唐宮小聚 (新港中心)

营业中

休息中

媽媽生日想食中菜同點心，一方面想搵d特別少少嘅點心，另一方面又要搵個方便嘅地點就細佬weekend夜晚份part time，於是就book呢間位於尖沙嘴新光中心嘅唐宮小聚～沙田乳鴿啱啱做緊買一送一！超抵！我地仲叫多左兩隻麻辣乳鴿試哂兩款唔同口味～乳鴿肉質非常嫩，不過醃得有d過鹹，一人食一隻會覺得口渴。小聚拼盤揀左黑松露雞、沙薑豬手、醬汁鴨舌。我地對黑松露雞印象最深刻，拌雞絲嘅炸芋頭絲超脆，口感一流，十分有驚喜！沙薑豬手又爽又多骨膠原，鴨舌啱啱一人一條，夠哂惹味！陳釀醉蟹細細一隻蟹嘅蟹膏同酒香都十足，甜甜嘅酒味釀得好入味，簡直食指大動！大家都好鐘意呢個非常山竹，個樣勁棧鬼！山竹皮好煙靭，咬開暗藏爆漿龍蝦汁同蟹肉，為你嘅視覺同味覺帶來衝擊～焗鮑魚酥亦係另一重頭戲，一口鮑魚好有嚼勁，底下有好濃黑松露味嘅金茹，如果曲奇皮再鬆化d就Perfect~冰鎮咕嚕分量好多，而且冰鎮後嘅咕嚕肉脆皮keep住脆，可以慢慢食而不失口感。荷花蒸飯嘅飯有荷葉香，裏面餡料十足，有四隻蝦，火鴨同雞丁，仲有瑤柱。炒蝦腸粉好夠鑊氣，每條腸粉都比XO醬蓋住，韭菜更將香味提升。媽媽最愛陳皮燉梨，既有濃郁嘅陳皮同冰糖味，又有淡

今晚三人行到了這間唐宮。。。之前在沙田分店也吃過了，朋友說想試試尖沙咀這間，於是便book位去了！先來一杯梅酒，呷一呷甜甜的很醒神點了三個拚盤小吃，麻辣鴨舌、涼拌秋葵、冰鎮豬腳，三個也很好味，全部給我們吃光光哩😝當然也叫了朋友愛吃的乳鴿，肉質鮮嫩也很多汁，正啊👍之後還叫了這個非常山竹，外型有趣精緻，外皮脆脆的入口仲爆晒濃香的蟹粉汁出黎，很不錯😋還叫了冰鎮咕嚕肉，這個反而有點失望，唔知係唔係因為今晚好多人所以水準差咗，之前喺沙田分店食過外皮脆好多啊反而這個炸蠔餅，入口太油同埋感覺脆漿多過入面啲蛋同蠔，有點失色😬所有食物都比我地一掃光，食完大家都很滿足，這間中菜水準高，但可能客人太多員工人手不足啊！但食物質素不錯，下次可以試吓呢度啲點心，全部都好似好特別啊😇

一間食新派點心既地方～每樣點心同小菜都好新穎，亦好igable.當然亦係因為咁樣而吸引咗我去😂.♦ 得意小豬 ⋆ $39超級震騰騰😆可愛到唔捨得食～上面係士多啤梨布丁同煉奶。味道清清地，都推薦大家叫佢👍🏻.♦ 松露紅菇 ⋆ $49睇一個中式包點來既，中間夾咗松露同菇。包都幾soft、而菇味好香，食入口好舒服.♦ 牛肉叉燒 ⋆ $149用叉燒制法做成既牛肉，外皮都香甜同脆既。但可惜牛肉有筋同有兩件都係超肥，性價比不高

