咖喱至尊餐廳小廚

营业中

休息中

咖喱個底做得好足料，叫BB 辣， 味道唔係濃到濁嗰款，較為清香，洋葱、薯仔、香料都煮溶，食得出各種底味。 唔覺有無味精，食落好舒服對比鄰近出名嗰間，呢間出菜温度夠而且無濯口、亦無味精嘅渴喉。 沙爹望落比咖喱深色少少， 質感同味道都似咖喱個底， 微微有花生同乾葱、乾魷魚嘅味。 一樣好好食。 但唔似馬來沙爹或潮州沙茶味。 兩款一齊食，食到中段就較為難分辨到食緊咖喱同沙爹，反而令沙爹無咗突出。 咖喱配牛腩會係首選， 加入咗入嘅油香，牛坑腩嘅筋膜，提升咗個咖喱層次。

話說呢幾日天文台溫度驟降，夜麻麻凍凍地最啱打邊爐～醒起附近有間158雞煲有埋打邊爐～過去聽佢講話收一點，惦。本身其實食客都唔係少，所以我哋坐咗出去門口路邊。雞煲嚟嘅時候都幾香，不過食吓食吓發覺其實都冇乜肉食。唔緊要，任飲任食嘅邊爐一定夠飽掛。點知入到去睇吓啲料發覺好似都冇乜剩。淨係啲菜好似有補吓之外，其他嗰啲都係好似冇晒咁。牛肉得返幾盤（一盤兩塊）攞完之後好似冇再加過，最後唯有靠啲丸啊腸啊烏冬打爆個肚之後就算數～喺路邊其實都幾大風，個爐煲咗成三四個字都起唔到～埋去同店員講都肯叫俾返個風檔嚟頂一頂，如果唔係真係唔知幾時先有得食🙂‍↕️

上網見收2點 11點幾去到問仲有無得食 嬸嬸話得返個半鐘可以食 無問題照入 自助位有野飲 丸腸仔菜可以拎醬料位喺鋪出面露天 枱同地下還算乾淨 但碗碟完全唔ok 洗完都再用紙巾抹 因為比你洗野兜水都係濁嘅雞煲味道正常 但啲雞大部分唔係肉位 根本無得食 再加雞就要比錢 20蚊 轉打邊爐 豬肉無晒 牛肉得返2碟 係咁多 嬸嬸仲話：無晒啦 下次再黎食啦 😂依個價錢我知無咩可以要求 已經唔理污糟 上雞煲極慢 但入到黎得丸同菜可以食會唔會太過分做得任食 牛豬無晒好應該入座前講聲？諗住食宵夜嘅真係唔推薦 一肚氣又食唔飽 真係比人水咗3舊水嘅感受 仲同我講下次🥹

元朗的朋友说带我去吃一家平价好吃的🐓煲火锅放题，人均💰1⃣️5⃣️8⃣️在香港真的性价比好高！本来想吃咖喱的，看这家招牌就知道咖喱口味一定很好吃，但是！去太晚没有了😭不过没关系重庆麻辣味也很不错，下次再去吃咖喱味2个人安排的半只🐓，肉质鲜嫩，一接锅给我香迷糊了😍😍份量刚刚好！吃完就加汤煮火锅啦先去门口调了一下蘸料，爱吃辣的朋友一定要试试他们这个秘制咖喱辣椒酱，又香又辣，蘸啥都好吃👍🏻对了，食材和饮品都是自助任食任饮的，我以为只有饮品肯定不包9⃣️水，没想到居然也是任饮！毛肚好新鲜口感脆嫩，还有我蕞喜欢的娃娃菜很鲜甜，响铃和炸鱼皮一定要拿！还有一款腌制好的牛肉很是嫩滑，蕞后煮个泡面，简直了！！！吃撑了🥹🥹

