唐廚 (已結業)

下午兩點鐘，正值最多人食午餐嘅時間，唐廚間餐廳夠大，啲位有少少迫，不過以一間「茶餐廳」嚟講都okay啦。地面唔算乾淨，不過實唔會滑倒嘅。一去到，佢話等等，執一執枱，我坐低，佢就「呯」一聲放低杯水。其實呢間嘢唔算平，只係咁啱經過，返屋企又順路，咁咪嚟醫吓肚囉。坐低睇一睇餐牌，其實無乜啱食，所以隨便叫咗個沙嗲肥牛炒烏冬 加 凍檸茶。碟烏冬賣相真係一般，好普通 (What do you expect anyway) 肥牛好少，得幾片，唔係好夠。沙嗲唔夠味，甚至係無味，但係食到頗重嘅豉油味，睇嚟應該落咗好多 ><個檸茶同樣係麻麻，個茶頗淡，檸檬得兩片，嚴重不足。對於一個要成$42嘅午餐，呢個一定係唔合格，唔夠食，無沙嗲味，連檸茶都淡茂茂，認真唔掂，唔推薦！！！（怒）或者下次都係行過食佢哋魚蛋燒賣算。（都好貴） 

滷水雞髀，隻髀已經浸到乾晒喇，肉汁已經完完全全流失，硬屈屈。食落味道都過得去，但食完過左陣已經渴到救命囉！如果唔係趕住返總部鏢賽，又實在太肚餓，路過唐廚見到有小食賣，都唔會整隻雞髀頂住肚先啦 ﹗姐姐好細心幫隻雞髀返熱，仲溫柔地話麻煩我要等幾分鐘。本來諗住趕時間求其買啲野食就行架喇，見姐姐熱情有禮，無所謂啦。

太陽蛋雞扒出前一丁，落什豆煮麵，有創意 ﹗湯有什豆味道，雖然係雪藏，都有少少蔬菜甜味喎。雞扒有點乾硬，放左好耐，味道還可以既，太陽蛋 good。出前一丁麵質略腍，可以爽彈返少少。又係即食麵 ﹗剛大陸回港原本想食炸雞脾，又賣晒 ﹗想食沙嗲牛，又賣晒 ﹗糯米飯居然係一大碟，怕食唔晒唔叫喇。海南雞飯又怕太飽，轉頭兩三個鐘左右要去打邊爐，依家已經五點幾，最後求其食個麵算嚕。

今日同老公係太和廣場「唐廚」食午餐，我叫一份梅菜蒸鯇魚飯，居然俾個魚頭搭一舊匙羮咁細嘅魚腩俾我 ，點餸飯呀？連餐茶收我$40！？有冇搞錯？成碟「梅菜蒸鯇魚」唔夠一半係魚肉，魚鰓又未清除！我自己都做飲食業，呢D根本無可能出俾個客。廚房蒸呢碟魚之前已經知道佢係得個頭，唔適合餸飯(所以先至搭一舊超細嘅魚腩)，第一關廚房已經無做好。蒸熟之後又照出貨俾樓面，第二關廚房又隻眼開隻眼閉。碟魚出到樓面，侍應又唔醒目，照上枱俾客，其實一見到唔對路就應該退返俾廚房，換另一碟俾個客，第三關樓面又無把關。我明白餐廳想減低損耗同成本，咁你可以將個魚頭留返晚市出個咸菜大豆芽魚頭煲之類嘅小菜，唔好用嚟出午市飯餐吖！我都費事叫佢換，始終換菜有時會有風險(大家明啦...)谷鬼氣，我同老公講咗以後唔再嚟！ 

之前成日過黎食，只因學校係附近，由啱開檔已經食！因為平，之前學生一碗面包野飲$21，清邁雞飯更是$25包野飯，真係正過大x樂！之前食d面呀飯呀都幾好食！今次去完趙x河睇e生排隊有d餓，所以再戰雞飯！已經要$35定$38，學生都好似要$30，唉，太和食野愈來愈貴！我好中意呢度食雞飯，5係因為d雞勁有雞味，其實呢間雞味一般，夠滑，之後2個汁好正～其實個d餐具地下，同枱都開始舊而且好油！希望清潔會攪好d～

唐廚以前都算係其中一間飯堂近來少食了不是因為食品差了而是耐不耐都遇上服務水平不足的情況今次集中講食物蠔仔湯飯凍奶茶蠔仔非常足夠有鮮味芹菜我麻麻 但湯飯芹菜味不重 照食湯應該好少味精 不俗奶茶茶味足夠但奶有少少過多都算不俗今日冇遇上不愉快服務食得開心晚餐黎講 算係咁上下平了

食完依餐早餐令我好有衝動打食評門口望見間餐廳環境唔錯, 座位舒服而寬敞一入到去行左一過圈想搵位坐, 都未有人安排坐位, (4-5個樓面企係到)好了, 自己找個位坐低Order了叉燒通粉, 凍奶茶小冰, 腸蛋黎了叉燒米粉, 凍茶又無小冰.. 明明佢出張單俾我就有小冰, 但通粉變米粉都算啦, 廢事麻煩, 照食埋單去櫃面果個收銀女人, 黑口黑面掛住禁電腦找返12蚊, 丟落枱俾我, 當然多謝都唔駛諗, 梗係無講啦唔會再有下次, 食物一般, 問題係出錯太多, 服務太差