有時候想食點心中菜，又唔想去傳統酒樓，怕週末人多。發現呢間既點心都係行新派路線，好食之餘有玩味，全部都整得好得意！花雕醉雞，酒味夠濃而且件數多，雞件吸收晒所有酒香，每啖都好好食黑金流沙包，好高質！一上枱熱辣辣，咬一啖之後，入面既奶黃係湧出黎，勁滿足聽講呢到既乳鴿係主打招牌，最近仲做緊特價： $39/份，見到個外皮咁靚已經「哇」一聲！外皮勁脆，入面既肉汁非常多，鴿肉非常鮮嫩，而且亦都唔細隻，一個人食晒都有ｄ飽呢個冬陰公海鮮刀削麵，有齊蝦、蜆、魷魚。鍾意辣既朋友一定好開心，因為佢辣味真係好夠，每食一啖個辣味都係慢慢滲出黎，再keep住係舌頭上面麵條亦都非常彈牙再叫左一個荷葉飯，好足料，有4,5隻大蝦，雞丁，瑤柱。一打開塊葉已經好香，每啖都有瑤柱同雞肉，完全唔係偷工減料，淨係得飯果種呢到既點心見佢全部都係好得意，今次得2個人食唔到太多，下次再返黎要試下其他特別點心

二月生日，年初二中午去食，會員優惠送指定甜品，坐低同店員講，報上登記手機號碼就送咗隻生日豬😁，係布甸嚟，另外仲可以用$50 coupon，好著數😄其他食物都好食又有特色👍🏻

無啦啦口痕想食中餐見到唔使排隊就衝左入去啦1. 椰子雞燉湯一打開已經好大浸椰子味，而且入口好清甜入邊仲有少少螺頭肉，雞同埋豬肉都可以食唔會好鞋一碗一個人飲晒絕對冇問題2.冰鎮咕嚕肉每次食唐宮小聚都一定會食呢一個餸佢每一舊嘅肉冇骨之餘佢一定係好脆口而且肉同埋脂肪嘅比例啱啱好食完之後唔會覺得好漏而且佢旁邊嘅水果都係非常之清甜而且有冰凍着，解膩一流3.飛天芥蘭佢嘅形狀非常之特別，冇渣唔會澀口4.蔥油拌麵唔會死咸唔想食飯嘅話呢一個面都係一個幾好嘅選擇5.紫薯天鵝黑色同白色嗰兩個天鵝頭係餅乾嚟㗎出邊既牛油酥皮非常之香入邊包住紫薯蓉甜甜地我建議食到一半嘅時候先加單作為一個甜品會更好6.和牛啤梨我唔肯定佢出邊類似鹹水角嘅皮係唔係綠茶味我自己食落就覺得苦苦地，有啲似佢入邊嘅和牛餡太重黑椒味其實成舊嘅食物只係食到黑椒味意識唔到其他味牛肉都食唔出係牛肉

一直都想試吓呢間新派點心中菜，一來向來評語不差，二來食物款式也夠特別，難得經過又不需要排隊。所以與友人一行２人就決定一試。總共叫了７道菜及３杯飲品1. 豆漿 及 檸檬薏米又係圖與實物不符，完全比相片欺騙了，不過豆漿味道中規中矩，不太甜不太淡，也有應有豆味但檸檬薏米就對我而言，太奇妙的味道，她的酸味比較奇異，不像是檸檬酸，像是＂叔＂了的酸，但我飲完也沒有肚痛，應該也不是壞了，但味道上對我而言不太奇妙了。２. 陳釀醉蟹本來不太喜愛吃蟹，因為要剝殼太麻煩，而這道菜也有同樣的難題，殼較難剝，如果店家可以幫忙先預處理其外殼或者提供工具，輔助客人會更為體貼。味道上酒味夠濃（對我而言，太濃），也入味。蟹黃也很多。2. 麻辣乳鴿 色澤均勻肉質嫩滑，外皮香脆夠麻香3. 皮蛋豆腐相比之下，這道菜被比下去了，豆腐夠滑但豆味不夠濃，皮蛋不會有臭味也不會韌。不但麻醬太多４. 西蘭花苗有少量牛肉碎，整體而言太油，但菜很幼嫩，調味也清新５. 椰子燉雞原隻椰子上菜很清的雞湯，椰子味濃但不會蓋過雞湯味有４—５件雞件，肉質很老，燉湯的通病。６.炒蝦腸粉炒得均勻，每條腸粉也上了色腸粉面至有少少焦香略帶金黃，吃下去是軟滑溜，

