哦吧OPPA & POCHA

营业中

休息中

從來唔寫食評呢d野，但呢間餐廳值得我寫🤣因為真係好值得推薦❤️黎過呢到幾次，每次都冇令我失望👍👍👍所有野食都好好味，連熟食既煎餅湯飯都好好味😋特別推薦豆腐湯～～～ 👍 而且服務態度非常好同埋會幫你燒埋😁另外，今次食野既時候唔小心弄髒了衣服，服務員好好即刻搵野幫我清潔，係幫我清潔呀～真的好貼心🫶真心推薦大家去食！！！

是日order 左B2套餐包括一塊雪花牛扒，一塊黑毛豬豬肩扒，兩塊豬皮及一窩豆腐湯。 同時Order左一碟韓國淡水鰻魚同水冷麵。燒肉嚟到之後，韓國阿珠媽就問係自己燒定佢幫手燒，我地當然係叫阿珠媽幫手。阿珠媽幫手之餘仲介紹埋肉類既食法。 雪花牛肉疑似採用oyster blade 部位，肉汁豐富而且牛味濃郁。黑毛豬肩連接豬皮部位，燒熟之後肥膏口感Q彈。豬皮正常發揮。 淡水鰻魚更有特色，肉質爽脆，魚油豐富，建議連同酸薑/淹漬綠葉一同享用更佳。特別欣賞👓阿珠媽既燒肉技術，令到喱一餐飯既體驗更添一份人情味下次嚟到要再試多d野。

食物同服務都非常好！牛肉好好食 好多汁 食得出係靚嘅食材豬肉非常靚 好香嘅油仲叫左個鰻魚 又係幫我地燒得好香 好靚 排到整整齊齊職員都十分熱心幫手燒烤仲不斷推介我地食韓國食法！

星期日同媽媽慶祝生日，揀咗好耐冇食嘅韓燒～餐廳侍應全部都講韓文㗎，不過佢哋都識廣東話嘅☺️ 服務態度好好，全程有講有笑，仲稱呼我爸爸媽媽做oppa同靚女😂 前菜6款x2, 泡菜係店家每日新鮮製造，食得出無落白醋，店家見我咁鍾意，送多2碟比我，我一個人食曬🫣特別提一提，佢全店調味同外面韓燒比係偏淡，但絕對唔會唔夠味，反而食得出食材ge鮮甜味👍🏻跟餐有韓牛～本身打算自己燒，但待應見我地雞手鴨腳，秒速衝過幫我地燒😂 佢地燒野技術一流，肉質嫩滑，牛味夠！韓燒又點少得豬五花呢～減肥咩黎嫁🤪食左先啦燒完好香，佢有送菜籃，點醬一齊食一流！一d都唔肥膩。重叫左韓式飯卷，泡菜煎餅，好好食😋當然重有原味炸雞+韓式炸雞，外脆內嫩～ 韓式炸雞有醬汁惹味啲🥰 因為人多坐長枱，其他食物離我太遠無影到🫣今次重叫左韓國鰻魚！無得頂🎉 待應話個尾係最補，所以我比左媽媽同老豆食，我媽話好腥。但我食個身又無腥味喎，重好鮮好香添～平時唔多食魚ge我食左好幾舊😚重送飯後果，甜到入心🥰 其實重有叫其他野食，但無影相，我唔記食左咩啦🤣🤣🤣🤣

一份310元的韓國牛肉，品質先不說，最多比街市買到的沒有什麼差別，份量更加讓客人失望，帶骨牛就一份但係骨多過肉，燒下來只有6-7小片，我在尖沙咀三木燒烤食過，3xx/碟韓國牛肉，人家的有兩份，單一份的肉量就比這家多1/3，但係人家的有兩份，而且牛肉品質確實好太多，還要自己掃碼下單收加一，雖然現在有些餐廳都這樣，但是這風氣真不好！後話，食完還要去附近買漢堡包填肚⋯⋯個人總結：食物品質差，服務一般，價格不低但份量不足。

