影片
以上资料只供参考，请与餐厅确认详情
相关文章
啱啱落机，唔知食乜。机场啲餐厅都好鬼贵，而家香港啲服务态度又差，真系冇兴趣食啲乜! 周围行下，遗留咗呢间唐记，性价比高，又可以食啲香港嘢! 一于帮衬! 点咗个咖喱鸡饭辣到飞起，净系得个辣字咖喱就冇乜味! 大热天时，谂住点返个冻甜品食，点知好多甜品都冇冻! 唯有点只得一款拣嘅雪耳糖水，价钱唔贵，好似22蚊，但系品质都一般，料都几足嘅其实。只系个糖水好杰。饭一个胶袋，甜品一个胶袋，真系好唔环保。我话唔要甜品胶袋，收银就同我讲，话热饭一个胶袋、冻甜品一个，唔想一个冻一个热放埋一齐。佢系讲得啱，但系态度语气可以好少少。加上，其实佢都唔使咁多解释，帮我收翻个胶袋咪得啰。喺机场工作，俾多啲笑容，系好紧要
继续阅读
好耐冇嚟机场， 行到接机大堂尽头见到个大屏幕几吸睛， 设有座位和小枱，感觉几舒服。 原来旁边有小食店，其中一间就系唐记包点。立即睇下有乜嘢食 基本上同其他分店差唔多 但就有个“小食拼盘”几吸引， 包括肠粉、蛋鱼、烧卖、鱼蛋粉果等等， 仲有齐豉油甜酱麻酱辣酱，＄33机场算合理。立即买返个试下，味道不错酱料充足 ，份量畀我想像中多， 真系可以食得饱， 旁边座椅舒适， 冇谂过喺香港机场都可以食到呢啲香港小食 ，感觉几特别 ，下次到机场大家可以试下。我就自己买多支黑芝麻豆浆， 喜欢佢不太甜，满足。
继续阅读
香港国际机场内餐厅一般都偏多为中高价位，除左麦记外都无太多选择，对于经常出行嘅我，比较在意淀粉质及蛋白质的份量。而呢间系香港机场入面算系抵食嘅外卖店，份量及价钱黎讲性价比好高，可以话机场最平食店都唔过份。今次买左个北菇滑鸡饭，姐姐会问要不要配菜及鼓油，除左有蒸饭选择外，蒸包及点心类的款式都跟市区分店相约。可惜不设堂食，但买完可以在对出公众休息区享用，如果想用实惠价钱系香港机场拣快餐的话，呢间系填肚首选👍
继续阅读
喺唐记包点机场店买嘢食，完全系受罪，服务态度劲差，点餐时已经好似全世界得罪咗佢咁，其实唔想做可以唔做，真系以后都唔会再帮衬。完全唔敢想像如果系旅客比佢咁既态度对待会点谂香港，影衰哂香港。
继续阅读