年初二開年！開心搵到一個地方有位又好食又靚！原來唐宮小聚喺尖沙咀都有分店！例牌啲食一定係乳鴿啦！每隻都係$39真係好抵食！開年食好少少，叫咗元寶鮑魚酥！好食但係原來係凍嘅如果係熱嘅就會更加好啦！另外連炒菜芥蘭都係好精緻㗎。醬汁鴨舌個醬汁真係冇得頂！唔太辣，食完返尋味！小小熊仔包，裏面流心嘅朱古力真係令到你想再食多好幾個！推介非常山竹食落去嘅口感好似傳統嘅鹹水角，但係裏便係龍蝦汁加蟹肉就唔係好食得出！總之都係好味㗎！仲有個煲仔飯都好抵食$69煲仔飯裏面有四！川麻辣腸臘腸潤腸臘鴨髀同埋臘肉，細細步但係啲立美撈埋啲飯非常之差又唔會好煩，咪就係有飯焦。最後加咗個炒蝦腸粉都係冇得輸！每一樣都係精緻好味，連杯茶都係好好飲好香！

覺得呢度出品唔錯，亦會經常嚟食嘢，覺得入會可以有各種優惠還不錯。今日經過就嚟下午茶，一月份剛好生日月，會員生日贈送甜品，點餐時就問過店員生日是有甜品贈送，點知到食完所有食物都未有上贈送的甜品，催咗幾次，到最後單都埋了仍未送到。也沒有作任何解释。無得送就早啲講，不要浪費別人時間。

餐廳差不多全場滿座，可能因為夜晚冇得堂食既關係，又或者係好多人都覺得呢間餐廳幾好食。好彩我地係一早book左枱。焗鮑魚酥：正常，個汁幾好食，可惜鮑魚唔算太入味，如果滿分係5分，佢有3.3分。麻醬抄手：個皮幾滑，可惜醬汁同雲吞嘅味道唔太夾，如果5分係滿分，佢都有3.2分既。秋葵淮山：呢個我地覺得好好食，淮山口感一流，又唔太鹹，如果滿分係5分，佢起碼有4.8分，非常值得推介。煸四季豆：份量頗多，兩個人食會好啲，一個人食太多，肉碎比較濃味少少，不過整體都ok，如果滿分有5分，佢都有4.1分。迷你餛飩：份量適中，比較細粒，一個人食都ok，雲吞皮都算薄，如果個湯再濃味少少會更加好，如果滿分係5分，佢都有3.5分。得意小豬：賣相一流，見到都會好想食，性價比好高，唔會太甜，有乳酪味，如果滿分有5分，佢有4.5分。陳皮燉梨：原個雪梨上，有陳皮味，不過味道有少少偏甜，整體算ok，如果5分係滿分，都有3.7分。牛肝菌臘味年糕：抵食，有少少牛肝菌味，不過糕有少少粉，如果滿分係5分，佢有3.1分。整體食物質素唔錯，性價比又高，如果唔太追求服務既，呢間餐廳值得一試。

早前網上（社交平台)遇到30年前的小學同學，大家不約而同想約出嚟聚聚，於是在網上搵到「唐宮小聚」，咁大家就決定相會的地點。26號（星期二）大約12點左右到咗唐宮小聚，嗰陣只有一兩檯客人，但門口有個「攞飛的機」，於是跟足規矩「㩒飛」攞籌，點知職員無跟籌安排其他後到的人入坐，於是我就跟住行入去，坐底約10分鐘之後職員才叫我手上的籌號（故此服務方面扣咗分），點菜、上菜、埋單等的服務就算係好嘅，講返食物，沙田乳鴿皮脆肉滑多汁（預先安排即棄手套算是貼心），芥蘭我平時唔食菜嘅都覺得好味，最後甜品-熊仔朱古力可以用「爆漿」嚟形容。整餐飯數30年同學聚會的美好時光。

