咖啡空間

营业中

休息中

之前經過三次，幫親隔離泰式，今日想舒服下，見OpenRice,有食評幾好，所以今日試下。睇左一陣午餐牌，覺得合口味。田園意粉+熱檸茶$57😋雖然店內不多客，等餐花左d時間，好彩我公司近。見到有人試音結他，或者就快有表演，但我要返工啦！遲下再來😬

        住在炮台山，周遭食肆林立，想吃甚麼都有。但欲找一處安靜的地方好好呷一口咖啡，享受一頓下午茶，其實不容易。        偶爾經過城市花園商場內的Coffee+Space, 被她的「氣質」吸引。商場內充斥著補習社、畫室和琴室，Coffee+Space 卻是間個性小店，亦像個小型的展覽室，有書法、有畫、有陶藝手工，不定時擺放不同的藝術品，同時提供餐飲服務，是個值得流連的悠閒之所。        月前，我為朋友籌備一個驚喜派對，祝賀她生日和抗病成功。要找合適的場地，需要配合預算、地點、食物、設施，和Coffee+Space 的店主談過，以上的條件竟然都能符合，便決定一試。        我們需要場地夠寬闊，容得下50人，在享用自助餐之餘，也能於大白幕上播放影像和照片。為了要推高氣氛，我們還一起唱卡拉OK 和玩遊戲，這些，Coffee+Space 都滿足得到。至於食物，一個合理價錢有頭盤、湯、主菜、甜品和飲品，算是十分不錯了。最驚喜的，是特製的蛋糕，水準很好。        我們高高興興的過了三個小時，以這個價錢享有這樣的環境，食物和服務，物有所值！

星期日在這店內飲咗杯叫-混沌 Dirty嘅咖啡，原來係店內自己烘焙的咖啡豆，刻意不撹拌飲咗第一口，係濃濃又帶苦澀的原味咖啡香，飲咗半杯後再撹拌就變咗杯Latte,都幾過癮。現場重有幾位年輕人玩自己的音樂，難得有個咁嘅地方。真係冇人理你在這空間做乜嘢，根本就係一個自由自在嘅地方。有時都怕咗啲過度熱情嘅店員，怕煩反而感覺有份難得的自在。咖啡同環境都幾正。

一間充滿藝術氣息嘅餐廳，旁邊還有綠寶展覽品，真的很有趣！叫咗一碟會變色嘅意粉，味道很清新！意粉煮得啱啱好、蝦仁好新鮮！仲叫咗杯佢哋嘅特飲”日晨”，綠茶味好香濃！

係炮台山住左咁耐，都唔知有間咁正既cafe!意粉同All day breakfast 都好好食！好靚！地方夠大，好舒適，好岩傾計。同個friend傾左成個下晝，都無卑人趕仲有黑膠唱片聽！！忙裏偷閑既好地方咖啡係自家烘焙，新鮮沖熟，好正！試左佢地杯特色咖啡「dirty」，好特別！上層espresso ，下層加左有薄荷味既奶，飲落去味道不斷變化好有趣我本身都有自己沖開咖啡，佢竟然有賣咖啡豆以後唔使山長水遠走去搵coffee shop買豆

今日朋友包場party, 個女服務員態度超差，本身講好幾點可以交場佈置，食物包甜品之後又反口。之前講好package有discount, 到落訂又想反口。又唔肯講明食物份量，咁點預食物，呢d 最基本資訊都冇？，結果半個鐘到已經冇乜野食剩。仲有guest杯又唔夠碟又唔夠，party食物又超普通，燒賣、咖哩角、三文治超普通，仲差過街邊小食店。同店員講洗手間門開唔到，超串話佢都冇辦法。整體食物一般，服務真係好差！一定唔會再包場同去！