品味料理

营业中

休息中

今天下午去呢間餐廳，我觀察到如果內地客去食，立即畀個貴既餐牌，再加一去劏客。香港人就畀別外一個餐牌。完全係一間不知所謂店，大家要小心呢間。我叫一個牛腩飯加一共$80。坐住我对面个香港女仔叫个牛腩飯只是$50真係离鋪！仲有冇过份d,係香港做d甘既野，丟香港面。大陸化。大家吾好再來呢間，要話畀你地朋友聽。我一定会去消委會投訴呢間野。點會甘過份。甘樣點會做得長，只貪圖一時利益，就甘樣去劏客，小心最后果幾年呀。

今日係尖沙咀整完指甲💅原本想打算喺樂道食米線🍜點知太多人👫👭👬排極隊條隊都冇郁過周圍去睇下附近有咩食～見到呢度有一間食燒腩仔見都幾平，試一試佢～我食燒味飯一向都習慣多汁但今次我覺得太鹹...如果個汁甜返少少或者唔好咁鹹會好啲不過燒腩仔同飯既份量都好多🍲依間餐廳除咗食燒味仲有啲泰式既食物飲品既選擇都好多除左平時嘅茶水同汽水之外仲有泰式飲品同埋紅白酒又可以係套餐再加錢加小食啱晒貪心人😆🤣燒腩仔都算脆部位都ok！對得住個價錢~

今日同屋企人食飯，D飯好好食！平時食其他越南野D肉都鞋鞋地，今日經過見到價錢唔平唔知食唔食好，但見老闆娘好有禮貌地推介呢間招牌野食好好食，我見呢間環境唔差就試下。食完唔係好明點解會有負評話D肉好鞋，一分錢一分貨，明明入口即溶！！！猪手D肉多過骨，猪扒都好淋，好香！！！最特別推介係串燒！真心好食！食完飯老闆娘有請我地食紫米露，所有野都好好食！老闆亦有介紹下次可以食燒味，屋企人都食得好開心，下次一定會再食！！！

尖沙咀都幾多好嘢食，劣食唔算多。但竟然俾我食到全香港食過最難食的pho又係有圖有真相啦！佢話秘製湯底極力推介我食！仲叫我加錢要個一人餐，一碗pho加馬拉盞炒通菜，加多$10，仲有杯強力推薦的fresh lime soda with fresh mint多謝10% 服務費，$100仲有幾蚊就返俾我。我真係好後悔。碗pho勁勁勁威，超味精，好難食，牛肉好鞋，粉都唔好食。真係好難食。杯lime soda 唔好飲，塊fresh mint都梅㗎。碟菜可以難食過pho，勁油，係最平的通菜又老又難食，又係超咸。食完呢餐只知一口味精飲乜都解唔到

尖沙咀開完會搵嘢食，路過見到一間越南菜，但門口又有燒臘檔，覺得幾特別，就入去幫襯吓。食越南菜一定要試其主打：1. 河內生牛肉湯粉食湯粉，第一口一定是先喝湯，清而不膩，牛味芬香，讃！再嘗牛肉，薄薄帶點肥，可以！其如還有芽菜和薄荷葉，配上滑溜河粉，水準之作！2. 會安春捲賣相不錯，伴有小番茄、生菜、腌制酸白红蘿蔔丝和薄荷葉。春捲皮米纸薄，饀料亦豐富，有云耳、紅蘿蔔丝、粉丝、九層塔、肉丝和豆芽。包上生菜，令囗感豐富起来；再混上一点鱼露和辣椒，味蕾也被觸动了！

尖沙咀樂道好多餐廳，但V&B自從重新裝修後，一直沒有幫襯過，今天午飯時間見有位，所以就入去試試。估唔到越南午餐選擇都唔少，我就揀左”雞翼拼豬頸肉飯”，同事就要碗”雞絲扎肉芝麻醬撈檬”，餐飲就要杯熱咖啡我碟飯有一隻雞全翼，然後就再斬開一半，而雞翼係香芧雞翼，剛剛炸起，所以食落好重香芧味，十分入味，另外豬頸肉都有好多片，又係烤得好香好腍同事的撈檬都好大碗，有好多扎肉同雞絲，加左芝麻醬，撈埋無乜味的檬粉，同埋檬粉係凍食，天氣熱食就更加唔錯整體都係唔錯，間中想食越南野這裏係唔錯的地方