今次食到由韓國人主理既韓國餐廳👍🏻👍🏻👍🏻前菜﹕種類多，比較少見既係黑豆，帶甜味，好好食😋帶骨炸雞﹕原味及甜辣味炸漿唔會太厚，適中脆口，雞肉保持嫩滑；甜辣汁夠惹味，帶微辣，唔洗怕辣食唔到；帶骨，但都好多肉，份量都十足👍🏻牛肋骨湯﹕湯清甜，有好多好多牛肋骨。牛肋骨超好味❤️❤️❤️❤️❤️❤️肉質淋中帶爽口口感，唔會太硬咬唔到，又唔會因為煮得耐一夾就散，好好奇點可以煮到呢個口感，超正，大推牛肋骨煲﹕都係同款部位牛肋骨，但比牛骨湯再爽口啲，而且係濃味版，另外蘿蔔好吸汁，都好好味。可以視乎想食咩口感，牛骨湯同牛肋骨煲二選一。今次冇試燒肉，不過見到啲肉都好新鮮，下次會黎試埋燒肉，食物高質，力推👍🏻

一入到餐廳，韓國老闆娘好熱情咁招呼我哋，仲即刻送上六款小菜同泡菜，款式多樣，味道正宗，令人胃口大開。我哋叫咗一份醬油蟹，呢個係每日新鮮從韓國運嚟香港，所以係限量供應嘅。醬油蟹真係好新鮮，食落完全冇腥味同苦澀味，蟹肉鮮甜，蟹膏豐富，每一啖都充滿鮮味，真係令人食到停唔到口！如果蟹唔新鮮，就會有苦味，但今次食到嘅完全冇呢個問題，真係好滿足。另外，我哋仲叫咗韓牛Galbi，牛肉肉質嫩滑，油脂分布均勻，燒到外焦內嫩，肉汁豐富，加上韓式燒烤醬汁，味道更加濃郁，真係食到好滿足！餐廳嘅環境好有韓國風情，座位寬敞，燒烤設備亦都好乾淨，令人食得放心。韓國老闆娘非常熱情好客，成日過嚟問我哋食得開唔開心，仲喺我哋離開前請我哋食哈密瓜，哈密瓜清甜多汁，為呢一餐畫上完美嘅句號。食物高質素，服務一流，環境舒適，絕對係元朗區食韓式燒烤嘅好選擇！如果你鍾意食韓式燒烤，呢間餐廳真係值得一試！

雞地食肆林立，但韓國店有韓國人坐陣及由濟洲輸入食材的餐廳就只此一間！入到去環境闊落，霓虹燈光亮佈置，仲有濟州黑毛豬公仔做佈置；店員都主動向我地用韓文打招呼，像置身於韓國。其後與他們傾談得知他們老闆，廚師，店員都是韓國人，所以對他們餐廳的食物質素好有期待！（最後係完全無我失望，極好食)未上菜已經有六款前菜上枱，包括泡菜、小魚乾、醃製蓮藕及茄子等，已經開胃！採用自助Menu點單，可見種類繁多，今次就叫左肉類套餐：濟洲五花肉+濟洲豬肩肉＋韓豚調味排骨＋生菜每一塊肉的油脂分怖比例好令，五花肉及豬肩肉均沒有任何調味；但烹煮期間，香濃肉味飄入鼻內！豬肉肉質口感彈牙，豬味濃。而調味排骨則調得入味，烤過後肉質依然嫩滑及爆肉汁。配料洋蔥都好甜另一個可讚之處就係餐廳侍應招呼周到，會落手幫忙烤肉，每一塊都烤得恰到好處！店員都會推薦建議食法，第一塊是用酸蘿蔔夾著五花肉食；其次可配合他們自家製的辣醬/加少許鹽巴都可。其實不用特別調味，它家的肉質本身質素已高及新鮮，店員説是每天新鮮由濟洲空運到港！海鮮泡菜煎餅煎餅厚度及size十足，新鮮熱辣！足料餅餡：韭菜、新鮮魷魚 ；每一啖都食到配料，他們亦會幫忙切到一塊塊，非

