唐記包點 (愛民上邨)

营业中

休息中

依家每日兩款蒸飯做$20優惠個人認為好抵食試過有排骨飯、鳳爪排骨飯、肉餅飯、北菇雞飯另外可以多菜多豉油大大盒飽肚味道同酒樓差不多學生哥最啱不過就算冇$20優惠呢間平均蒸飯都比出面平多數$24連糯米雞都係$24(個人最愛)

早排喺公司附近地鐵站的唐記打包咗個糯米雞比屋企人獲一致好評後，今日假期唔想煮飯，便再來到屋企附近的分店買外賣比屋企人做晚餐。週末晚餐時段，這間位於愛民邨的分店人頭湧湧，長期都有三四個人排緊隊。睇真啲，原來屋邨內的分店比起地鐵站內的分店多咗許多優惠，如標準價$27的足料糯米雞和各款蒸飯呢度只需要$24，各款蒸包同點心亦平過出面$1-$2左右，而飯同點心還有優惠套餐，非常抵食。見到呢度亦有提供地鐵站分店沒有的香煎包點，每件只要$4.5，竟然比蒸包還要便宜小小，便買了牛肉包、韭菜包、鍋貼、蔥油餅。想不到煎包都相當有水準，不會油膩，餡料豐富。另外當然還有每次必食的糯米雞，鹹魚肉餅蒸飯。驚喜地發現原來這裡的蒸飯大份過地鐵站分店許多，是用飯盒裝，飯的份量足有一碟，還多了小許蔬菜。還買了咖喱魚蛋同埋馬拉糕做小食，馬拉糕甚有茶樓的水準。唐記絕對是方便好味兼抵食的首選👍🏻

何文田唐記唐記係我經常光顧的外賣店之一，無論係飯、點心、粥定中式包，都總有得揀，早餐，午餐定生病時要食粥都非常方便。皮蛋瘦肉粥16個盒係我自己帶，粥底綿滑，啖啖都有瘦肉，唔會剩係得粥水，隻皮蛋仲好大隻tim咖哩雞飯29飯同餸分開上，呢樣抵讚。個餸有雞有薯仔，雞件都幾入味。最重要係合飯夠大碗，一個大男人都夠飽。另外又叫左份1人套餐，有蒸飯有點心同茶。一人套餐38 雞蛋牛肉飯 燒賣 烏龍茶雞蛋牛肉飯牛肉係山竹牛肉，雞蛋煎燶邊之餘仲係流心tim, 絕對有誠意。最後叫左16蚊3個蒸包，下午茶食就arm晒香菇雞包有菇有雞，啖啖肉糯米卷 大大件，仲奶皇包 個咸超正，熱辣辣。

有時食得太熱氣 都想試下食得無咁熱氣 夜晚經過唐記包點 發現佢新出左啲飯 就去試下👉🏻肉燥飯 $23肉燥同飯係分開 👍🏻肉燥感覺上同出面60-70蚊食嘅差唔多 飯夠乾身 唔會太淋 撈埋一齊唔會輸比出面餐廳啲肉燥飯😋👉🏻豬軟骨飯$23豬軟骨夠淋身 而且醃都好入味🥰份量都算多同出邊茶餐廳嘅有得揮🤩👉🏻生煎牛肉包 $4.5食落無咩大問題 係有啲凍 可能係擺得有啲耐 但係個餡都好好食 牛肉嘅餡料好多😋 一咬開就跌晒出嚟 而且味道唔會太咸 比一般茶樓嗰啲已經好好多👍🏻👉🏻咖喱魚蛋$10/8粒唐記出咗蒸腸粉、燒賣同魚蛋魚蛋索左唔少咖哩味好夠味 好入味 同七仔嘅差唔多 咖喱汁超正‼️😍👉🏻煎鍋貼 $4.5睇落似煎餃子🤣 食落都幾好食 都係4.5一隻 幾抵食 大大隻😳👉🏻港式奶茶 $12新出左新野飲 就試下 呢個奶茶偏重茶味☕️唔會好甜 名副其實嘅港式奶茶🤣.Total都係用左100蚊左右 都食到好飽 感覺上比出面食茶餐廳健康啲同平好多 下之會試下咖哩雞肉👍🏻

做完劇烈運動特別肚餓, 想找找填得飽的東西吃, 友人提議吃盅頭飯, 原來他已有主意, 行到去唐記包點其實屋企地鐵站也有亦時常食, 不知道是否肚餓, 今天覺得特別好吃只是$24的鳳爪排骨飯, 鳳爪夠林, 排骨多又唔太肥有肉吃, 飯份量足亦口感豐富, 不會太濕剛剛好同時亦買了一碟金錢肚, 金錢肚入味又易啖易食, 在底的蘿蔔入晒味, $16有得食大點的公錢肚實在太抵吃到比錢時原來仲有一人套餐, 我的ORDER剛好是蒸飯+點心, 只須$38仲有一盒烏龍茶送, 真的不得了... 其實唔為錢(平), 中式蒸飯點心填肚我都極之滿足!!

屋村鋪堅抵! 一樣係唐記仲會有優惠價益街坊, 做完義工買我心愛平靚正蒸飯同點心返屋企食！大大盒鳳爪排骨飯先$24, 再加埋雞札$17; 見到咁多其他飽點咁, 又叫多個$10的魚肉燒賣... 2隻鳳爪同排骨份量都正常, 我估食量細D既可分2餐食; 雞札大大件, 包左魚肚, 豬肚, 雞肉和芋頭, 足晒料! 魚肉燒賣就普通正常, 分開用盒包裝唔會撈唔同既味同汁一齊咁食法又唔駛茶介加一, 大眾普遍都會好岩食!另見佢出左新的"飯卷", 未有時間研究屋企同公司的分店有無, 如果平到平均$21.x 一個飯, 我會積極考慮! 平靚正啱口味定必上癮！

聽講早排開左間唐記包點，都未試過去買嘢試。今日行過見到都幾多人等，叫鵪鶉蛋燒賣/金錢肚都話要等15mins, 未蒸好。唔想熱辣辣喺條街等，最後叫左個香芋包算啦。塞翁失馬，雖然帶走壓到個包個樣唔太靚，但估唔到個包又幾好食，大大個，又平又夠飽。個包夠熱辣辣，加埋入面有幾粒香芋粒好有口感。d芋茸又唔會好似蓮蓉咁咁甜咁「漏」，正！