唇茶 (堪富利士道) (已結業)

唇茶💋主打養生茶，用桃膠代替珍珠，非常健康🥰而且仲要好好飲，卡路里比其他手搖飲品低，罪惡感都少啲😈1️⃣月滿花香 L/Hot:$32呢個飲品含有桂花丶茉莉丶玫瑰🌹及烏龍，更唔少得嘅係桃膠烏龍茶嘅濃度岩岩好。桂花丶茉莉丶玫瑰🌹散發出淡淡優雅清香嘅味道。桃膠好似食緊啫喱咁，令口感更加豐富。🙆🏻‍♀️美味指數:7.53/102️⃣Double May L/Hot:$32材料包括: 洛神花丶菠蘿🍍丶香六安及桃膠清甜地嘅菠蘿🍍味中和返洛神花嘅酸味，洛神花味道較為突出，香六安茶味比較淡。洛神花具有美容養顏、減肥等功效，真係女士嘅恩物🥰桃膠好似食緊啫喱咁，好有咬口。🙆🏻‍♀️美味指數:7.75/10💡整體來講，女人嘅恩物，味道都唔錯，而且性價比高!唇茶💋🍵地址🐾：💋尖沙咀分店尖沙咀堪富利士道8A地舖

店員細心問飲品喜好 冰度甜度岩岩好！健康嘅桃膠 飲多啲都唔驚好過飲珍珠奶茶用左OpenRice 優惠卷買 經濟實惠一定會再幫襯店舖雖小 但有位置可堂食 音樂同設計都好舒適Good!!

香港人!!加油!!!有日係FB見到佢係反送例撐罷工的手搖飲品店之一,就一直都想幫襯啦!唇茶FB的post都好搞笑~同一般的手搖飲品店好唔同,無奶蓋,無黑糖珍珠唇茶更似一間涼茶舖~各款飲品睇得出係有認真諗過效用, 試過好唔好飲先推天時暑熱路過, 所以嗌左杯渣渣後花園, 其實係菊花,山渣,普洱;菊花清熱解毒、山渣消滯、普洱解膩; 另外仲加左奇亞籽同桃膠飲落唔太酸,飲得出有普洱茶味; 奇亞籽增加口感~最過份的是核膠十分多,幾乎每一啖都咬到桃膠, 完全唔孤寒!!!!男朋友飲冬瓜茶,原本都想加奇亞籽,但收銀妹妹話冬瓜茶內有冬瓜蓉,所以唔建議加不得了,冬瓜茶唔似台式冬瓜茶咁甜,飲落好清爽,有一陣舒服的甜味,而且冬瓜蓉唔似磨碎的蓉,似切到好細粒的冬瓜唔為其他~淨係為左佢撐罷工!!我就俾佢滿分啦!!!FRIGHT FOR FREEDOM~STAND WITH HONG KONG!

I personally not into tapioca, but I got attracted by this shop selling tea with peach gum.Tried their special tea signature: Osmanthus & Rose & Jasmine w/ Supreme Oolong Tea.Everything matched really well together, the peach gums were soft but chewable.Will come for other choices next time.

今日行開尖沙咀，唔想試台式飲品或水果茶，想飲其他飲品~咁岩行到呢間舖，試咗荔枝紅茶加黑糖桃膠，味道容易入口又唔會甜，爸爸就試咗香六安加奇亞籽，佢話有野咬口幾得意~丫仔見到菠蘿又話想要杯，以為得茶飲，始終茶類唔多岩小朋友飲~原來呢間舖都有非茶類飲品店主推薦飲"自己柚"，貼心走薄荷葉，兩個仔飲到唔捨得放，好搞笑，一杯share岩岩好咁岩舖頭做開外賣買3杯送1杯優惠，下次可以再黎飲! 旺中都有分店，可以試下其他款式飲品

食完飯之後想買杯飲品既好選擇！行行下街好熱但又唔想買珍珠奶茶飲，（飲得多都怕肥）所以叫左杯「月滿花香」，係佢地既招牌飲品黎既，一試真係好驚喜，茶味好香濃，唔太甜「月滿花香」材料有桂花、玫瑰、茉莉同烏龍，mix埋感覺好夾，最最最最重要既係有好多好多既桃膠，勁足料整體感覺好飲過珍珠奶茶，又健康啲好難得香港有養生既手搖飲品舖頭，最重要係價錢親民，大大杯都係32蚊，性價比絕對好高!!! 同埋加映有個女仔買左杯「黑貴婦」，下次都想試埋！