哦吧OPPA & POCHA (元朗)📍元朗鳳攸南街9號好順利大廈地下74-76號舖今日同朋友👫飯聚，特登book咗哦吧OPPA & POCHA，入到去已經感受到店內嘅韓國🇰🇷氣氛。店員都係韓國人，佢哋講韓文為主。雖然未必個個識講廣東話，但都好友善🤝聽得明廣東話，禮貌地招待我哋，令人一入嚟就覺得好舒服☺️。餐廳嘅裝潢充滿韓國🇰🇷風情，令我哋對點既美食充滿期待😍睇完餐牌，我哋決定點幾款招牌菜，準備好大快朵頭🤤1.濟洲五花肉（150g) $180呢款黑毛豬肉🐖真係好正，肉同脂肪的比例簡直岩岩好，咬落去肉質鮮嫩🥩，脂肪嘅香氣恰到好處，完全唔會油膩👍🏻搭配上店家提供嘅粗鹽，每一口都讓人感受到肉嘅鮮味，令人一試無法抗拒🫦2.辣泡菜湯飯 $108湯底濃郁，辣味適中🌶️對於鍾意辣嘅我來講，簡直係一絕！泡菜嘅酸爽同湯飯嘅香氣相互交融🍛每一口都暖心又暖胃❣️米飯吸收咗湯汁，粒粒分明，彈牙可口，真係一啖接一啖，非常之開胃好食😋3.鮑魚石鍋雜錦飯 $108呢道菜嘅擺盤視覺效果都好吸引開胃🥗石鍋嘅熱度保持住食材嘅鮮美🤟鮑魚肉質滑嫩，搭配各種韓式時蔬，口感豐富多樣🍲最特別係石鍋底部，米飯微微焦脆🍚搭配佢哋提供既醬汁同

元朗有一間由正宗韓國人主理的餐廳，今日來拜訪主打無疑是食燒肉。選了$580的燒肉套餐，包括：大牛排骨、濟州五花腩、辣泡菜湯和生菜。有肉有菜有湯，非常豐足。濟州五花肉濟州五花肉有厚切兩件，乍看脂肪與瘦肉交錯，先燒至半熟，再剪件烤至四面金黃。整塊肉沒有經過任何醃製，直接可以細味品嚐肉質原汁原味，或者點醬吃、配搭酸羅白吃、配生菜包裹住吃⋯風味各隨己好。令我回想起年初在濟州的日子，肉質比起濟州黑豬一條街的來講，略遜少少也正常但也不過不失。大牛排骨卷起的牛排攤開之後發現都好大件。這牛排有經過醃製處理，所以肉質更加入味，口感更加豐富，比較適合重口味人仕，令人驚喜的是肉質非常嫩滑，完全無靱和鞋口的感覺。有肉有菜，輪到湯出場，辣泡菜湯的色澤鮮豔，上枱仍然熱氣騰騰，熱情奔放。非常足料有泡菜、豆腐、燒肉份量也不少。湯底濃郁，充滿了泡菜的風味，叫咗碗白飯，自制泡菜湯飯，讓人感受到濃厚的韓國的家的溫暖。用餐期間，發現周圍都係講韓文嘅韓國人食客。老闆娘都係韓國人，熱情好客，為我們親自操刀讓我們可以坐享其成。服務員有主動斟水，對於食燒肉唔飲啤酒的我嚟講，這點好重要，所以主動斟水加分

我諗晏就300幾蚊 2個人 元朗街舖我叫的食物都不會算特價/差吧😂但確實差d囉 200幾一個細部隊鍋set 連半個公仔麵都無😂餐牌話跟白飯 咁咪當公仔麵係配菜囉上到枱又話其實無跟 再叫公仔麵$25 😂200幾食腸仔 午餐肉 2隻餃子 4份一個公仔麵都真係幾貴下😂午市套餐仲癲 無味淨炸雞😂問佢有冇醬 佢拎一碟俾我 話下次要 要加錢😂咁你下次有味 我咪唔要醬囉。。。可能係我唔識嗌 佢成百個好評得我嗌親都中招😂難食個d俾我叫晒。。