呢間雞煲系老字號，住元朗既人都應該都唔陌生🥰系青春回憶黎，記得我在學時期零用錢唔多… 都會希望可以同一大班同學、朋友，大吃大喝、咖喱至尊系任飲任食既唔錯選擇！火鍋湯底有7款唔同口味選擇，雞煲亦有麻辣或者咖喱味揀，我今日試左咖喱雞煲，［麻辣雞煲食得多，咖喱雞煲未食過］所以今日專程嚟食咖喱雞煲，亦都好啱鐘意食辣嘅朋友，🌶️🌶️辣度都系自己選擇，我揀咗小辣，仲有至尊辣食得辣既你可以去挑戰下老闆話：咖哩用左巴基斯坦咖喱配方，配方得到巴借高人真傳🫶🏻 傳承左30年，咖喱雞煲做得好出色，加埋佢既咖哩又幾好味喎😋咖喱味好香，啲雞啖啖肉之余仲好滑… 全部火鍋配料都好新鮮！咖喱至尊除左有得食雞煲之外，佢仲有出名既咖喱飯，唔食雞煲都可以試下咖哩飯… 同朋友黎食下野飲下啤酒吹下水都開心呀🥳。📍元朗鳳翔路70號冠豐大廈地鋪

星期六晚市8點食雞煲， 等位唔派飛。不停比D人亂打尖， 同侍應講左都唔鬼理。 比3幾張檯打尖之後，終於可以坐低，以為終於可以安安心心咁食餐飯。 但坐低後等超耐都唔上雞煲， 120分鐘任食， 足足等左25分鍾先上雞煲。 都算， 最緊要係佢哋有個雪櫃放肥牛， 我坐低2個鐘， 冇見過個雪櫃有肥牛。 牛毛都冇條！ 同侍應反映左數唔盡咁多次， 佢夠膽死同我講整緊， 整成兩個鐘？ 大家想品嚐任食生菜肉丸就幫襯啦， 我就點都唔會再返來受氣啦！ （100%真實食評）

呢間咖喱至尊開左好多年，我都由細食到大，每次黎都係食佢既咖啡班塊飯。講起呢到既咖喱，我最大既印象就係佢有青瓜、蕃茄係入面，好清新，亦都係呢到咖喱特別既地方，其次就係班塊好脆，好有口感，真係百吃不厭呀！

平日食咖哩，我淨係諗到大家樂 ╮(╯▽╰)╭ 因為大家樂嘅咖哩都幾出名吓 (˶‾᷄ ⁻̫ ‾᷅˵)今日經過呢間，結果就買咗返去家姐屋企試下，橫掂冇飯食。門面好不外如是，好多人喺外面飲啤酒，睇賽馬，反而入面冇乜客(雖然天氣熱，啲人都係坐外面，可能可以食煙吧)。買嗰陣仲未到五點半，見到晚餐牌，根本唔知仲有冇，不過是但啦，就叫咗咖哩豬扒飯，凍檸茶。以為係$56，點知只係收我$46。嗰心好奇怪，忍唔住問，原來仲係下午茶喎╮(￣▽￣"")╭等咗都幾耐有十分鐘，裏面嘅伙記都黑口黑面，我冇摧佢。點都好，盒飯回到家都似模似樣，不過講真，佢嘅咖哩粉加咗好多香料，唔似一般嘅咖哩。好唔好味？同我期望有分別，但都可以。豬扒切條上，ok的。

行過新b仔，被一個雞煲的二拉架所吸引，行到埋去餐廳門口，濃烈的雞煲香味撲面而來，所以忍不住坐下吃。叫了一煲微辣的雞煲，其他配料和飲品都是任叫任食的，算抵食。等左10分鐘後雞煲終於到左，味道非常濃，汁都睇得出好杰，但係略嫌雞塊數量不足。由於雞唔夠，汁又少，所以好快燶左。。。

今天同老婆去幫襯元朗咖喱至尊餐廳小廚，之前經常行過呢間舖頭，但是從來没有幫襯過，今天忽然又想試下。我同老婆叫左一碟巴基斯坦咖喱雞飯、一碟巴基斯坦牛腩飯、一杯凍奶茶、一杯凍咖啡，合共盛惠$86。咖喱汁加左小小辣味道好特别，白飯硬度適中有飯味，舊薯仔的味道還可以。咖喱鷄淡而無味。咖喱牛腩又是淡而無味同太硬，好難咬口。凍奶茶及凍咖啡的味道就一般。總結，如果只是食咖喱薯仔飯就可以，其他的真心講有點失望，下次可以不去再幫襯。

