品味創意台灣料理 (已結業)

Emax有兩間台灣料理，一間喺地下，一間2樓，今次食呢間喺2樓，公司剛剛搬嚟九龍灣時試過一次，當時只覺得珍珠奶茶唔好飲，心想台灣料理連最基本嘅珍珠奶茶都唔好飲，唔會再試，但係最終決定俾多次機會佢，試多次!呢度d午餐都算多款，分自選午餐同午餐，自選午餐價錢就貴d，有前菜、主菜同飯麵選擇，另外特色飲品要加錢。我哋一行5人，選咗幾個唔同嘅餐試吓:米粉味道唔錯，但排骨比較咸同乾。個人幾鍾意呢個雞翼嘅味道，唔會太咸，不過如果唔係原隻上好d，全翼食落有d麻煩。呢個雞排望落去大大塊，好似好正咁，但食落就真係麻麻，個味唔係人人鍾意，而且比較乾身，較為失望。呢個乳鴿餐似乎係大家最欣賞嘅，原價$88，而家優惠價$68，真係幾抵食!乳鴿好脆，好似啱啱焗起咁，配有薯角，鮮茄米粉都唔錯!

呢排成日要嚟E-Max 做野，揀左呢間食台灣野嘅！本身諗住揀個小菜套餐，點知冇晒我想食果樣小菜！結果要咗個牛肉麵，牛肉麵要成$70，加埋$10特飲要胚芽珍珠，total成個餐要成$80！牛肉麵，麵係好食嘅，個湯都唔錯，可惜牛肉真係麻麻，好鞋，完全唔想食！我比隔離位嘅同事食都話好難食！呢個價錢嚟講真係有少少失望！反而同事叫嘅炸雞扒又ok ，大件夾抵食，但午餐嚟講，呢個價錢都真係太貴，所以都應該未必再嚟！

因公事，今日到此一遊，(九展)忍唔住要醫一醫肚食了以下芝士煙肉手作麵，即係，卡邦尼意粉。其實睇個名都估到一點點... 食得出，味香，芝士白汁剛剛好，每一條麵都係俾啲汁包注，正呀。😍反而，我覺得大家一定要試試台灣香腸，切好一片片的腸，加上蒜片，好味到爆呀！！！！不過，$106, 食個lunch , 係有啲貴🤦🏻‍♂️PS, 今日星期六，由十二點開始坐到一點，客人不多，上菜快，新鮮熱辣。希望呢間美食味能生存落去。等美味食物得以盛傳

今日去開九展， 見開左好多餐廳， 順便食埋lunch 先走啦。1點鐘左右到， 有位，唔洗等， 好多附近返工的人都係度食飯。Lunch set 都幾多選擇， 但價錢唔算平。呢碗紅燒牛肉面啲面既質地有啲硬， 啲牛肉既味道普通，有啲肥，有搭左舊牛根。Lunch set 九龍灣地區 呢個價錢唔算平。賣相唔太吸引，但份量都夠飽。蚵仔泡飯，都有幾多蠔， 味道普通啦。 賣相都幾好。份量都夠。跟餐叫左杯梅子綠茶， 唔甜， 粒梅係話梅， 唔係新鮮梅， 都夠酸，幾好。

今日同姪仔姪女喺九展玩完嘉年華會之後，放完電就梗係要叉返電啦🤣落咗樓下食嘢，因為呢個時間唔三唔四嘆，所以只係食咗啲鬆餅甜品之類就算。芒果綿綿冰- 小朋友等唔切，食咗我先記得影相😜除咗芒果味綿綿冰之外，仲有芒果肉砌粒，芒果爆珠(食淨返幾粒😂)伴碟。我食咗啖綿綿冰同爆珠，有芒果味，同平時食嘅綿綿冰無乜特別。我要咗九份芋圓 - 我真係好鍾意食呢類芋圓粉圓，近排勁食😅芋圓煙韌有咬口，唔係好食到芋頭味，不過呢啲粉圓都無乜味，只係鍾意佢嘅煙韌口感。仲有成球抹茶味雪糕，好鍾意食抹茶雪糕😍有抹茶味，唔係嗰種奶味重但無乜抹茶味嗰啲，呢個ok😋仲有西米、仙草、花生粒、類似寒天嘅嘢、紅豆(似蓉但有紅豆粒)...好足料👍🏻鬆餅配雞翼 - 鬆餅好鬆軟香口，一啲都唔係硬嗰種，雞翼嫩滑唔乾，配少量水果伴碟。鬆餅士多啤梨配雪糕球 - 份量大，鬆餅一樣鬆軟香口，雲呢嗱味雪糕夠香滑，士多啤梨都唔酸，兩個小朋友一份都食唔晒。姐夫叫咗個香酥雞排烏冬，雞排超大份，大到好似豪大大嗰啲咁，配一碗烏冬。(忘記影相)