今日同朋友食野，特登搵間韓國餐廳 因為岩岩起韓國返黎， 好想再食燒肉！ 呢間啲服務同燒肉都唔錯👍👍五花腩肉五花腩肉好大嚿，層次分明，店員好主動咁樣幫我哋笑，仲會介紹啲套餐嘅特色，呢個五花腩肉嘅特色就係大大份，而且正常唔需要落太多嘅油，咁樣食落去就唔會太油膩。燒咗大約10分鐘左右就食得肉質鮮嫩，容易入口，唔會話好韌👏👏牛肩胛肉牛肩胛更加大份，差唔多先完嘅時候店員會幫我哋剪開啲肉，所以服務都幾細心睇，而牛肉唔需要煎太耐， 5分鐘內就食得，好香牛肉味，整埋醬汁就滿足了茄子茄子好大份，茄子比較索油，所以要煎耐少少等佢完全吸收晒油粉先可以食得，因為太油嘅關係所以要配埋泡菜湯泡菜湯呢個餐係跟埋一個泡菜湯，入面有泡菜、豆腐、菇等同嘅蔬菜，唔算太辣，但係撈埋啲飯同埋肉一齊食熱熱地咁樣都幾好飲品🥤韓國紅茶 ，味道有少少似紅茶粉嘅味道，酸酸甜甜，幾有特色

我最鍾意呢間韓國餐廳係由韓國人主理，因為可以食到正宗韓國傳統嘅地道美食同燒肉。而且餐廳環境相當寬敞，乾淨衛生，令食客可以好舒適咁用餐。一坐低就會奉上六小碟前菜，每碟都好好味。我地叫咗個豬排骨，肉質鮮嫩，非常入味，而且好多汁，真係超好食。另外仲有佢地嘅大牛排骨一樣超美味，肉質嫩滑，好有牛味，再配埋佢地自己醃製嘅酸蘿蔔或者生菜同醬料一齊食，口感一流，簡直就係色香味美。另外再叫咗碟牛肉，亦超嫩滑，入口即溶，好好味，配埋佢地嘅韓國米飯一齊食簡直超滿足，真係每一碟都冇得輸。而飲品方面亦有好多選擇，包括好多韓國罐裝飲品，梨汁同提子汁都好好味。總括來講，呢間餐廳不單止食物有水準，環境舒適，而且服務員雖然係韓國人，但廣東話好流利，態度亦非常好，全程都好貼心，照顧週到，令客人有一種好親切嘅感覺，我一定要介紹多D朋友嚟食呢間咁好嘅餐廳，試埋佢地其他咁多款菜式！

好似係韓國人主理嘅餐廳叫左個燒肉set +豬皮 + 泡菜湯 海洋煎餅全部都好好食燒肉係由店肉親自燒嘅老闆娘仲要送左兩份韓國蜜瓜俾我哋真係唔寫食評唔得🥴🤤要保住呢間韓國嘢🤤

今日嚟到元朗搵嘢食 元朗夜晚呢邊真係好多嘢食 揀咗呢間韓國菜 哦吧OPPA &POCHA 上網睇係韓國人打理 即刻好想試吓😇 坐低睇睇餐牌 圖文並茂 有中文有韓文有英文🤣 聽到佢哋係用韓文溝通 點知落單嗰陣原來佢哋都識廣東話😆 落完單好快小食就上咗嚟啦 估唔到呢度小食有咁多款 平時最常見嘅泡菜同埋菠菜 呢度仲有火腿薯仔絲、翠玉瓜 仲有兩款我喜歡嘅魚糕條同埋魚仔😬 韓式蔬菜炒粉絲熱辣辣即炒即拎出嚟 好香麻油味 粉絲煮得啱啱好 唔會一夾就斷 蔬菜木耳豚肉 炒埋一齊好香好好食～ 人蔘雞湯天氣涼涼地想食啲熱辣辣嘅湯飯 仲要人蔘雞夠哂滋補😌 一拎上枱個湯仲係滾緊架😍 大大隻雞 雞肉整得好腍又滑 連雞胸都唔會覺得柴 滿滿糯米飯 配上有淡淡人蔘味嘅湯食 配合得啱啱好 感覺好似喺韓國食緊咁呀 推！ 鐵板炒豬肉呢個大推！勁好食🤤 用濟州嘅豬肉已經好好食 特別想講係佢特調嘅汁 調得好好 用生菜包住嚟食 完美🥹 牛肉石鍋雜錦飯覺得整整齊齊既韓式拌飯好療癒😌 今次揀咗牛肉味 仲有蔬菜、豆芽、香菇 重點係隻雞蛋 撈埋一齊食 再加埋拌飯嘅醬 一啖一啖停唔到口😬 整體嚟講 呢間哦吧 食物質素不錯 環境舒適 店