唐記包點 (吉利徑)

营业中

休息中

平靜星期天，唔想煮嘢食。諗左一陣食咩好，又唔想周圍去同人迫，最好就係買外賣。屋企附近有唐記飽點真的好幸福。唔洗去好遠，又唔洗等外賣。自己落街買完即刻有得食。今天買了鮮竹卷。$18，燒賣$18，雞扎都是$18。全部都是熱賣食品。從蒸籠熱辣辣的拿出，已經有很新鮮的感覺。鮮竹卷的份量剛好，腐皮包着豐富的餡料。真的很好味。雞扎和燒賣。用料一樣十足，水準高而且穩定，食左一半都飽晒。留番d點心，明天做豐富早餐。

今日放工行過唐記包點 ，突然好想食佢啲蒸飯 ，所以停下來睇一睇 ，點知發現佢有一個優惠， 就係一個鐘頭飯加一碟點心再送一個嘢飲，都係45蚊，如果買兩個都只係86蚊，所以我就一於買咗兩個！ 後來擔心唔夠飽， 所以再加多兩個雞包，因為唐記雞包非常之好味！回到家裏， 他的保溫非常之好， 依然熱辣辣， 這個牛肉滑蛋非常之鮮甜，牛肉好鮮甜，好有牛肉味， 加上他秘製的豉油 ，啖啖肉加飯， 真的回味無窮； 講到這個北菇雞飯真的是了不得， 飯香、雞滑，真的是好味，最後來了杯烏龍茶 ，將整個人都提升了， 還有這兩碟點心， 真的有茶樓的水準 ，最後因為太飽沒有食到雞包要放到第二朝， 第二朝早上都擔心他唔好食 ，點知仲keep到水準， 無曬嘢！

早上出門口經過唐記包點，買左個叉燒包同燒賣當早餐，價錢好平，食落都唔差，叉燒包7蚊夠大件，又足料，好飽肚。燒賣16蚊有4件，食落唔粉，有魚肉味，幾好唔錯，下之再試埋佢d蒸飯先。

唐記熱辣辣嘅蒸包，大家食得多，有冇試過買佢嘅凍包呢? 如果想第二朝舒舒服服咁帶住個早餐出門口，我就會之前嗰晚買定一個凍包。第二朝早起身嘅時候，隔水蒸八分鐘，臨出門口嘅時候帶埋佢一路行一路食! 我覺得最神奇嘅係，個包自己響屋企整完出嚟嘅效果，竟然可以同響舖頭買嘅一樣咁靚，口感仍然係咁鬆軟，有肉香嘅味道又有蔬菜，真係唔錯! 自從我發現咗唐記有凍包呢一個選擇之後，我成日買返屋企食，而且亦不斷咁介紹畀我身邊嘅朋友。

冇煮飯又懶得出街食，今日媽媽派我落去買唐記快餐，又真系快靚正的快餐之選。呢間唐記包點開左不算好耐，幫襯過幾次，有時會經過買個早餐，十分方便。今天買左兩個飯，一個北菇滑雞飯，一個咸蛋肉餅飯，再加一個鵪鶉蛋燒賣。簡簡單單的一餐。有好多選擇，包都有十零種。又有蒸飯。生煎包都好吸引。北菇滑雞飯，雞肉好多舊，都算系咁啦。另一個系咸蛋肉餅飯。肉餅幾滑，加上咸蛋，都夠送飯食。一份鵪鶉蛋燒賣有三粒，好大粒，燒賣下面仲包住腐皮，新鮮滾熱辣，好味。

今朝遲大到又肚餓，返公經過唐記，見成日買三文治，今日決定食唐記蒸包。店面簡單，蒸包黎講款式都算多，但當然全部係蒸包，仲有香芋包，但穩陣計決定買菜肉包，應該差極有個蒲俾錢拎包一分鐘搞掂，岩曬上班一族趕時間買早餐，有效率，抵讚返公司拆件，包裝精美，個包仲暖暖地，足料，包同肉比例一比一咁滯，個包都算鬆軟，坦白講，真係好過好多酒樓，起碼用料方面一d都唔會輸。下次試下其他包，對個香芋包同叉燒包都相當有興趣。