影片
营业时间
今日营业
06:30 - 21:30
星期一至日
06:30 - 21:30
以上资料只供参考，请与餐厅确认详情
招牌菜
而家好多地铁站都有呢一间唐包点，原因系咩呢？就系因为佢所有嘢都已经整好晒，我哋要做嘅嘢就系落order然后等店员执就已经可以拎走，所以真系啱晒我哋呢一啲赶时间嘅人🤣🤣🤣//通常我早餐都会嗌一个有馅同埋冇馅嘅包，所以麦皮馒头同埋香菇鸡包都系我经常系嘅选择！佢哋嘅面包全部都好大旧，所以食两个都已经超级饱啦，麦皮馒头超健康，好香嘅麦皮味！香菇鸡包嘅馅料都好多，香菇同埋鸡肉嘅比例好好，食到好香嘅冬菇味呀
继续阅读
往往朝头早返工都系超级赶时间，唔到够钟都唔出门口，所以成日都唔够时间去食早餐🤣所以唐包点真系我嘅早餐好选择😋因为一去到买就完全唔使等，佢哋嘅包呀、饭啊或者系粥等等，都已经一早整好晒，比完钱就拎，成个过程都唔使1分钟🤣👍-我自己就最钟意食佢嘅番薯包同埋菜肉包，佢哋嘅包馅料都非常之多，所以早餐食一个包其实已经够啦😻另外佢哋仲有点心，例如豉汁凤爪，鲜竹卷等等，味道都可以拍得住出面嘅茶楼㗎👍❤️
继续阅读
一早起身，梗系想食啲清淡啲嘅早餐，见到唐包点除咗比较dry嘅包之外，亦都有粥，就去买嚟食喇！其实最紧有两款选择，一款系我买嘅皮蛋瘦肉粥， 另一款系粟米蕃薯粥，其实两款都好啱口味。以为皮蛋只不过系湿湿碎碎咁敷衍下，点知会有一个匙羹嘅size，甚至有两件添， 真系喜出望外！
继续阅读
唐记包点已经唔系第一次食 ，今日经过，竟然见到有一𩠌饭， 有别于楼下附近嘅唐记！ 索价都只系29蚊！！！ 当中有三个款式(鱼香茄子/咖哩鸡/猪软骨)。鱼香茄子饭～ 分咗两个兜 ，汁唔会浸住晒啲饭， 茄子份量足， 汁嘅口味都好啱胃口！有惊喜！章鱼肉饼饭～ 一包包嘅蒸饭豉油，多少自己随意加！ 肉饼有马蹄、香菇等配菜，非常丰富！鲜竹卷～ 鲜竹卷每一条都包到好丰满 材料爆灯，味道不错！鸡扎～ 用料充足，除咗鸡件大件香滑之外，仲有猪肚、芋头、猪皮……等喺里面， 因为有猪肚嘅关系，口感有别于一般酒楼食嘅鸡扎，比较爽口弹牙！赞！喺地铁站嘅分店的确非常方便，所以都会有人龙。而且价钱非常之优惠，选择亦多，朝早会有粥，其他时间都会供应饭、点心、饮品、糖水、包，想食丰富啲或轻怡啲，都系一个好选择！
继续阅读
因为家住油塘在地铁出口就看到有间叫(唐包点)，(唐包点)都有好多食物可供选择，好像今天的我无煮饭就买左只:足料糯米鸡$25，内有鸡翅、叉烧、咸蛋黄、少许马蒂和猪肉碎，食材丰富而且味道适中，还有好香荷叶味，好味过去酒楼食。秘制猪软骨饭$29，都几多猪软骨仲好腍又不会散，薯仔都好入味，白饭一粒粒，加少许汁更加好味，食多碗饭都可以。菜肉包$7，肉就多左些，如果菜和肉各一半就好啦！香菇鸡包$7，香菇鸡包就做到肉和菜各一半，而且好多木耳，木耳加上椰菜和猪肉混合一齐，食时觉得爽口感觉仲带有肉香，包的皮都几软棉熟。白馒头$5，外皮比较实左些，但有嚼口。香滑奶茶$12，都几滑仲好饮过一些茶餐厅，好浓郁的奶茶香味又唔太甜，而且买回家放在雪柜几时想饮都得，十分方便。👍👍😋+++++++++++++++如果大家喜欢💕我写既食评，麻烦比个❤️鼓励一下我，我会写更多更好既食评比大家！😊
继续阅读