唐人坊咖啡餐廳（清仔冰室）

营业中

休息中

上星期選了厚切豬扒撈丁配葱油汁，加配青檸梳打，厚切豬扒好大塊，好juicy,好滿足。今星期同母親大人到訪，選了無骨海南雞拼豬手配油飯，海南雞唔洗講，全場之冠，豬手入哂味夠軟滑，配埋咸酸菜更上一層樓，油飯夠熱又好味，不油膩；沙姜手撕雞有雞味，有口感，賣相好靚，加埋祕制極濃甜豉油，不得不把整碗飯吃清光，老人家邊食邊說好好味，食得好開心。兩個餐埋單都唔洗100蚊，仲有贈品送，真係very good.

食物可以，但千萬不要一個人光顧這餐廳，人多時會把你踢來踢去，甚至趕你去廁所旁邊食飯，也會在你未食完就拿走你的碗，也試過話1pm前吃完有甜品送，但收銀員故意走開拖延時間令你冇甜品食😡

最近成日都要去紅磡見客，寫多左好多有關紅磡區內餐廳既食評，今日返工前嚟到紅磡崇潔美食街，入去【唐人坊咖啡餐廳，清仔冰室】，8點左右已經坐滿咗8成人，叫咗個花椒味丁麵早餐，只係承惠$36蚊，真係好抵食，呢間係出前一丁嘅主題餐廳，所以好多款市面冇得賣嘅味道佢都有，今日就見到橙色包裝嘅北海道味噌，餐廳亦擺放咗好多清仔造型嘅物件，花椒味麻辣，有黑椒粒粒嚼下，麵爽口帶滑又夠香，牛肉唔似其他店好腍有咬口，好鍾意，煎蛋雖然唔多靚仔但漏汁，奶茶少奶好唔錯。

今早來到清仔冰室，人不算多，選了沙爹牛肉黑蒜味一丁餐，沙爹牛肉軟滑，味道適中，一丁麵正常操作，多士即叫即做，不過火，外脆內軟，整體滿意，環境清靜，清仔擺設吸晴，$37配埋多士及即磨咖啡，好睇、好食又扺食，會再幫襯。

本人幫襯過唐人坊/清仔冰室數次，無論店舖裝修擺設和食物品質賣相，都感受到店主用心經營製作，店員也付出不少努力，眼見一些無理惡意批評中傷，實在看不過眼，希望店主不要受影响，繼續用心經營，不斷進步，公道自在人心。本人極少公開作出評論，今次實在忍受不了，一定要為無理的指控平反！

把鬼！應該近年食過最差！原味出前一丁上枱冇俾包麻油你已經怪，第一啖食⋯⋯咁乸啖嘅？！唔通未撈勻？撈下先，再食⋯⋯我頂，都係冇味！？佢似一包粉落落四包麵嘅份量先可以咁啖⋯⋯最後難為咗我仔，佢錫我就話今日想食淡啲🥰，再嚟多士，我仔食咗兩啖就話唔食，我問佢點解？佢話塊包乾到爆，又薄又得一邊有少少牛油🧈，仲有個所謂奄列，味道係ok嘅，只不過上下兩塊蛋皮薄到透光啫，到杯野飲，我杯+$1即磨咖啡☕️正常，但+$1唔值，我仔杯阿華田走甜少冰，杯野又係半透明，完全冇味，似一杯清水唔覺意到咗少少阿華田粉落去，呀仔話飲佢自己支水好過⋯⋯個早餐雖然唔係好貴，但使唔使咁孤寒呀，總括嚟講「垃圾」到一個點！仲未講到佢個所謂沙嗲牛肉，得三片薄牛肉，又冇沙嗲味，似水烚牛肉⋯⋯

本身平時都好鍾意食一丁，所以見到呢間餐廳係一丁主題餐廳，門面都有好多清仔裝飾，就比佢吸引左注意力，不過除左一丁，仲有一般茶記的午餐，我見都幾多人食豬扒撈丁，不過我今日晏左食lunch已經賣晒了，所以叫左個泰式四寶飯，樣樣都有啲，試下幾樣野。泰式四寶飯泰式四寶飯有海南雞，豬頸肉，墨魚餅同蝦餅，另配油飯，墨魚餅同蝦餅係炸的，但唔熱，感覺好油，豬頸肉味道ok，唔會甜到似叉燒，但都係唔熱比較油，海南雞仲有少少見紅，但肉質有點鞋，油飯味道都可以，但都係唔熱。咖啡味道好淡，比較水但果日食午餐埋單時餐廳有送一包即食麵，冬蔭公味一丁，平時比較少見，未食過，煮左黎食，味道不錯。

很久無來幫襯，才發現搬了舖，還加上多一個名稱“清仔冰室”，貫徹全店滿佈清仔飾物擺設。。。正今天星期日，十二點前來到，仍有位選擇，但坐落食食下，已是全店滿座老公點了沙薑手撕雞餐，我就點了網球拍雞脾一丁湯麵麻油味。沙薑手撕雞一般口味，不過不失。我的網球拍雞脾呢。。。就等了至少十分鐘才上桌，但絕對值得。。。果然係一塊熱辣辣網球拍，外皮超香脆，內裡肉質好juicy，應該是生炸球拍，邪惡與好味之間，好味戰勝一切。下次再來一定會encore這個球拍

阿仔喺紅磡學完琴，未夠鐘上話劇，就搵吓嘢食滿足下個肚先☺️☺️☺️紅磡真係好多嘢食，如果有選擇困難，嚟到紅磡真係會好頭痛😵‍💫😵‍💫😵‍💫行行吓，比阿仔望到清仔！自從上個月買出前一叮個通粉送咗個清仔匙扣，阿仔就迷上咗呢個公仔😂😂😂所以阿仔堅持食呢間😂😂😂入到去，都好多人，佢地係一張長枱，放咗8張櫈，我地要坐最入，所以出面啲人一定要企出嚟比我地行入去，但坐低後空間都大，都唔會坐到好迫😌🍉👩🏻：撈丁系列B - 脆皮雞扒，碳燒蜜味豬頸肉-蔥油汁 $49🍉👦🏻：招牌雞類O - 無骨雙拼飯 - 豬頸肉，豬手 $47🍉👨🏻：泰國類E3 - 蝦餅拼墨魚餅蔥油豬頸肉飯 - $47首先飲品嚟到 ，可能我哋坐最入，佢拎過嚟果陣倒瀉咗，不過我唔太介意，係飲嘅時候拎起有少少污糟！之後食物嚟到，阿仔果個最好味👍🏻我果個可能揀咗蔥油汁，所以無乜味，下次撈麵揀燒汁可能好啲😌😌😌至於爸爸果份，無影到相😂不過爸爸都話阿仔果份最好味😌其實味道唔算好差，而家價錢都好合理，所以如果下次諗唔到食咩，都可以再嚟食！