去完水立方揼骨，团长带我地黎万象城食晚饭。我从来都未黎过，亦估唔到深圳有这样既地方，名店林立，不过无咩人买野，个个大陆人冲晒去香港扫平货 ﹗从未黎过万象城，更加未黎过品村啦，好陌生啊。步入餐厅，睇落环境都几宽敞㖞，分两边，一边西餐一边日餐咁啦。二百几蚊人仔个任食晚餐，是但啦，试试无妨麻。什菜沙律，我坚觉得食紧什草啰，碎湿湿点食啫。泰式生虾刺生，都叫做稳稳阵阵既，虾虽然无味，但有个泰式酸辣汁顶住，不过不失 ﹗如果有埋蒜片、苦瓜片夹埋一齐食就更好啦。胡麻酱菠菜，普普通通无特别，爽口几好味。胡麻芦笋，放得好骨子㖞 ﹗哈哈，得几条边够咁多人分呀，好采系任食啫，再 order 多两个先。味道清甜多汁又爽口，好好味噃。串烧牛柳，哗 ﹗又膻又干硬㖞，好野㖞。三文鱼他他，三文鱼冻到似食紧雪芭，三文鱼蓉本身已无咩味道，一般都系刮剩系鱼骨上面既鱼肉黎做，味道好淡口啰。炸软壳蟹，炸粉仲多过蟹啰，掩盖蟹肉味道，都算炸得松脆，不过好咸㖞。香煎鹅肝配苹果，鹅肝偏瘦，跟苹果配埋一齐味道硬系怪怪的。酱烧羊架，味道唔错，又够腍又啖啖肉。牛油忌廉沙蚬，发育不良细细粒既蚬肉，而且有砂添呀，救命。鱼子军舰，系依度全部都系叫做寿司，并无军舰之分。饭粒又烂又黐口，半点醋香也没有，失败。好采有咸香既鱼子加上清爽既青瓜片，都一试无妨既。酱烧牛仔骨，普通又稳阵，唔难食，只系全熟比够韧少少。刺生并盘，全晚最受欢迎又最好食既一道菜呀 ﹗𫠒红鱼、八爪鱼、三文鱼、海胆、甜虾、赤贝，可以 encore 㖞。刺生并盘，刚才唔够喉，再添食 ﹗今次有三文鱼、北寄贝、𫠒红鱼，好满意呀 ﹗系冻左少少啫。池鱼开边烧，第一次咁样食，别有一番风味，几好。酥皮仿翅忌廉汤，童年回忆，唔知味道如何呢？非常浓烈既罐头味道，Shit ﹗盐烧三文鱼头，从来未见过咁薄又咁瘦架，骨杉杉无肉食啰 ﹗味道一般，而且烧得好干。盐烧三文鱼头，咁瘦既三文鱼头都唔知点食好，好采仲有粒我最喜爱既鱼眼啫，好味道呀 ﹗盐烧三文鱼鲛，烧到又㶶又干，好野㖞。无咩味道，盐味系有既。辣味元贝，放低时完全估佢唔到系咩啰，仲无啦啦用竹签上碟。微辣带少少海味味道，不试也罢。大陆生蚝，完全唔知边度黎架 ﹗大家都好奇怪，点解全部都上晒生蚝汁既？唔该换过全部走汁。高潮黎喇 ﹗从来未食过咁难食既生蚝，大家一齐食、一齐吐，最后一齐掉晒 ﹗到底咩黎架？有壳碎又蚝肉瘦猛猛，口感腍劈劈仲要带水喉水味道，唔怪得餐厅一早就用茄汁浸满佢啦 ﹗日式烧茄子，还可以啦，劲啖口，我想要蒜蓉同豉油啰，而且只系暖暖地，跟即叫即烧热辣辣出晒烟既烧茄子完全唔同架㖞。蒜蓉粉丝蒸带子，经典中既经典 ﹗佢地绝对估唔到我会拨开晒啲蒜蓉同粉丝系度揾带子啰，应该我完全食唔到有大带子系度。最后比我揾到一粒约 4mm 白色块状物体，到底咩黎架？好鬼似肥猪肉㖞 ﹗离晒谱 ﹗个经理系度望住我，我话知佢啦。照烧牛柳，难得正常，全熟不太干硬，用点力赵就食得到，酱汁超甜，入得口。盐烧大虾，个个已经食到停晒手喇 ﹗我仲有少少 quota，见到有虾食，仲话系大虾添，梗系要试试啦 ﹗大虾都唔大得去边，有我手指尾大小左右。哗，劲咸呀 ﹗好多盐，要用手剥壳，唔放得入口啰。雪藏虾完全无鲜味无虾，幸好不是霉肉，全部都几干硬呢。日式海鲜汤壸，居然有海鲜汤饮，试埋啦 ﹗真系揾命搏，唔试好过试啰。刚才蒜蓉蒸带子都未算惊吓呀 ﹗高潮叠叠起，陆续有来 ﹗见个汤暖暖地试啖先，惊死人咩 ﹗吐都吐唔切呀，即喷 ﹗什么来的？腥到不得了，有虾壳味道，黑色金菇，全数掉落垃圾桶。牛油烧粟米，比左二百几蚊人仔食美日任食餐，最好味都系依碌粟米喇 ﹗唯一唔洗揾命搏既食物，安全又好味。…查看更多
依家好多食物都系限量供应(即每枱只能order 1 碟)，鹅肝多士，生蚝，鹅掌，连我至喜爱 西京烧 都系限量供应，食自助餐 但样样限量供应，call now yeah，劲失望。
同上面一样~又系新鲜滚热辣送到黎食落冇咩虾味~不过好多芝士,岩晒爱食芝士之人一样系岩岩烧起送过黎有牛肉味~只系芝士太少加左小小盐去烧~已经好好味环境好好,日式卡位有日本风味服务唔错,侍应都好快手,又唔有miss单既情况卫生:好干净