Friday Night 約左老公去睇戲, 未夠鐘前當然就去醫醫肚啦! 行過見到一間VIET 又新新地咁就行上左一條錯誤的路!! 呢餐完全係破壞左我地美好既一晚!!!!一入到餐廳被安排到一個出餐位附近的位置, 由於地方都好窄所以我地都好耐心咁俾出餐的店員行左先我地再行. 點知出餐的店員行左出黎後有一個身型肥胖的店員哥哥唔郁, 我地都企左成2分鐘我就問店員請問我地點樣可以坐底呢. 我地入唔到!! 佢既回應係我地既大佬就唔會郁嫁啦, 不如你從後面行啦!! 我個心即刻有點火滾, 你行出一步我就入到我係客WOR 大佬!!! 最後我地都係行到去店尾繞一個大圈去到個個位. 唔知係太新定係人手不足定一話係呢個係店的服務態度, 我地要自己去攞餐牌先知有咩食. 而當時店舖的人不在忙什麼只是忙著傾計!!! 我地睇左一陣就叫左幾樣野食. 由於太餓的關係所以都唔想理會佢地的服務態度.首先黎左個香茅豬扒飯, 味道係唔錯既因為我地都太餓了~ 點知食到底時有3條金色的長頭髮! 問店員佢話應該係我自己跌落去, 我話我而家成頭都冇一條咁金同咁長的頭髮WOR! 再望一望佢地OPEN KITCHEN中有一位金長髮的師傅!

V&B裝修之前已經一直有光顧，今日年初七人日，又趁佢啱啱裝修完冇耐，我同女友慶祝人日生日就決定再次光顧V&B 一入到黎，見到地方闊落左好多，好舒服，坐低後我同女友都一齊點左生牛肉湯河套餐，d牛肉同以前一樣都係超香牛肉味，識食既梗係要飲埋佢d湯啦，精華黎架喔！水準冇跌到同價錢都冇加到兩個side dish要左一個新加menu馬拉盞炒通菜同會安春捲，通菜上加左少許炸蒜，同菜既味道融合得啱啱好，而d菜都好嫩滑春卷用生菜同點埋醬食之後去左浸油膩感，食完好想食多碟由於今日餓左一日，特登試埋裝修後新加既新菜式：燒味！蜜汁叉燒甜度適中肉質好嫩，燒肉皮脆得黎一d都唔鹹同油膩，重點係肥膏唔會太多，下次一定會再點個人推介：個人套餐會更加抵，因為又有野飲同小菜食

相約友人於尖沙咀晚飯不過一直糾結吃什麼菜式把心一橫試試越南菜於是立馬就搵到呢間位於樂道既品味料理當日去到其實不算滿座有好幾枱客在吃眼見其實頗吸引免除麻煩之下一人一餐再加一客湯大家share應該感覺不錯的說~蕃茄蟹肉湯蕃茄味濃而且鮮味喜好蕃茄人士定必好喜歡雖然蟹肉是打成肉丸般可是味道尚算不錯不過建議要先快快吃不然凍了味道就不太好吃了跟隨之後就是我們的湯檬我們叫的是香茅豬扒湯檬夠熱而且好大碗味道亦算不錯不會過咸都不會太淡豬扒鬆化得來亦保持到肉汁不會過於軟身而失去口感總括來說算是滿意價錢合理而且味美

夜晚約左朋友係尖沙咀食飯，行左勁耐都搵唔到岩心水既餐廳，咁岩行到樂道果時見到間新開越南野未食過，再加上佢既環境設計風格簡約，係我鐘意類型，所以諗左陣就決定試下呢間。因為晚市，佢地D位都滿滿地，我地要等一陣先有位坐。望完餐牌嗌左4樣野:番茄蟹肉湯、豬扒沙侓、芒果軟殼蟹紙米卷同埋燒大頭蝦。番茄蟹肉湯好鮮味，好多番茄蓉，超正豬扒沙侓，望落唔特別但味道加返分，都算唔錯個紙米卷好好味，芒果唔酸仲好甜平時食燒海鮮最驚D廚師燒到’’干曾曾’’，但今次呢個大頭蝦燒完D肉係霉既，同個店長講完之後佢地換左第二隻比我地，可能投訴完第二隻蝦明顯唔同，燒完有汁不特止，味道好吸引。接受意見再即時更改呢個行為十分讚好。*如果唔係第一隻蝦係霉的話，其實我會十分推介叫佢，因為真係好好食。估唔到晚餐試新野竟然有驚喜，食到好野心情都開心D。希望餐廳可以KEEP住質素等我下次再黎。