因應疫情關係相信大家都少咗堂食，天氣凍最岩就係喺屋企食返個暖笠笠嘅煲仔飯，小編最近就買咗唐宮小聚既煲仔飯外賣返屋企食✨估唔到味道非常吸引，十分推介💜_今次就試咗佢哋嘅酸菜辣滷豬手煲仔飯🧡首先成個煲仔拎返屋企已經好吸引，煲仔飯豉油配上飯一齊食好惹味，估唔到食嘅時候都食到飯焦，滷豬手滷得好入味，同朋友好快就食晒，另外佢哋仲有幾款煲仔飯選擇下次有機會同朋友再試吓😀_講到唐宮就一定唔少得佢哋嘅小菜啦，除咗煲仔飯之外我哋都外賣左佢哋嘅招牌沙田乳鴿返屋企食，食嘅時候仍有肉汁，肉質嫩滑，另外小食肉鬆抓餅肉鬆份量充足，同朋友都好滿意🤣

乳鴿限時半價❤️ 超抵食，30幾蚊有一隻😆 外皮香脆，內裏多汁 一定要趁熱食。記得叫多支啤酒🍻 必食推介！不過食到後尾開始覺得越食越咸，我個人都係鍾意自己夾乳鴿去沾鹽同埋咁樣會比較適合食飯少鹽既朋友們之但係！！ 以下呢道菜我真係唔識欣賞⋯就咁睇好似甜品咁，但入邊係龍蝦🦞蟹肉，開頭聽落好似好鮮味咁但係上邊個頂有朱古力🍫百力枝，個皮又好甜，但入邊蟹肉又咸🤧🤧 然後個皮咬幾下又痴牙仲要一齊食⋯我唔識欣賞

✿╮❤╭✿✿雜感女生   好味日記✿˚*•✰。唐宮小聚．新年開餐好意頭。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤新一年，新開始食個靚靚的午餐祝福新一年搵得更多，食得更好人人開開心心，事事順利  今次和朋友去尖沙咀食唐宮小聚感覺店鋪位置方便門面明亮開揚裝修精緻，見特色與用心無論是公仔造型的小點心或是鳥籠設計的燈位盡現餐廳講究細緻的精神先來一碟陳釀醉蟹酒香十足入口蟹香很濃，帶甜甜的酒氣一吸入口，滿咀蟹黃糕香像是一次吸收了蟹的精華味道一流焗鮑魚酥可愛又香口鮑魚彈牙入味牛油皮焗得香脆黑松露菇菇滋味吸引水準不錯 麻辣乳鴿乳鴿皮爽香滑肉質細嫩又多汁整體辣中帶甜是不愛吃辣的人也會喜歡的口味 煎辣小籠符合小籠包外香內熱的特質肉汁多到爆，香氣逼人 西蘭花苗翠綠爽口，足夠油香鑊氣是好吃的脆口菜菜子  迷你聚寶盆二人份量一d都唔細材料好足：鮑魚、花膠、冬菇、瑤柱、大蝦、豬手、雞件花膠用料有質素，漿口夠膠質鮑魚入味彈牙金元寶款的魚蛋夠爽口底部更有白蘿蔔和娃娃菜盡吸湯汁精華得意小豬豬仔椰汁奶凍好玩又好食「

放假緊係要陪下屋企人食下點心飲下茶識去一定去唐宮小聚 🥘臘味煲仔飯有齊原味臘腸，辣味臘腸，潤腸，油鴨肶，臘肉即叫即整原煲上飯粒乾身有口感食完成身暖曬🕊️麻辣乳鴿 燒乳鴿就食得多原來麻辣都可以好好食乳鴿肉質極軟滑鮮嫩食到停開到口🦀陳釀醉蟹 用香醇既陳年佳釀所製成滿滿蟹黃既醉蟹蟹膏軟滑甘香蟹肉鮮美陣陣酒香完全冇苦味更令齒頰留香🐣皮蛋豆腐 皮蛋切粒豆腐薄切成片狀加上大量芝麻醬新鮮不膩又冇苦味豆香幾突出🦂非常山竹 外面係紫薯波波入面既龍蝦汁蟹肉內餡豐富又juicy🦪焗鮑魚酥 鮑魚爽口彈牙酥皮酥脆香口非常高質🥮繽紛四色 四款唔同口味既甜品榴蓮，朱古力，斑斕，柚子榴槤味超好食朱古力夠香其實都唔錯㗎