行行下尖沙咀想買野飲又唔想飲個d肥肥珍珠奶茶，見到呢間係賣養生既紅棗桂圓茶，即試睇睇下menu，睇到佢寫住用冰糖同黑糖製，太好啦果然係唔似得其他珍奶個d咁唔健康，岩哂我呢d想減肥又唔想買水飲既人店内有三個茶既sample 比人客聞下，我勁中意中間個個荔枝紅茶！超級香！我相信係靚茶葉終於出場了～我叫左一個有桂圓又有桂花既茶，小甜。一入口，果然有驚喜，係超好味！佢個桂花味一入口係最特出，好香，之後係桂圓同紅棗既甜味，係天然既甜唔似糖水個種。我覺得有啲似媽媽煲出黎既紅棗桂圓茶咁超高水準！我朋友叫左個有桃膠既茶（唔記得名），勁多桃膠，我覺得一杯野係真係可以當甜品，好飽，好滿足！p.s 店員仲勁細心，我飲完一啖問我地o唔ok，會唔會太甜，超好我會再來！

係其中一間我會推薦既茶飲店, 先前都會去幫襯佢哋嘅旺中店，佢地最近喺尖沙咀開左分店啦！呢度茶飲選擇多, 裡面加入養生既ingredients, 走健康路線!好多款茶飲都好吸引我呀！桃膠同奇亞籽都有唔同味道可以選擇。//紅唇烈焰💋//以普洱做茶底, 配上紅棗、玫瑰🌹、枸杞, 茶味香濃, 甜度啱啱好，飲完覺得好滋潤。裡面加入奇亞籽、桃膠, 口感豐富！桃膠份量多, 煙煙韌韌, 好有咬口。兩款配料都係養顏高纖既食物, 係女士恩物喔~

唇茶 👄睇個名都已經吸引到人，食字食得好搶眼😂之前知佢旺中有鋪面，行過兩次都試唔到因為我好怕排隊😅佢地好似最近係呢頭新開？所以果日放工落去試一試佢地。..店家主打健康手調茶。係一片黑糖珍奶既熱潮下😆佢地「反其道而行」😂😂到底質素如何？.我試左杯「月滿花香」店員小姐話係由桂花，玫瑰，茉莉，烏龍幾重食材調製而成。另外，仲會加入女士恩物「桃膠」❤️.講真我真係衝住佢啲桃膠而黎😂😎我欣賞佢就算唔嗌少甜，都唔會甜到漏。除左桃膠，感覺好似仲食到有佢地既自家製JELLY，成件事感覺無咁有罪惡感哈哈哈哈😂😂😂😂.同埋如果你好似我咁鐘意咁清茶（綠茶、烏龍茶），呢個我推介大家試試👍.好過日日黑糖珍珠啦係咪先～～～

台式飲品已經飲得太多 前牌排同朋友去開尖沙咀行街 由於天氣太熱嘅關係就去咗呢間新開嘅鋪頭買嘢飲 呢間係以桃膠做主打嘅茶飲店聽店員嘅解釋係講桃膠富植物性膠原蛋白 皮膚非常之好 係女生恩物啊 所以就決定買兩杯飲_🌹烈焰紅唇以紅棗、玫瑰、枸杞、普洱沖調而成茶味清香，夠哂滋陰補血 面層鋪滿玫瑰花瓣 打卡一流🥰 _🌸月滿花香以桂花、玫瑰、茉莉、烏龍沖調而成平時鍾意飲烏龍茶嘅你哋一定好鍾意淡淡桂花香 飲落好清新 夏日消暑一流 _

-唇茶係尖沙咀開左分店🎉依間飲品店無黑糖珍珠奶茶，而係以桃膠為主的飲品😆女生至愛桃膠，因為桃膠對皮膚好好✌🏻-紅唇烈焰💋 (L)（$36）依杯飲品係紅棗☺️，玫瑰🌹，枸杞，普洱和桃膠👍🏻，桃膠份量好多，飲落啖啖都有桃膠，正😎味道不會太甜，剛剛好，茶味好香，而且曬滿了玫瑰花瓣和杞子，好靚😍紅棗和枸杞都係好補，養顏補血🥰-Name🏠: 唇茶 Tea only Location📌: 尖沙咀堪富利士道8A地鋪價錢💰: 紅唇烈焰 (L)（$36）