11月頭幾位日本朋友來港玩，話想食越南野。經朋友推介下，決定去試下尖沙咀新餐廳V&B！一入去，內部裝修簡潔，員工都是很熱情及充滿笑容，第一感覺已經覺得很親切。坐低後，餐單有英文版，日本朋友也能容易點菜，讚好食物方面，我最愛這裡的香茅豬扒及香茅雞扒，外皮香脆不油而且啖啖肉，聞到正中的越南茅香食落又很入味，相信在醃製階段花了不少時間。用心製作加上貼心服務，極力推介衣家我每次同朋友去尖沙咀都會介紹他們來吃！我一個月已食左兩次兼買外賣幾次了，變成每月必到之飯堂？！

全職媽媽又黎食好西 😬😬😬難得返工幫下手 最鍾意出黎搵野食原來公司附近開咗間品味 食越南野當然要去食下喇 店內裝修簡約 感覺舒適 座位唔算太迫叫咗個下午茶 燒豬頸肉撈檬 加 三色冰豬頸肉好爽口 唔太肥膩..好香既調味檬粉軟硬適中 估唔到下午茶都食到好飽 好滿足價錢唔貴 可以話係好抵食岩哂我依d窮媽食好難得尖沙咀有咁抵食既餐廳 真係要介紹多d朋友黎食先另外見到餐牌介有好多正野好吸引 下次可以試下晚餐服務態度好好 好友善同效率好快 依樣要讚下

Beef and chicken with Rice Noodles in Soup Pros:Nice Vietnamese restaurant Simple decoration Friendly staff English and Chinese speaker English and Chinese menu No service charge Clean and tidy environment Efficient service Affordable price Food:Flavoured soup Fresh food Good beefGood combination for all ingredients Consnly accept cash

下午同朋友經過尖沙咀見到多左一間越南餐廳開左係樂道，價錢係尖沙咀黎講一D都唔算貴，裝修又乾淨企理，所以就決定入去試下。一坐底就有侍應遞個平板餐牌比我地睇,望晒之後我地點左一個生牛肉湯河同大頭蝦,雖然鋪頭多人但我地等左唔係好耐餐點就已經整好(呢樣要讚一讚,大廚效率高呀)。個生牛肉食落去同平時係越南餐廳食到既味有D唔同,問左餐廳D人先知原來大廚將個湯底改良左,用金華火腿、雞骨、冬菇….黎熬湯再煮越南湯河都幾有創意,個味道黎講我個人都幾鐘意。至於個大頭蝦真係必食推介,隻蝦有8吋長左右,份量足,最緊要係有蝦膏再加埋佢用牛油蒜蓉整,食落去每一啖都好香。係尖沙咀用低價錢食到高質野真係物超所值,下次一定會再黎幫趁。

早兩晚因為喉嚨痛唔舒服，同女友一齊經過見到V&B岩岩開冇耐，當時見到呢間餐廳價錢以越南嘢黎講都偏貴，但唔知好唔好食（因為tst好多好伏既餐廳），所以就抱住試一試既心情入去食入到去之後第一次幫襯落order叫左一個生牛肉湯河和一個豬扒撈檬套餐，都覺得同其他越南餐廳分別不大，但個生牛肉食左入個口之後真係同其他越南餐廳好唔同，牛味勁出！之後有同職員講話生牛肉好好食，佢再介紹埋連埋指天椒食味道會種出！🤤我就跟住試一試，超級辣！！！出曬汗！但好好食同超入味😍😍😍（食既朋友小心逐親）事後職員有解釋湯係用豬骨煲，加埋辣椒調味一流！反而豬扒同其他出名既越南餐廳分別不大，所以今日第二次黎到我都係食翻生牛肉湯河，重點推介！P.S. 食春卷記得包埋菜食，真心唔差