雖然身住太和, 但平日多數出外, 很少會在太和吃晚飯。這家位於太和火車站附近的唐廚,是我太和商場內「晚餐」最有水準的一家食肆。(括著「晚餐」, 是因為早餐實在難食...)昨晚5人聚會, 點了5個菜:咕嚕肉、蝦仁炒蛋、西蘭花炒牛肉、豉椒排骨炒河及蠔仔泡飯。三個小菜以咕嚕肉最為抵食,肉身使用了沒太多肥豬肉的肉片炸香, 外脆肉嫩, 值得一試!蝦仁炒蛋, 蝦的份量適中, 一人至少吃到兩隻大大的,蝦肉質也爽脆, 蛋配上蔥花, 蛋沒有過火, 但仍可以炒得更香滑。西蘭花牛肉, 肉片像是滑牛粥的牛肉片一般, 所以口感是軟滑的。西蘭花略嫌未夠滿足, 可能西蘭花球本身切太大件, 咬時有點硬。豉椒排骨炒河, 值得一試, 雖然河粉底炒過後有點鬆散,但那大排檔式的汁料和鑊氣, 現在實在買少見少,排骨份量也十分多, 抵食!蠔仔泡飯的味道也是ok的, 但可以再多一些蠔仔會更好!

今天午間飯腳另有飯局，只剩下我和老杜一齊食晏，老杜剛巧午後要到北區出差，便決定去火車站旁的太和商場吃飯，兩人俓自入了印像中食味不俗的唐廚，唐廚的面積很大，環境及座位較同區的茶餐廳要好，午市時客人盈門，入座率也有九成滿，一入大門囗便有伙記走過來招呼入座，為免有人搭檯，她安排我們兩人坐一張較窄的四人卡位，但兩個人坐便較從動，服務是挺細心的。 安頓好後老杜叫了一客鮮茄斑腩飯，我則叫了一客清邁雞飯，這清邁雞飯應該就是泰式海南雞飯吧。清邁雞飯餐下單後不久侍應便端上這客凊邁雞飯，這套飯只包餐飲沒有餐湯，去了骨的泰式切雞下是淺黃色的雞油香飯，旁邊伴著一碟醬料佐食，醬料有薑蔥及酸辣的泰式醬料，但沒有濃稠的星州黑醬油。 面前的雞飯的賣相不俗，老杜也詵雞肉表面上看來很嫩滑，我立即先嚐一口雞肉，雞肉有些清新的香茅味，雞肉夠嫩滑又夠雞味，雞皮嫩滑，配合少許酸辣泰式醬料份外醒胃，跟著來一口香口的雞油香飯，吃時感覺夠香不覺油膩，飯身軟硬度適中，不太軟亦不太硬，而且白飯吸收了雞湯的精華，帶淡淡棷香及南薑味的飯味很香濃，每一囗也滋味十足。 這客清邁雞飯我覺得很適合在天氣悶熱時進食，整體味道很天然，少油膩而且醒

之前其實都食過1次,不過對呢度既水平冇乜印象,所以再黎食多次~呢度有好多野食揀, 我就揀左西式~ 煙三文魚忌廉天使面　　-> d天使面都唔錯, 幾有口感　　-> d煙三文魚份量少左點　　-> 最大個問題係, 呢碟意粉冇乜味.... ** 整體黎講, 一般般喇..

我睇左openrice 甘多年, 都未想過要寫評論.太和火車站呢間不知所謂既唐廚, 真係令我要將間野公諸於世.間野剛開不久, 見裝修幾好, 食過一次早餐.味道真係令我唔會再去.今日剛出完差回港, 太累所以想勉強食d野就回家休息.當時 下午5:50分, 我叫左個土魷肉餅飯.一直等到 6:20分, 我問個侍應女仔, 個餐仲要等幾耐?佢去左廚房出來, 話即刻到.再過左3分鐘又真係到左.我好聲好氣甘同佢講: 我建議下次如果要等半小時先可以上既, 你最好俾客人一個提示. 我相信唔係好多香港人願意等半小時食個土魷肉餅飯.佢居然好仇視甘望我一眼就行開左.我當時真係好嬲. 但都無辦法, 唯有食埋野快快走人啦..點知將d汁撈落個飯勁醒... 好似係d蒜魚汁甘..........至此我想反枱剎人..... (想像中....)甘既服務質素, 甘既食物質素... 我不得不將我第一篇食評貢獻俾佢...垃圾唐廚...願你早日關門, 不要遺害我等太和區居民....

近來很多機會到太和,又到下午來試試,焗茄汁豬扒飯--我試過覺得太濃味,汁太多,幾滯不過朋友又喜歡喎巴提雅波蘿海鮮抄飯--味道似葡汁抄飯咁..唔驚喜..肚餓既我都食唔晒....清邁雞飯餐--雞肉嫩+雞油飯...其實我已經去食過幾次,有次仲起晒骨,咁既價錢唔錯!!魚旦河--普普通通..呢間舖,我見到出面仲有露天位,可能而家天熱唔開放,如果天涼都應該唔錯..服務方面,好算唔錯,有某d侍應態度真係好好,好好禮貌,有d就唔係咁專心咁 不過總括黎講算好好加油影門口時,對面個亞姐話唔可以影呢間野,話會比人鬧架 冇理 影上黎比大家睇下

去開太和,搵下野食先,見到門面幾好,仲好似有下午茶,今次試左個魚蛋河--尚算可口,魚蛋彈牙,河粉普通(竟然可以叫早餐牌野食,$18蚊/凍飲+$2)泰式牛丸河--唔似泰式味道...似普通牛丸河...($22蚊/凍飲+2)生抄牛肉--飯都算ok ($28蚊)凍檸水/凍檸茶都ok下午茶餐價錢就ok,但見佢餐牌叫個普通飯都四,五十蚊,果d真係唔知抵唔抵食喇!整體.....普普通通喇..又唔可以話差既.....算係環境幾好咁喇~