今日中午黎到emax食呢間台式料理。揀左個自選午餐A。前菜是一道麻醬菠菜， 波菜本身幼嫩，配上胡麻醬感覺開胃易入口。主菜是一道紅蔥醬嫩雞，雖然紅蔥醬汁配搭不錯，有一陣蔥花的味道，但感覺雞本身比較多碎骨，而且肉質比較軟，使人感到口感不太好。另外，香菇肉燥湯米粉沒有什麼特別，與普遍台灣新竹米粉差不多，份量也不算多。套餐包埋一杯凍梅子綠茶，綠茶外加梅子配搭，酸味令人感覺開胃生津。In overall 中規中矩，普普通通。

九龍灣展覽中心嘅2樓大部份店舖都係食肆，呢間台式餐廳喺電梯一上，轉右邊就係，地理位置10分方便餐廳有分喺餐廳入邊嘅座位，同埋坐喺公共位置比較開放嘅位，我同朋友就揀咗坐公共位，貪佢夠方便，傾計傾耐啲都唔怕會俾人趕走今次我點左牛肉麵，大概要＄70左右，價錢偏貴而且呢佢牛肉麵個份量太少，好似食兩三啖就已經食晒成個面，而且牛肉煮得唔夠淋，食起嚟有啲硬，湯底仲有啲太鹹以呢個價錢來講我認為唔算抵食，而且食物亦有好大進步空間希望下次再嚟幫襯嘅時候會有進步啦

每次到九展其實來來去去都係食嗰幾間餐廳， 而呢間台灣料理我都幫襯過一次lunch， 反而晚飯就係第一次，上次食午餐我印像中係普普通通唔算好特別，反而今次晚餐真係有驚喜！ 餐廳嘅食物質素都有進步！紅燒牛肉麵，牛肉好入味，分量亦好多，湯底配埋烏冬好香，烏冬入口嫩滑彈牙，讚！滷汁拼盤配白飯， 拼盤入面有雞翼， 豆腐 & 牛展， 三樣都做得好入味， 我自己比較鍾意牛展， 一片片薄身嘅易入口！ 仲有滷水汁送飯好好味！台灣香腸魯肉飯， 豬肉帶有少少肥， 台灣腸香香甜甜，兩樣加埋都係我至愛！香酥雞排烏冬，雞排超級大件， 外脆肉嫩， 炸得好好味感覺唔太油！台灣香腸就食得多，佢呢度嘅做法會夾住一塊蒜片，食落口多左陣陣嘅蒜香味， 好鍾意呢一個食法！鹵水雞翼同之前鹵水拼盤嗰啲一樣，叫多咗！凍胚芽珍珠， 估唔到有咁大杯喎，味道仲唔錯唔算好甜啱啱好！熱百香果紅茶， 比較甜如果可以淡啲，就更加好飲了！我哋四個人食，埋單353蚊，食物質素唔錯， 環境亦都坐得好舒適，店員服務親切友善！

第一次寫openrice comment，其他食評說貴價認真的麼😂我們三個女生total吃200+，平均都不到一百。強烈推薦鹽酥雞、三杯雞；牛肉麵也ok。不過店內放的音樂比較吵，服務相對也比較一般。

又同同事出街食lunch，今次係第2次黎食，在門口等左10分鐘左右先有位。在門口等緊個陣已經諗好食咩，對於食個lunch黎講，價錢都唔平，但我地有張8折咭，所以都低食既。我地4個人都叫左唔同款既野，份量夠多和味道ok，炸雞扒好大塊，我一個人食唔晒，同事話好好味，但我就覺得一般。蠔仔粥有好多蠔仔 ，我試左幾啖係好味。而個牛肉麵好香，份量適中，如果d牛肉煮林d我會更鍾意。比張單大家睇，這是未打8折的價錢，加10蚊可飲珍珠奶茶系列。最後要唔該晒侍應哥哥們，我漏抵左件衫，佢地幫我保管住，仲用個袋入好添，讚！

