋幾個朋友再去此店食晚飯私房菜。

其實呢間嘢不嬲食物質素都幾好㗎，但係嗰日星期六去，炒飯 45min 催左兩次都未到當時係一點幾 場面50%客左右 勁多姐姐 絕對唔係人手唔夠然後趕時間逼住埋單走 諗住佢取消咗我個飯，然之後淨係計我嘢飲錢同我朋友飯錢都OK嘅，咁咪下次再嚟食過囉但佢竟然仲好意思收我剩飲雙計，完全冇歉意，不過既然佢都好意思收，咁我都唔介意俾嘅，雖然預咗茶餐廳係咁㗎啦，但冇諗過態度咁差但係公道講句要45分鐘整出嚟嘅炒飯應該好好食㗎最衰我冇機會食😋😋

有車位泊幾驚喜一入黎仲要有姐姐問你 要吾要飲湯阿？？係蕃茄薯仔湯阿 都幾好飲🤭🤭奶奶話 個海哲好彈牙🤭🤭本身諗住食吾哂 拎膠袋出黎包走但係實在太好味 所以一粒米都冇剩個蔥味豉油都幾好食 但有少少辣飯係珍珠米 好香雞油味沙律好新鮮雞都幾嫰滑配埋雞油飯食成個口腔滿滿雞油香個青瓜仲要係有醃好有心思個人認為如果有汁點d雞會更加好只能夠偷老公個餐d醬黎點我既雞絲😂不過都幾開心個湯底係清雞湯配埋d米線好易入口所有凍飲加三蚊*依個餐廳令我驚喜既地方除左係食物價錢ok真係佢個車位因為錦田近西鐵車位真係行幾遠先去到食野依間餐廳對於有車既人士 真係一流🤭假日享受家庭樂 開心🌺

去到一坐低嗌咗兩樣嘢海南雞米粉加熱杏霜，豬膶公仔麵加凍檸茶，點知第一杯嚟嘅嘢係熱檸水，樓面即刻同我哋換返，咁冇嘢啦，跟住海南雞嚟咗，但係嗰米粉就冇嚟到，都唔緊要，好啦，我諗住自己嗌豬潤麵，係要等耐少少嘅，嚟到碗豬膶麵食第一啖個公仔麵仲硬嘅，我即刻想講粗口，原本諗住叫佢煮過另一個就算，點知廚房話要叫樓面攞返碗麵入去再煮過，又話我要個麵冧啲，我由頭到尾都係叫佢煮過另外一個正常嘅公仔麵俾我，簡簡單單整一個煮3分鐘嘅公仔麵俾我，又比說話我聽又話要計時又乜，嚟到呢度我已經完全唔想再食嘢，慶幸地佢同我取消呢個九唔搭八嘅豬膶麵，講真連公仔麵都唔識煮真係搞唔掂。以後唔會再幫襯

Lunch time叫左個招牌海南雞set，六十蚊包熱飲。錦田既物價黎講性價比就比較低。份量又唔算太多。海南雞配油飯，不過佢個油飯既椰汁好似就落重手啦，椰味太重。而且啲飯都濕到有啲痴埋一舊舊，口感就麻麻。雞肥瘦適中，味道不錯肉質係嫩口既，雞皮又幾爽口，唔算差最出色係個醬汁，辣辣地又夠味，仲有啲蒜香味，個醬汁真係令個雞既味道上左一個層次配菜真係可以唔洗食，個青瓜真係酸到以為佢落左成枝醋去醃製總括黎講$60都值得試一試

1.凍檸茶-第一啖飲以經飲到有好大既溢味🥲2.凍檸水-第一啖飲以經飲到生水味😒3.凍華田-無味既4.炸雞脾可以炸到燶晒,又實又硬🤨最後只能食入面小許既肉🙄究竟點樣可以做到客人不停投訴,但啲樓面繼續無視當聽唔到...咁既態度仲叫人點幫襯呀？！定係生意好到唔優做？

住咗呢區咁耐，第一次過嚟食。地點屈咗入內街，唔係咁覺眼，不過值得一試。海南雞好味，夠滑，入味。加8蚊可以轉咗脾，抵啦！配菜都唔少，比出面嘅多好多。值得讚！但有三點我覺得老闆要留意。第一，跟白飯！海南雞專門店竟然跟白飯！！！第二，啲雞有一半都未斬開晒。師傅，求其咗啲喎。第三，間野環境好嘛嘛。冷氣唔夠熱，仲要好多烏蠅飛嚟飛去。我屋企人叫咗豬扒飯食。豬扒好唔錯，好霖。下次可以食佢。總結：野食好味，下次我會買淨雞外賣。

海南雞質素唔錯，價錢$55嘅下午茶餐，海南雞份量算多，每件雞肉都見到皮與肉中間嘅啫喱，雞肉嫩滑，再配埋酸青瓜作伴碟前菜非常開胃，每份海南雞配上三色醬汁，完全正宗做法👍🏼👍🏼我最喜歡點酸辣汁，味道醒神🥳豬潤麵朋友點的豬膶麵賣相唔錯👍🏼仲可以配多士或者炸薯條🍟炸薯條脆口，薯條係茶餐廳嘅粗薯條，雖然熱氣但係會忍唔住口🤭如果餐廳可以配杯靚咖啡，咁就更加完美餐廳仲有戶外位置，大小狗一齊食個下午茶都冇問題👍🏼

原來錦田都有好味既海南雞wo是晚唔想煮飯既關係，出左去錦田市中心搵野食。見到呢間餐廳主打海南雞，我搬左黎幾年都無食過佢！一於就去會會佢個海南雞啦❤️😍。2個人食唔得多，叫一份例牌海南雞 + 一份魚香茄子煲。同其他一餐廳一樣都係先上例湯，呢度嘅例湯幾好，冇乜味精👍。海南雞雖然只嗌左例牌，估唔到都幾大份下，去骨去得夠晒乾淨，啖啖肉，而且肉質鮮嫩，好香雞味，食得出係心機之作。至於魚香茄子煲我就覺得不過不失啦，茄子處理得係唔錯嘅，仲保持港紫色嘅外皮，望落好靚好有食慾，肉碎好多，亦好香口，送飯一流既，但唯一覺得美中不足既係無咸魚🥲， 少咗浸鹹香味，硬係覺得爭咁啲。🤣🤣

朝早去左試下佢d 早餐岩岩坐落枱都唔幫你抺下等左40分鐘d野食都未黎 遲過我黎既食客都食完走得 明明遲過我落單野食都好快黎追左兩次單先話我知入面太亂冇落到單 之後又再等左成廿分鐘先有杯野飲前後成個鐘先黎仲要去錯枱 黎到野食都唔係好熱等左成個錯都見到外賣客等左好耐都未冇野食另外我一開始另外叫既外賣都等左好耐先黎已經提左佢一次佢落錯做堂食但之後都仲要堂食咁上又多烏蠅強烈建議附近幾間茶餐廳有開的話 去食個d好過 廢事開開心心早起身食早餐 變食午餐

由作為同址舊食客，到今日坐低新店內。少少陌生，多多驚喜。環境充滿活力，用上雞蛋黃色作為主題，配合海南雞主題，感覺好似去咗海南島一樣。食物質素令人期待😚，一個夠有鄉村茶餐廳嘅本土氣息😍