今日同老公嚟呢間至尊咖喱食lunch，我叫左個特價午餐入面嘅巴基斯坦咖喱雞飯配凍奶茶，老公就叫左個巴基斯坦咖喱牛腩飯配凍咖啡，2個午餐加埋$86, 凍奶茶先上，飲落唔係好似茶餐廳嘅奶茶，茶味同奶茶都唔多覺，飲落普普通通。跟住上個咖喱鷄飯，賣相都幾好，有2件大鷄，一件蕃茄，少少青瓜同洋蔥。不過食落就幾失望，除左食得出係雪藏鷄之外，鷄肉本身亦唔似有調味，個咖喱汁聞落都幾香，但食落就無咩味道，除左因為太多香料而產生的少少苦味外，幾乎食唔到其他味道，老公個牛腩亦係無味道嘅。

餓啫啫一時工作忙碌，連中午時分都忘記外出用膳正所謂「搵食」大過天，我當然唔會癲到唔食晏啦。無心插柳下，走進呢間主打咖哩的茶餐廳醫一醫肚子。細看下，原來是主打巴基斯坦咖哩！哇…會唔會好辣呢？我就要一客咖哩魚柳飯淨係個賣相已經攞五分先，咖哩汁濃郁，近似醬既程度；仲有一匙羹辣汁，我諗呢匙野係個汁既精髓所在薯仔: 夠冧，好粉，掂魚柳: 夠香脆，有咬口伴菜: 雖然是伴碟之用，但也值得吃下我餓啫啫熟於食得辣的人，但都要叫番杯凍奶茶解解辣呢好辣既朋友不妨挑戰大辣吖

行过去試吓，见$138都唔期望有質素，个雞煲只有辣没有麻的味道每次師父爆香雞煲时，全室內坐既人都会打黑痴或咳，因个味實在太攻鼻，抽风唔好，就会有咁既情況當食完雞就食火鍋，當然食物質素都係普通，款式都以平价食物為主全餐只有鯇魚片好食，贡丸麻麻，墨魚丸好多粉，鱿魚，生腸都正常，其他芝士腸同午餐肉都係麻麻，食一轉已經夠講真，收$138就预左係咁質素，120分鈡任飲任食，啱晒学生哥或对食冇太大要求既人环境就真係麻麻，坐室內都觉得熱

如果話食雞煲，其實我自己有另外一家更加心水的食肆，但可惜那一間就沒有任食這個選擇。這間咖哩至尊小廚，一到晚上d檯就開到出街，非常多人光顧雞煲、打邊爐或者水煮魚。環境不算特別舒適，幾張圓凳圍著張圓檯，等了約10分鐘雞煲終於準備好，一大煲盛著半隻雞，芫茜翠綠、辣椒圈鮮豔，視覺效果不錯。這裡的雞煲與我喜愛的那間味道相比，算是不太濃郁，可能因為我喜歡的那間會放大量的香菇和洋蔥，所以相較起來就沒有特別惹味。雞肉吃得出是冰鮮雞，但不會很大股雪藏味，雞肉還算嫩滑。吃完雞肉，當然是要順勢打邊爐，我建議這時候加少少水便可以，因為加太多水的話，雞煲的味道會被沖淡，d火鍋料就吸不到什麼味。呢度提供既火鍋料都算多，有50幾款，但都係尋常火鍋料，不過價錢咁可觀唔通期待店家提供鮑魚俾你咩？ 我建議大家要先叫d吸味食材，例如炸枝竹、蜂巢豆腐（凍豆腐）、響鈴等等，我自己就中意冬菇，因為冬菇吸曬味至於又非常juicy。其次而我最中意就係牛百葉同埋鵝腸，牛百葉還好，本身就冇乜味。鵝腸就麻麻地，完全冇味。但其他肉類如肥牛，滑牛肉都算ok。打到咁上下，個雞煲變左亂葬崗咁（有d唔好意思添...），但我show呢張圖出黎係想話俾

第一次見呢間餐廳令我諗起大埔嗰間咖喱至尊，仲記得當時第一次食真係驚為天人，覺得同佐敦阿龍可以爭一日之長短，又唔洗捱貴野，但係呢個至尊就唔係嗰回事了，個咖喱汁無大埔咁香，啲牛腩又實的的，唯一仲似樣既就係個辣，都幾獨一無二既，唔知呢間同大埔有無關係既呢？