9展內既餐廳多數做lunch 生意多，晚上7時來到大部分餐廳都關門/ 準備關門了，好不容易見到呢間幾特別既台式料理. 雖然價錢貴左d, 都決定試下。餐牌有多款台灣手工noodles, 當然要一試！選了這個配料較多的，有small scallop, 小蕃茄，pineapple， 味道非常特別，酸中帶甜noodles 有「趙口」！呵仔煎相比手工noodles 就失色左，雖然味道中上，但少左一份「街頭風味應有的獲氣」不過個醬料相配得宜！台式餐廳點會冇waffle? 鬆餅脆而不硬，水果有三款，幾新鮮，ice cream 又香！洛神花水果茶，茶味濃，沖多幾次水都唔會變淡凍梅子茶，酸酸味，很開胃！有質素既餐廳，會再來的！

今天跟朋友到emax午餐，朋友建議吃台灣菜，所以便試試。午餐包一款飲品，點了一碗牛肉麵，朋友點了雞排飯。牛肉麵的牛肉份量較細，男人食應該不夠飽。但朋友點的雞排卻很大塊，而且香脆，值得一試。

野食普通，話創新唔創新。食個蠔粥食到口淡淡。蟹黃油撈稻庭手打鳥烏冬，食到有d 喉。唯一冰啡奶酪幾好飲，不過第二次飲已經冇水準。d音樂好大聲又嘈，好趕客，同埋好q凍。九展坐得唔耐嘅地方!唔會想再黎囉。

今天我和男友去這裡逛街，看見這間台灣餐廳環境不錯，於是我們便去試一試。我們叫了紅燒牛肉麵和鹽酥雞扒烏冬，另外叫了一份鹽酥雞小吃，飲品叫了熱水蜜桃紅茶。紅燒牛肉麵方面，看上去比較細份了一些，不過牛肉份量都算多。可惜，牛肉雖然都算入味，但口感太硬和堅韌，個人不太喜歡。反而烏冬味道不錯，牛肉湯的味道滲入烏冬中，十分美味！鹽酥雞扒烏冬方面，雞扒十分大塊，真的十分大塊！和我一隻手掌差不多大小！可惜，接近2/3都是炸粉…事實上雞扒十分薄…雞肉少得可憐雖然，第一口吃下去時味道不錯，但吃第3塊開始，口感便愈來愈乾了，愈來愈不想吃…因為真的太多炸粉！！！不過烏冬味道都不錯，堅堅韌韌，口感不錯！鹽酥雞方面，這份小吃完全不抵吃！$38只得幾粒，又差不多全部炸粉，都是雞扒比較抵吃。飲品方面，我叫了熱的水蜜桃紅茶，太甜了，完全只是糖+水，一點都不好喝。價錢方面，這間餐廳比較昂貴，紅燒牛肉麵$62，鹽酥雞扒烏冬$76，鹽酥雞$38，午餐會送指定飲品，水蜜桃紅茶便是了，不過餐廳不用加一，2人總共$176。總結來說，這間餐廳的食物味道都算OK，不過比較昂貴，但九展內很多餐廳都是這個價錢，大家都可以一試。

之前常覺得在九龍灣國際展貿中心逛展貿的話會找不到吃，原因不是人多的話就是選擇太少。所以每次來這邊都會待逛完後都會回到德福廣場那邊才去找餐廳吃。但原來現在這裡的餐廳已經增加了不少呢！在朋友的介紹下來到這家吃台灣料理的蚵仔泡飯 ($70) - 看起來還頗大的一碗。這碗內的蚵仔很肥美～每隻也很大的嘛！而且吃落都頗鮮味。湯底本來吃著也還好，但吃到一半就覺得愈來愈鹹，最後只能隔開湯～只吃飯。另外還有滿重的麻油味就是喔 ...跟餐飲品選了 - 胚芽珍珠奶茶 (+$10) 不會太甜還不錯。不過煙韌的珍珠好像有點少 ...